رجعت ليلى للبيت وبداخلها احساس غريب هيه مستغربه عليه اني شكد رجال وتعرفت عليهم وشكد انعجبو بيه شباب حتى الشخص الي جنت ويا بعلاقة حب عمري ماحسيت ويا هالاساس احس اكو شي صار اكو شي انسلب مني من شفته معقول حبيته زين شلون واني شنو اعرف عنه غير اسمه وبس ... لزمت تلفونها وبدت تبحث عن صفحاته وتشوف محاضراته وكلامه وصوره واخباره ضلت ساعات وساعات تكلب وتشوف بالفيديوهات ياترى يا شيخي هل رح اكدر اشوفك مره ثانيه وشلون ؟؟! اه بله اني شجاني خلي انام احسن
طفت تلفونها وخلت راسها عالمخده وصوره الشيخ عبدالله ما فارقت خيالها الى ان غلب عليها النعاس ونامت
...
الكل كاعد على ميز الطعام وام ليلى جابت قوري الجاي وكعدت ويه البنات
وبدو ياكلون ام ليلى وحنين جانو يحجون بموضوع شغل حنين هنا حنين مهندسه معماريه واجاها عرض من شركه كبيره هنا تشتغل وياهم
ام ليلى_ اي شكو بيها وين يلكون مثلج
حنين_ امممم مادري بس همه من شافو دراستي امريكيه وعايشه جنت هناك تمسكو بيه انو اشتغل وياهم بأعتقادج ليش يفضلون دراسه امريكا عن هنا هو شنو الفرق
ام ليلى _ احنه العرب بصوره عامة دايما نشوف الغرب احسن من عدنه للاسف مع العلم احنه مو قاصرين عدنه علماء و عقول مفكره بس على كولة اخوانه المصريين عايشين بعقدة الخواجه
حنين_ هههههه اي وانتي شنو رأيج ليلى .... ليلى ..... ليلى !!
ليلى_ شنو تتوقعون اليوم موجود ؟
حنين_ ليلى شبيج منو موجود ؟؟
ليلى_ شنو منو موجود ؟! شداتكولين
حنين_ والله انتي الي شداتكولين عقلج وين ويامن ؟
ليلى_ من البارحه اخذه ويا
ام ليلى_ ومنو هذا سعيد الحظ الي اخذ عقل بنتي وخلاها مخبله
ليلى_ كلشي بي غريب ومميز بنفس الوقت ماعرف شلون هو جذاب يمكن هو عادي بس اني شفته مو عادي فكره كلامه مشيته عيونه طوله
حنين_ ستوووووووووب ستوووووووووب كااافي منو هذا احجيلنا وين شفتي ؟
ليلى_ اول مره اشوف شخص واحس هاله من النور تدور حوله احس بكميه اذمئنان وامان بنفس الوقت خوف ورعشه
ام ليلى_ غير دكول منو هذا الملاك ؟
ليلى_ فعلا مو بشر عادي مثلنه
حنين_ هذا حقيقي لو بأحلامج ؟
ليلى_ حقيقي اييي حقيقي اني مادا احلم
ام ليلى_ منو هذا منين ووين شفتي ؟
ليلى_ شيخ عبدالله
حنين_ هههههههههههه شنو شنو شيخ !!!!!!! وشجابج عالمشايخ لولو
معقول ليلى يعجبها شيخ
أنت تقرأ
في محراب القلب
Actionكل الايام الي عشتها جانت عاديه الا اليوم الي شفته جان نقطه تحول كبيره لشخصيتي وحياتي وكلها ماجنت اتوقع رح اوكع بمصيدة الحب من النظره الاولى ! منو هوه ؟ وليش دكات قلبي صارت سريعه هيج ؟ من يكون ذالك الرجل ؟؟ انه قدري لا شك في ذالك
