وردة الشيخ محمد
لا تقلق سوف يأتي اليوم الذي تقف فيه شامخاً، للشتات الذي انتثر منك ثم جمعته، ثم سوف يأتي اليوم الذي تقف فيه مبتسماً، للماضي الذي أبكاك فنسيته، وسوف يأتي اليوم الذي تقف فيه قوياً، للضعف الذي لازمك كثيراً فهزمته.
- الووووووووو يصير خييييييير ....
- رمح دااسمعك
مااحس غير سد الخط .. سديت التلفون ورحت رهف تبجي وتفتر بالبيت
افتر بالبيت جام المطبخ صاير طحين
والبيبان والحايط مزرفات ، والارضية بيها طلق ، وحتى اكو طلقة نابته بالشجرة ، ردت افوت وجان اشوف علاكة ملفوفة ومشموره بالحديقة ،
اخذتها ورحت فتت بدخلتي فاتو عباس ورائد
طلعت رهف تلكت بالبجي :- يمه رائد يمه جهالي
رائد :-- مابيه شي حبيبتي وملاك يم عمي عباس
راح العباس شال ملاك وشفناها تخبلنا لافين وجهها كله وراسها ورجلها
هنا ورهف متحملت بمجرد شافتها أغمى عليها انطاه ملاك الحنين
..شالها رائد وفوتها جوة ..ورجع اخذ ملاك
وفوتها دايخه ركضت على رهف غسلت وجهه صحصحت گامت تبجي
وخالتي تقرا آيات و تنفخ بوجهها
وعباس واگف بالباب ويصيح: - ها يابه ناخذها للطبيب
-لاخوية صحت الحمدلله
جا رائد وگمبص يمها ولم ايدها وهي دموعها تجري
- وين ملاك
-نايمه يمه لا تتعبين نفسج
-جيبوها الي عفيه
-امشي اخذج يمها لان تتأذه
رادت تگوم ماگدرت عاد راح وشال ملاك وهي روحها تفرفح عليها نومها بصفها بس عيونها وحلگها وفتحه خشمها طالعات
جا بصفها ويمسح راسها
هي تدحك وتبجي
-وين متأذيه
-مشكوك خدها وراسها ورجلها
شهكنا :- ياربي استر
-اهم شي سلامتها
-عين ماصلت ع النبي والله اسم الله الرحمن
لمتها بحضنها وهي مايعه روحها من صدك خنكتني العبره وطلعت ابجي واندعيت من كل گلبي يطلع الجرح مو عميق ويتشوه وجهه ..انحسدت والله انحسدت اختنگت بدمعتي واني صوره وجهه ملفوف وراسها تموتني قهر
يوم ثاني اجو اخذو افادتنا ورمح متواصل ع الخط ويانه وماكل بروحو وبس يرعد علينا خبلنا
ضلت حلا و عباس يباتون بيت ابو رائد ونتعاون بيناتنه ومرات هاجر تبقى يمها
12يوم مرن وبيومها جنت عدهم ورائد اخذ ملاك حتى يشيلون الضماد اما رهف حيل ماظل عدها فراك حرب دمرها وذبلها ومن جهه بنتها اللي ماعاد نطقت حرف من ذاك اليوم وماتگوم تلعب ولا تضحك .. ولا تسوي اي شي حتى اللكمة ماتاكلها
