شروق_ يعني شتردين اسوي هو مقرر سواء رافضت وان رضيت الي براسه رح يسوي ورح اخسره بالعياط والمشاكل
سمية اخت شروق_ والله يا اختي ماعرف شكلج الله يساعدج
شروق_ شغلي مو ويا شغلي وياها هذيج الحية الي لفت دماغة
.......
سامي و ام ليلى كاعدين و الوضع متوتر حنين بالمطبخ
ام ليلى_ عشنه وشفته جهالنه يمشون كلامهم علينا
سامي_ كبري عقلج اختي الرجال مابي عيب وابن اوادم وسمعته طيبه
ام ليلى_ على واسي يا اخويه بس مايوالمها وانوب فوك هذا كله تنزل على مره ليش هيج ليلى ليش كسرتي بيه والله شناقصج بس كليلي وتوفتين هالفوته
دخلت ليلى بفستان طويل وردان طوال مستور بسيط التفاصيل بلون ابيض
ام ليلى_ اتذكري هذا كلامي رح تندمين ورح ترجعين لهذا البيت مكسوره
ليلى_ هاي بمكان كلمة مبروك وشايفه الخير
اندكت الباب وطلعت حنين وساره من المطبخ يباوعون كام سامي يفتح الباب
هلل وسلم تفضلو ياجماعة اهلا وسهلا
راحت بسرعه ليلى فاتت المطبخ وكفت يم البنات وتباوع الي يدخلون
جانو تقريبا اربع رجال وشيخ و عبدالله
ليلى بقت صافنه على عبدالله وممصدكه معقول هذا هوه هياته كاعد بيتي وكلها كم دقيقه وحيصير زوجي شرعا ياربي گلبي رح يوكف من الفرحه احس نفسي دا احلم معقول كل هذا يطلع حلم لا لا يارب
حجو الرجال والي جان يتكلم عبد الكريم بموضوع الزواج و المهر و باقي التفاصيل
حنين جانت تحضر العصائر و الكيك ووياها ساره تساعدها و امين ابن سامي واكف ياخذ منهم الصينيه ويوزعها عالزلم
كام سامي وصاح على ليلى
بابا ليلى جيبي هويتج الشيخ رايدها للعقد
ارتبكت ليلى وماكدرت تتحرك من الخجل والفرحه والتوتر
كامت ساره هيه الي صعدت وجابت هويتها وانطتها لابوها
بده الشيخ اجراءات العقد و سأل عبدالله بالموافقه ووافق
ورجع سامي صاح ليلى حتى الشيخ يسمع كلامها
وكالت موافقه وبصوت كله فرحه
باركلهم الشيخ و دعالهم و اعلن للجميع انهم زوج وزوجه
حنين بوست ليلى و ساره كذلك اما ام ليلى جانت واكفه تباوع بدون اي رد فعل
كامو الزلم استأذنو وطلعو وودعهم سامي للباب وطلعت ليلى وراهم
لكت عبدالله واكف وحده ركضت لوره الباب وكفت باوع عليها وابتسم
وهيه ابتسمت بأبتسامة عريضه
عبدالله_ خلي اودع الناس ويطلعون بسياراتتهم وارجعلج
ليلى_ انتظرك عبودتي
ارتبك وخجل و مشى بسرعه ودع الناس ورجع لكاها تنتظره
ليلى_ رح تبقى واكف بالباب تعال بالحديقه نوكف
أنت تقرأ
في محراب القلب
Actionكل الايام الي عشتها جانت عاديه الا اليوم الي شفته جان نقطه تحول كبيره لشخصيتي وحياتي وكلها ماجنت اتوقع رح اوكع بمصيدة الحب من النظره الاولى ! منو هوه ؟ وليش دكات قلبي صارت سريعه هيج ؟ من يكون ذالك الرجل ؟؟ انه قدري لا شك في ذالك
