رجعت ليلى وكلها غضب ومشاعر استنكار ورفض على الي صار
اني مجنونه اني ابتلاء شنو حاسبني بله بس مو صوجه صوجي اني
بعد ماريده ولا رح افكر بي هاهيه الي مايريدني ماريده
عشتووو
ساره_ شبيج شكو ؟
ليلى _ ماكو شي
ساره_ اي مبين ماكو شي احجي شبيج لاتخلين بالي دباعي وجهج شلون صاير مبين ذاك عصبيه وشي غاثج
ليلى_ ماكو شي صدكيني ... يمكن اجواء العراق مدا تناسبني لذلك دافكر ارجع لامريكا حتى لو لوحدي لان مداكدر استمر هنا مداتعايش واندمج ويه المجتمع
ساره_ عندي الج مفاجإة بمليون دولار !!
ليلى_ خير كولي
ساره_ هاي شنو من وره خشمج بطلت ماكول شي ولو هيه تخص شيخنا الفاضل
ليلى_ منو عبدالله
ساره_ هو انتي عندج غيره
ليلى_ ماعندي لا هوه ولا غيره ... المهم احجي شنو شكو ؟
ساره_ مخرج برنامجه يصير ابو صديقتي وسمعت منهم محتاجين مهندس صوت
ليلى_ ايي واذا ؟ً
ساره_ انتي مو هذا اختصاصج ؟ بعد شكو هم شغل وهم تشوفين الحب الخبلج
ليلى_ مايهمني وماريد اشتغل
ساره_ عموما براحتج اني كلت اساعدج تشتغلين وهذا رقم المخرج اذا تحبين تتصلين اني لازم اروح هسه عندي امتحان باجر
ليلى_ ماشي حبيبي سلمي
...
ليلى تفتر بغرفتها _ اني ماروح ما ماروح ماعليه بي بعد هم يشوفني ويطردني مناك شنو تسوالي كدام العالم ما روح ما بعدين اني اريد اخلص من لعنتة وهاي المشاعر اروح اكابله شنو
...
حنين كاعدة بمكتبها اندكت الباب
حنين_ تفضل
دخل شاب وسيم لابس بدلة رسميه سوداء
جواد_ هلو ست حنين شلونج ؟
حنين_ استاذ جواد اهلا وسهلا بيك تفضل استريح
جواد_ داتابع شغلج و مخططاتج ماشاء الله عليج ابد ماخيبتي ضنونه من اختاريناج بهالمكان
حنين_ شكرا على هذا الكلام استاذ اقدر هالشي وان شاء الله اكون عند حسن ضنكم
جواد_ بهاي المناسبه اقدر اعزمج على فنجان قهوة ونحجي بتفاصيل اكثر
حنين_ بكل سرور
جواد_ شكرا ... لعد اكوم اترخص اني ونتشاوف بعد الدوام
طلع وسد الباب ورا حنين رجعت لشغلها بدون اي اهتمام
رن تلفونها باعت عليه ماما
حنين_ الو هلو ماما
أنت تقرأ
في محراب القلب
Actionكل الايام الي عشتها جانت عاديه الا اليوم الي شفته جان نقطه تحول كبيره لشخصيتي وحياتي وكلها ماجنت اتوقع رح اوكع بمصيدة الحب من النظره الاولى ! منو هوه ؟ وليش دكات قلبي صارت سريعه هيج ؟ من يكون ذالك الرجل ؟؟ انه قدري لا شك في ذالك
