صمَّاءْ الـباشا { قيد التعديل باضافات جديدة}

|البارت الثامن|

گعدت من الحلم باچي
خسرتك بالصدك والطيف!
.....

لــروايتي ♡
#صماء_الباشا
#بقلمي_بصره_الربيعية
#البارت_8_..

.....

مرات تظن انُ كُلشي تسوي صح'
حتى لو كان يأذي گلبك المهم ميأذي طرف منك بس متعرف أذية الگلب ما تعلى عليها أذية..

"ناعسة"
...مجرد ما گال كلامه واختفى
واني هذه وكفتي ، واگفة بصدمة
اباوع للمكان الي چان بي
حتى دموعي الي جرت على خدي
ما حسيت بيها!!

مو اني الي اريد هيچ ؟
هسة ليش داخلي ديحترگ!..
ليش احس بالنار دتاكلني
ومنو يكول طرقنه ما راح تلتقي
واني حصير اخت مرت اخوك!

فرح سحبتني غصب للكفتريا
رغم اجيت اروح لمكاني المعتاد "الحديقة"
گعدت مقابيلي ورى ما جابتلي كلاص العصير
من مقبلت اشربه اجت توكف وتشربه الي غصب
بس شربته گدامها لان كافي هوايَّ تفشلت اليوم.

حچت فرح واعرفها متسكت ،
لعد شلون إذا كان الموقف أمام انظارها وسمعها

فرح_ حـ حچي بس ها بدون زعل؛
... هزيت راسي إلها بنعم
استرسلت:
فرح_شوفي ناعسة أحمد واضح وضوح الشمس
هسة الي ساطعة دتشوفيها هاا؛
مية بالمية يحبچ '

وبعدين أنتِ ليش خايفة تتأذين
همَّ لو ميخافون منه چان راحوله
قابل ليش يجوچ
ثقي بس كولي "نعم" إله
وعتبي عليه اذا احد تجرأ وتقرب منچ
ليش لان هو راح يكون الحماية الچ
ليش مو بنفسه گدام عيونج تعهد يلگيهن
لچ شبيچ الرجال يحب المره الي تتحامه بي.

...كتبت إلها لاتلوميني مريت بطفولتي بمشاهد قاسية ما اگدر اثق بالغريب بسرعة اخاف على اي ساعة انغدر!

فعلا اني رغم اتنقل وابتسم ويه بنات قسمنه
بس  نجي للجد اني بعيدة كُلش وحتى من ريام وغيداء ابتعدت لأن أغلب الأحيان دامشي ويه فرح.

انتبهت لفرح بعدها عينها على كلامي بالدفتر
وتحك بجسر خشمها،
ندست على أيدها رفعت راسها
وكالت : ها ناعسة ، شوفي هسة لتفكرين
وامشي هسة حتبدي المحاضرة.

رغم استغربت صفنتها وليش غيرت الموضوع
بس أيدت كلامها ورجعنا لأن فعلا الا شوي
ونتأخر على المحاضرة.

انتهى هذا اليوم صح كان صعب بس وجود فرح
كان شوي أسهل من كعدت وحچت ويايَّ
احسها خففت عني.

رجعت للبيت چان ماكو صوت كُلش هدوء !
خفت لا ينعاد هذاك اليوم الي وگع بي بابا!..

بس الحمد للّٰه شفت نسمة بالمطبخ
دتاكل وتبتسم يعني ماكو شي.
عرفت منها ماما اخذت بابا للدكتور
علمود علاجه ، ونهلة نايمة.