منقذي سبايا داعش ( الجزء الاول والثاني )

بارت ٧ الجزء الثاني

مُنقذي سبايا داعش

وردة الشيخ محمد
حلقة منوعه ضروري تقروها وماتغلسون ع المعلومات الي بيها ♥️ چيكو وضعكم ..  السَند ؟؟

___________________

على الضحكة انحسدنا وهي بس صوت
وعلى هموم الكلب محد سألنا ...

———————————————-
حضن راسي بقوة وهو يمسد عليه بحنيه واني احس توترت , هو بطبيعتو ميخاف من كلشي بس الا الشي الي يلامس قلبو ,حجيت واني على صدرو :- رمح

- روحه بابا , كولي ..

- شبيه اني احجيلي

- اذا تعينيني ميصير شي , بس رايد منج تركزين بكل حجايه احجيهه انه الدكتور الخابرته صاحبي انه وياه صارلنه بالعشر سنين

- شلون يساعدني

- هو طبيب نفسي ودكتور  علم النفس بجامعة اجنبية معروفة وهو ساعدني بـ ايام داعش يعني حسبالج انه واصل الهالمرحلة عبث؟

- تعالجت عندو

- المرض النفسي هو مرض طبيعي حاله حال اي مرض يصيب جسم الانسان والامراض النفسية تتعب وتأذي الجسم اكثر من الامراض الي تصيب الاعضاء

- دائما اسأل نفسي شلون انت هجي بارد ومتخاف

- انه  بيوم من الايام وصلت مرحلة وكفت كدام المرايه وحطيت السلاح على  راسي  اريد اخلص ...

- الهالدرجة؟؟؟

- اكو ضباط انتحروا عدنا هناك

- شلون ؟؟؟

- مثلا من نتحاصر بمنطقة معينه او بيت  وماكو عتاد ولا اكو طريق حتى  نطلع منه  وداعش بكل مكان فـ هنا نضطر واحد يكتل الثاني والاخير لو بالنجف لو داعش ياخذه اسير ويمثل بي..

- اسم الله الرحمن صحيح مره حرب كال  واذا اخذو شيصير؟؟

- داعش يمثل بي ويهينه ويهين رجولته  وطبيعي يطلع اكباده ويشويهن وياكلهن الامر جدا طبيعي وياما شباب راحت من الحشد ومن القوات الامنية ب اصنافها

- الهالدرجة

- واكثر ..بس هنا العسكري حارب حتى نفسه في سبيل يوصل الهالمكان ويرفع رايته ويبقيها مرفوعه ويجي واحد يكلبجة ويمثل بجثته ويهينه؟ مايقبلها على نفسه فـ هاي اقصى مرحلة يوصل الها العسكري  في سبيل ماينهان وسووها هواي ..

- حرام هذا الشي؟

- صاحبه كتله مو هو انتحر

- مريتو بهيج شي

- اي اكثر من مره  بس مره جانت اتعسهن لان الامر انقتل

- وشنو صار

- 3 ايام حاصرونا واحنه ببيت ونايمين بالسطح وهاي ال 3 ايام خلص بيها العتاد اما الاكل مخلص من اسبوع لو خمسة ايام وبالبيت الي كبالنا داعش لا بينا ننزل ولا بينا نبقى بمكانه