زواج جِني ❤️ ( روايات ليبية ) .

الحلقة الثامنة ❤️.

زواج جني ❤️.

ملاك ...
يـ بنات فالحلقة اللي فاتت نا لخبطت را قصدي البنات صفن موادهن فالسيم العام و يبن يتخصصن 😭
اصلاً هنا خشن للجامعة قبل سنتين آسفة و ربي شعفاكن ع الرواية لكن الله غالب 😔😂❤️.

_______
حور سكرت الباب ورا نور و تنهدت بحيرة 💔 .. رقت لدارها و لمت دبشها وخشت تاخذ دوش ساخن .. عزقت روحها تحت المية كإنها تبي الهموم ينزلن معاها 💔 ... فجأة اذكرت موقف صاير له زمان ....
حور مروحة من المدرسة
مؤيد : حور ! حووور !
حور لفت بإبتسامه خفيفة : اهلاً مُؤيد ؟
مؤيد : شحالك 😅
حور : الحمدلله .... خير !
مؤيد فهم انها ماتبيش تفتح موضوع معاه : لالا مافي شي لكن بعدين بنطلعو زردة وعارف ان هلك مش قاعدين شرايك تمشي معانا ؟
حور ببروود : عادي تمام .. و مشت للحوش
مُؤيد : شن هذا يربي كُتلة ثلججج ! .. لكن نحبها ❤️ .
الساعة 4 العصر ..
حور وتت روحها عشان الطلعة و فجأة تلفونها يرن
حور : حبيبي ❤️
علاء : غلاي 💋
حور : شن جوك يقلبي 🥹
علاء : بخير .. قتلك !
حور : عيوني 🥺
علاء : اليوم هلك مش فالحوش صح
حور : انعم
علاء : شن رايك نجيك ؟ اءءء اصلاً بنجيبلك مُفاجأة و كذا
حور حست بشعور غريب : مش عارفه يعيوني نا مواعدة عيت عمي محمد نبي نزرد معاهم
علاء : اووووف كل حاجة عيت محمد عيت محمد عند امتى ! كل حاجة نور كل حاجة احمد نا شنو فالنص ؟
حور : انت قلبي 🥺
علاء : تي غير باهي باهي ... تبي تمشي امشي اصلاً السايب ماعندي كيف نلمه
حور : شن قصدك ؟ ... طوط طوط طوط
حور سكر في وجهي ! و اللهِ نوريه
و لبست ومشت لمؤيد .......
حور بدلع : مُوعا 🥺😂
مُؤيد لف وهو يرعش : نعم 🥺🥺
حور : قتلك
مُؤيد : يـ نعم 😆
حور : نركب في سيارتك عادي ؟
مؤيد : انتِ ؟ .. استغرب كيف حور اللي من يوم يومها تركب في انظف سيارات ر احدثهن اليوم تبي تركب معاه في قلع و قبينا وحدة اخرى !
حور : لا ظلي ها من يعني
مُؤيد لا تمام حاضر من عيُوني
حور : شُكراً
و مشت حور توتي مع البنات و مؤبد قعد قريب 45 دقيقة وهو ينظف فالسيارة و يعطر فيها لدرجة ان حول صورة خوه المتوفي ( بات نور ) اللي كان ملصقها ع القزاز اللي مقابل الجهة اللي جنب السواق .. هذا كله عشان راحت حور .
حور و البنات طلعن كل حاجة برا و مُؤيد بدا يركب فيهن في ذيل القلع 😍😂
و ركبت حور مع مُؤيد و مشن السيارات اللي قدام سيارة مُويد و تحرك وراهم مُؤيد بطريقة بطيئة عشان يطلعو من السور قبل و طبعاً فرحة مُؤيد بحور ماتنوصفش ... فجأة حور توصلها رسالة
علاء ..
آسف يـ حبيبي انفعلت .. عادي امشي وين ماتبي يروحي ❤️
حور : نجكلي يقلبي ❤️
علاء : في سيارة من ماشية
اكيدة مع محمد !
حور : لالا ركبت مع مُؤيد
علاء : توا تنزلي منها سيارته العفنن
حور : ليش يعيوني ؟
علاء : يـ تنزلي يـ انسيني 😡
حور : لا تمام الله يربحك تو ننزل .. و طفت النقال
حور : مُؤيد مُؤيد .. وقف نزلني
مؤيد خاف عليها : بسم الله كنك ؟
حور : لالا مافيش نبي ننزل بس
مُؤيد : تمام و درس و نزل في جرتها
مُؤيد مدلها امية : تفضلي اشربي
حور اضايقت من اهتمامه بيها : لا صحيت مش لازمتني
مُؤيد : فيكي حاجة
حور حست روحها انضغطت و حكت معاه بعصبية : تي لااا يرا مافيا شيي خطاااني بس .. و مدتله شيشة المية : امسك بلاك
برضو حور بطريقة وقحة : ماتسمعش انت ماتسمعش هضيسما القرادة قتلك مافيا شي مش لازم التلصق
مُؤيد بكسرة خاطر و الحزن واضح في عيونه : آسف 💔💔💔💔 و مسك تلفونه وكلم عُمر ياخذ حور
حور تنفض في دبشها : سيارتك مغبرة يرا .. جرب ادير فايدة مرة وحدة في حياتك و تكلف روحك و تنظفها حتى القزاز مغبشش
مُؤيد اذكر منظرة و هو ينظف فيها عشان حور و اذكر كيف حور صورة فوزي خوه اللي كان ملصقها عالقزاز و برضو عشانها : حاضر 💔💔💔
وصل عمر و ركبت معاه حُور 💔 .
______
احياناً الانسان يتحمل شعور الكسر من اي حد .. لكن مش من الشخص اللي يحبه ... و هذا اللي صار مع مُؤيد على قد ماكان مكسور من حور ومن معاملتها له و علي قد ما كان مليان غيره عليها وهو يشوف فيها تحب في غيرة و المُشكلة ان علاء ما يحبهش و مكسد عليها 🤦🏻‍♀️ .
——
حور طفت الدش و طلعت تجفف في شعرها دهنت كريمة و دارت سيريوم علي وجها و ظلمت الدار و رقدت ❤️ .
___
عند مُؤيد ..
منال : هايي
مُؤيد : اهلاً
منال : اهلين 😊
مُؤيد : كيف الحال
منال : حمدلله و انت ؟
مؤيد : و الله حال التخميم
منال : كنك شن فيك شن اللي شاغلك 😅 ؟
مُؤيد ....