#زواج جِني لـ ملاك المغربي ❤️🔥 .
لايك قبل ماتقري ❤️ .
حور ..
تعالو نحكيلكم عن مُشكلتي .. لا مش مشكلتي كابوسي . انعم كابوس يلحق فيا وكابوس اسمه مؤيد هذا المخلوق اللي كان زاقبلي عمي محمد الله يسامحه جاء وعطه كلمه عليا لمؤيد ولده وبابا الله يسامحه وافق وعطاني له قبل 3 شهو 🤦🏻♀️
اللهم اني لا اسألك رد القضاء ولكني اسألك اللطف فيه يعني الانسان هذا صح وجهة جميل لكن نكته مجرد ما تشوفه تضحك عليه🤦🏻♀️ استغفر الله العظيم لكن تحسوه زارط يتمايل مش عارفه ربي وين حاطه يعني كله علي بعضه مسرحيه كمودية😭😂 وطموحة اني نحبه ونرضى بيه هذا اكبر جزء مضحك من المسرحية ! ومايفهمش يرا مفهي مش عارف شن الموضوع ديما علامة تعجب حمراء فوق راسه يعني حرفياً مُصيبة 🤦🏻♀️😂 .
فاشل في دراسته ويسقط وياخذ السنة سنتين تخصص طيران بعد 15 سنة من الدراسة فالمدرسة ، عالعموم تخصص وقرا اول سيم قعد فيه 3 سنوات 🤦🏻♀️ بعدها وقف قيدة وفتح الكفي المشؤوم .
طولنا فالسب استغفر الله العظيم 😭 المهم ان هو ماينسبنيش انا وياه اتجاه معاكس ماكنتش متخيله ان نهاية دنيتي علي وجه مؤيد ماكنش متوقعة اليوم اللي يجوني فيه هلي ويقولولي بكرة فرحك انتِ ومؤيد ماكنتش متوقعة اني بنقعد معاه في حوش واحد .. ههه حوش ! قصدي شقة ! كنت نقول ياربي خوذني ولا خوذه اهم شي مانكونش له ومعاه في دار وحدة ..! معقولة انا اجمل بنات العالم وبنت اغنى رجل في منطقتي نجوز مؤيد صح مؤيد جميل لكنهه مؤيد !!!
وانا في كامل اناقتي وفي فستاني الابيض وقاعدة في كوشتي ونلتفت نلقى حذاي مؤيد ! لاء ويضحك اخرى ويقرب ويمسك ايدي ونا مغير نعيط ✨ : لالا لا مانبيش 😭 ، فجأءة توعيني ماما ...
اسماء : حور ! بسم الله عليك شن فيك ؟
وحور ناضت من نوم وتبكي قعدت تتلفت يمين ويسار وتحمد في ربها اللي كان حلم وطارت طيران لامها وحظنتها
حور : ربحكك يماما ربحكك مافيش مجال تغيرو رايكم ، وراسك يماما مستحيل ناخذ مؤيد اقعني بابا 😭
اسماء : مُستحيل يـ بنية اسمعي واسكتي را يسمعك بوك والله يذبحك شن زرك من الاول عليش ورضيتي لما باتك عطى الراجل كلمة
حور اذكرت قصة الجنية : كان عندي سبب جبرني لكن توا والله لو يقطعو رقبتي ما ناخذه 💔💔💔
اسماء : نور عارفتك ماتبيش خوها ؟
حور : نور عارفتني من نبي
اسماء قرصت حور : موضوع ولد عمك انسيه خلاص
حور : مش ح ننساه يماما مش ح ننساه وكان تحسابو زواجي من الفاشل هذا بينسيني معناها انتم غلطانين 🔥
اسماء : تحشمي يبنية خلاص عيب عليك هكِ وبعدين ولد عمك نساك وانتِ قاعدة اتقطعي عليه ، والله لو يعلمك باتك يقتلك
حور بصوت عالي وبطريقة هستيرية : ويقتلني يماما يقتلني ارحم من عيشتي مع مؤيد !
اسماء : خلاص يـ بنية بكرة فاتحتك على مؤيد ! ما تضايقيش روحك وافرحي وطلعت وقفلت الباب علي حور .
حور غطت روحها بالبطانية وبدت تبكي خايفه من الواقع الاليم 💔💔 .
حور : والله نجوم الليل اقربلك مني يـ مؤيد !
وطلعت البوم صور كاين في درجي وقعدت نتفرج علي ذكرياتي مع خوتي ( نور و احمد ) وطلعتلي صورة فيها انا و مؤيد كان عمري 5 سنين وكان ماسكني بس لو نعرف من اللي صورنه هذك الوقت الله لا تربحة 🙂💔 .
ورديت بذكرياتي لاورا ايام كان عمري خمس سنين كنت ديما نتعارك معاه وسبحان الله من انا وصغيرة مانقبلش 🙂 بس هو كان يحبني وعلي قد عملي الاسود عمره ماضربني وكان ديما يشريلي في حلو وشكلاطة يرشي فيا المنبر 😭 وكان حوش عمي بات علاء مقابل حوشنا وعلاء هذا كان حوبي الاول علاء الطفل المدلل اللي فالشارع كان عمرة 6 سنوات وكان ديما ينت فيه مؤيد وديما في صراعات مستمرة بين مراهق فالاعدادي وطفل عمره 13 سنة وطبعاً بسببي 🙈
انا بس نلعب مع علاء ونتعاركو مع مؤيد واحمد 🌹 .
ومؤيد كاين يغار من علاء 😭 و مرة شافني ونا طولت فاللعب مع علاء كرني من عند شعري و حطني في سور حوشنا وقالي ماعندنش بنات يذوحن عقاب الليل 😂😂
خلينا نرجعو للواقع ...
