رن التلفون
ليلى_ هلا بالحب شلونج
حنين_ تعاي للبيت ضروري
ليلى_خير شكو ؟
حنين_ تعاي مو مال تلفون
ليلى_ جايه
لبست وطلعت على السريع
....
فاتت ليلى للبيت وهيه قلقه خاف صاير شي لكت حنين كاعده وساره
ليلى_ شكو ؟
حنين_ دكولي السلام عليكم شلونكم اشتاقيتلكم
جرت الشال من راسها واخذت نفس وكعدت عالقنفه_ يعني ماكو شي
حنين_ امممممم لا اكو
ليلى_ امي وين
حنين_ هسه تجي راحت للسوبر ماركت
ليلى_ اي احجيلي ست حنين
حنين_ اكو شخص تقدم لخطبتي
ليلى ابتسمت ابتسامه عريضه_ ايييي
حنين_ هو خوش ولد وحباب واني انعجبت بيه
ليلى_ امممم والله وكبرتي وصرتي عروسه حنونتي
حنين بخجل _ حددنا موعد الخطوبه واريدج ويايه بكل التفاصيل
ليلى كامت وحضنت حنين _ اكيد اكيد هو اني شكم حنونه عندي الف مبروك حبيبتي
حنين_ الله يبارك بيج حبيبي لولو يوم ان شاء الله نشوف ولي العهد بيدج
ابتسمت واندارت على ساره يوم الي نفرح بيج سوسو الحب
كامت ساره وحضنت حنين وليلى _ حبيباتي بوجودكم
فاتت ام ليلى وضلت تباوع على ليلى
تقربت ليلى وحضنتها وبوستها
ام ليلى_ مرتاحه ؟
ليلى_ الحمدلله مرتاحه
ام ليلى_ وشلونه وياج ؟
ليلى_ عبدالله لطيف وكلش حباب ويحبني
ام ليلى_ هاي هو كالج هيج تلبسين وتتحجبين ؟
ليلى_ ماما ارجوج ماكو داعي لهذا الكلام
ام ليلى_ لان اخاف عليج لان بالي يمج باعي نفسج شلون صايره هيه هاي ليلى الي نعرفها ؟ حتى وزنج قل لا مكياج و هذه الملابس الي جنتي بنفسج تنتقدين الي يلبسوها مو هيج ؟
ليلى_ صح جنت انتقد واكره هالشي لان جنت بعيده عن الله سبحانه جنت عايشه بظلمه قلبي مطفي كل ما تقربت لله كل ما اعرف اني شكد جنت عايشه بظلام و طويق هلاك
ام ليلى_ هذا مو كلامج هذا كلام الشيخ اكيد واكيد كالج علينه احنه متبرجات و شتمنه بعد شويه يطلعنه من الاسلام
ليلى_ ابدا ابدا والله عمره ما جاب سيرتكم اصلا ولا يحجي هالحجي انتي لو تعوفين عبدالله زين جان ماحجيتي هذا الحجي
أنت تقرأ
في محراب القلب
Actionكل الايام الي عشتها جانت عاديه الا اليوم الي شفته جان نقطه تحول كبيره لشخصيتي وحياتي وكلها ماجنت اتوقع رح اوكع بمصيدة الحب من النظره الاولى ! منو هوه ؟ وليش دكات قلبي صارت سريعه هيج ؟ من يكون ذالك الرجل ؟؟ انه قدري لا شك في ذالك
