الورد مو باللـزم بـالشم گلت للروح
و شفته ومالـزمته و حيـــل شميــتـه
لـ سمير صبيح |
...
لــروايتي♡
#صماء_الباشا
#بقلمي_بصره_الربيعية
#البارت_9_...
...
"نهلة"
مرت أيامي واني بين خبصة السوگ
وبين اختياراتي الي حَيرت بيها حتى اهلي؛
امي مقبلت أثقلهم هوايَّ
مجرد اشياء نازكة وبنفس الوقت ما تاخذ هوايَّ
بكل الأحوال الحفلة محتصير هنا اكيد
بقاعة لأن ناسهم وناسنا هوايَّ
صار على كم ليلة يجون يتفقون على أمور الخطوبة ، نسمة تتوسل بيه اطلع اني اودي الهم التقديم بس اني حيل اخجل اصلا أظل بالمطبخ بعد ما اطلع بس نسمة
تروح تسمعلي وتجي تكُلي وهيچ هيچ
خلصت وبدأ وقت الجد،
چان اليوم اخر يوم لتبضعنا ورجعت واني هلكانه
سحلت نفسي سحل الا صعدت الدرج،
جايه افوت لغرفتي ولفت انتباهي باب
غرفة ناعسة الي چان مفتوح؛
مشيت بخطوات بطيئة وميلت راسي اشوفها
چانت نايمة چفي على وجهها !
فتت إلها بعدت شعرها الي چان مغطي صفحة وجهها الخ ،
مبين عليها چانت سهرانه ومو بس سهرانه
وباچية!!
هي لحد هسة ما صار إلها واهس تضحك
وتكعد ويانه مثل الأول أو تشاركني الفرحة
بابا على هذا حالها قرر يأخذها للطبيب يظن بيها مريضة فعلا،
حتى فستانها اختارته بدون نفس
اشك انها حتى شافته زين أو لا!
گلت اطلع واعوفها تكمل نومتها
مجرد ما التفتت فجأة صاحت نسمة وهي
تدخل:
نسمة_ اگُلچ نهلة بكرات الشعر
شوكت...
نهلة_لمن خزرتها سكتت ، أشرت الها تطلع برى
رحت وراها '
شكو جايه تصيحين وين راح الي تعلمنا
ونزاكة الصوت وغيره؟!
گلبت عيونها وتركتني وراحت
هالبنية يراد إلها ضب واني أعرف الي يضبها
صار اليوم الثاني وهو اليوم المنشود
چان الصباح كُله بالصالون
سويت اول شي چان ببالي وهو صبغت شعري
ما اريد احد يحچي لمن يشوف الشيب الي بي!
صح فترة ويوگع صبغه بس المهم هو اليوم وباچر.
معرف ليش اجو ببالي أهلي ،
وشلون من هسة گلبي يألمني،
شلون راح انام بعيدة عنهم شلون حـعيش
حياتي بدون ما أصبح كل يوم بوجههم ،
تذكرت عمو رازي
وهو يكُلي من شافني ساكتة وخجلانة اشاركهم
الحديث..
_ها عمو بعد كم يوم تلبسين البدلة البيضة
ما اوصيچ بعد عمچ ألزميها وخنخني بيها كل شوي
صاحت بي عمتي كالتله اكعد عن البنية
كلها قابل اني مچذب متدرين بـ علام شكد معلق بناته بي هاي امهن وسأليها امي ضحكت وكالت هاي سنة الحياة بعد.
أنت تقرأ
صمَّاءْ الـباشا { قيد التعديل باضافات جديدة}
Misterio / Suspensoأُنثىٰ تَخْتَصِرُ الـنـِسَــــاء جَمِيلةٌ حَمْرَاءٌ كالبَتْـــرَاء رُوُحَها عَجِيبَةٌ خَـضْــراء أَمِيرَةٌ في بَيتِ الأُمـــرَاء يَحنيِ لها أشرُ الاَشْـقِيـاء ڪـُلُ هذا وَهِي صْــمَـــاء لـروايتي#صماء_الباشـا #بقلمي_بصره_الربيعية تنويه🛑 القصة جر...
