في محراب القلب

البارت الاول

باليل الشتاء القارص ودرجه الحراره تحت الصفر مئويه نزلت ليلى وامها واختها من الطياره الى اجتي من تركيا جانت طياره اتزانزيت نقطتة انطلاقهم كانت من امريكا مشو الثلاثه وخلصو اجراءات الدخول للبلاد
اخذو تكسي طلعت ام ليلى عنوان وانطته للسايق يوديهم عليه
ليلى صعدت السياره و ووجهه عالشباك و تباوع على الطريق بتمعن وتفحص طلعت من بغداد وهيه عمرها ٦ سنوات وهسه عمره ٣١ سنه
مرت سنين طويله كلشي تغير
الكل جان ساكت وينفحص الطرق والاماكن
وكفت السياره كدام بيت جبير كلش وقديم

ام ليلى _ يلا بنات انزلو وصلنا

نزلو البنات ونزلو الجنط ووكفوركدام البيت الجيير

ام ليلى_ هذا بيت امي الله يرحمها مالي گلب افوت وكل ذكرياتي هنا
ماجنت احسب ان رح ارجع لهذا البيت بعد كل ذيج السنين وافوت وامي وابويه ماكو بي

التفو البنات حول امهم وحضنوها وشجعوها عالدخول
فتحت الباب ودخلو للبيت

فتحو الاضويه جان كلشي داخله من اثاث جديد

سألت حنين البنت الصغيره_ خالي عنده ذوق خوش مأثث البيت

ام ليلى_ اي عاشت ايده هوايه سهل النه امور هذا البيت جان بي مؤجر
طول هاي السنين بالكوه قنعة وطلع و وعمره من الداخل و اثثه

ليلى_ هسه عوفونه من هالحجي خلي نروح نرتاح وننام صالنه يومين تقريبا بسفر من طياره لطياره

ام ليلى _ يلا بناتي صعدو ارتاحو

البنات بوسو امهم وبصوت واحد تصبحين ع خير

ام ليلى_ وانتو بخير حبيباتي

ضلت ام ليلى لوحدها تتمشى بالبيت وتتذكر ذكريات من جانت عايشه بين اهلها و كعدت على كرسي بالمطبخ ودنكت راسها

الوكت هوايه قسى علينا عشنه طول عمرنا بغربه بس جان ابو ليلى مهون علينا كلشي بس بعد موته كلشي اختلف وخسرنه المشروع الي جان يشتغل عليه وفلسنه والطامه الكبرى من سمعت بوفاة امي ظلمت الدنيا بعيني وماعرفت شنو اسوي الى ان خابرني اخويه سامي وكالي تعالي حتى نتفاهم على مواضيع الورث ايييييي بعد شنو مضموم هنا مادري
شلون رح نتأقلم بالعيشه والبنات هنا شلون يتعودون يارب ماتكون هناك مشاكل

...

كعدو الصبح على صوت الباب يندك طلعت ام ليلى فتحت الباب
فاتت ووياها اخوها سامي حاظنا ويبجي وهيه تبجي
نزلو البنات سلمو على خالهم وجان بيده اكياس مسواك
وريوك

سامي_ اخذي هذا من ايدي بابا حنين وروحي سويلنا ريوك
خلينا ناكل لكمه و نكعد نحجي

حنين_ حاضر خالو

كعدو على الطاوله ياكلون

سامي_ الوضع عليكم ابد مو سهل طول عمركم تربيتو وعشتو بلد اجنبي هنا الوضع مختلف اريد منكم تحذرون بتصرفاتكم وتعاملكم ويه الناس مانريد مشاكل