تصويت وتعليق
وردة الشيخ محمد
فريت من رعبتي بقيت صافنه وصحت :- حنيييين بطلي سوالفججج!!!!!!
ضليت ادحك ماكو احد انهبطت وركضت جوه من رعبتي لساني انطبگ ...
وره يوم رجعت هالحالة استمرت مره اني نايمة واحس شي يلحكني غير الكوابيس الي تجيني والخنكة لمن افوت الغرفتي ، صرت انام يم رمح بالغرفة الجوه وعلى اكثر من مره يصيح بيه ويكعدني اكلو شبيك ؟
- لج بابا شبيج تهلوسين
- اخاف من التعب يولو ، ارجع نام
وارجع انام واكثر من مره يفززني ، بيوم رحنه كلنه كعدنا ناكل يم رمح وهو نفس سوالفو يضحك و يتشاقه واني كالبة وجي مالي خلك وخفت رجعتلي هاي الحالة مال الأمراض النفسية
بالليل كوة نايمة بصفو السرير ميكفي بس واحد يكلي بز اوكع
جنه نحجي بموضوع واني وياه على طول نحجي بهجي مواضيع ويسألني بالبداية واني اجاوبو ولما يسمع جوابي ينطي رأيو
كال :- حجابج ماعجبني بويه
- حجابي اني ؟ ليش
- مساع كاعده وضرغام موجود وماردت افشلج كدامه دزيت حنين عليج
- اي كالت بس ليش مجان طالع شي
- شلون ماطالع ركبتج طالعه ذابه الحجاب ذب مايصير هيج انا هاي سوالف ماتمشي عندي
-اوك
سحب باكيت الجكاير طلع جكاره ورثها وكال :- شو جنه ماعاجبج مووو
درت وجهي بحركة غير ارادية :- لا عادي قابل شكو
- لاتستفزيني
- لتصيح رمح فهد نايم كوه نام ليفز
- بعد كدام الولد ماتطلعين لا ترا قسماً بالله اخليج تفترين بالبوشية
دحكتو:- تخنكني؟ ترا بالبيت رمح واولاد اخوتك اخلاق وميدحكون
حجه وهو يذب نفس :- لاتخليني اسبهم وانعل والديهم ودشاديشج صايره حصر المن لابسه حجاب بعد
- رمح انته اخذتني مثل ما اني شنو الي تغير
- الي تغير اكو شغلات انه ماحبها ليش تسوينها وتغثيني ؟
- يعني تقنعني انت مثالي ومعندك اخطاء !!!!!
- ماكتلج مثالي انه من اصبعي الشعر راسي اخطاء وخل يكون بعلمج انه ماجنت هيج بس تغيرت لجلج وعلمودج
- متغيرت ب ولا شي
- لاتخليني اغير اسلوبي وياج ريام !!!!! انه جذرياً متغير ومستمر حتى مايخسرج بس انه اكلج هيج تعاندين ولسانج مترين بس عَلي
كتلج ملابسج غيريها تكليلي اخذتني مثل ما انه
- اااي شنو البس البس احمر تكولي لاتلبسين البس بنفسجي متقبل البس تراك متقبل شنو البس جادر وافتر ؟؟؟؟
- تسوين فضل
- اي شلووووون شلوووون
خزرني وذب الگطف:- حسج ولج !!!!
درت وجهي وتمددت بالفراش :- كلشي لا كلشي لا
سحبت البطانية :- ميحاسب نفسو بس بحاسبني اني ابو النسوان عود هماتين تحاسبهم جنت ابو الغيرة
ضربت ع البطانيه :- معندك غير لتسوين لجيبين لتخلين لتلبسين
اني ليش تزوجت ؟ هاي سوالف الزواج الماصخه
