كل واحد اخذ مكانه يشوف شغله وبدء تسجيل الحلقه الكل جان مشغول
ليلى جانت تستمع بتمعن لعبدالله جان الموضوع عن المراءة في الاسلام
حقوقها ودورها وعن حقوقها الكلام شد ليلى اول مره تسمع هذا الحجي طول عمرها ماتعرف شي عن دينها غير الشهادة و كم مره مأديه الصلاة اول مرة تعرف قيمة نفسها بحقوقها ورفعتها والمنزله الي نطاها رب العالمين للنساء
بنفس الوقت زاد اعجابها وفضولها تجاه عبدالله
انس_ ها شلونه الشغل ؟
ليلى_ تمام كلشي تمام استاذ انس
انس_ مبين انتي تحبين شغلج جدا
ليلى_ لازم احبه حتى اعرف اشتغله زين
انس_ كل يوم اتعرف بي عليج اكثر يزيد اعجابي بيج
ليلى_ شكرا
عبدالله خلص التصوير واجى نظره على ليلى وانس شلون كاعدين قريبين على بعض ويتبادلون الكلام
ما شاء الله بعدها جديده ولحكت تسوي علاقات وتكعد هيح قريب من الرجال وتتمضحك من البدايه جان اعرف هاي المراءة لعوب استغفر الله ربي العظيم واتوب اليه من شوكت واني احجي بأعراض الناس يارب سامحني بعدين اني ليش هيج ضايج
اجى انس على عبدالله وهو مبتسم
انس_ ماشاء الله شيخ عبدالله ابدعت اليوم كالعاده
عبدالله _ بارك الله بك
عافه ومشى بخطوات عصبيه ومستعجله لكى بوجهه ليلى
عبدالله_ ليوين تردين توصلين ؟
ليلى_ الك
عبدالله_ مو كافي ياختي
ليلى_ الشغله مو بيدي صدكني كلشي بيه تخربط من يوم الي شفتك
عبدالله_ تتزوجيني ؟؟
ليلى عكدت حاجبها وما مصدكه الي طلع من لسانه
ليلى_ شنو شنو كلت ؟
عبدالله _ تتزوجيني ؟
ليلى_ اي موافقه
عبدالله_ اخذيلي موعد من الاهل باجر بعد صلاة العشاء اكون يمكم ان شاء الله
عافها ومشى
جان هذا الي لازم يصير يعني ماكدر اشعر بهالشعور اتجاهه وهيه مو حلالي من يوم الي شفتها وهيه مافاركت خيالي وقلبي هو هذا القرار الصح
نتزوج والباقي كله سهل ان شاء الله
....
دخل عبدالله على اخوه عبد الكريم بدو يتبادلون اخبار بعض ويسولفون
عبدالكريم_ شيخي اكو حجي بگلبك احسه احجي ؟
عبدالله_ هههه والله محد غيرك يفهمني بهاي الدنيا
عبدالكريم_ اكيد اني اخوك الكبير واعتبر اني الي ربيتك محد رح يحفظك بكدي كول عبدالله
أنت تقرأ
في محراب القلب
Hành độngكل الايام الي عشتها جانت عاديه الا اليوم الي شفته جان نقطه تحول كبيره لشخصيتي وحياتي وكلها ماجنت اتوقع رح اوكع بمصيدة الحب من النظره الاولى ! منو هوه ؟ وليش دكات قلبي صارت سريعه هيج ؟ من يكون ذالك الرجل ؟؟ انه قدري لا شك في ذالك
