في محراب القلب

البارت السادس

شروق واكفه بالمطبخ تسوي الغده _ شنو السالفه اشو بس ليله وحده بات يمها وعافها صار اسبوع ابد لا صعد  فوك ولا حجى شي ساكت طول الوكت شنو الي صار بينهم ياترى اكو سر بالموضوع

شروق_ شيخ مضايق من شي ؟

عبدالله_ لا ماكو شي

شروق_ وضعك مو مال عريس ابد !! اكو شي صاير بينكم
تعاركتو؟ لحكتو تتعاركون من اول ليله ؟!!

عبدالله_ شروق انتي غاليه وعزيزه ارجوج لاتدخلين بشي ما يخصج

شروق_ ما يخصني ؟ هيج بدلتك عليه صار كلشي مايخصني هيج صارت بعد شيخنا

عبدالله _ استغفر الله ربي العظيم واتوب اليه شبيج يامره شكلت اني
الحياة البينه اني وياج وشئوونا وحد و اني وياها وحد

شروق_ اييييي هاهيه صار معلوم عيني هم صدك شعليه اني

كملو الغده وشروق واكفه تباوع من شباك الصاله للحديقه شافت ليلى تنزل الدرج

شروق_ اهلا بخرابة البيوت اهلا بالحية

ليلى باوعت عليها واكتفت بالصمت دارت وجهها

شروق_ زين والله هسه يلا طلعتي وشفنه هالخلقه الزركه ماعرف شنو عجبه بيج واخذج

ليلى_ وين عبدالله ؟

شروق_ عبدالله ؟؟ الشيخ عبدالله عدلي لسانج واحجي عدل عموما مدام عايفج كل هالمده و ما اجاج يعني مايريد يحجي وياج ويشوفج
يمكن تندم لان اخذ هيج وحده الله اعلم شنو صار وشنو انتي حتى مايطيق يشوف وجهج

ليلى_لو سمحتي كليله اريد احجي ويا

شروق_ شنو اشتغل عند الخلفج روحي صعدي هو من يجي اباله يحجي وياج يجي يلا ولي فوك

ليلى_ شوفي اني ساكته عليج وعلى كلامج هذا لان اقدر موقفج وشعورج فلذلك احترمي نفسج واحجي وعدل ويايه

عبدالله_ شنو هالكلام الي سمعته ؟؟؟ ليلى !!!!

شروق_ همزين اجيت شيخ ما ادري منين جبتلنه هاي الشكولات ماخلتني من اهانه وغلط واني لخاطرك ساكته

ليلى_انتي انسانه كذابه وممامحترمه

عبدالله صاح بصوت عالي وعصبي _ ليلى صعدي

ليلى_ ما اصعد قبل لا نحجي

عبدالله_ اصعدي داراكول

ليلى_ رح اصعد الم غراضي وطالعه انت شنو تزوجتني حتى تشمرني هيج حالي حال الحيوان حتى الحيوان يوميه يتفقدو انت تخاف ربك ؟

جرها من ايدها بقوه و سحبها صعدها فوك وسد الباب

عبدالله_ شوفي يا بنت الناس اني لو ما اخاف الله مثل ما كلتي جان وره يوم من العرس بعد الي سمعته وديتج لاهلج وحجيت كلشي وجان صرتي علج بحلوك العالم العالم شرح تكول عليج رجعها زوجها بعد يوم من العرس ؟؟؟