#زواج جنِي لـملاك المغربي ❤️🔥 .
لايك قبل ماتقري ❤️ .
حور : اسمعي
نور : نعم ؟
حور : نبي نحكي لمؤيد
نور : طيب فينا اللي عقلتي من الاول قتلك صح ولا
حور : صح .. لكن نشوف فيها ثقيلة ومش حلوة في حقي
نور : لكن عفريتة حلوة في حقك ؟
حور : هضيسماا وانتِ تلهطي ! المهم انا مش ح نخش عليه انتِ احكيله كل شي صار و قوليله يخش علي لكن رد بالك تقولي ان انا اللي قتلك !
نور : طم طم
حور : جعم 🙂
حلا : هياا يـ خرا
حور : هيا و لتفتت تسلم علي نور : باي ينويرا
نور : بعسلامه يا يام 😂😙
حور : صار بعسلامه يـ فقمة 😭😂 .
نور : هنعم
حور : انزرفي هي وجك 🌹
نور : وجك
__________
الساعة 2:30 فالليل حور كانت طالعة من الدوش وتسمع اشعار ع الواتس
حور : هذا من توا ؟
الرسالة : نبي نحكيلك موضوع ضروري
حور خشت ع البروفايل ولقاته مؤيد 🤦🏻♀️
حور : خرفي ماصدق سبع البرمبه , وشافت المسج بلا ماترد وصبت تجفف في شعرها .
كملت حور مش تجفيف شعرها وظلمت الدار وخشت لسريرها ومكست تلفونها لقت مؤيد دازلها
مؤيد : تشوفي بلا ماتردي شرينتي ثقيله وهكِ 🙄
مؤيد في رسالة اخرى : اسمعي را البلوة اللي جاتني جاتك ف ماديرش روحك مش مدورتني و ردي خلينا نلقو حل لـ هالطرنج
حور : احكي ؟
مؤيد : نفس اللي صار معاك يصير معاي , جو عفريته واحلام وخيّال يتبع فيا في كل و احساس اني مراقب !
حور : الزبدة
مؤيد : نديرو اللي تبيه
حور : نزوجك !!!
مؤيد : نزوجو* 🙂
حور : مُستحيل
مؤيد : وليش ان شاء الله !
حور : مُستحيل و خلاص
حور بكت كل حاجة : انا خليت نور تحكيلك نبيك ادور حل لمصيبتي مش تخششني في مصيبه اخرى
مؤيد بكسرة خاطر : انا مُصيبة 💔
حور : زواجي بيك مُصيبة
مؤيد : سبحان الله حتى انا شن كنت نرجى من بنت مُعاذ 🔥
حور : صقع عليك بنت مُعاذ و حطاته حظر 🔥 .
( شعوو مُويد وقتها كان مخلط كسرة علي كره علي غضب حزن يعني اكثر من شعور في وقت واحد ! )
مؤيد ..
( حبيتها ! ماننكرش اني نحبها و انها عاجبتني من هي وصغيرة 💔 كنت مسميها جوزتي رغم فرق العمر اللي بينا كنت نغار من ابسط حد يحط عينه عليها حتى وهي طفلة 💔 اول ما خشت اولى اعدادي ونا عمري 24 سنة بديت نحاول اني نطلعها من راسي 💔 حاولت اني ننساها وكلمت بناتت واجد وجربت اني نتوب من العلاقات العابرة ونستقر مع وحدة غيرها وفعلاً كلمت بنت . لكن بنت خسارة فيها حتى كلمة رخيصة ! بنت خانتني مع ولد عمي ! بنت علي ما حاولت اني نسامحها ونحبها ماقدرتش ، بنت نشوفها هي و ولد عمي و ماسكين يدين بعضهم ! بنت سحرتني عشان نحبها لكن سُبحان الله حتى السحر وقف ضدها وضد وجودنا مع بعضنا ! حتى السحر يبيني مع حور مش مع غيرها ! مع حور المغرورة مع حور المُتكبرة اللي تستصغر فالناس ! نحاول نبين للناس اني مش مهتم بيها لكن مانقدرش لازم كل يوم نفتح الكافي من الساعة 7 عشان نسبل ونشوفها مع نور وهنا ماشيات للمدرسة كنت نتأمل فيها كل يوم لازم نشوفها حتى فالعطلة بأي طريقة المهم نشوفها فالنهاية 💔 ركبت كاميرات علي طول طريق المدرسة لحوشهم عشان نشوف اذا حد ضايقها وهي مروحة ! حبيت بنت عارفها تحب غيري .. بنت تموت في غيري ونشوف فيها من هي وصغيرة عينها علي ( علاء ) ولد عمها علاء اللي من نفس جيلي بيني وبينه 4 سنوات بس ! حبيت البنت اللي نعرف انها علي علاقة مع ولد عمها ونشوف فالهداية طالعات خاشات علي حوشها من ولد عمها ! حبيت البنت اللي شفت الكسرة في عيونها بعد فرقوها عن ( علاء ) هههه مش عارف كيف بنقولها بس فرقوها عن حُب حياتها ! واللي فرقتهم بنت عمي نفسها اللي لمار خانتي مع خوها 🤦🏻♀️ بنت عمي اللي كانت صديقة حور . او بالاحرى اخت حور بسبب غيره فرقتها عن اللي تحبها ، ماننكرش اني فرحت لما سمعت الخبر , بس اول ماشفت حور وشفت عيون حور و الزعل اللي واضح فيهن هنا تمنيت اني نمشي لعلاء ونقوله الكلام اللي سمعته كله كذب ، رد لحور ! تخيلو كنت نبي نمشيله عشان يرد للبنت اللي نحبها ! بس عشان مانشوفهش زعلانه و مكسورة ، بس نحن نحكو علي بنت مُعاذ ههه سبحان الله كيف ردت حور الصامدة الخامدة 😂 في يومين ردت نظرت الغرور في عيونها وراحت الكسرة ، ضحكت علي روحي لما اذكرت اني كنت بنكلم علاء 🤦🏻♀️ .
بس مهماً كان هي عندها الحق تقولي الكلام هذا حتى لو كان يجرح 💔 بس بنت مُعاذ صاحب الشركات والمصانع تجوز مؤيد ! صاحب قهوة اللي أجار ياريته غير ملكه 🤦🏻♀️ ،لكن حور لازم تكون ليا غصب عنها و بأي طريقة 🔥 )
