بــين. قيود. آلكآسـر.

Part_. 13

بين _قيود _الكاسر_

للكاتبة:-ضحى ال ربيعيّ

:مو ڪلمن يهوس بلتفك رماي ولا ڪلمن تعڱل بلحجي معدل

_____________________________

رسل:-ماما فدوة بس شربي العلاج.. زين سويتلج شوربة.. راح تحبينها تذكرين من جنتي تكليلي

كومي تعلمي يجي يوم اني مموجودة وتطبخين وحدج..

احجي وياها.. وهية بس صافنة.. خليت راسي علة رجلها واني دوموعي ينزلن

ماما بس احجي وياي كلمة وحدة بس سمعيني صوتج رجعي صيحي علية ضحكي وياي.. فدوة ماما مكدر اشوفج هيج..

بقيت نايمة علة رجلها لمن حسيت دمعتها طاحت علة وجهي.. رفعت راسي شفت دموعها ينزلن

لا لا ماما مكتلج ابجي كافي.. يلة تعالي احرك رجليج.. مسحت دموعها..

جبت العلاجات وبقيت اخلي.. دهن لرجليها واحرك بيهن.. واني صافنة عليهن ثنينهن ميتات.. مسحت دموعي.. واني اضحك..

ماما تعرفين بنتج صارت تعتمد علة نفسها.. من مرة تكيلي.. الفاهية شنو يطلع منج بس نوم واكل.. هاي اني كدامج.. جاي اشتغل بصيدليه.. واي واحد.. ردت اكول اسمة.. ضحكت..

مشتاق كلش حباب جاي ينطين ارباح صيدلية لكدام.. رغم اني مكايلتلة. محتاجة..

ربي يحفظة ماما جاي علة بالي اروح ل امة واهلةة واشكرهم علة هيج ترباية حلو.

وبعدين اني حابة اغير هاذه البيت اريد اجيب احسن منة. راح اشوفة اذا نطاني فلوس بعد نشاء الله نطلع مناا..

بهل اثناء ندك الباب..

حياتي امي راح اروح اشوف منو لي اجة راجعتلج...

رحت وكفت يم الباب بعدني اريد احجي جاني صوتها

هبة:-؛هاي اني لاتخافين..

رسل:-شتردين جاية هسه وبعدين شنو هاي وين تردين

هبة؛-وين خالتي شلون صارت

رسل: دفعتني ودخلت الغرفة.. تصيح بكل حيلها.. رحت وراها شفتها تدرم..

هبة:-والله ياخالة فراقج تعبنة موتنة والله نومتج طولتيها شنو سالفه متوقعناج هيج رهيفة.. كبل تخذين المرض بحيلج..

رسل:-يبووو كافي عوفيها... شبلليتها.. ووووو.. كبر تعالي احجي وياج.

هبة:-اني لي اريد احجي وياج