#زواج_جني ❤️ .
( للكاتبة : ملاك المغربي ❤️ ).
طبعاً بنات انتن عارفات ان هذي أول رواية وهكي ف اعذرني عشان الاخطاء الاملائية وتقصير ف تنزيل الحلقات ❤️ .
زي ماقتلكن اصحاب القصص عطُوني نُبذة مُختصرة نقدر نحكيها ف سطرين ، لكن نحاول قدر المُستطاع اني نزيد احداث مقاربات من واقع الرواية ❤️ .
وماتنسنّش التفاعل عشان نستمرو وانزل اول بأول ❤️.
__________________________
عند كريم ....
فتح عيُونه .. لقى روحه ف غرفة فخمة واطلالتها ع البحر .. ناض قعد يستوعب هو وين ويحاول ان يذكر من وشن اللي جابه هنا بس ماقدرش ... بعد ما صحصح وردله توازنه قرر ان يطلع من المكان اللي هو فيه ويمشي لنُور ... فتح باب دار وقعد يتفقد ف الممر اللي كان مُطل علي صالة فخمة ومالقش فيه حد .. قعد يمشي بخطوات بطيئة من خوف يشوفه حد لعند ما سمع صُوت ينادي عليه ..
... : كريم !!!
كريم لف بكل ثقة مع ان ف داخله خايف يظروه ولا يديروله شي ومعش يشوف نور : شن تبو متي ؟
الراجل : هي لولا آنستني ، والتالية تعال ف المكتب نتفاهمو
كريم لحقه بكل ثقة وبرود مع ان داخله تساؤلات واجد
الراجل قعمز ع المكتب وشيّر لكريم بمعنى قعمز ، الراجل : تفضل
كريم قعمز بكامل ثقته و شخصيته : غني غناوتك و خلصني وراي هموم
الراجل : تبيش تعرف نا من ؟؟
كريم ببرود : من بتكون مثلا .. مُراد عالمدار !!
الراجل يحكي بهيبة : ريت هالحاجة الكبيرة
كريم : حتى انا ماريتش فيك حاجة كبيرة
الراجل : نعرفك علي نفسي قبل ... انا اسمي الفاروق
كريم اذكر كلام الراجل اللي كان خاطفه لما سأله ( انت ولد الفاروق ؟ ) ، لكن ماحبش يبين اهتمامه رغم ان كان ف داخله احساس ان الراجل هذا له علاقه بدمار حياته 💔💔
كريم : به بجودة .. ونا كريم ! ... وصبى بكل هيبة .. خلاص تعارفنا و حز هالطرنج .. وجاء بيطلع وقفه الراجل ..
الفاروق : أنا باتك 🔥
كريم حس كإن ميّه ساخنه نكبّت عليه .. كيف باته !! كيف هذا الانسان اللي عزق ولده ف الشارع وهي عمره ايام 💔 !! كان يكذب ف الفكرة ويتمنّى يعيش طول عمره بلا بات ولا هوّية ولا يعرف الشخص اللي عذبَه سنين 💔🔥.
كريم لف بكل ثقه مع ان داخله متحطم : هه نُكتة سمحه .. بس نا ماعنديش بات .. وجاء بيطلع لكن رد التفت ع الفاروق : ولا شرايك نقولك ان انا باتي الشارع 🔥 ؟
الفاروق حس بكمية من تأنيب الضمير لكن كان عارف ان ما غلطش لما باعد كريم عنه .
الفاروق : ما شاء الله عليك وارث الهدُوء من باتك .. خلاص مدابيك هادي وموسع بالك قعمز نحكيلك كل شيء بعدين انت عندك الحق ف قرارك اذا تبي تصدق ولالا
كريم : نسمع لكن بشرط
الفاروق : اشرط
كريم : تعطيني تلفون نكلّم هلي
الفاروق : قعمز نحكيلك وبعدها نشيلك بروحي شور هلك علي قولتك
كريم قعمز وهو داخله بُركان يغلي مش متحمل يسمع كلام من الراجل اللي قدامه رغم ان ف خاطره يسمع القصة لكن قلبه و عقله عند نور اللي مش عارف شن صاير فيها 💔💔
( طبعاً الفاروق كان عارف ادق التفاصيل علي كريم وهو اللي دبرله شغل وجاه لعنده ، وعارف نسبته بعيت محمد وعارف قصة وفاة اهل نور لكن ماخبرش لان برضو عارف قديش كريم يحب نور ومايبيش يخبره قبل مايحكيله القصة لأن متأكد ان لو كريم علّم مستحيل يقعد معاه ولا دقيقة اخرى 🔥 ).
الفاروق : طبعاً زي ماقتلك انا اسمي الفاروق كنت متزوج وحدة اسمها عزيز اللي هي المفروض امّك
( كريم لما سمع كلمة امك حس سكين انغرس ف قلبه لكن ماحبش يبين للفاروق لأن كلنا عارفين ان كريم قوي وتخطى اللي اكبر من هكي ❤️ )
