تصويت تعليق عمري .
#منقذي_سبايا_داعش
............
ريام صار عدها من اخر احداث ولد واسمه علي الاكبر بـ٢٠٢٠
وفهد تعرفونه اذاً صار عدها ٢ ولد (الفهد وعلي الاكبر )
مُلخص الاحداث /
رمح دخل دورة بالخارج ونجح بيها بدرجة امتياز
ودخل دورات ثانية استمرت شهر ونص ونجح بوحدة ورسب بوحدة لان كلش صعبة
ام رمح توفت بـ٢٠٢٠ بدايةً انصابوا كلهم بكورونا وهي همَ انصابت اخر فترة شكو بيها سرطان بالدم وجانت تشكي من عظامها حتى اسنانها صارت تطيح فجأة وتوفت للاسف اخر شي بـ جلطة قبل زواج حنين ..
رمح بوقتها لازمته الضحكة وميت ضحك كدامه وبوقتها الرجال كله :- تستهزء بيه
ورمح كله :-اهلس من شواربي وانطيك ؟ بعد تريد انطيك ل***ي
وطلعوا من البيت وهو يتوعد و يسب ويغلط ع امهات السحورة
لان بذيج الفترة صارت عدهم سالفة عشائرية وضرغام ورطوا بسالفه لا بيها ولا عليها وماباقيلهم شي فـ طلع من بيت الرجال وضل يسب بصاحبه ويغلط عليه يكله وينه وين هالسوالف
وهو لاحظ ع نفسه رجعتله الكوابيس فمن راجع مطلع التصوير الي بالكاميرا ومالكة شي بس وحدة فقيرة جانت تجي تكعد يم امه وينطوها ملابس او يساعدوها وهي تبيع سمج هم تجيبلهم و هاي المرة وياهم من زمان ومتعودين عليها يعني ابد ماشك بيها او اجه ع باله انُ تسويلهم شي
، حنين فصخت خطوبتها لان الولد جانت امه تمشي بكل شي ممكن تتخيلونه لدرجة هاي الهدية مايجيبها اذا ما امه تدري ، اذا يريد يطلعها لازم تخابر امه وتاخذ الموافقه منها ، وحنين تكول جنت احس نفسي انا الرجال ، وفوگ هذا بخيل وهواي هواي مشاكل صارت لحد ما بزعت وفصخت ..
بمجرد فصخت اجه حسن جان مسافر بس يعرف كل اخبارها من صديقتها ، خطبها قرابة الـ ١٨ مره ورمح ماجان يقبل وحتى ماجان يستقبله بالبيت وهدده وماكو فايدة وقفل اكثر يريدها يعني يريدها لحد ما اخذ نفط واجه البيتهم وكله احرك روحي كدامك بعد ماعندي صبر
ورمح شاف حنين تبجي عليه وتتوسله كلها هاي هي القرار الج وانتِ تتحملين النتائج انتِ موصغيرة ..
ووافقت عليه بس رمح حط شروط تعجيزيه كسر ظهره بالمهر ويسجل بيت ب اسمها ومايعيشون ببغداد يااما بالشمال او بالخارج
، كله وقبل حسن وماسوو لا عرس ولا حفلة ولا حتى لبست بدلة وطلعوا للشمال
وهنا صارت حامل بتوم من اول اسبوع ، لكن اهلها ماعافوهم لان حسن عاند الكل واخذها وامه واهله ماراضين وشلون تعاندنا وتكسر كلامنا فـ احنه نكسر فرحتك
٦ اشهر تقريباً وحنين تخربطت كامت العفو تنزف وتذب اوساخ مو طبيعية ، الدكاترة تعجبو شجاي يصير بيها ، وكامت تنزف نزف كارثه وفجأة كامت تتقيء اكباد دم وهي حامل تخبلوا عليها وصادف هي ببغداد جايين مؤقتاً علمود شغل حسن وركضوا بيها للمستشفى وكبل للعناية المركزة دخلوها ..
