#زواج_جني_لـملاك_المغربي ❤️ .
هي نبدو ..
حلا استجمعت قواها وردت بقوة واندفاع : ألو ؟
علي بتردد : ءء ألو حلا
حلا : اختصر شن تبي
علي : نبي نتفاهمو ي حلا ... انا تعبت ومعش نقدر راهو كنت مدمن وسيبت المخدرات عشانك لو تذكري وتوا تعبان يحلا خايف نرد للمخدرات ترديلي انتِ 💔💔 .
حلا : ع شن نتفاهمو بالله عليك لو كنت نهمك را
علي خنقاته العبرة : را شنو ؟
حلا : خلاص فوت تصبح علي خير
علي : لالا ارجي .. وبدا يبكي لا ارادي : لو كنتِ تهميني را مانخطفتش مثلاً وماقعدتش نتعذب شهور عندهم !!
حلا : لو كنت نهمك را حكيتلي انك متورط مع مليشيات مغرّب بيش الواحد يعرف وين يدورك ي علي مش معقول را 💔💔 .. ( ربط المواضيع 🥲↖️↖️).
علي : معش فهمتك انا معش فهمتكك ... جاوبيني من الاخير تبيني ولالا ؟؟؟؟؟؟؟؟؟
حلا ساكتة وبس ..
علي : ألو ... اوووي حلاا ؟؟ .. تبيش تردي ؟؟ ..... تمام هي ف امان الله .. وجاء بيسكر
حلا بصوت واطي : نبيك ❤️
علي فرح لكن مش متأكد من يلي سمعه : ن نعم ؟؟
حلا : نبيك ي خرا
علي طاير من الفرحة : تبيني حلا ؟؟؟ والله تبيني .. وقعد يعيط ويضحك ... هههههههه شهادة من دينك تبيني 😭😭
حلا : يرا نبيك نبيكك هضيسما تقول كاذبة عليك من قبل 🙂
علي : لالا خلاص آسفه .. سكت شويه .. واللهِ تبيني؟
حلاا : واككك عليك حاله .. خلاص علي بنسكر
علي : لالا خلاص خلاص والله خلاص ..
وكملو الليل كله هدرزة وضحك ❤️❤️ .
( محلاه الشعور لما تردلك حاجة كنت تحساب روحك خاسرها من زمان ❤️ ).
_______
الساعة 9:30 الصبح
عند حور ...
نضّت نحس ف عظامي مدقدات كإني كنت نجري ماكنتش راقدة ... قعدت نشوف للسقف حاجة 10 دقائق لعند استوعبت كل شيء صار .. كان خاطري نبكي لكن تعبانه ماعنديش حيل للبكاء .. لميت روحي وخشيت دوشت عشان نصحصح ونستقبل العاملة .. طلعت جففت شعري و بدلت دبشي لبيت بيجامة ستان لونها عنابي حسيت ان ليا زمان ما اهتميت بروحي .. نزلت كملت العاملة و قالتلي ربع ساعة وتوصل .. حسيت ربع ساعة واجد .. اوف قصدكم مازلت بنقعد ربع ساعة بروحي !! شن الازمة هذي .. الله يسامحك ي مُؤيد .
قاطعها صوت الجرس ...
حُور : من ؟.
لمار : افتحي .
حُور : من افتحي !.
لمار : تي اني لمار !!.
حُور فتحت الباب وهي مازالت مصدومة .. شن تبي جايتها لمار .. معقوله تقعد ساحرة مُؤيد من جديد ؟ .. ولا جاية عشان اللي ف بطنها طلع ولد مُؤيد ؟ .. ولا يمكن تابت لربي جاية تعتذر ؟ .. ولالالا .. في مية سُؤال ف راسها .. قاطع تفكيرها صوت لمار ..
لمار : الوووو هل انتِ هُنا ؟؟
حُور ردت ببرود : اها هُنا .. شن تبي تفضلي ؟.
لمار : نبي نصارحك .
حُور : لالا حبوبي صحيتي مش عايزتني صراحة .. تفضلي ادردحي و رجاءً معش تجي شور حوشي 🔥 .
لمار وعيونها يبرمن ف الحوش كله : هههه هدا حوش ؟ هادا اسماه قصر قالك حوش 😅
حُور : حوش براكة انا حُرة شن نسميه ! اختصري احسن م نكلم الامن ؟
لمار : تي خيرك هدي اعلينا هدي
حُور تنرفزت : تبي تقولي النم اللي ف عقلك ولا كيف يصير فيك 😡 ؟
لمار : لالا خلاص تو نحكي ..
حُور : نسمع ؟؟؟
لمار : مُؤيد راجلك .
حُور : كنه مُؤيد راجلي ؟
لمار : ف امريكا .
حُور تضحك باستفزاز : ههههههه و اللهِ امريكا .. نحسابه ف مُوزمبيق 😒 .
لمار : اي ف امريكا لكن عارفتيه علاش ماشي غاديكا ؟
حُور تعايب عليها : لا ميش عارفه علاش ماشي غاديكا 😒
لمار بخبث : امالا اني بنعرفك
حُور : الزبدة !!!!
لمار : راجلك مشى لامريكا عشان يتجوز انتِ هنايا راقدة علي ودانك 🤭🔥
حُور نصدمت من كلامها لكن مابتش تبينلها : به خلاص مبروكين علي اللي جاته .. مربوحة هي ادردحي 😍💔
لمار نصدمت من برود حور : تي انت من جدك تحكي !! اني نقولك راجلك تجوز
حور : طريق جدي و مراحيمي .. هيا اربحي
لمار : صدق اللي قال انك مغرورة ومايهمك حد 🔥
حور : انزرفي من يلا وجهي !!
لمار لمت روحها وطلعت بعد الاهانات اللي خذتهن .
و طلعت برا قعدتزقريب 5 دقائق وهي اتأمل ف حوش مُؤيد .. بعدين ركبت التاكسي وسقدت ..
