ﻣﻨﻘﺬﻱ ( ﺳﺒﺎﻳﺎ ﺩﺍﻋﺶ )
#حلقه١
2014 ـ ﺑﻐﺪﺍﺩ ـ
ﺻﺒﺎﺡ ﺣﻠﻮ ﺑﺼﻮﺕ ﻋﺒﺪ ﺍﻟﺒﺎﺳﻂ ﻭﺭﺍﺣﺔ ﺍﻟﺒﻴﺖ ﻭﺳﻜﻴﻨﺘﻪ
ﺍﻟﻲ ﺗﻨﻄﻴﻨﻲ ﻧﺸﺎﻁ ، ﻭﺻﻮﺕ ﺍﻣﻲ ﺍﻟﻲ ﺗﺪﻧﺪﻥ ﺏ ﺍﻳﺎﺕ ﺍﻟﻘﺮﺍﻥ ﻭﻣﻨﺪﻣﺠﻪ ﺑﺘﺮﺗﻴﻠﻪ
ﻭﺍﺑﻮﻳﻪ ﺍﻟﻲ ﻛﺎﻋﺪ ﻭﺣﻮﺍﻟﻴﻨﻪ ﺍﺣﻔﺎﺩﻩ
( ﻋﻤﺮ .. ﻋﻠﻲ .. ﻣﺤﻤﺪ ) ﻳﻼﻋﺒﻬﻢ ﻭﺍﻧﻲ ﺍﺳﺎﻋﺪ ﺍﻣﻲ ﺑﺘﺤﻀﻴﺮ ﺍﻟﺮﻳﻮﻙ ﺍﻋﺮﻓﻜﻢ ﻋﻦ ﻧﻔﺴﻲ
ﺭﻳﺎﻡ ﻭﻋﻤﺮﻱ 18 ﺳﻨﻪ ﺍﺩﺭﺱ ﺻﻒ ﺧﺎﻣﺲ ﺍﻋﺪﺍﺩﻱ ﺭﺳﺒﺖ ﺳﻨﻪ ﺑﺎﻟﺜﺎﻟﺚ
ﺍﻧﻲ ﻣﺎﻫﻠﻜﺪ ﺍﺣﺐ ﺍﻟﺪﺭﺍﺳﻪ ﻭﻛﻠﺶ ﺍﺗﻌﺎﺟﺰ ﻣﻨﻬﺎ ﻭﻣﺎﺣﺐ
ﺍﻟﺪﻭﺍﻡ ﺍﺣﺐ ﺍﻟﻨﻮﻡ ﻭﺍﻻﻛﻞ ﻭﻳﺴﻤﻮﻧﻲ ﺗﻤﺒﻞ ﻣﺎﻝ ﻧﻮﻡ ﺑﻜﺜﺮ ﻣﺎﺍﻧﺎﻡ
ﻋﺎﻳﺸﻪ ﻭﻳﻪ ﺍﻫﻠﻲ .. ﺍﻣﻲ .. ﺍﺑﻮﻳﻪ .. ﻭﺍﺥ ﻭﺍﺣﺪ ﺍﺳﻤﻪ
ﺳﻠﻴﻤﺎﻥ ﻭﺟﺪﺗﻲ ﺍﻟﺤﺠﻴﻪ ﻟﻴﻠﻰ
ﻭ 5 ﺧﻮﺍﺕ ﻣﺘﺰﻭﺟﺎﺕ
ﺍﺛﻨﻴﻦ ﺑﺒﻐﺪﺍﺩ ﻭﻭﺣﺪﻩ ﺑﺎﻟﻤﻮﺻﻞ ﻭﻭﺣﺪﻩ ﺑﺎﻻﻧﺒﺎﺭ ﻭﻭﺣﺪﻩ ﺑﺎﻟﺒﺼﺮﻩ
ﻭﺍﺣﻨﻪ ﻃﺎﺋﻔﺘﻨﻪ ﻣﺘﻨﻮﻋﻪ
ﺍﻣﻲ ﻋﻠﻮﻳﻪ ﻣﻮﺳﻮﻳﻪ ﻭﺍﺑﻮﻳﻪ ﺳﻨﻲ ﺩﻟﻴﻤﻲ ﻣﻦ ﺳﻜﻨﺔ
ﺍﻻﻧﺒﺎﺭ ﻭﺯﻭﺍﺟﻬﻢ ﻋﻤﻚ ﺧﺎﻟﻚ ﻳﻌﻨﻲ ﺍﻗﺎﺭﺏ ﻭﻭﺍﺣﺪ ﻳﺎﺧﺬ ﻣﻦ ﺍﻟﺜﺎﻧﻲ
ﻭﺍﻫﻠﻨﺎ ﺗﻘﺮﻳﺒﺎً ﻫﻴﺞ ﻳﺎﺍﻣﺎ ﺍﻟﺮﺟﺎﻝ ﺷﻴﻌﻲ ﺍﻭ ﺍﻟﻤﺮﻩ ﺳﻨﻴﻪ ﻭﺍﻟﻌﻜﺲ
ﻭﻋﺎﻳﺸﻴﻦ ﺑﺤﺐ ﻭﺍﻣﺎﻥ ﻭﺑﻌﻴﺪﻳﻦ ﻋﻦ ﺍﻻﻣﻮﺭ ﺍﻟﻄﺎﺋﻔﻴﻪ ﺍﻟﻲ
ﺗﻔﻜﻚ ﻋﻮﺍﺋﻠﻨﺎ ﻭﺗﺴﻠﺐ ﺭﺍﺣﺘﻨﻪ ﻭﻛﻞ ﺍﻟﻲ ﻳﺴﺎﻟﻨﺎ ﻧﻜﻮﻟﻪ ﻣﺴﻠﻤﻴﻦ
ﻭﺻﺎﺭﻟﻨﻪ ﺳﻨﻴﻴﻴﻦ ﻉ ﻫﺬﺍ ﺍﻟﻮﺿﻊ ﺍﺫﻛﺮ ﺟﺎﻧﺖ ﺍﻣﻲ ﺗﻤﻨﻌﻨﺎ
ﻧﻄﻠﻊ ﺏ ﺍﻳﺎﻡ ﺍﻟﻄﺎﺋﻔﻴﻪ ﺏ ﺍﻝ 2007 ﺑﺴﺒﺐ ﺍﻟﻘﺘﻞ ﻫﺬﺍ
ﺷﻴﻌﻲ ﻭﻫﺬﺍ ﺳﻨﻲ ﻭﺍﻟﺤﺮﺏ ﺍﻟﻲ ﻗﺘﻠﺖ ﻫﻮﺍﻱ ﻣﻦ
ﺷﺒﺎﺑﻨﺎ ﻭﺑﺴﺒﺒﻬﺎ ﺗﻬﺠﺮﻭﺍ ﻛﺜﻴﺮ ﻣﻦ ﺍﻗﺎﺭﺑﻨﺎ ﻟﻠﺨﺎﺭﺝ ﺷﺮﺩﻭ
ﻣﻦ ﻇﻠﻢ ﺍﻟﻄﺎﺋﻔﻴﻪ
ﻭﻟﻼﺳﻒ ﺭﺍﺣﻮ ﻣﻦ ﻋﺎﺋﻠﺘﻨﺎ ﺷﺒﺎﺏ ﺑﻌﻤﺮ ﺍﻟﻮﺭﻭﺩ ﺍﻟﻠﻪ
ﻳﺮﺣﻤﻬﻢ ﻭﻳﺨﻠﺪ ﺫﻛﺮﻫﻢ
ﻋﺎﺋﻠﺘﻲ ﺑﺼﻮﺭﺓ ﺧﺎﺻﻪ .. ﻣﺘﺸﺪﺩﻳﻦ ﻭﺑﺎﻻﺧﺺ ﺍﻣﻲ
ﻣﺎﻛﺎﻧﺖ ﺗﻘﺒﻞ ﻧﻄﻠﻊ ﻭﻻ ﻧﺤﺠﻲ ﻭﻧﺸﻜﻲ
ﻭﺟﻨﻪ ﻣﺤﺒﻮﺳﻴﻦ ﺑﺎﻟﺒﻴﺖ ﻻﻧﻄﻠﻊ ﻭﻻ ﻧﻄﺐ ﻭﺣﺘﻪ
ﺍﻟﺠﻮﺍﺭﻳﻦ ﻣﺎﻧﻌﺮﻓﻬﻢ ﺍﻟﻪ ﻛﻢ ﻭﺣﺪﻩ ﺗﺠﻲ ﺗﺰﻭﺭ ﺍﻣﻲ ..
ﻭﻛﻞ ﺧﻮﺍﺗﻲ ﺯﻭﺟﻮﻫﻢ ﺑﻌﻤﺮ ﺍﻝ 14 ﻭﺍﻝ 16 ﺍﻟﻪ ﺍﻧﻲ ﺑﺰﺭ ﺍﻟﻜﻌﺪﻩ
ﺍﻟﻤﺪﻟﻠﻪ ﻋﻨﺪ ﺍﺑﻮﻳﻪ ﻭﺣﺒﻴﺒﺘﻪ ﺍﺣﺒﻪ ﻭﻣﺘﻌﻠﻘﻪ ﺑﻲ ﻫﻮﺍﻳﻪ
ﺣﺘﻪ ﺍﻛﺜﺮ ﻣﻦ ﺍﺧﻮﻳﻪ ﺳﻠﻴﻤﺎﻥ ﺭﻏﻢ ﻫﻮ ﺍﻟﻮﻟﺪ ﺍﻟﻮﺣﻴﺪ ﻋﻨﺪﻩ
ﻭﺍﺟﻪ ﻉ ﺧﻤﺲ ﺑﻨﺎﺕ ﻛﻞ ﻛﻼﻣﻪ ﺍﻟﺒﻨﺎﺕ ﺭﺣﻤﻪ ﻭﻋﺰﻩ
ﻭﺭﺍﺣﻪ ﺑﺲ ﺍﻣﻲ ﺑﺴﺒﺐ ﻋﻤﺎﺗﻲ ﻭﺧﺎﻻﺗﻲ ﺟﺎﻧﺖ ﺗﺴﻤﻊ
ﺣﺠﻲ ﻳﻘﻬﺮﻫﺎ ﻭﻳﻀﻮﺟﻬﺎ ﻓﺘﻜﻮﻡ ﺗﺤﺒﻞ ﻓﻮﻛﻪ ﻓﻮﻛﻪ ﻳﻄﻠﻊ
ﻣﻦ ﺍﻻﺭﺑﻌﻴﻦ ﻭﺭﻩ ﻛﻢ ﻳﻮﻡ ﺗﺤﻤﻞ ﻟﺤﺪ ﻣﺎ ﺿﻞ ﻳﺼﻴﺮ
ﻋﻨﺪﻫﺎ ﺍﺳﻘﺎﻃﺎﺕ ﻭﺍﺳﻘﻄﺖ 4 ﻭﺣﻤﻠﺖ ﺏ ﺍﺧﻮﻳﻪ ﺭﻏﻢ
ﺗﻌﺒﻬﺎ ﻭﺗﺤﺬﻳﺮ ﺍﻟﻄﺒﻴﺐ ﺍﻟﻬﺎ ﺑﺲ ﺟﺎﻧﺖ ﺗﻌﺎﻧﺪ ﻭﺍﻟﻲ
ﺑﺮﺍﺳﻬﺎ ﺗﺴﻮﻱ ﺍﺟﻪ ﺍﺧﻮﻳﻪ ﻭﺻﺎﺭ ﺍﻟﻜﻞ ﺑﺎﻟﻜﻞ
ﻭﺗﺨﻠﺼﺖ ﺍﻣﻲ ﻣﻦ ﺍﻟﻜﻠﻤﺎﺕ ﺍﻟﺘﺠﺮﺣﻬﺎ ... ﺍﻡ
ﺍﻟﺒﻨﺎﺕ .. ﺧﻠﻔﺘﻬﺎ ﺑﺲ ﺑﻨﺎﺕ .. ﻣﺎﻣﻨﻬﺎ ﻓﺎﻳﺪﻩ ﻻﻥ ﻣﺎﺧﻠﻔﺖ ﻭﻟﺪ
ﺣﻴﺎﺗﻨﻪ ﻋﺎﺩﻳﻪ ﺣﺎﻟﻬﺎ ﺣﺎﻝ ﺍﻱ ﻋﺎﺋﻠﻪ ﻋﺮﺍﻗﻴﻪ ﺑﻲ ﻣﺸﺎﻛﻞ
ﻭﺑﻴﻬﺎ ﺭﺍﺣﻪ
ﻣﻦ ﺑﻌﺪ ﻣﺎﺗﺰﻭﺟﻦ ﺧﻮﺍﺗﻲ ﻭﺍﺧﻮﻳﻪ ﺗﺰﻭﺝ ﻭﺻﺎﺭ ﻋﻨﺪﻩ
ﺟﻬﺎﻝ ﺻﺎﺭﺕ ﺭﻭﺡ ﺑﺎﻟﺒﻴﺖ ﻭﺻﻴﺎﺡ ﺍﻟﺠﻬﺎﻝ ﻭﻟﻌﺒﻬﻢ
ﻭﻣﺘﻮﻧﺴﻴﻦ ﻋﻠﻴﻬﻢ ﻭﺍﻣﻲ ﺗﺪﻭﺭ ﺗﺪﻭﺭ ﻭﺗﻜﻠﻪ ﺧﻠﻲ ﻣﺮﺗﻚ ﺗﺤﺒﻞ
ﺍﻣﻲ ﺍﺗﺤﺐ ﺍﻟﺠﻬﺎﻝ ﻭﻭﺩﻫﺎ ﻛﻮﻥ ﻛﻞ ﻭﺍﺣﺪ ﺑﻴﻨﻪ ﻋﻨﺪﻩ
ﺧﻤﺴﻪ ﺳﺘﻪ
ﺗﻜﻮﻝ ﺍﻟﻨﺒﻲ ﻳﺤﺐ ﺍﻟﻤﺮﻩ ﺍﻟﺤﺒﻠﻰ ، ﻳﻌﻨﻲ ﺍﻟﻲ ﺗﻜﺜﺮ ﺍﻟﻨﺴﻞ
ﻭﻧﺘﻨﺎﻛﺮ ﻋﻠﻰ ﻃﻮﻝ ﺍﻛﻠﻬﺎ -: ﺷﻨﻮ ﻓﺎﻳﺪﻩ ﻛﺜﺮﺓ ﺍﻟﺠﻬﺎﻝ
ﻛﺎﻓﻲ ﺗﻘﻨﻌﻴﻦ ﺧﻮﺍﺗﻲ ﻳﺤﻤﻠﻦ ﻛﻞ ﻭﺣﺪﻩ ﻋﺪﻫﺎ ﺩﺭﺯﻥ
ﺧﻠﻴﻬﻢ ﻳﺸﻮﻓﻮﻥ ﺣﻴﺎﺗﻬﻢ ﻭﻳﺘﻮﻧﺴﻮﻥ
ﻭﺟﻮﺍﺑﻬﺎ -: ﺷﺤﻼﺗﻬﺎ ﻋﺎﻳﻠﻪ ﺟﺒﻴﺮﻩ ﻭﻳﻠﺘﻤﻮﻥ ﺍﺣﻔﺎﺩﻱ ﻳﻤﻲ
ﺍﺣﻄﻬﻢ ﺑﻄﻦ ﻋﻴﻨﻲ ﻭﺑﺮﻣﺸﻬﺎ
ﺍﺧﺘﻲ ﺍﻟﺠﺒﻴﺮﻩ ﻋﻨﺪﻫﺎ 4 ﻭﺣﺎﻣﻞ ، ﻭﻟﻴﻞ ﻧﻬﺎﺭ ﺍﺣﺠﻲ
ﻋﻠﻴﻬﺎ ﻻﻥ ﺧﻠﻔﺘﻬﺎ ﻋﻤﻠﻴﻪ ﻭﺗﺘﺎﺫﻩ ﻭﻣﻦ ﺗﺠﻴﺐ ﺗﺠﻲ ﻋﺪﻧﻪ
ﻭﺟﻬﺎﻟﻬﺎ ﻣﺎﻳﻨﺠﺮﻋﻮﻥ ﺑﻮﻛﺎﺣﺘﻬﻢ
ﺍﻧﻲ ﺷﺨﺼﻴﺘﻲ ﺻﺎﺭﻣﻪ ﻭﻗﻮﻳﻪ ﻣﺎﺍﻧﻐﻠﺐ ﻭﺣﻘﻲ ﺍﺧﺬﻩ ﻣﻦ
ﺣﻠﻚ ﺍﻟﺴﺒﻊ
ﻭﻣﺤﺪ ﻳﻜﺪﺭ ﻋﻠﻴﻪ ﺍﻟﻠﻪ ﻣﻨﻄﻴﻨﻲ ﻟﺴﺎﻥ ﻣﺎﺍﺳﻜﺖ ﻭﺍﺭﺍﺩﺩ
ﺍﻟﻜﻠﻤﻪ ﺑﻌﺸﺮﻩ
ﻣﺮﺍﺕ ﻟﺴﺎﻧﻲ ﻋﺎﻡ ﻋﻠﻴﻪ ﻭﻳﻮﺭﻃﻨﻲ ﺑﺲ ﻛﻞ ﺍﻟﻲ ﺑﺒﺎﻟﻲ
ﺍﻟﻀﻌﻴﻒ ﻳﺎﻛﻠﻮﻧﻪ ﺍﻟﻨﺎﺱ ﺑﺪﻭﻥ ﺑﺴﻢ ﺍﻟﻠﻪ ﻭﺍﻟﻤﺎﻳﺨﺪ ﺣﻘﻪ
ﺑﻴﺪﻩ ﻣﺤﺪ ﻳﺎﺧﺬﻟﻪ ﺣﻘﻪ ﺧﻠﻲ ﻛﻞ ﻭﺍﺣﺪ ﻳﻌﺘﻤﺪ ﻉ ﻧﻔﺴﻪ ﺑﻜﻠﺸﻲ
ﻣﺮﻩ ﻛﺎﻋﺪﻳﻦ ﻭﺍﺧﺘﻲ ﻋﺪﻧﻪ ﺯﻋﻼﻧﻪ ﻭﺍﺧﺘﻲ ﺍﻟﺦ ﻫﻢ ﺍﺟﺘﻲ ﻋﺪﻧﻪ
ﻭﻛﺎﻋﺪﺍﺕ ﺑﺎﻟﻐﺮﻓﻪ ﻧﺴﻮﻟﻒ ﺍﺧﺘﻲ ﻧﻮﺭﺍﻥ ﻭﻧﻮﺭ
ﻧﻮﺭ ﻫﻲ ﺍﻟﺰﻋﻼﻧﻪ ﻣﻦ ﺯﻭﺟﻬﺎ
ﺭﻳﺎﻡ .. ﻫﺴﻪ ﺍﻧﺘﻲ ﻣﺎﺗﻤﻠﻴﻦ ﻣﻦ ﺍﻟﺰﻋﻞ ﻛﻞ ﻳﻮﻡ ﺟﺎﻳﻪ
ﺯﻋﻼﻧﻪ ﺷﻜﺪ ﺿﻌﻴﻔﻪ ﻭﻣﺎﻋﻨﺪﺝ ﻛﻠﻤﻪ ﻭﻣﺎﺗﺘﻮﺑﻴﻦ
ﻧﻮﺭ .. ﺣﻘﺞ ﻣﺎﻣﺘﺰﻭﺟﻪ ﻣﺜﻞ ﻋﻼﺀ ﻭﺷﺎﻳﻔﻪ ﺿﻴﻤﻪ ﺣﺴﺮﻩ ﻋﻠﻴﻪ ﺍﻛﻠﻪ ﺷﻲ ﻳﻨﻬﺪ ﺑﻴﻪ
ﻧﻮﺭﺍﻥ .. ﺑﺲ ﺍﻧﺘﻲ ﻟﻴﺶ ﺗﺴﻜﺘﻴﻠﻮ
ﻧﻮﺭ .. ﺷﺤﺠﻲ ﻣﺎﻳﺤﺐ ﺍﺣﺪ ﻳﻼﺳﻨﻪ ﻭﻳﺮﺍﺩﺩﻩ ﻭﺍﻣﻲ ﻋﻠﻤﺘﻨﻪ
ﺷﻤﺎ ﻳﺤﺠﻲ ﺭﺟﻠﺞ ﺗﺎﻛﻠﻴﻦ ﺧﺮﺍ ﻭﺗﺴﻜﺘﻴﻦ ﻭﺣﻠﻜﺞ
ﻣﺎﺗﻔﻜﻴﻨﻪ ﻣﻮ ﻧﻮﺭﺍﻥ ﻟﻮ ﻏﻠﻄﺎﻧﻪ ﻣﻮ ﺍﻣﻲ ﻛﺪﺍﻣﺞ ﺗﺮﺯﻝ
ﺑﻴﻨﻪ ﻭﺗﻜﻮﻝ ﺍﻟﻤﺮﻩ ﺍﻟﺘﺤﺘﺮﻡ ﺭﺟﻠﻬﺎ ﻭﻣﺎﺗﺮﺍﺩﺩﻩ ﻳﺨﻠﻴﻬﻪ ﻉ
ﺭﺍﺳﻪ ﻫﺎﻱ ﺍﺣﺘﺮﻣﻨﻪ ﻭﺳﻜﺘﻨﻪ ﻭﺍﻛﻠﻨﻪ ﻧﻌﻞ ﺍﻭﻭﻭﻭﻭﻭﻑ
ﻣﻦ ﺧﺮﺍ ﺑﺤﻈﻲ ﻉ ﻫﻴﺞ ﻗﺴﻤﻪ
ﻧﻮﺭﺍﻥ -: ﻭﺍﻟﻠﻪ ﻫﻮ ﺭﺟﻠﺞ ﻣﺎﺩﺭﻱ ﺷﺒﻲ ﻟﻴﻞ ﻧﻬﺎﺭ ﺍﻋﺼﺎﺑﻮ
ﺑﺮﺍﺳﻮ ﻭﻣﺎﻳﻨﻄﻲ ﻣﺠﺎﻝ ﻟﻠﻨﻘﺎﺵ
ﺭﻳﺎﻡ -: ﻭﺍﻟﻠﻪ ﻟﻮ ﻣﻮ ﺭﺟﻠﻲ ﻣﺎﺍﺳﻜﺘﻠﻪ ﺷﻨﻮ ﺗﺎﻳﻬﺘﻠﻪ ﺣﺘﻪ
ﻳﻤﺸﻲ ﻭﻳﺼﻜﻊ ﺑﻴﻪ ﺑﺲ ﺍﻧﺘﻦ ﺿﻌﻴﻔﺎﺕ ﻭﺗﻤﺸﻦ ﻭﺭﻩ
ﺍﻟﺤﺠﻲ ﻣﺎﻋﺪﺟﻦ ﺷﺨﺼﻴﻪ ﻭﻛﻠﻤﻪ ﻭﺍﻟﻠﻪ ﺍﺷﻚ ﺣﻠﻜﻪ ﺍﻟﻴﺤﺠﻲ ﻭﻳﺎﻳﻪ
ﻧﻮﺭ -: ﺣﺠﻲ ﻳﻔﻴﺪﺝ ﻫﺬﺍ ﻣﻦ ﺭﺍﺡ ﺗﺘﺰﻭﺟﻴﻦ ﻣﺎﺗﻜﺪﺭﻳﻦ ﻫﻴﺞ
ﺗﺤﺠﻴﻦ ﻻﻥ ﻳﻄﻠﻌﺞ ﻧﺎﻗﺼﺔ ﺗﺮﺑﻴﻪ ﻭﻣﺎﻋﻨﺪﺝ ﺍﺧﻼﻕ ﻭﺗﺎﻟﻲ
ﻳﻜﻮﻝ ﺍﻟﺼﻮﺝ ﺑﻬﻠﻬﺎ
ﻧﻮﺭﺍﻥ -: ﺍﻧﺘﻲ ﻟﺴﺎﻧﺞ ﺭﺍﺡ ﻳﺴﻮﺩ ﻋﻴﺸﺘﺞ ﻳﺎﻟﻤﺼﻜﻮﻋﻪ ﻛﻠﻮ
ﻣﻦ ﻭﺭﻩ ﺻﺪﻳﻘﺎﺗﺞ ﺍﻻﺩﺑﺴﺰﻳﺎﺕ
ﻧﻮﺭ -: ﻳﺎﻟﻤﻠﺴﻮﻧﻪ ﺑﺎﺟﺮ ﻋﻜﺒﻪ ﺣﺘﻪ ﻋﻤﺘﺞ ﻟﻮ ﻻﺳﻨﺘﻴﻬﻪ ﺭﺍﺡ
ﺗﺸﻜﻴﻠﻪ ﻭﺗﻄﻠﻌﺞ ﺍﻧﺘﻲ ﺍﻟﻐﻠﻄﺎﻧﻪ ﺣﺘﻪ ﻟﻮ ﻫﻲ ﻏﻠﻄﺖ
ﺑﺤﻘﺞ ﺭﺍﺡ ﻳﻜﻠﺞ ﺍﻧﺘﻲ ﺍﻟﻤﺎﺣﺘﺮﻣﺘﻴﻬﺎ ﻭﻫﻲ ﺑﻌﻤﺮ ﺍﻣﺞ
ﺭﻳﺎﻡ -: ﻭﻣﻨﻮ ﻛﻠﺠﻦ ﺍﻧﻲ ﻣﺎﻣﺤﺘﺮﻣﻪ ﻟﻮ ﻣﺎﻣﺆﺩﺑﻪ ﺍﻟﻲ
ﻳﺪﺍﻓﻊ ﻋﻦ ﻧﻔﺴﻪ ﻭﻣﻴﺨﻠﻲ ﺍﺣﺪ ﻳﺄﺫﻱ ﻭﻳﻤﺴﻪ ﺻﺎﺭ
ﻣﺎﻣﺤﺘﺮﻡ ﻭﻣﺎﻣﺆﺩﺏ ﺍﺑﻘﻦ ﺑﻬﺎﻱ ﻋﻘﻠﻴﺠﻦ ﻭﺍﻟﻠﻪ ﻟﻮ
ﻣﺨﻠﻴﺘﻠﺞ ﻛﻠﻤﻪ ﻳﻢ ﺭﺟﻠﺞ ﻭﻣﺨﻠﻴﻪ ﺍﺳﺎﺱ ﺑﻌﻼﻗﺘﺞ ﻭﻳﺎﻩ
ﻣﺎﺟﺎﻥ ﻳﻤﺸﻲ ﻭﻳﺼﻜﻊ ﺑﻴﺞ ﻭﻳﻮﻣﻴﻪ ﺯﻋﻼﻧﻪ ﻭﺍﻟﻠﻪ ﻟﻮ ﻣﻨﺞ
ﻣﺎﺍﺟﻲ ﺍﻟﺒﻴﺖ ﺍﻫﻠﻲ ﻭﺍﻛﻌﺪ ﻋﻠﻰ ﻛﻠﺒﻪ ﻣﺎﺧﻠﻲ ﻳﺮﺗﺎﺡ ﺑﻐﻴﺎﺑﻲ
ﻧﻮﺭﺍﻥ -: ﻭﻟﺞ ﻫﻲ ﻻﻥ ﺭﺟﻠﻬﻪ ﺿﺎﺑﻂ ﺗﺸﻮﻓﻴﻨﻮ ﻣﻌﺼﺐ ﻭﻣﺤﺘﻘﻦ 24 ﺳﺎﻋﻪ
ﻧﻮﺭ -: ﺍﻱ ﻫﻮ ﺑﺤﻜﻢ ﺷﻐﻠﻪ ﻫﻴﺞ ﺑﺲ ﺍﺣﺒﻪ ﻣﻮ ﺑﻴﺪﻱ
ﻧﻮﺭﺍﻥ -: ﻫﻬﻬﻬﻬﻬﻪ ﻣﺎﺗﺸﻮﻓﻴﻦ ﻣﺨﻠﻔﻪ 3 ﻭﻳﻦ ﻳﻨﻜﺪﺭﻟﺞ ﺍﻧﺘﻲ
ﻧﻮﺭ -: ﻭﻟﺞ ﻋﻴﻨﻲ ﺻﺎﺭﻟﻪ ﻓﺘﺮﻩ ﻣﺎﺩﺭﻱ ﺷﻤﺎﻟﻪ ﺍﻻﺭﻫﺎﺑﻴﻦ
ﺑﺎﻟﻤﻮﺻﻞ ﻛﺜﻴﻎ ﻭﻳﻜﻠﻲ ﻉ ﻳﺎﺳﺎﻋﻪ ﻧﻄﻠﻊ ﻣﻦ ﺍﻟﻤﻮﺻﻞ
ﻧﻮﺭﺍﻥ -: ﺍﺣﻨﻪ ﺻﺎﻳﺮﻳﻦ ﻳﻤﻨﻪ ﺗﺠﻤﻌﺎﺕ ﻭﺍﻟﻴﻜﺘﻞ ﺫﻳﺞ ﺍﻟﻤﺮﻩ
ﺑﺎﻟﺠﺎﻣﻊ ﻳﺴﻮﻟﻔﻠﻲ ﺍﺣﻤﺪ ﻳﻜﻮﻝ ﻛﺎﻋﺪﻳﻦ ﻭﻳﺤﺠﻮﻥ
ﻭﻳﻨﺼﺤﻮﻥ ﺏ ﺍﺳﻢ ﺍﻟﺪﻳﻦ ﻭﻫﻢ ﻭﻟﺤﻴﺎﻫﻢ ﻭﻗﺬﺍﺭﺗﻬﻢ
ﻭﻣﺴﻤﻴﻬﻢ ﺗﺴﻤﻴﺎﺕ ﺑﺲ ﺍﻻﺭﻫﺎﺑﻲ ﻣﻌﺮﻭﻑ ﺷﻜﻠﻮ
ﺳﻴﻤﺎﻫﻢ ﻓﻲ ﻭﺟﻮﻫﻢ ﻭﻋﻤﻲ ﺻﺎﺭ ﻣﺎﻳﻄﻠﻊ ﻟﻠﺠﺎﻣﻊ
ﺑﺴﺒﺒﻬﻢ ﻭﺍﻫﻞ ﺍﻟﻤﻨﻄﻘﻪ ﺍﺷﺘﻜﻮ ﻻﻥ ﻳﺤﺮﺿﻮﻥ ﻭﺫﻳﺞ
ﺍﻟﻤﺮﻩ ﺷﺎﺏ ﺧﻄﻴﻪ ﻳﺴﻤﻮﻧﻮ ﺣﻴﺪﺭ ﺍﻟﻜﺼﺎﺏ ﺑﻴﻮﻡ ﺍﻟﻌﺎﺷﺮ
ﻃﺎﻟﺐ ﻣﻦ ﺍﺑﺎ ﻋﺒﺪﺍﻟﻠﻪ ﻉ ﺍﻟﺬﺭﻳﻪ ﻉ ﻧﻴﺎﺗﻮ ﺍﻟﻠﻪ ﺭﺍﺯﻗﻮ
ﺑﻔﻀﻞ ﺍﻫﻞ ﺍﻟﺒﻴﺖ
ﻭﺧﻄﻴﻪ ﺫﺍﺑﺢ ﺑﺜﻮﺍﺏ ﺍﻟﺤﺴﻴﻦ ﻉ ﻭﻳﻮﻡ ﺛﺎﻧﻲ ﻻﻛﻴﻨﻮ ﻣﺬﺑﻮﺡ
ﻳﻢ ﺑﺎﺏ ﺩﻛﺎﻧﻮ ﻭﻛﺎﺗﺒﻴﻦ ﻭﺭﻗﻪ ﺭﺍﻓﻀﻲ ﻭﻋﻤﻴﻞ ﻟﻠﺮﻭﺍﻓﺾ
ﻭﻛﺎﻓﺮ ﻭﻫﻮ ﺍﻟﻮﻟﺪ ﺳﻨﻲ ﻣﻦ ﺍﻻﻧﺒﺎﺭ ﺑﺲ ﺭﻭﺣﻪ ﻃﻴﺒﻪ
ﻭﻣﺎﻋﻨﺪﻩ ﻃﺎﺋﻔﻴﻪ ﺑﺲ ﻻﻥ ﺍﺳﻤﻮ ﺣﻴﺪﺭ ﺣﺴﺒﻲ ﺍﻟﻠﻪ ﻉ
ﻗﺎﺗﻠﻴﻨﻮ
ﻭﻏﻴﺮ ﺍﻟﻜﺘﺎﺑﺎﺕ ﻉ ﺍﻟﺠﺴﻮﺭ ﻭﺍﻟﺤﻴﺎﻃﻴﻦ ﻳﻤﺴﺤﻮﻫﻢ ﻭﻳﻮﻡ
ﺛﺎﻧﻲ ﻳﻠﻜﻮﻥ ﺍﻛﺜﺮ ﻭﺍﻟﻠﻪ ﺍﻟﻮﺿﻊ ﻣﺎﻳﻄﻤﻦ
ﺭﻳﺎﻡ -: ﻋﺰﺯﺯﺯﺍﺍﺍ ﺻﺪﻙ ﺯﻳﻦ ﺍﻟﺤﻜﻮﻣﻪ ﺍﻟﺸﺮﻃﻪ ﺍﻟﺠﻴﺶ
ﻟﻴﺶ ﺳﺎﻛﺘﻴﻦ ﻉ ﺍﻓﻌﺎﻟﻬﻢ ﻭﺍﻧﺘﻮ ﺷﺴﻮﻳﺘﻮ
ﻧﻮﺭﺍﻥ -: ﺍﻟﻌﺎﻟﻢ ﻛﺎﻣﺖ ﺗﻄﻤﻄﻢ ﺑﺎﻟﺴﺎﻟﻔﻪ ﻭﺍﻛﻮ ﻧﺎﺱ ﺗﻜﺮﻩ
ﻫﺬﻱ ﺍﻟﻌﺎﺩﺍﺕ ﺍﻟﻲ ﻫﻤﻪ ﻧﻔﺴﻬﻢ ﻳﺤﺮﺿﻮﻥ ﻭﻳﺴﻮﻭﻥ
ﻃﺎﺋﻔﻴﻪ ﺑﻴﻦ ﺍﻟﻨﺎﺱ ﻭﺍﻛﻮ ﻧﺎﺱ ﻻ ﻭﺍﻟﻠﻪ ﺍﻧﺘﻔﻀﺖ ﻭﻃﺎﻟﺒﻮ
ﺑﺤﻘﻮ ﺑﺲ ﺣﻜﻢ ﺍﻟﻘﻮﻱ ﻉ ﺍﻟﻀﻌﻴﻒ ﺍﻣﺎ ﺍﻟﺤﻜﻮﻣﻪ
ﻓﺘﻌﺮﻓﻴﻦ ﺣﻜﻮﻣﺘﻨﻪ ﺍﻟﻤﻮﻗﺮﻩ ﻛﻞ ﻫﻤﻬﺎ ﻧﻔﺴﻬﻢ ﻭﻫﻢ
ﻧﻔﺴﻬﻢ ﺍﻟﻲ ﻭﺻﻠﻮﻧﺎ ﺍﻟﻬﺬﺍ ﺍﻟﺤﺎﻝ
ﻧﻮﺭ -: ﻧﻔﺲ ﺍﻟﻮﺿﻊ ﺑﺎﻟﻤﻮﺻﻞ ﻭﺍﺳﻮﺀ ﻳﻤﻨﺎ ﻛﺜﻴﻎ ﻧﺴﻤﻊ
ﻗﺼﺺ ﻭﺍﻟﻠﻪ ﺍﻟﻮﺿﻊ ﻳﺨﻮﻑ ﻋﺎﺩ ﻛﻠﺖ ﺍﻟﻌﻼﺀ ﺧﻠﻴﻨﺎ ﻧﺠﻲ
ﻫﻨﺎ ﺍﻟﺒﻐﺪﺍﺩ ﻭﺍﻧﻘﻞ ﺩﻭﺍﻣﻚ
ﻳﻜﻠﻲ ﺍﻟﻠﻪ ﻛﺮﻳﻢ ﻭﻳﺴﻜﺘﻨﻲ ﻭﺍﻟﻠﻪ ﺭﺍﺡ ﻳﻤﻮﺗﻨﻲ ﻫﺎﻟﺮﺟﺎﻝ
ﻭﻣﺎﻳﻔﻜﺮ ﺑﻮﺿﻌﻨﺎ
ﻧﻮﺭﺍﻥ -: ﺍﺣﻨﻪ ﺍﻫﻞ ﺍﻟﻐﺮﺑﻴﻪ ﻫﻮﺍﻳﻪ ﺍﻧﻈﻠﻤﻨﺎ ﺑﺴﺒﺐ
ﺍﻟﻄﺎﺋﻔﻴﻪ ﺗﺸﻮﻓﻴﻨﺎ ﻛﻠﺐ ﻋﻜﻠﺐ ﻭﻣﺎﻛﻮ ﺣﻘﺪ ﻭﻛﺮﻩ ﺑﺲ
ﺟﺎﻱ ﺗﺪﺧﻞ ﺟﻤﺎﻋﺎﺕ ﻣﻨﺪﺳﻪ ﻭﻣﺴﻤﻮﻣﻪ ﺗﺨﺮﺏ ﺑﻴﻨﺎ
ﻭﺗﻔﻜﻚ ﺷﻤﻠﻨﺎ ﺫﻳﺞ ﺍﻟﻤﺮﻩ ﺑﺬﺍﻙ ﺍﻻﺳﺒﻮﻉ ﻟﺰﻣﻮ ﻭﺍﺣﺪ
ﺍﻓﻐﺎﻧﻲ ﺩﻳﺒﻴﻊ ﺣﺒﻮﺏ ﻭﻋﻨﺪﻭ ﻣﺠﻤﻮﻋﻪ ﻭﻣﻮﺯﻋﻬﻢ ﻉ
ﺍﻣﺎﻛﻦ ﻣﺨﺘﻠﻔﻪ ﻣﺪﺍﺭﺱ ﻟﻮ ﺑﺎﻟﺴﻮﻙ ﻭﻳﺒﻴﻊ ﻫﺎﻟﺴﻢ ﻫﺬﺍ .
ﻭﺍﻟﺤﻤﺪﺍﻟﻠﻪ ﻭﺍﻟﺸﻜﺮ ﻟﺰﻣﻮ
ﺭﻳﺎﻡ -: ﻛﺒﺮ ﻫﺴﻪ ﻫﺬﺍ ﺍﻟﺨﺮﺍ ﺷﺠﺎﺑﻪ ﻟﻠﻌﺮﺍﻕ ﺷﻠﻮﻥ ﺩﺧﻞ
ﻟﻠﻌﺮﺍﻕ ﻭﺷﻠﻮﻥ ﻫﺎﻟﺴﻢ ﻫﺬﺍ ﺩﺧﻞ ﻟﻠﻌﺮﺍﻕ ﺷﻠﻮﻭﻭﻭﻥ
ﻧﻮﺭ -: ﻛﻮﻥ ﻳﻜﻌﺪ ﻳﻤﺞ ﻋﻼﺀ ﻭﻳﺴﻤﻌﺞ ﺍﻟﻘﺼﺺ ﺍﺷﻜﺎﻝ
ﺍﺷﻜﺎﻝ ﻭﻣﺨﺘﻠﻒ ﺍﻟﺠﻨﺴﻴﺎﺕ ﻳﺸﻴﺐ ﺭﺍﺳﺞ ﻣﻨﻬﺎ
ﺭﻳﺎﻡ -: ﺯﻳﻦ ﻭﻫﺎﻱ ﺍﻟﺴﻤﻌﻨﻪ ﻋﻨﻪ ﺍﻟﺒﻨﺎﺕ ﻳﺤﺠﻦ ﺑﺎﻟﻤﺪﺭﺳﻪ
ﺟﺎﻳﻪ ﺟﻤﺎﻋﺎﺕ ﻣﺘﺪﻳﻨﻪ ﻛﻠﺶ ﻭﺗﻨﺸﺮ ﺍﻻﺳﻼﻡ ﻭﻳﻜﻮﻟﻦ
ﻫﻮﺍﻱ ﺷﺒﺎﺏ ﺍﻫﺘﺪﺕ
ﻧﻮﺭﺍﻥ -: ﻟﺞ ﻋﻴﻨﻲ ﻫﻢ ﺍﻟﻲ ﻛﺘﻠﺞ ﻋﻠﻴﻬﻢ ﻫﺬﻭﻝ ﻳﻨﺘﺸﺮﻭﻥ
ﺑﺎﻟﻜﻬﺎﻭﻱ ﻭﺍﻟﺠﻮﺍﻣﻊ ﻭﻛﻞ ﺣﺠﻴﻬﻢ ﺟﺬﺏ ﺑﺠﺬﺏ ﻭﺍﻛﻮ
ﻧﺎﺱ ﺗﺼﺪﻙ ﺧﺼﻮﺻﺎ ﺍﻟﻤﺮﺍﻫﻘﻴﻦ ﻭﺷﺮﺍﺑﻴﻦ ﺍﻟﻌﺮﻙ
ﻭﺍﻟﺰﺍﻳﻊ ﺭﻭﺣﻮ ﻭﺍﻟﻤﻜﺒﺴﻞ ﻭﺍﻟﻠﻪ ﺷﻨﻮ ﺣﺘﻪ ﻳﻬﺘﺪﻱ
ﻟﻼﺳﻼﻡ ﻭﺍﻟﻄﺮﻳﻖ ﺍﻟﺤﻖ ﻭﻫﻢ
ﻛﺎﺗﺒﻴﻦ ﺍﻻﺳﻼﻡ ﺑﻤﺰﺍﺟﻬﻢ ﻛﺒﺮ ﻟﺤﻴﺘﻚ ﻭﺍﺣﻠﻖ ﺷﺎﺭﺑﻚ
ﻭﺩﺷﺎﺩﻳﺶ ﻛﺼﻴﻔﻪ ﻭﻫﺬﺍ ﺟﻴﺮﺍﻥ ﺑﻴﺖ ﺻﺪﻳﻘﺘﻲ ﺍﻡ ﺧﺎﻟﺪ
ﺗﺴﻮﻟﻔﻠﻲ ﻋﻨﻮ ﻣﺼﺪﻛﻬﻢ ﻭﺟﺎﻱ ﺫﻳﺞ ﺍﻟﻠﻴﻠﻪ ﺣﺎﻃﺘﻬﺎ
ﻭﻛﺎﺗﻠﻬﺎ ﻻﻥ ﺩﺍﺧﻞ ﻋﻠﻴﻬﺎ ﻭﻣﺨﻠﻴﻪ ﻃﻴﻮﺭ ﺍﻟﺠﻨﻪ ﻭﺍﻃﻔﺎﻟﻬﺎ
ﺩﻳﺘﺎﺑﻌﻮﻥ ﻛﺎﺗﻠﻬﺎ ﻣﻮﺭﻣﻬﺎ ﻭﻣﺎﺧﺬ ﺍﻟﺘﻠﻔﺰﻳﻮﻥ ﻭﺑﺎﻳﻌﻮ
ﻭﺑﺎﻳﻊ ﺍﺛﺎﺛﻮ ﻣﺎﻝ ﺍﻟﺒﻴﺖ ﻳﻜﻮﻝ ﺍﻟﻨﺒﻲ ﻣﺎﺟﺎﻥ ﻋﻨﺪﻭ ﺍﺛﺎﺙ
ﻭﺟﺎﻥ ﻣﺘﻮﺍﺿﻊ ﻭﻣﺎﻋﻨﺪﻭ ﻃﺨﻢ ﻗﻨﻔﺎﺕ ﻫﻬﻬﻬﻪ
ﺭﻳﺎﻡ -: ﻣﻌﻘﻮﻟﻪ ﺩﺗﺤﺠﻴﻦ ﺻﺪﻙ ﻭﻟﺞ ﻧﻮﺭﺍﻥ
ﻫﻬﻬﻬﻬﻬﻬﻬﻬﻬﻪ ﺑﻌﺪ ﺑﻌﺪ ﻣﺎﻳﺼﻴﺮ ﻳﺴﻮﻭﻥ ﺯﻻﻃﻪ ﻻﻥ
ﺧﻴﺎﺭ ﺫﻛﺮ ﻭﺍﻟﻄﻤﺎﻃﻪ ﺍﻧﺜﻰ ﺧﺎﻑ ﻳﺼﻴﺮ ﺗﺰﺍﻭﺝ
ﺿﺤﻜﻮ ﺍﺛﻨﻴﻨﻬﻢ ﻭﺭﺟﻌﺖ ﻛﺎﻟﺖ -: ﻭﻳﺎﺭﻳﺘﻮ ﺑﺲ ﻫﺎﻱ
ﺟﺎﻳﺒﻠﻬﺎ ﺟﻮﺍﺭﻳﺐ ﺯﻟﻢ ﻫﺬﺍ ﺍﻟﺜﺨﻴﻦ ﻭﻛﺎﻳﻠﻠﻬﺎ ﺗﻠﺒﺴﻴﻨﻮ
ﻭﻣﺎﺗﻨﺰﻋﻴﻨﻮ ﺍﺑﺪ ﻫﻬﻬﻬﻬﻬﻬﻪ
ﺻﺪﻙ ﺿﺤﻜﻨﻪ ﻉ ﺳﻮﺍﻟﻔﻬﺎ ﻭﺣﺴﻴﺘﻬﺎ ﺗﺘﺸﺎﻗﻪ ﺍﻟﻪ ﻣﺎﻧﻮﺭ
ﻛﺎﻟﺖ ﻧﻔﺲ ﺍﻟﺸﻲ ﻭﺑﺎﻟﻀﺒﻂ ﻧﻔﺲ ﺍﻟﻘﺼﺺ ﺍﻟﻲ ﺣﺠﺘﻬﻦ
ﻫﺬﺍ ﺍﻟﻲ ﻳﻠﺒﺴﻬﺎ ﻧﻘﺎﺏ ﻭﻫﺬﺍ ﺍﻟﻲ ﻣﺘﺰﻭﺝ ﺍﺭﺑﻊ ﻧﺴﻮﺍﻥ
ﻭﻣﻄﺒﻖ ﺍﻟﺸﺮﻉ ﺑﺴﺒﺐ ﻫﺎﻟﺠﻤﺎﻋﻪ ﻭﺍﻟﻠﺤﺎﻳﺎ ﺍﻟﻄﻮﻳﻠﻪ
ﻭﺍﻟﺸﻌﺮ ﺗﻜﻮﻝ ﺻﺎﻳﺮ ﻣﻮﺩﻳﻞ ﻭﻧﺎﺱ ﺗﺘﺎﺛﺮ ﻭﺧﺼﻮﺻﺎً ﻣﺜﻞ
ﻣﻜﺎﻟﺖ ﻧﻮﺭﺍﻥ ﺷﺮﺍﺑﻴﻦ ﺍﻟﻌﺮﻙ ﻭﺍﻟﻤﻜﺒﺴﻠﻴﻦ ﻳﺴﺘﻐﻠﻮﻫﻢ
ﻉ ﺍﺳﺎﺱ ﻳﻬﺘﺪﻭﻥ ﺑﺴﺴﺒﺐ ﻫﺎﻟﻄﺮﻳﻖ
ﺧﻼﻝ ﻛﻼﻣﻨﺎ ﺧﺎﺑﺮ ﺯﻭﺝ ﻧﻮﺭﺍﻥ
ﻧﻮﺭﺍﻥ -: ﻫﻼﻭ ﺣﺒﻴﺒﻲ .. ﺍﻟﺤﻤﺪﺍﻟﻠﻪ ، ﻟﻴﺶ ﺻﺎﻳﺮ ﺷﻲ ؟
ﺍﻭﻙ ﺗﻤﺎﻡ .. ﻣﺎﺷﻲ .. ﻣﺎﺷﻲ ﻫﺴﺎ ﺍﻧﺰﻟﻮ ﻭﺍﺷﻮﻑ ﺷﻨﻮ
ﻳﻜﻮﻝ .. ﻣﻦ ﻋﻴﻨﻲ .. ﻫﻠﻮ
ﺭﻳﺎﻡ -: ﻫﺎ ﻧﻮﺭﺍﻥ ﺷﺒﻴﺞ ﺷﺒﻲ ﺭﺟﻠﺞ
ﻧﻮﺭﺍﻥ -: ﻣﺴﺘﺤﻲ ﻣﻦ ﺍﺑﻮﻳﻪ ﻻﻥ ﺿﻞ ﻳﻠﺢ ﻋﻠﻴﻪ ﻳﺮﻳﺪ ﺑﻴﺖ ﻫﻨﺎ ﺑﺒﻐﺪﺍﺩ ﻭﻳﺮﻳﺪﻧﻲ ﺍﻧﻲ ﺍﺣﺎﺟﻴﻪ
ﺭﻳﺎﻡ -: ﺍﻛﻮ ﻳﻢ ﻣﺪﺭﺳﺘﻨﻪ ﻛﻠﻴﻠﻪ
ﻧﻮﺭﺍﻥ -: ﻫﺴﺎ ﻳﻼ ﻧﻨﺰﻝ ﻧﺴﺎﻋﺪ ﺍﻣﻲ ﻗﺒﻞ ﻻﺗﺤﺠﻲ ﻭﺗﻌﺮﻓﻴﻬﺎ ﺗﻐﺴﻠﻨﺎ ﻭﺗﺸﺮﻧﺎ
ﻧﺰﻟﻨﻪ ﺩﻧﺴﺎﻋﺪﻫﺎ ﻭﺟﺎﻥ ﺍﺑﻦ ﻋﻤﻲ ﻣﻮﺟﻮﺩ ﻭﻛﺎﻋﺪ
ﺑﺎﻻﺳﺘﻘﺒﺎﻝ ﻭﺑﻴﺪﻩ ﺍﻟﺮﻳﻤﻮﻧﺖ ﻳﻜﻠﺐ ﺑﻲ ﻃﺒﻌﺎً ﻣﺎﺟﻨﺖ
ﻣﺤﺠﺒﻪ ﻭﺍﻫﻠﻲ ﻣﺨﻠﻴﻨﺎ ﺑﺮﺍﺣﺘﻨﺎ ﻛﻞ ﻭﺣﺪﻩ ﺑﻜﻴﻔﻬﺎ ﺑﺲ
ﻣﺸﺪﺩﻳﻦ ﻣﻦ ﺑﺎﻗﻲ ﺍﻟﻨﻮﺍﺣﻲ ﺍﻣﻲ ﺗﻜﻮﻝ -: ﻣﺎﺍﺟﺒﺮﻛﻢ
ﻋﻠﻰ ﺍﻟﺤﺠﺎﺏ ﻻﻥ ﺍﻟﺤﺠﺎﺏ ﺷﻲ ﺣﻠﻮ ﻣﻦ ﺗﻠﺒﺴﻲ ﻛﻮﻥ
ﻛﺪﻫﺎ ﻭﻣﻘﺘﻨﻌﻪ ﺗﺤﺘﺸﻤﻴﻦ ﻛﺎﻣﻞ ﺍﻻﺣﺘﺸﺎﻡ ..
ﻭﻛﺎﻧﺖ ﻋﻠﻰ ﻃﻮﻝ ﺗﺮﺯﻝ ﺍﺧﺘﻲ ﻧﻮﺭ ﻻﻥ ﺗﻄﻠﻊ ﻛﺬﻟﺘﻬﺎ ﻣﻦ
ﺍﻟﺤﺠﺎﺏ ﻭﻣﺮﺍﺕ ﻧﺺ ﺷﻌﺮﻫﺎ ﻭﻛﻞ ﻛﻼﻣﻬﺎ -:...
ﻻﺗﻬﻴﻨﻴﻦ ﺍﻟﺤﺠﺎﺏ ﺑﻬﺎﻟﻄﺮﻳﻘﻪ ﻳﺎ ﺍﻣﺎ ﺗﻠﺒﺴﻲ ﺍﻭ ﺗﻨﺰﻋﻲ
.. ﺑﺲ ﻣﺎﺟﺎﻧﺖ ﺗﺴﻤﻊ ﻭﺗﺴﻮﻱ ﺍﻟﻲ ﺑﺮﺍﺳﻬﺎ
ﻧﺮﺟﻊ ﺍﻻﺑﻦ ﻋﻤﻲ .. ﺩﺧﻠﺖ ﺳﻠﻤﺖ ﻭﺍﺩﺭﻱ ﻋﻴﻮﻧﻪ ﻋﻠﻴﻪ
ﻣﻦ ﺯﻣﺎﻥ ﺑﺲ ﺍﻧﻲ ﻣﺎﺣﺐ ﺍﺗﺰﻭﺝ ﺍﻗﺎﺭﺏ ﻻﻥ ﻛﻞ ﻣﺸﻜﻠﻪ
ﺗﺼﻴﺮ ﺭﺍﺡ ﺗﺘﻀﺮﺭ ﺑﻴﻬﺎ ﺍﻟﻌﺎﺋﻠﺘﻴﻦ ﻭﻫﻢ ﺍﻛﻮﻝ ﺍﻟﻮﺍﺣﺪ
ﻻﺯﻥ ﻳﺤﺴﻦ ﻧﺴﻠﻪ ﻭﻳﻐﻴﺮ ... ﻳﻌﻨﻲ ﺍﻧﻲ ﻭﻫﻮ ﻭﻧﺴﺦ
ﺻﻐﻴﺮﻩ ﻣﻦ ﻋﺪﻧﺎ ﻣﺎﺣﺐ ﻫﻬﻬﻬﻬﻪ ﺍﺣﺐ ﺍﻻﺧﺘﻼﻑ ﺑﻜﻠﺸﻲ
ﺳﺮﻣﺪ -: ﺷﻠﻮﻧﺞ ﺭﻳﺎﻡ ﻓﺮﺣﺖ ﺑﺸﻮﻓﺘﺞ
ﺭﻳﺎﻡ -: ﺍﻟﺤﻤﺪﺍﻟﻠﻪ ﻋﻤﻲ ﺷﻠﻮﻧﻪ ﺷﻮﻛﺖ ﺍﺟﻴﺖ
ﺳﺮﻣﺪ -: ﺣﻠﻴﺎﻧﻪ ﻛﻠﺶ ﺗﻄﻜﻴﻦ ﺑﺎﻟﻜﺎﻉ
ﺭﻳﺎﻡ -: ﺷﻜﺮﺍً ﻉ ﺍﻟﺘﻐﻠﻴﺴﻪ ... ﻭﻋﻴﻮﻧﻚ ﺍﻟﺤﻠﻮﻩ ﻳﻼ ﻣﻦ
ﺭﺧﺼﺘﻚ ﺭﺍﻳﺤﻪ ﺍﺳﺎﻋﺪ ﺍﻣﻲ ﺗﻌﺮﻓﻬﺎ ﻭﺗﻌﺮﻑ ﺳﻮﺍﻟﻔﻬﺎ
ﺗﺤﺮﻙ ﺍﻟﺒﻴﺖ ﻋﻠﻴﻨﻪ
ﺭﻓﻌﺖ ﺭﺍﺳﻲ ﻭﻋﻴﻨﻚ ﻋﻴﻨﻚ ﻣﺮﻛﺰ ﺑﺸﻔﺎﻳﻔﻲ ﻧﻔﺴﻲ
ﻟﻌﺒﺖ ﺍﻛﺮﻩ ﻫﻴﺞ ﻧﻈﺮﺍﺕ ﺣﻘﻴﺮﻩ
ﺳﺮﻣﺪ -: ﻫﻬﻬﻬﻬﻬﻬﻬﻬﻬﻬﻬﻪ ﺣﻘﻬﺎ
ﺧﺰﺭﺗﻪ ﻋﻔﺘﻪ ﻭﻃﻠﻌﺖ ﻣﺎﺍﻋﺮﻑ ﺍﻟﻮﻳﻦ ﻳﻮﺻﻞ ﺑﺴﺨﺎﻓﺘﻪ
ﻛﻌﺪﻧﻪ ﻧﺴﻮﻟﻒ ﻭﻣﺎﻧﺴﻤﻊ ﻏﻴﺮ ﺻﺮﺧﺖ ﺍﺑﻦ ﺳﻠﻴﻤﺎﻥ ﻭﺍﻣﻪ ﺻﺮﺧﺖ
ﺷﺬﻯ -: ﻳﻤﻪ ﺍﺑﻨﻲ ﺍﺣﺘﺮﻙ !!!......
ﻟﻠﺤﻜﺎﻳﺔ ﺑﻘﺎﻳﺎ
ﻭﺭﺩﻩ ﺍﻟﺸﻴﺦ ﻣﺤﻤﺪ
