7 years( when you were gone )

Gone

'Inch by inch we are moving closer'

လေတိုက်ရာ လွင့်နေတဲ့ လိုက်ကာစအဖြူလေးရယ် ဆူနေပြီ ဖြစ်တဲ့ ရေနွေးအိုးက ထွက်လာတဲ့ အသံရယ် ငှက်ကလေးတွေရဲ့ ကျီကျီကျာကျာ အော်သံလေးတွေ ကြားကနေ ထွက်လာတဲ့ သီချင်းသံက ဆောင်းဟွန်းကို လှူပ်နှိူးတယ်

ဘေးနားမှာ လူမရှိတော့မှန်း သီချင်းသံက အတည်ပြုပေးနေတာတောင် ဆောင်းဟွန်း ပထမဆုံးလုပ်မိတာက အိပ်ရာဘေးကို အိပ်ချင်ယောင်ဝါးနဲ့ စမ်းရင်း ခါးသိမ်သိမ်လေးကို ပွေ့ဖက်လို့ရမလားဆိုပြီး ကြိုးစားသေးတာပါပဲ

ဆောနူကတော့ အိပ်ရာစောထနေပြန်ပြီ ထင်ပါတယ် မနက်နိုးနိုးချင်း ချစ်ရသူလေးကို ဖက်ပြီး ကိုယ်နံ့လေးကို မနမ်းရှူံ့ရတော့ ဆောင်းဟွန်းရဲ့ မျက်ခုံးနက်နက်တွေက တွန့်ချိုးတယ်

ကုတင်ပေါ်ကဆင်းပြီး ပြတင်း တံခါးကို လှစ်ကြည့်တော့ ပန်းပင်တွေကြားထဲမှာ လှူပ်ရှားနေတဲ့ ပုံရိပ်လေးကို သူမြင်လိုက်ရတယ်

ပန်းတွေနဲ့ အပြိုင် မဟုတ်သေး ပန်းတွေထက်တောင် ပိုလှတဲ့ သူ့ ချစ်ရသူလေးက ပန်းတွေရေလောင်းရင်း သီချင်းငြီးနေလေရဲ့

နေရောင်ခြည်ရဲ့ ပံ့ပိုးမှူအောက်မှာ ထိုသူ့ရဲ့ ဆံနွယ် ညိုခွေခွေလေးတွေက ပိုပြီးလှနေသလိုပါပဲ ပွင့်နေတဲ့ ပန်းတွေကိုကြည့်ရင်း ပြုံးနေတဲ့ ပါးမို့မို့ နှစ်ဖက်က အပူရှိန်ကြောင့် ပန်းရောင်လေးသန်းနေတော့ မက်မွန်သီးလေးလို စကြဝဠာတစ်ခုလုံးထည့်ထားသလို တောက်ပနေတဲ့ ပယင်းရောင်မျက်ဝန်းတွေကတော့ နေရောင်ခြည်ရဲ့ ပံ့ပိုးမှူ အောက်မှာ ပိုပြီး အရောင်လဲ့နေတော့တာပါပဲ

ဆောင်းဟွန်းရဲ့ မနက်ခင်းက ဆောနူကိုကြည့်နေရရုံနဲ့တင် အကုန်ပြည့်စုံသွားသလိုပါပဲ သူက အစွယ်တွေ ပေါ်လာတဲ့ထိ ပြုံးတယ် သူနဲ့ ၆လပဲကွာတဲ့ ကောင်လေးပေမယ့် သူ့မျက်လုံးထဲမှာတော့ ကလေးလေးလိုပါပဲ နေ့တိုင်းလည်း သူတွေးဖြစ်တယ်