وأعذرني چنت غَلطان
اجركّ للگلُب گوة!
لــروايتي♡
#صماء_الباشا
#بقلمي_بصره_الربيعية
#البارت_6_..
...
"نهلة"
مرت دقيقة ونص وهي ملتزمة السكون
ما حركت ساكن لا اي.. ولا.. لا؛
هوايَّ سألتها وأشرتلها،
وباكثر من صيغة للسؤال طرحتها عليها
الى أن نفذ صبري وانفجرت بوجهها!
نهلة_يااااابه شبيچ متحركين راسچ
لو حتى هذا جمدتي
حچيتها واني انقر على راسها بقسوة!
ما چنت اقصد بس هي نرفزتني،
قبل نص ساعة من طلعوا منا
وهي هذا حالها
سألوها ومجاوبت
وبابا طلب منهم بعد وقت تفكر بي
رغم انزعجوا بس ما أبدوا هذا بوجهنا
مباشرة انسحبوا بعد متسالموا
وماكالوا شي ابد.
بعد ما چانت عيونها بالأرض
رفعتهن الي وشفتها على وشك تبچي
عيونها انمِلت بالدموع،
رأسن خطر ببالي الي صار وياها بالجامعة
واني الغبية دـاصيح عليها
اخذتها بحضني وفعلا نزلت دموعها
بهالحظة شتمت نفسي اني ليش ما فكرت
بيها والي حصل وياها اذاها ،
حچيت بصوت: شهالغباء اني !
هاي لو ما كُلشي ادري!
رفعت راسها نظرتلي بنظرات تعاتبني
ابتعدت وراحت تبعتها بنظراتي
صعدت الدرج واختفت
اكيد راح تلم نفسها بفراشها ودموعها ما حتبطل الليلة!
فاتت نسمة وحچت:
_هذه ناعسـة شبيها !؟
نهلة_التفت وسويت نفسي دارتب بالمطبخ
واني اكُلها : مامبيها.
نسمة_متأكدة ترى أمي هسة تفتح تحقيق وياها وأنتِ بالنص اني داكُلچ من هسة بحساب أنتِ المتكلم الحصري إلها ؛
نهلة_كُتلها بنرفزة وصوت غضب :
وهسة شنو الي تريدي نسمة؟
شنو الي تريدين تعرفي.. تحقيق هو !؟
نسمة_ اذكرچ يا أُختي أنتِ قبل ساعات من هسة هم لزمتيني تحقيق شفتي شلون يتنرفز الخُلك داتعرفين هسة ، اجتي بالصميم!
نهلة_تمام ... كُلتها الها بتحذير تركتني وراحت هاي الثانية هم ما اعرف تصرفاتها بيها نوع من التمرد دتتغير لان مراهقة لو اكو سبب ثاني لتغيرها!
هدئت الأمور مع ناعسة ورحت وياها ثاني يوم للجامعة وحجتي كانت لامي انُ اخذلها إجازة باعتباري اختها الكبيره ،وبابا هماتين هيچ راد؛
چنت حاضنة كتفها من الأعلى
دااحاول اكون قريبة منها واعتذرلها فعلاً عن ردة فعل البارحة بعد ما اعتذرتلها كلاماً،
چنه دنمشي بممر شبه خالي من الطلاب
يمكن لأن الدوام بدأ،
بمجرد ما فاتت أقدامنا داخل الإدارة
رحبوا بينا ،شرحتلهم الوضع الي صار
ودزوا ورى عدة من الاساتذة والطلاب الي الهم عِلم بالموضوع،
حتى ينفهم الوضع أكثر؛
والي چان "أحمد"" وفرح" من ضمنه !
أنت تقرأ
صمَّاءْ الـباشا { قيد التعديل باضافات جديدة}
Misterio / Suspensoأُنثىٰ تَخْتَصِرُ الـنـِسَــــاء جَمِيلةٌ حَمْرَاءٌ كالبَتْـــرَاء رُوُحَها عَجِيبَةٌ خَـضْــراء أَمِيرَةٌ في بَيتِ الأُمـــرَاء يَحنيِ لها أشرُ الاَشْـقِيـاء ڪـُلُ هذا وَهِي صْــمَـــاء لـروايتي#صماء_الباشـا #بقلمي_بصره_الربيعية تنويه🛑 القصة جر...
