بــين. قيود. آلكآسـر.

Part_. 42

بسم الله الرحمن الرحيم

رواية

بين_قيود _الكاسر

للكاتبة:-ضحى ال ربيعيّ

_‏بَعد مامِـش سَوالف تتـَرس الخَاطِـر ..

******************************""

بقت صافنة علية وهية مستغربة بتسم لو وهية هم بتسمت وباوعت علة ادم.

ام ادم:يمة وليدي منو هاي..

ادم:منووو..

ام ادم:ولك شبيك اثول هاي لي جايبها وياك..

يمة يمة عيب تكليلي اثول كدامها.. هاي خدمة جبتها لج تساعدج بتنظيف البيت..

من. كال هيج نصدمت واني افتح عيوني علة وسعهن.. بخزرة وهوة ضحك

ادم:-لا لا يمة هاي اخت صديقي كال خلوها يمكم بين مالخلص شغل ورجع خطية هية خرسة متكدر تحجي..

ام ادم:-لا سودة علية شلونج يمة

ريام:-الحمدلله خالة بخير انتي شلونج

من كلامي المرأة بقت صافنة علية دارت وجها علة ادم لي ضارب علة راسة من شاف امة تباوعلة نزل يدة

ادم:-شبيج يمة جاي اعدل شعري..

ام ادم:: جا موتكول خرسة شو تحجي لسانها شطولة

ادم:-جا غير حجيتي وياها انتي قبل تردينها تسكت..

ام ادم:-انتة راح تخبلني تعالي يمة تفضل

دخلت للبيت ردت ادخل وراها لزم يدي.. وهوة معصب..

ادم:-ثولة شلون تحجين وياها

ريام:-واني شعلية هية لي حجت وياي ابقة ساكتة عيب اسكت حتراما لها.. وبعدين انتة مكتلي سوي نفسج خرسة جاي لصمت حلكي..

ادم:-اي عفيه عليج كلشي ولا امي اريدج تحترمينها.. اذا كالتلج تعالي بوسي رجلي تبوسينها فاهمة

ريام:لا حبيبي مافهمة.. ادري قابل شمسويتلها..

وتري الحساس عدلي سلوبج بالكلام لا تعرفين جسار شيسوي

ريام:-تمام هسة خليني ادخل عيب...

هز راسة دخلنة للبيت سوية جان شكلة البيت صغير بس اثاثة حيل حلووو. كعد يمها وهية تخيط..