في محراب القلب

البارت الثامن

عبدالله_ يلا ياليلى شداتسوين كل هالوقت ؟

ليلى_ اوكف غير ارتب وجهي زين غير هذا عرس اختي

عبدالله_ اذا لكيتج حاطه مكياج مطلعين من باب البيت ؟

ليلى_ كل عقلك شلون بله

عبدالله_ حبيبتي انتي جميله بدون اي اضافات ما يحتاج اي مكياج روحج وقلبج النقي والجميل طاغين على وجهج

طلعت ليلى من الغرفه _ اي قشمرني قشمرني

عبدالله_ مكياج ماكو ماريد الزلم يبارعون على وجهج الحلو هذا ولج اغار ماكدر

عبدالله_ حاضر شيخ حاضر

ابتسم وحضنها _ الله يبارك بيج غاليتي

ليلى_ امممم صاير تعرف تحجي كلام حب

عبدالله خجل _ ههه هذا الي تعلمته هههههه

ليلى_ فديت اليتعلم هههههه يلا اتأخرنا

عبدالله_ صارلي ساعه اكولج اتأخرنا

طلعو من الباب فتحت السياره وركبت بيها

عبدالله_ خلي اشوف شروق والبنات خاف محتاجين شي من بره

هرت براسها للموافقه وكعدت تنتظره بالسياره شوي وطلع من البيت باوع عليها وتقدم بهدوء للسياره وهو مبتسم فجأة صار ضرب اطلاق ناري
سيارة فاتت من يمهم ورمت بمسدس على عبدالله بسرعه انطلقو
نزلت ليلى بسرعه وشافت عبدالله واكع بالكاع وغركان بالدم
طلعو الناس وشروق شافت المنظر واجتي تلطم وتبجي وتصيح

نقلو عبدالله للمستشفى دخل للعمليات مرت ٥ ساعات والكل واكف ينتظر
ويدعي ويترجى الله ليلى جانت بحالة صدمة وذهول ماجانت بوعيها كاعده وياهم ىبغير عالم فجأة كامت وسألت الممرضه عن مكان مصلى خاص للنساء وراحت توضت واتجهت للقبله تصلي وهيه عيونها غركانه دموع

رفعت ايدها _ ياربي انت القادر القدير انت الرحمن الرحيم اسألك بكل اسم جليل لك ان تنجي عبدالله من الموت يارب انت ادرى مني بنفسي وتعلم اني لا اطيق الدنيا بفراقه يارب اني استودعك اغلى شي لدي في الحياة فأعده لي سالما
غمضت عيونها والدموع ماليه وجهها وكعت واغمى عليها نقلوها للطوارئ
سوولها فحوصات وتحاليل وامها واختها فوك راسها
فتحت عيونها وفزت من مكانها لزموها حنين و امها

ليلى_ عوفوني اريد اروح لعبدالله

ام ليلى_ اهدئي وين ترحين مداتشوفين حالتج شلون صايره

ليلى_ كتلج عوفيني

اجتي الدكتوره _ الحمدلله على السلامه ست ليلى لازم ديرين بالج منا وهيج على نفسج انتي هسه مو لوحدج وياج شخص ثاني

ليلى_ شتقصدين

الطبيبه_ مبروك انتي حامل

انفجرت بجي وامها لازمتها وحضنتها