#زواج_جني❤️ ، لـ ملاك المغربي ❤️ .
هـي نبدو ...
عند كريم ..
خش عليه راجل ملثّم
الراجل : انت ولد الفاروق ؟
كريم يشوفله ببرود لان الراجل عليط يسأل فيه وهو مسكرله فمه .
الراجل استوعب الوضع وفك اللصقة : جاوب علي سؤالي انت ولد الفاروق ؟ ( طبعاً الراجل كانت بُنية جسمة ضخمة وصوته غليظ و دبشه كإن عسكري ! )
كريم ولا كلمة ويشوفله بإستفزاز .
الراجل علا صوته : نحكي معاك ولد من انت ؟،
كريم : والله انا بروحي ندور ف اجابة لسؤالك .. ولد من نا 🔥؟
_______
الراجل بإستغراب : كيف في حد مشعارف من بوه ؟
كريم : انت شكلك من الاول مش عارف روحك من خاطف .. كذا الله يربحك فكني وخليني ندب علي حالي وراي عرب اكيدة يدورو فيا .
الراجل : لالا نا عارف روحي من خاطف .. اللي شراني عشان نخطفك ونقهرو بوك لان رئيسي عند ثار معاه و عطاني اسمك و موصفاتك و وين تسكن و من مناسب اخرى وشن تشتغل و قالي انك كبرت في دار ايتام رغم ان بوك عايش لكن مقالش انك مش عارف من باتك !.
كريم انصدم بس حب يستمر ف برودة قدام الراجل : باهي دوبيني مانعرفش الشايب اللي قتلي عليه ودوبينه عازقني عليش خاطفيني !!
الراجل : قتلك عشان نذلو بوك !
كريم بدا يتنرفز م الوضع وبدا يعيط: انت جاهل ولا تجاهل علي نقواك الراجل عازقني من نا وعمري ايام !! ومعيشني مذلول بلا هوية وبلا اسم .. تحسابو رواحكم لما تقولوله خطفنا ولدك اللي ماتندريش عليه وين يدب الموضوع يبي يأثر فيه تحسابوني نهمه ولاكيف !
_______]
الراجل : مانندريش انا عطوني فلوس عشان نخطفك ونخليك عندي لعند امتى مايقولولي نطلقك ولا نقتلك !
كريم طول اذكر نور وشن قاعد يصير فيها توا !
كريم : باهي خليني عندك لكن وراس غواليك عطيني نكلم هلي .. وبدا يلقط ف انفاسه .. مش ح نقوللهم مخطوف ح نقوللهم نبي نسافر الله يربحك اكيدة منشغلين عليا
الراجل ضحك بهزوة : هههه قالك هلي .. تي دور علي من تزلبح 🤣 وطلع و سيّب كريم يفكر في نُور وشن صاير فيها 💔 .
_____
عند نور ...
وصلت حُور و أحمد ونور كانت منهارة حرفياً !
حُور حظنت نور : لا يحبيبي مُش هكي 💔 .. ان شاء الله خير يعيوني
نُور تبكي : ي حُور حي عليا 😭💔 كان تصير فيه حاجة نموت 💔💔 آه يحبيبي انظر وين قاعد وشن صاير فيك 😭💔💔
مُحمد يهز في راسه بكل حيله : لا إله إلا الله ... خلاص ي نور وحدي ربك و ان شاء الله يحميه لكِ
حميدة : من الاول انا مش راضيه عليها الجيزة هذي .. واحد لا أصل لا مفصل حتى وين يريح ماعندك كيف ادورّه
محمد نت فيها : سكري فمك ي وليه و اطلعن من حذاها خلنها مع حُور وحدهن تو يتفاهمن .. وطلع ولحقنه حميدة و خذيجة .
أحمد مصبي قدام الدار و ماسك يد الباب : لا حول ولا قوة الا بالله انا نبي نعرف مُؤيد وين يريح ف المواقف هذينا
حُور تنوفزت لما سمعت اسم مُؤيد وباين عليها ان من اعراض الوحم : انعنه لا عاد ظهر طريق جدي اللي مات وما ريته .. اطلع حتى انت بلا ثمايرك اللي توزع فيهن
احمد تخزرط : به خلاص وطلع وسكر الباب .
حُور حاظنه نور .. و نور تبكي و بس !! .
