تصويت تعليق عمري .
#منقذي_سبايا_داعش
............
(مقتطفات غير مذكورة )
( قد تكون غير مناسبة لجميع الاعمار اقتضى التنوية )
حِنية ♥️
——————
بأحد ايام زواجنا ، وخصوصًا ببداية الزواج
جانت ايام بين الصعبة وبين الحلوه بصعوبتها
لان رجعة رمح من الدوام من بعد التعب والارهاق والشغل وداعش والحرب النفسية الي جان ديعيشها
تخليني احتار بشنو ادللو وشلون احبو وشلون اسحب كل تعب ديحس بي وجان نفسيا تعبان
بوحدة من ليالي الشتا
جانت ليلة ممطرة وبيها المطر غزير لدرجة الكهرباء
طفت
السماعة بإذني واسمع اغنية " حبيبي هو "
ودموعي تجري ورغم برودة الجو فاتحه الشباك وعيوني انزل حارة ؏ خدي
فراق دام ١٨ يوم
بدون اي مسج
بدون اي اتصال
بدون جملة تسحب روحي من حلاوتها :- هـا ياعرج عيني ..
اجت ببالي ونزلت دمعتي على خدي
لفح وجي الهوا البارد وبدون ارادتي ذبيت نفس وصحت آخ گلـــبـي ..
حسيت بشي وجعني واذاني
نغزة اخترقت گلـــبـي
التفتت ملابسو ع الجرباية
دحكت بيها ورحت اخذت ملابسو جانت شتوية
لبستها وصرت اشم بيها بكل قوتي
عطور وريحة جسمو بيها
اذتني ..
اتمنى بس الكه نفس
واشمه اضل حضن بحضن
سمعت هالمقطع واتصلت بسرعه
گلـــبـي ينبض بقوه
دموعي تجري
حولت الاغنية بالايباد احس بالامان واتخيلو يمي
بقيت اتصل ..
شوي وسمعت صوت التلفون يرن
طبكت حواجبي والتلفون بيدي
فتحت الباب..
نطق بصوت رايح مينفهم منو شي :- بلاعيمي
ذب الحذاء بتعب يجر روحو جر ولأول مره يجي وميحضني
بقيت مبتعده وجامدة ومحترك گلـــبـي
دحك بيا عيونو حمر دم
لحيتو طالعه
ملابسو كلها تراب
البنطرون لحد النص مطين
دحكت رجلو عبارة عن قالب ازرك جامد الدم بيها
شعرو وسترتو كلها مبللة
ادحك بي
بهذا وضعو شمر نفسو شمر ؏ الجرباية
رحت تقربت منو
يتنفس سريع
مديت ايدي هزيتو :- رمح شبيك عفيه
رحت طفيت الاغنية بسرعه كمت اصيح اكثر من مره بصوت ناصي وخايفه:-رمح عفيه
مرد عليا
مديت ايدي ؏ كصتو مشتعله نار جمره صايرة
كلبتو ؏ ظهرو بالكوه حيلي راح :- ياربي شبيك شصايرلك
ماعرفت شسوي
كمت نزعت ملابسو جسمو صاير عبارة عن خطوط زرك وحمر
لدرجة واضحات بضوه التيبلام الي ؏ الشحن .
صعدت ؏ الجربايه وسحبتو عدلت نومتو
وركضت بسرعه للحمام وخليت خاوليتين بمي بارد
وخليت وحده ؏ رجلو والثانية ؏ الرجل الثانية
فز ..
