بــين. قيود. آلكآسـر.

Part_. 48

بسم الله الرحمن الرحيم

روايه

بين قيود الكاسر

للكاتبة :-ضحى ال ربيعيّ

_يوسف

_براسي طفل يريد يبجي. وخايف يبينلة صوت.

_براسي منصوبة الچوادر تفتر الغربان بية وتكلي موت

__________________________________

واني جايك لحتة اكلك بلي راح يصير وياكم ولي سمعتة رح ينزلونك من قائمة العشائر والشيوخ..

عافنة ابو سلطان وطلع من ديوان وهوة مراضي علينة. اما علة عمكم كريم ماحو مالة اي اثر.. ابو عمار عرف بالموضوع دخولة علة بيتة بس معرف بنو معتدي علة بنتة... مر يومين وعرفنة شرطة رجعت لزمت كريم ورجع نحبس بجريمة عتداء.وسرقة.. مر شهر بوي حالتة نزلت.. بسب حجي ناس لي بعد ماتجي لديوانة.. صارت يمنة فاتحة وحسب الاصول لازم نقوم بالواجب

بوية انتة مريض ابقة هنا احنة نروح مكانك

عقاب:-لا بوية عيب من ابو مرتضى.. لازم اروح اسلم علية واوكف بجادر فاتحتهم..

ذياب:-بس بوية انتة متكدر شوف حالك. كوة توكف.. بعدين احنة راح ناخذ بخاطرهم ونوكف بدالك...

عقاب:-شبيكم بوية ترة اني بعدني بكل حيلي وبعدين هية سالفة ساعه نروح ونرجع..

سامر:-بكيفك بوية اذا هيج مصر تروح عادي..

طلعنة كلحنة ويااا اني وعمامكم.. سامر واسماعيل وذياب وداود.. دخلنة للجادر الفاتحة لي ماصبينة وهوة يرفع يدي بكل هيبة

شيخ عقاب:-سلام عليكم..

من كال هيج كلهم بقو كاعدين ومحد عتبر بسلام دار وجها لنة وهوة يبتسم.. والغصة ماخذتة. هز راسة كعدت بالكرسي وحنة ويااا.. اجت ناس اتعزي وتروح وتجي.. شفنة وكف يمنة.. مد يدة لة بحترام

عقاب:-بقية بحياتك ابو مرتضى..

بقة صافن علية وماحجة اي كلمة ابوع علة الموجودين واحد يهمس لثاني

.. جاي هوة ولدة بعد. مابنة سوى سوايتة قتل صديقة. ودخل علة حريم.. ابو عمار الله يعلم شمسوي بعد.

.. لا ويكولون جان يعرف بسوالف ابنة بس طلعة من سجن عود هوة شيخ ويحل المشاكل جا مايحل مشكلت ابنة..

كلامهم خلة ابوي يضوج حيل نزل يدة واني اشوفة ضاغط عليها... ترخص وطلع من مكان الفاتحه بقينة بس اني وداود لي ضرب طبلة بكل عصبية من تصرفة ناس كامت