# زَواج جني ❤️ .
لـ ملاك المغربي
( خيَال مَمزوج بِالواقع )
ملاك ...
خير عليكن يـ بنات على ما اعتقد طريقة السرد بدت اتعدل شوية 🙈😂 ... المُهم الحلقات الجاية حـ يكونن مرة نار وفيهن احداث خيالية ومش متوقعة ... نهاية الرواية حـ تكون صادمة للجميع .... تابعن الاحداث اول بأول و نبو لايك و رايكن في كومنت يـ صبايا الدعم كويس عشان نستمرو 🙂😂❤️ .
__________
مُؤيد : ك ك ك كيف 💔💔 ؟
حور : شن فيك يقلبي ؟
مُؤيد خذا نفس بطريقة عقلانية علي غير عادته ! : تبي تطلقي مني عشان علاء هاا ؟
حور مصدومة وما حكتش ولا حرف ..
برضو مُؤيد بطريقة باردة و مستفزة : اممم .. تمام بكل يـ بنت مُعاذ .. هذا وجهي كان تهنيتي فيه علاء يـ وسخة حتى و انتِ علي ذمة راجل تفكري فيه
حور : ءءء لاء مش هكِ ان .. قص عليها
مُؤيد : لا هكي يـ حُور انا فهمت عليكي وعارف انك مجبورة عليا لكن مش لدرجة تفكيرك هذا .. تو نوريكي و سكر الخط .
حور اسنغربت ، اصلاً على قد ما دارت فيه مُؤيد عمره ما انفعل هكِ : حي عليكي يـ حور شن درتي في عمرك .. اكيدة اثرت فيه طريقة كلامي .. اوووف اهو شوفي شن صار فيكي تو ينفعك علاء 💔💔 .
صبت حور خذت دوش سريع و نزلت للصالة و علامات الحزن علي وجها .
________
حُور : صباحو
كلهم : صباح النور
مُعاذ بعصبية : اسمعي يـ بنت
حُور : نعم ؟
مُعاذ : كلمني مُؤيد
حُور بلعت ريقها : ك ك كلمني حتى انا . كنه شن يبي منك ؟
أسماء : راجلكك مروح يـ حنه
حور حست بغصه : ء ءء اها قالي مروح
مُعاذ : يبي يروح بكرة راهو ، ديري جوك مرات يطلع الفرح في اي وقت
حلا : ايواه احسن ما عندها عليش معلقه لعنذ توا
مُهاب : صح اصلاً هما متجوزين و بعيدين عن بعضهم هذي حتى في شرع ربي حرام را ! لازم تقرو فاتحة من جديد .
حُور : من قالها هذي ؟
مُهاب : معروفة يحُوري كنك انتِ ؟
عمران بصوت واطي : صح وجهك اصفر من نزلتك شن في ؟
حُور : تو نحكيلك بعدينن
حلا بصوت عالي شوي : فيشش توشوشي 🙂 ؟
حور : لا شيي
عمران : حتى كان في شيء مش شورك ☺️
مُهاب مسح فمه و صبه : عوافي .. هي انا نبي نطلع تبو حاجة ؟
عُمران : اها شوفلي واسطة بنخدم معاك
مُعاذ : لا واسطة لا سو انت متخرج بشهادتك قدم طلب للتعيين و ح يوظفوك في مطار الشركة لان ناقصهم طيارين .
عمران : زعمهه ؟
مُهاب : اكيدة زعمه 😂😂 . هي تشااو
عمران : تشاو .. وصبى حتى هو .. خلوني نطلع حتى انا تبو حاجة ؟
اسماء : وين ع الله ؟
عمران : ماشي شور السعي يمي
مُعاذ : اربحح و ابرم ع الزوايل في طريقكك
حور : الله محلاااااهاااااا اكحيله 😔❤️❤️
حلا : شن اكحيله هذي ؟
حور : اكحيله هي الابل يـ فقمهه
عمران : ينقانك صدقتي يـ حور و حلاوتها موسمه بقيم السيف 🔥 وطلع .
حلا : سيمتنا فخامة يـ كبدي 🔥 لكن احكيله اول مرة نسمع بيها نعرفها ابل و زوايل بس
حور : لاا يراا مش عقيله مقنعرها قال : ( كسابين اكحيله هلها جوابه ع البر الخالي ) ؟ ديما تحطي فيها القعدة هذي ولا غير تلهطي و خلاص ؟
حلا : ينقني نلهط نا بعد قال : ( خال عليه القيم جملها هايج ما ينظر في والي ) من كلمة القيم عرفتها شور المغاربة .
حور : باهي حتى بُوستة قال ع المغاربة : كسابة اكحيله في البساط الخالي .. شهيرة بقيم السيف ما اترمه ! .
يعني كله واضح غير انتِ مستكه .
مُعاذ : بطلن بلا لهيط و صبن اشقن بحوستكن
اسماء : صح هي انهضن
حور : مش شوري حوسة الفطور شور بنتك 🥹😂
حلا : وانتِ بنت من ؟
حور : نا بنت ضو 😭😭😭😂 و رقت لدارها .
_________
حُور غيرت دبشها و لبست قميص ابيض و سروال جينز واسع و لونه بيج و لبست وشاح نفس لون السروال و لبست عليهن ترانش كوت بُني غامق و كويش جوردن ع البيج .
حُور نازلة من فوق و رن تلفونها لقاته عُمران
حور : آمر يـ الأخ
عمران : بتطلعي ؟
حور : اهاا سبحان الله تو نازله نبي نمشي لنور 😂
عمران : هههههه تمام انا قاعد في المزرعة تعالي و احكيلي شن صار مع مُؤيد
حور بلعت ريقها : تمام حاضر دقيقة بس نقول لبابا و نجيك .. و اتصلت بـ مِعاذ
مُعاذ : الوووو
حُور : الوااات يـ حكومة
معاذ : هاا كنكك يـ قيادة عامة
حور : بنطلع لنور راهو و بنتكي ع المزرعة شوي
معاذ : تمام يـ حور ديري اللي يريحك
حور : عارفه اصلاً غير قلت نخبرك بس
مُعاذ : ههههههه باهي هي سلام عندي اجتماع
حور : باي و سكرو الخط ...
