بــين. قيود. آلكآسـر.

Part_. 10

_بين قيود _الكاسر

_للكاتبة:-ضحى ال ربيعيّ

‏
‏هلي قبل لااحجي انتو حسو
بيه هلي مو مال اوصيكم عليه.

_______________________ ___

رسل:-المعنى كلامك

مشتاق:-عيني كلامي بي هواي معنى اي واحد تريديني اشرحلج..

رسل:-اريدك تفهمني ليش جاي تسوي وياي هيج..

مشتاق:-جدي قبل لا يموت كال ساعدو الفقراء

رسل:-شنو قصدك اني فقرة.. شوف ترة اني لا بحالك ولا بحال فلوسك اوكي وذا كان تريد تسوي الفقراء روح شوف غير لنو اني مو فقيرة ولا محتاجة خلي فلوسكم لكم..

عفتة وطلعت من صيدلية وصلت المستشفى.. لي بيها امي... دخلت لغرفة. العناية... لكيتها نايمه وشكلها رايح.. دموعي نزلن... وكف يمي دكتور من شفتة كلت

شلون صار وضعها

.دكتور:-نفس ماهوة متغير ابدا.

رسل:-يعني العلاج مجاي يفيد لو شنو.. صارلها اكثر من سبع سنوات وهية نايمة..

دكتور:-العلاج جاي يفيدها بنسبة قلية.. ومن المحتمل تبقة هيج عايشة

رسل:-يعني شنو..

دكتور:-شوفي امج عندها مرض بدم بس مو خبيث يعني الكريات الدم الحمراء.. مجاي تشتغل.. وحنة كل شهر نبدل دمها بس مجاي يفيد... لنو شراينها تعبانات

رسل:-دكتور اختصر كلامك شنو..

دكتور:-العمار بيد الله... حنة راح نسوي لي علينة والباقي بيد الله..

رسل:-كال كلامة وراح.... تقربت يمها لزمت يدها..

ماما كافي صار لزم تكومين وتعينين بنتج.. انتي مو كلتيلي ماعوفج ومامصدكة بلي صار.. ماما اني بس اغمض عيوني اذكر.. الحادثة لي صارت.. احنة ملنة بيها والله... بس محد يعرف.. بس المفروض منسكت عن لي صار.. انتي لي خليتيني اسكت وماكول لي احد...

لي شفنا مجان نسكت عنة لنو هاذه شي غلط.. ماما اني جاي اعاني منة.. اعرف انتي جاي تسمعني.. اني محتاجتج وياي حيل.. احس نفسي ضعيفة من دونج.. لي صار وياي مو اكثر من لي صارلج..

بس لي سوي بيج هيج مراح اسكت عنة.... اول مره تتقبلين هيج غلط..

خليت راسي يم يديها وغمضت عيوني واني اذكر لي صار...