منقذي سبايا داعش
رفع ايدو وابتسم :- العظم مخيس نظفو و بسبب المادة قوية احتاج تثبيت للعظم حتى ما تنعوج و ما اعرف شحطوا وشنو شالو
- رُمح
شهكت و ايدي ع حلكي
- روحه
- لا تكذب عليه
- يول احترمي ههه مابيه حيلج اخ الله
بجيت رد كال :-- لا تبجين حبيبي بسج
هو كال هيج واني زدت دموعي عشرة عشرة
غمض و ضحك : حبيبي كافي
ابجي و أشهك و ادحك بي متت .. قربت التلفون و بستو و دموعي تجري شعور صعب هو مو يمي و ماكو أحد يمو غير المترجم ، وحَرب مريض بلكي يحتاج شي فرفحت روحي واني افكر والف فكرة جت براسي و ابجي و يسكت بيه لحد ما نام وهو يحجي بتعب :- وچ اعقلييييييييي.... ويجرها بتعب
والتلفون بيدو وكع التلفون و اسمع انفاسو عالية بسبب البنج ما اعرف شنو بس جان من يسحب النفس ينسمع من التعب ...
نسيت نفسي و نسيت كلشي بالدنيا بس رمح ببالي لبست الهيتفون و اسمع انفاسو و اغمض و احجي بكلبي احس محتركه حرك شعور صعب من الي اتحبو مريض و تعبان وانت ما بيدك شي اتسويه وهو بعيد عنك
تعبني فراك رُمح و صرت احتاج قربو كثير .. حنيت الو و العطرو و الكلشي بيه و ما عاد اتحمل جنت اعرف من يروح يروح للشغل و اعرف شوكت يرجع ابقى متحضرتلو و مجهزة الو .. بس هسه محتارة وصار هواي بعيد عني .. واحس عطرو دمرني تعبني ومعتدي غيرو بهالدنيا هو يكدر يكسرني ويجبرني الوحيد اليعزف على كُل اوتاري
ما اعرف سبب تعلقي بيه بسبب المريت بي أو بسبب الكلام الجنت اسمعو من اهلي او بسبب انو هو أول حب بحياتي لو اول شخص يعرف عمق روحي وكلشي مريت بي .. تعبت من التفكير و كمتا اخيط و اخربط
نمت و الدمعة تحرك خدي ..
كعدت نص الليل ادحك التلفون طافي و راسي احسو يريد ينفجر
خليت التلفون على الشحن و كمت رحت غسلت و توضيت و طلعت الغرفة حنين .. وادحكها تلاعب بفهد
- ها ريمه
- الحمد لله إن شاء ﷲ يكوم بالسلامة يا عمري بس ادعيله وﷲ كلنه محترك كلبنه عليه
اخذت فهد بحضني و ابوسو بوجهو دحكت بيا : يرجع بالسلامة وﷲ كلبي معد يتحمل بعدو
- حقج فراك الحبيب يشك الكلب شك و صعب تتعودين
- حجي جديد خانم
- مو ببالي
- واضح
رجعت الفهد بوستو و ادغدغو يضحك : احس هملتو كثير هالفصعون بسبب المشاكل الدنمر بيها
- لا احنه مكيفين عليه لا تشيلين همه
- احجيلي حنينه
- ريام احظرو و يرجع من غير رقم تعبني
- ما تسوه ترجعيلو و ما اكدر اكلج ترجعيلو لأن البنيه أهم ما عدها سمعتها و شرفها وهو طعن بيج و اختو شفتي شسوت صدكي مراح تتركج بحالج ولا راح يهديلها بال لا هي ولا امها
- شكد حقيرة اووف ربي و تشوفيها كلشي عدها لأن عار و ادبسزز و طايحة حظ موفقه و حظ يطك بالكاع مو حسد بس هي كلبة ابد ما يجي بعينها و متشبع
- هواي هيج بس ﷲ ينطيهم و مأجل حسابهم لا تنسين ﷲ يمهل ودا يهمل
- مو بس هاي شايفه خالتي؟ عندها قطعة أرض ب اسمها و زوجها طلي بيدها رغم حباب هو و كلش محترم و حالته المادية كلش زينه بس مخليته اصبع ب ايدها ولج تطلع تطب عبالك ميشوفها و ما اعرف شكوو
مو حسد بس همه هيج ميشبعون اكو بشر متنملي عينه
