#زواج_جني❤️.
( للكاتبة : ملاك المغربي ❤️).
خيراتتت عليكن يـ سمحات شرايكن ف حلقة امس مع انها مُختصرة ومشهداتها شوي ف مش ح نحكم عليكن بالشروط اللي اتفقنا عليهن 🥲 .
مازلت نعاود علي قصة طلاق حور و مُؤيد انا هكي وصلني من صاحبة القصة الحقيقة وجديات ماحبيتش نغيّر الاحداث الاساسيه لانهن بيغيرن مسار الرواية كلها بعدهااا ✨ .
~~~~~~~~~~~~~~~~~~~~~~~~~
هي نبدو 💗 ...
_____________
بعد مرُور أسبوع ...
حُور جابت توأم بنية و وليد ( ياسر و وتين 🤍 )
أخيراً خشت الفرحة لعائلة عيت محمد ❤️❤️ ، كانو فرحانين بحُور وعيالها حتى لو انهم مازالو ف المُستشفى عشان ناقصين وهكي بس كانت حُور ف حُوش هلها ومعاها نور و عايشه و حميدة و خديجة و العرب يجوهم و فرحانين بفرحهم ❤️ كان عمر معاهم و أصحاب مُؤيد يلي الدنيا مش سايعته هو وفرحته بحُور وعيالهم .. وحرفيًا مازال ناسي قصة الطلاق 🤦🏻♀️...
~~~~~~~~~~~
مُعاذ و العيال كانو يشوفوله بكره كيف فرحان وبنتهم مهمومة ، كانو يحسابوه فرحان لأن طلقها ماكنوش متخيلين ان هو ناسي طلاقه من حُور وفرحان بيها وبعيالهم 🤦🏻♀️ ماحبوش يكلموه الفترة هذي عند يحز سريب العرب ويذكروه ان الحُوش هذا معش حُوش عيت عمه وان لازم يدير حدود وفواصل بينه وبينهم وبين حُور تحديداً اللي كان كل شوي يخش عليها يضحك ويلعب وهي كارههاا وجودة ع الكوكب البشري ✨💔 .
~~~~~~~~~~~~~~~
حميدة كانت تشُوف لعائلتها كيف فرحانه وبالذات عمر مع انهم مازالو ماشافو عيال مُؤيد لكنهم فرحانين بيهم بطريقة نستهم اوجاعم ونستهم غياب باتهم اللي كان بيموت ويشوف عيال مُؤيد 💔
~~~~~~~~~~~~~~~
نردو لحُور اللي كانت اتوجع من اثار العمليه وقلبها محروق علي عيالها اللي بعاد منها وما شافتهمش نهائياً
وتفكر كيف بيكبرو بعيد عن باتهم بالذات انها مستحيللل ترد لمُؤيد بعد الصور اللي شافتهن والضيم اللي عشااته وهو غايب عنهم 💔🔥
~~~~~~~~~~~~~~
أما حلا فكانت فرحانه انها قعدت خالة لأول مرة ❤️ وتحكي ل علي وتحاول انها توصف شعورها له لكن ماكنتش قادرة توصله كمية الفرحة اللي ف قلبها ❤️
كانت تحس بالمسؤولية وان خلاص لازم تعقل وتصرف زي الخالات يعني خلااص قعدت خالة يجماعة كنكم معاها 😭😂❤️
و علي كان يسمعلها بكل حُب وفرحان بفرحها ❤️❤️❤️❤️ .
( محلاهم يرا 😭❤️❤️).
~~~~~~~~~~~~~~~~
عند نُور وكريم كان الوضع بيرفكتت حرفياً نور واخيراً تريحت بعد رجعلها كريم كانت متخيله ان معش عندها حد بالذات بعد توفى جدها و اختفى كريم 💔
لكن رجعته رجعتلها الفرحة ف قلبها وخلتها تحس بالامان ان ف معاها سند ومهما صار مستحيل يخليها ولا يبعد عنها ❤️🩹
حكالها علي قصة الفاروق وان هو يبي يسامحه لكن ماحكالهش علي مخططاته الجهنمية بالاستغلال 🤦🏻♀️
فرحت لفرحته و اخيراً بيكون له اسم وهوية تفخر بيها قدام العرب ، صح هيا كانت تحبه ومتقبله وضعه القديم لكن كانت شايله حمل وهم وتفكر ف مستقبل عيالها كيف بيكون بلا اسم ولا هوية ؟
وتريحت لما عرفو هو ولد من وقبيلته لمن لأن هذينا اهم حاجتين يركز عليهن مجتمعنا بالذات فِ برقة ❤️
