#زواج_جني_لملاك_المغربي ❤️ .
حُور وجهه معبه دم متختيش : طلقنيي
مُؤيد انصدم 😨 : من جدكك حور ؟؟
حور : لالا مش من جدي 💔😭 .. ونهارت بكاء
مُؤيد خذاها ف حظنه : آسف يعيوني و الله بروحها جتني ... انتِ عارفتني مُستحيل نخونك يحور عيوني
حُور تبكي وبس ..
بعد يمكن 5 دقائق حُور صحصحت ودفت مُؤيد : خلاص حول
مُؤيد : بسم الله عليك يعيوني .. وقعد يساعد فيها عشان تصبي
حُور ماقلتش ولا كلمة ومشت لدارها فوق
حُور تنضف ف الجروح اللي ع وجها وتحكي مع روحها كالعادة : خزيي عليهااا ... اووف عليك السمحة كلا هييي ، انتِ يحُور نجاك ربي اللي مازال يبيك مُؤيد و الصبايا السماح هذينا كلهن يجرن ف جرته .. لكن حتى هو تافهه يفتحلهم ف مجاال ليششش .. هه يكلا مجال هذين فتحلهن حتى باب حوشي هالواطي المنحط
وصبت تبي الحمام لقت مُؤيد وراها
حُور انفجعت : سلام قولٌ من ربي الرحيم .. يحمار العرب تقول دستور مش تقتحم
مُؤيد يسلح ف تيشيرته : حوشي النهارات لمن نعطيه الدستور
حور : للعرب اللي ساكنه معاك ي سيد 🙂 .. وخشت للحمام ودلفت الباب وراها .
حُور ...
خذيت دُوش ع السريع و درت مرطباتي كالعادة ولبست رُوب نوم و مشيت لفراشي .. قاعد حذاي زي الصنم تقرل ماهو داير فالطة .. صخصخ 💔🙂 .
وطفت الوناسة اللي جنبها و رقدت
مُؤيد : كل م نقول خلاص اصلحت علاقتي بحُور لازم تطلعلي حاجة تخرب تعب السنين هذا كله 💔💔💔
ان شاء الله تسامحيني وخلاص يحُور 💔 .
_____
صباح ثاني يُوم ..
حًور ناضت بعد مُؤيد كالعادة لقت م لقتش هدية !.
حُور : هذا كنه ! ان شاء الله غير مش غلطان و زعلان بس ، و اللهِ بالناقص منه و من هداياه .
وصبت دوشت وصلت وغيّرت ونزلت م لقتش فطور!.
حُور : مشطبيعي الراجل هذا تو من اللي مفروض يزعل و ينسفط نا ولا هو 😂😂😂؟.
ودارت فطُور لروحها و جهزت الغداء و رنت علي مُؤيد .. لكن ترن عليه مُقفل ؟.
حُور : معقولهه يرا ! طريق جدي م يهمنش الحمار .
ورنت علي نور ..
حُور : ألو
نور : مرحبب
حور : شن جوك نويرا
نور : حمدلله شن جوك انتِ
حور : جو زعم الكبد تعرفي امس لما روحت منكم لقيت وليه ف حوشي مع عمك عمرك ريتي 🙂 ؟.
نور : سلام قولٌ من ربي الرحيم .. وليه إيسما العفو ي عافي !
حور : صاحبة عمك من امريكا ! جايته ف حوشي ي حنه وتقوله طلق مراتك وخوذني نا
نور : صخصخ عليك صحيحة وجه كلا هي
حور : اوفر بكل تخيلي انها ضربتني قدام عمك !
نور : قصدك عمي سكتلها
حور : لالا دروحه ضربها و وجها قدام الحوش ، المُهم انا زعلت منه و ولويت وجهي عليه ، نظت م لقيتش ونرن عليه مقفل الماغولي
نور : اها صح اذكرت مبدري جاني احمد دزه مُؤيد
حور : باهي ؟
نور : قالي نقولك ان جاه عمل ضروري بكل ف امريكا ومشى بدون م يحصل وقت يخبرك .
حور : و الله ! م خبر احمد .. عليك بودعه
نور : مش عارفه عاد
حور : م قالش امتى مروح ؟؟.
نور : قال مطول مرات يقعد شهر بالقليل
حور : هذا معرس امالا 🙂
نور : هههههههه شكله هك 😂😭
حور : وكعلييي كان م يقعد ماشيلها بس و الله ننتحر
نور : لا أظن
حور : لالا ظني يمي ظني ، عمك هذا م عنديش فيه ثقه
نور : ي حور عمي يحبك اكثر من اي حد ف العالم صدقيني مستحيل يخونك صح يصمط عليك لكن مش ح يخونك مستحيلللللل .
حور : ينقنى رزيل وديما يصمط .
نور : كيف احمد 😂😂😂
حور : لالا احمد نجلي حانط و ارحم من عمك اللي عندي هذا حصله كل يوم وجه
نور : مشطبيعي اصلاً قول خاطري جاته حاله من اول م خناته لمار
حور : وليش بتجيه الحاله مش ع اساس م كانش يحبها ولا غير يتبلعط عليا 💔🥲؟
نور : لالا م كانش يحبها لكن و جعاته منها ومن ولد عمه ي حور لو مش فاطنه ان خاناته مع ولد عمه .
حور : خزي يعني ماحد يبي يتغدا معاي قصدكم
نور : تي لا وحياتك جايتك انا و احمد ، غير قولي شن دايره غداك بس 😍 ؟.
حور : رز بالخلطة .
نور : ابب علي هالعينة جايتك تو يمي .
حور : تمام ونا تو نكلم حلا ؟
نور : ايواه كلميها اصلاً اكيدة مكسدة ينويرتي .
حور : بكل متوحدة كلا هيَ 🤣🤣.
نور : هيا وجك خليني نغير و نكلم احمد .
حور : انزرفي ... وسكرت الخط ورنت علي حلا ..
حلا : اهلاً ي الاخت الحامل 😍🤣
حور : اهلاً ي الاخت العانز 🥹😂
حلا : ههههه هذا دمك ولا سحلب خاثر
حور : لالا زبادي وهههههههههه
حلا : مكلوبههه يرا 😂😂😂😂
حور : شن جوك وشحال موعا و اسماء و شحال مهاب و عمران حسني مرايفه عليهم
حلا : بخير الحمدلله م عند حالنا سو شن جوك انتِ ؟
حور : اهو كويسه .
حلا : كنك شن دار مُؤيد المرة هذي .
حور : حكتلها قصة منال و مشية مُؤيد ل أمريكا
حلا : وكعلييي كلا هو مش طبيعي 😂😂
حور : جديات انا فقدت الامل منه ، المهم تجي اتغدي معاي ؟
حلا : به تو نجي ، شن رايك نكلمو نور معانا ؟
حور : كلمتها قبلك 😂😂😂😂😂 جايه هي و احمد
حلا : ما شاء الله عامرة الحكاية 😂
حور : بكل
حلا : ديما عمار ديما زها
حور : و ديما مغاربة و ديما بنغازي 🤣🤣🤣🔥.
حلا : ههههه هي باي توا خليني نبدل و ندور من يجيبني
حور : كان تبي ندزلك السواق متاع جوزي 😍.
حلا : كان نبي را مشيت مع السواق متاع دادي 😍🔥
حور : امشي حلي كذا القدر يفجعك 😂😂😂😂.
حلا : باي .
حور : بايات .. و فجأة تسمع الباب يدق ، وفتحت لقتهم أحمد و نور 😂😭 .
نُور : خيررر عليكم وخشت طوول 😂
أحمد : شن جوكك .. و سلم علي حور
حُور : مرحب مرحب 😂❤️.
أحمد : مرحبتين 😂❤️ .
حُور : عليش جيتونا 🙄 .
نور : واللهِ من قال تعالو تغدو معاي 🙄 .
حُور : نا قلتها انتم كنكم تصدقو فيا لا إله إلا الله .
أحمد صبى : معناها خلاص هي ي نور ☺️ .
نور : هيا .
حُور وقفتهم : لالا خلاص خلاص والله نبصر 🥲😂 .
نور : من الاول هكي و سحلت عبايتها .
أحمد : خلاص معناها انا ف المربوعه بعد تحطن غداكن كلمنّي .
حُور : حاضر .
نور لفت علي حور : يناعلي تعالي جاي قصدك عمي زعلان منك
حور : شكله هك .. بالله عليك ي نور من اللي مفروض يزعل كذا قولي
نور : ع حسب مافهمت انتي مفروض تزعلي مش هو
حور : جديات ولأول مرة مُؤيد يدير فالطة ومانهزبش يعني ليش زعل !
نور : مشعارفه يرا فوتيه تو يرد بروحه
حور : وهو زي الكلب اخرى .
نور : عمي راهو 🙂 .. ورن الجرس
حور : هذي اكيدة حلا .. وجت بتصبي وقفتها نور
نور : لالا خليكي تو نمشي بروحي انتِ حامل وجو
حور : ولما حليت الباب مبدري ماكنتش حامل 😂؟
نور : مشعارفه ومشت للباب
حلا : هاااااي
نور : هايات .. وسلمت عليها
حلا : لكم وحشهه يعيت محمد
نور : سلمكك يعيوني حتى نحن مرايفين عليكم
حلا : صخصخ كلا انتن اللي تنخطب تنكلب
نور : حرام عليك 🥲 .. ومشن للصالة
نور قعمزت طول ..
حلا : خيرات شجوو 😍😂
حور : لا خيرات صح 😂😂😂 وسلمت عليها .. خلاص معناها نمشي نحط الغداء
نور : خوذيني معاك
حلا : حتى انا ماعندي عليش قاعدة
وحطن الغداء وكلمن احمد وتغدو وهدرزو وضحكو لعند طابن خواطرهم
الساعة 4 العصر ..
أحمد : بالك نروحو ي نور ؟
نور : هي وصبت تلبس عبايتها
حلا : خوذوني معاكم
احمد : خلاص وتن رواحكن نا طالع
حور : ونا من يقعد معاي 😢!
حلا : لمي دبشك وتعالي معانا
حور تلم ف فناجين القهوة : لالا خلني ف حوشي برضي وتو نكلم العاملة تقعد معاي .
نور : انتِ حُرة 🤷🏻♀️ .
حلا : هي نويرا ؟
نور : هياا .. وسلمن علي حور
حور : ف امان الله .. وسكرت الباب .
وطول مشت لدارها وخذت تلفونها عشان تتصل بالعامله يوصلها اشعار من رقم غريب .. ومش رقم دولي يعني مش مُؤيد !
حور : هذا من ؟ وفتحت المسج اللي مكتوب فيه ..
سلام حور شن جوك .. انا علاء ❤️
حور حست بنغزة ف قلبها : معقوله علاء ؟
وردت عليه ..
حور : شن تبي ؟
علاء : نبيك ❤️
حور : صباح الخير بعد شنو انا مجوزة توا خلاص
علاء : مازال عندنا فرصة
حور : فرصة شنو انا حامل خلاص انساني .. وقفلت تلفونها .
حُور نهارت بكاء .. مش معروف ليش تبكي .. هل علي مُؤيد اللي متغير معاها ؟ ولا علي حُبها لعلاء اللي معش كمل ؟ ولا علي حبها الغريب لـ مُؤيد ؟ ولا عشان حُبهم الاثنين !
لفت روحها بالبطانيه وقعدت تبكي طول النهار لعند خذاها النوم 💔 .
عند حلا ...
دوست ولبست بيجامة وقريت سُورة المُلك .. وجيت بنخش فراشي تلفوني رن ! ومن المُتصل .. علي ! مش ناوي يسيبني ف حالي بكلل 💔💔💔 ، ي ربي كيف نبي ننساه 💔💔 .
وقعدت تفكر لعند فصل الخط .. ورد اتصل من جديد ، حلا استجمعت قواها ودرت عليه
حلا ....
علي ....
______
بنات عارفه روحي قصرت ومعش نزلت حلقات آسفه جديات ح نعوضكن ونقعد انزل كم حلقة ف اليوم .. عطني رايكن والحلقات الجاية ح يكونن اطول و احداثهن مرة نار 🔥 .
#زواج_جني_لـملاك_المغربي ❤️ .
