وردة الشيخ محمد
لاتخدعكم المظاهر
فهدوء المقابر لايعني ان الجميع في الجنة ..
- ابو ذيبه
_______________
يوم ثاني الصبح كاعدين ورمح التحق للدوام وحنين محبوسه بغرفتها متقبل تطلع ، اخذت فهد الخالتي وصعدت الها
اول مفتت شفتها ساجدة واسمعها تسولف وهي ع السجادة ، رحت كعدت ع السرير وانتظرها ، ادحك علاكتين حلويات بصف جربايتها ..
البين مخلصت التفتت عليه وهي بإزار الصلاة ، وبيدها سبحة :- ها ريام
- تقبل الله ، شلون وضع
- اي طلع
هزت راسها وعينها ع العلاكة :- ميبطل عادته
- هو جابهن ؟ خطيه يحبج والله احسو مقهور بس ميبين
- اي هو بس مااكلت شي مهضومه منه كلش مهضومه كسرني بدون ميسمع مني احسه معنده ثقه بـ احد غير نفسه جنت حسبالي يثق بيه صح غلطت بس ماادري .. ماادري الله ياخذني
رحت كعدت يمها :- حنون خلي نفسج مكانه
تمددت على رجلي مسحت راسها
حنين :- ادري ، الصوج مني اني حسن مااله علاقة
ريام :- شنو ؟؟
حنين :- شكد مجنت احبه ومتعلقه بي مااريدة يروح ويعوفني كل ما جان يطلع هو ورمح يرجع يتعارك ويايه ويكول مدااتحمل واني مااقبل يروح اكله شنو ذنبي اني خربت كلشي بسبب غبائي
ريام :- يعني هو جان يريد يتركج بس انتِ متقبلين ؟
حنين :- شسوي ريام احبه من اني وصغيرة متعلقه بي
ريام :- عجل ليش متقدملج
حنين :-حجه ويه رمح ورمح كله ان شاءالله خير بس جنت بعدني بالاعدادية ورمح كله ماانطيها هسه اريدها تكمل دراسة واذا تتزوج ماتكمل يعرفني اني مو حمل مسؤولية متعلمه كلشي يجيني ع الحاضر تخيلي بس حسن كلي احبج اني وكعت اكمال دور ثاني
ههههه
- شوكت اعترفلج
- بالخامس اعدادي بعطلة نصف السنة ووراها وكعت كمال بدرسين ورمح هاي الابرة الي توكع بالكاع يحس بيها حس عليه اكو شي
- ؏ـَزا وشصااار
- بيومها بدون ميحجي وياي سحب التلفون مني وجبرني ادرس وويوكف على راسي يسمعني المادة ويكعد ويايه الفجر قبل الامتحان يسويلي ريوك ويراجعلي المادة ويوصلني ويرجعني بيده تخيلي من درجة الـ ٣٢ بالرياضيات للـ ٩٨ يالله تركني
- وحسن
- حسن من اجه البيتنا كتله رمح اخذ جهازي واتفهم الموقف بس بوكتها رزلني لان مكتله وضل قلقان عليه وحسن عايش وحده بغرفته فوك مااله علاقة ب اهله واهله يكرهونا منافقين واصحاب مشاكل ورمح ميطيقهم ويحجي عليهم كدامهم وميفيد بلا احساس
- هو مهندس ؟ امه نفسها ام حسن خالتج ؟
- اي حسن ابن خالتي هو مهندس وميكعد بالبيت كله يشتغل ويدرس وميهمه احد معاشر اخويه من هما صغار اليومج هذا بس اني خربت صداقتهم ..
- مخربتيها انتِ بس حبيتي ، كلنا نحب ليش حلال عليه وحرام ع اختو ؟ نحن همات حبينه
