منقذي سبايا داعش
لاتنسون التصويت + متابعة الحساب ♥️✅
بين طيات الزمن وبين فجواته التي تخلق سحابا ممطرا
في اضلعي ...
وبين حبي وعشقي وهيامي به
وبين لوعاتي واهاتي التي تقرحت منها حنجرتي
معكم لاكمال باقي قصتي
عدت
لعلكم تأخذون العبر منها كما اخذت ..
بعد يومين عيد ميلاد رمح وهو بالدوام وكاعده اجهز
هذا اول عيد ميلاد اله ويايه واصلا حته ناسي ومايعرف
شوكت انولد وميهتم بهالامور نهائيا وعنده شغلات تافهه
ومتسوه ..غريب هالرجال واتوقع اغلب الرجال
العراقيين ميهتمون بهيج امور اعياد الميلاد والمناسبات
اكثر شي احنه البنات نخبص الدنيا ، طلبت من خالتي
تاخذني للسوك جنت حامل بنهاية الشهر الخامس وعندي بطن
فرحانه بيها لان مبينه
راسلته علمود يكون عنده خبر .
ورحت بدلت ونزلت علما حنين تبدل لان تتاخر وتشلع
الكلب وخالتي بس تصيح عليها :
-لج يمه حنين خرب لشتج رايحه عرس خما عرس
فضيهااااا عاااد
-خاله ماعدنه شي خليها ههههه
-يمه شنو خليها موتتني ماشايفه هلكد وحده تتاخر هسه
منو راح يشوفججج لج حنين راح اعوفج والله
-اااي اجيت يمه شسااالفه غير دالف الشاال
باوعتلها : هاي شمسويه بروح طايحة الحظ والله لو
يدري اخوج يحش رجلج حش
-يمه هسه امشي والله مااتونس شبيج ليش هيج
-حشه مو نسوان لو حجينه حرف يمدن اللسان هالطوله
والله بنات هلوكت
-هااا يمه ترا اخابر علي عذاب واخلي ياخذج الدار العجزه
-امشي امشي شلون ادبسزز
يتناكرن واضحك شلون تهددها بعلي عذاب وخالتي
تضوج لان تشوفه بالنت شلون اكو عالم تذب اهلها
وتنقهر عليهم وتكابله وتبجي وحنين تتشاقه وياها بي
خابرت خالتي للولد الي ياخذنه للسوك ويطلعنا على
معرفتهم بي وخوش ولد لايباوع ولا اله علاقه بشي
حجت حنين :- يمه هسه ثبرتيني حته حمرتي صارت
صفح ومااجه محمد
-خالتي جاوبتها:- وين موليه هو رايحين للسوك نتسةك
ونجي قابل نتونس
-يممه هو اني اتونس من اطلع للسوك عبالك رايحه
عرس
-سدي حلكج تره والله اكل الاخوج يلعب النعال على
ظهرج لاتشلعين كلبي
-اووووووف منج اووف
حجيت:- كافي ولج ههههههه خطيه
-لالا ريام اله اخذها العلي عذاب تباوع صفح وتحجي
وتتغامز
-ههههههههههه انجبي كافي شلعتي كلبها
حجت خالتي :- عوفيها يمه هاي رمح علاجهه انتي
-كعدي علما يجي محمد
رحت كعدت خمس دقايق واجه
طلعنا للسوك والازدحام لعب نفسنه وحنين موتتني
ضحك كل شوي وكرصتني
:- باعي هذا الصاك
-ايييي افتهمناااا ههههههههههههه
-لج امهم شمتنسيه تردين يطلعون حلوين جهالج باوعيلهم
-عابتلج رمح شناقصه فدوه اروحله هو بس كصة خشمه
باوعتلي صفح وهزت ايدها :- صدك لو كالو مايمدح
الدار غير اصحابو
-هاي منيلج هالمثل
-وين ادري سامعه رمحوو يكوله
-ههههههههههههههههه رمحو بعينج
