مر يومين بعد والوضع بعده عبدالله ليلى كاعده كالعاده بباب الغرفه
طلع الدكتور من الغرفه
الطبيب_ الحمدلله ياجماعة بفضل الله الشيخ كدر يحرك اطرافه ويرجع اله الاحساس وان شاء الله بالساعات الجايه يرجع اله الوعي ادعوله بعد
الفرحه والابتسامه انرسمت على وجه الكل وبالاخص ليلى
حمدت الله وشكرته والدموع ترست خدها
شروق_ ممكن ادخل اشوفه ؟
الطبيب_ خمس دقايق بس
شروق _ اي تمام
دخلت شروق وتقربت منه و نظرت اليه نظره طويله وتنهدت
اني اول مافتحت عيني لكيت الكل يكولي عبدالله الج وانتي لعبدالله
واني جنت ماعندي اعتراض و مر الوقت وتزوجنا وجنت حيل مرتاحه وياك جبت منك هبة الله و مريم زادو حياتي وياك جمال ما فكرت بيوم شي اسمه حب او شنو هو الحب بس الي اعرفه انت وبناتي كل حياتي ماكدر اعيش بدونكم انت الرجال الوحيد الي عرفته وماكدر اباوع لغيرك احس الله خلقني الك وبس صح انقهرت وزعلت منك من جبت وحده على راسي
بس بقت مكانتك بگلبي بنفسها
حرك ايدك ببطئ وبده يفتح عيونه
شروق _ عبدالله انت صحيت
صاحت وهيه تركض بره _ دكتور دكتور عبدالله صحى
دخل عبدالكريم على السريع و شروق والدكتور والممرضات
لكو فتح عيونه
الطبيب_ انت زين ؟ تسمعني
هز براسه اي
الطبيب_ الحمدلله على السلامه شيخ خوفتنا عليك كلش الحمدلله عديت الخطر و نجيت من الموت بمعجزة
عبدالله_ الحمدلله والشكر جزاك الله خير دكتور
شروق_ الحمدلله على السلامه شيخنا الله يكومك النه بالسلامة اني والبنات ننتظرك
عبدالكريم_ الف الحمد والشكر الك يارب كلي تحس بشي يوجعك شي
عبدالله_ لا .. اطمنو
ضلت عيونه ادور بالمكان بدون كلام
عبدالكريم_ ليلى راحت تصلي وتجي بعد ما عرفت انت صحيت ركضت على المصلى تصلي شكر لله هسه تجي
عبدالله ابتسم
شروق_ من يوم شفناها ما شفنا الخير
عبدالله_ مايصير هالحجي يامره كلشي مقدر ومكتوب من الله
لاتحملين اي انسان هيج شي
فتحت ليلى الباب وضلت واكفه صافنه ممصدكة الي تشوفه واخيرا عبدالله حبيبي صحى يارب كم انت عظيم مدهش العطاء مارديتني خائبه ابدا
عبدالله_ ليلى تعاي ليش واكفه بعيد
دخلت واتقربت منه _ الحمدلله على السلامة شيخ
عبدالله_ الله يسلمج
شروق_ اني حروح اجيب البنات واجي خطيه يردون يشوفوك وانت هم بعد تشوفهم
أنت تقرأ
في محراب القلب
Actionكل الايام الي عشتها جانت عاديه الا اليوم الي شفته جان نقطه تحول كبيره لشخصيتي وحياتي وكلها ماجنت اتوقع رح اوكع بمصيدة الحب من النظره الاولى ! منو هوه ؟ وليش دكات قلبي صارت سريعه هيج ؟ من يكون ذالك الرجل ؟؟ انه قدري لا شك في ذالك
