صحيح غيرها في العذارى مزايين لكن وش جاب النجوم لقمرها

Part 2

يوم الخميس
في المدرسه
ريما : يوو يانجد بكره بنررح الديره
نجد : اي جهزتي اغراضك انتي عشان مايعصب ابوك
ريما: اي جهزت اغراضي من امس وقلت الباقي اليوم لان ادري ابوي بيطلعنا من الفجر
نجد وهي تحاول تمسك ضحكتها عشان الاستاذه ماتسمعها: تكفين تخيلت وجيهكم توكم صاحين وعلى طول ع السياره
ريما: لك حريه التخيل صراحه ولا فوق ذا انحشر بالنص بين فارس وداحم( الي هو عبد الرحمن بس يقولون له داحم او دحوم )
نجد:  تتخطين حبيبتي
سكتو البنات بعد ماناظرتهم الاستاذه وقالت:
ترا بعد حصتي فسحه يعني تقدرون تسولفون ركزو ف الدرس اشرح لمين انااا؟؟
نجد وريما: اسفين يستاذه مابنعيدها
في الفسحه
_
نجد : الا بالله صوري لي كل شي ف ديرتكم انا دايم اصورلك
ريما: ابشري من عيوني بصورلك الديره من كل جهه شتبين بعد
نجد : لبيييه بس
كملو البنات فسحتهم طبيعي بين سوالف واكل ومزح
_
في مدرسه العيال

مازن: العبب يولد بتروحون الديره ها
فارس : اي بنروح الديره وربي يعيال الحماس مليون جوهم بطل
رعد: ما احس دايم الديره ملل بس اذا اخترعتم فعاليات بتستانسون
فارس : لاتخااف مجهز انا فعاليات
تّيم : وش فعالياتك علمنا
فارس : كذا الاحق بزران بطراطيع وافحط مع عيال عمي وكذا وش بعد شي فعاليات ف الديره
رعد :  معليك منهم وربي فعالياتك فنانه
فارس : ادري
ف الصرفه
_
مازن: يعيال
العيال: هلا
مازن : بقولكم شي
فارس : اخلص قول وراي تجهيزات وشغل
مازن: سويت مشكله مع حازم وقال لي الوعد بعد الاجازه يوم الخميس بعد الصرفه
رعد : وشووو ؟؟ حازم ؟ حازم الي الكل يخاف منه ماغيره؟
مازن: شسوي يعيال نرفزني وتعرفوني انا ما اسكت
تّيم : كنت حاس الهدوء الي فيك ما وراه خير
فارس: من يوم عرفتك وانت تسوي الي براسك وماتخاف غير من ربك لكن مالقيت تتمشكل غير مع حازم وشلته
مازن: طيب خلكم من ذا كله بتفزعون لي؟
فارس وهو يناظرهم وقال بلعانه: اكيد لا انت سببت المشكله رح حلها لحالك
مازن: منجدك انت؟ دايم تفزع لي والحين خوفك حازم يالرخمه
فارس : روح ياشيخ
ومشو العيال عن مازن
رعد: الحين صدق مابتفزع له؟
فارس : لا بنفزع له بس مو الحين لما بيروح للضرابه خليه شوي يتأدب عشان مره ثانيه يشاورنا قبل لايسوي مشكله
تّيم : تم

ف البيت عند فارس وريما
_
ريما وهي داخله البيت وتسلم : هلا يمه جي..
انقطع كلامها بسبب فارس الي دخل  وراها ودفها عشان يبوس راس امه اول: هلا يمه شخبارك عسى اني وحشتك وكنت على بالك
ريما : شوي شوي يالزفت ليش تدفني وبعدين لا امي ما اشتاقت لك تبي الفكه منك
رهام: اكيد وحشتوني كلكم يلا حبايبي تدرون ان ورانا شغل صح ؟روحو تسبحو وبدلو ثيابكم ونامو ساعه ع الاقل وبصحيكم تساعدوننا بعدين
فارس وريما : ابشري
ريما : فارس انت شغلك بعدين اصبر بس
فارس : يمه خوفتيني مو قادر احس بنهار
ريما بعصبيه وهي تلحق فارس: تعالل ياحيوانن شايفني ساكته عنك مو يعني اكبر مني بسنه تحسب خلاص لازم اسكت اذا ضايقتنيي
فارس وهو يسكر باب غرفته ف وجهها : اقول اذلفي وصلتي لحدودي يعني مالك حق تكملين وتدخلين  ليكون نسيتي القانون الي سويتيه؟
ريما بقهر : لا القانون بس ينطبق علي انا انتو لا
فارس: لاا ياشيخه اقول روحي غرفتك  احسن لك
ريما وهي تتذكر لما قالت لأخوانها ان قريب باب غرفه كل شخص ذي تسمى حدود يعني محد له حق يدخل غرفه الثاني بعد ذي الحدود لازم يطق الباب عشان يدخل والي يخالف يدفع فلوس  لكن فكرتها اخترعتها عشان اخوانها لما يلحقونها  ويدخلون لين غرفتها ف بعد القانون ولا واحد فيهم لحقها لين داخل غرفتها حدهم الباب ويتحلطمون هناك والحين انقلب الموضوع عليها
_
العصر
الساعه 3:30
رهام : فارسس ريماا دحوم يلا كلكم قومو
عهود وهي قاعده تطق ابواب غرف اخوانها الكبار : دحوم اصحى فارس انت بعد اصحى وريما اصحي ساعدي ماما
ريما: جايه جايه
فارس وهو طالع من غرفته وكل جبهته تصب عرق ويصارخ : مين الورع الي طفى المكيففف
خالد (الاب) : انا الورع الي طفى المكيف
فارس : معليش يبه والله ماقصدي بس ليش تطفيه
خالد: يحبيبي شكلك ماتدري ان فاتوره الكهرباء ارتفعت بسبب انك اكثر واحد يمشي ف البيت ويشغل المكيفات
فارس : معليش والله بس حر
خالد : اص ولا كلمه قوم صحي ذاك الفيلسوف وتعالو ساعدوني
فارس وهو يضحك: ابشر يبه
فارس عند باب غرفه عبد الرحمن : يافيلسوف ياشايب اصحى ابوي معصب يويييلك بس يقول اذا ماصحى عبد الرحمن بينجلد
عبد الرحمن: بسم الله الرحمن الرحيم شدعوه مستحيل يجلدني كبرت خلاص وانت انقلع
فارس : طيب
راح فارس ينادي ابوه ويخبره عن الي قاله عبد الرحمن
خالد: يحسب اذا دخل العشرين ما بضربه اقول جيب العقال
فارس وهو ميت ضحك: ابشرر
خالد وهو يفتح باب عبد الرحمن بأقوى ما عنده
عبد الرحمن: عسى ما شر وش الدخوليه ذي يبه والله لو انك داخل حرب
خالد : تعال لي يحبيبي
عبد الرحمن: هلا يبه
خالد وهو يطلع العقال ويضحك: اجل ما بيضربني ابوي ها
عبد الرحمن وهو ينط فوق السرير عشان مايجيه العقال : يبه تكفى خلاص صحيت بنزل اساعد والله
خالد : انزل انزل 
عبد الرحمن: طيب يبه
خالد : الحقني انت وفارس
فارس : تم
رهام : ريما اصحي تعالي ساعديني بالمطبخ سوي الحلا
ريما: جايه يمه جايه
ف المطبخ ريما وامها قعدو يسوون الحلا ويرتبون البيت ويبخرونه لان ذي عادات امها قبل لاتسافر ترتب البيت
اما عند الرجال
خالد وهو ماسك مفتاح ويعطيه عبد الرحمن: خذ المفتاح وشيك ع السياره اذا تحتاج بنزين لان ورانا طريق وشيك ع الكفرات اذا فيهم هوا واشتري معدات عشان اذا خربت علينا ف نص الطريق لاسمح الله يكون عندنا معدات
عبد الرحمن وهو ياخذ المفتاح:  سم يبه ماطلبت شي اخلصها واجيكم
فارس : وانا وش مهمتي يبه
خالد : انت مهمتك تسكت وتشيل معي ذي الاغراض
فارس : تم
خلص اليوم بعد تعب وشغل وكرف
رهام : يلا دامكم خلصتو متعشين روحو ارقدو بكره بنصحيكم من وقت
ريما: اي افضل ننام من وقت
خالد : اي وجيبي جوالك حركات الي بنام واخرتها تسهرين وتنامين بالسياره ما ابيها
ريما وهي تضحك وتجحد الموضوع: لا يبه والله ما بمسكه وحلفت وانت تدري اني من زمان ما رحت الديره ف لازم انام وعادي خذ جوالي ومدت جوالها لأبوها
خالد وهو ياخذ الجوال : شاطره بنيتي وانتو الاثنين وش تنتظرون بعد جيبو جوالاتكم
عبد الرحمن وفارس وهم يعطون ابوهم جوالاتهم
: خذ يبه
خالد : يلا روحو نامو عهود بتنامين عندي اليوم
عهود : ايي يبابا بنام عندك
__
الفجر
صحى البيت كله من صوت خالد وهو يقول يلا اصحو بنروح الديره
ريما وهي تفتح عيونها منخرشه من صوت ابوها وتقول :مافي احد يقدر ينافس ابوي ف حب ديرته
_
فارس فز من سريره لما سمع صوت ابوه : الحمدالله اخيرا بنروح  وربي وحشتني ابي اشوفهاا
_
عبد الرحمن: يالله صباح خير الناس يصحون على منبه حلو وهادي ونحن نصحى ع صوت ابوي عشان نروح الديره
_
بعد كم دقيقه نزلو ريما وفارس وعبد الرحمن وعهود عند اهلهم وكل واحد مجهز اغراضه
عهود وهي باقي شوي وتطير من الفرحه : يالله بسرعه بسرعه خلونا نروح
ريما : يحياتي انتي بتكبرين ومابتصيرين تحبينها ذي الديره
فارس : لا عهود مو مثلك تجحد الديره الي تربت فيها
ريما: شدخلك انت
عبد الرحمن يتنهد وقال : يارب صبرك وارزق اخواني العقل والادب
ريما : يع وربي شخصيتك غثيثه ونرجسي وشايف نفسك مدري على ويش حتى دراسه مو فالح فيها كيف دخلت جامعه مدري
عبد الرحمن وهو مروق : اصص بس ولا اسمع صوت
فارس وهو يركض للسياره: بقعد ورا كرسي ابوييي
عبد الرحمن : سخيف
ريما : اكيد سخيف لان حضرتك انت بعد بتقعد بالكرسي الي ع الشباك وبتخلوني بالنص
عبد الرحمن : صح عليك اول مره تقولين شي واقعي يا اوخيتي
ريما وهي تشمق له : وع بس
ركبو السياره وكل واحد ماخذ له مكان ع الشباك الا ريما الي دايم يخلونها بالنص
خالد:  تبون امر ع البقاله تشترون شي او لا؟
الكل : لا
رهام: مايحتاج انا ماخذه كل شي خذيت مويه وقهوه للطريق
خالد : اي ذا الكلام الزين ماتقصرين يا ام ريما
بعد ساعتين ف الطريق
_
ريما وفارس يتهاوشون بدون سبب
ريما:وخرر يا حيوان ابي اجلس
فارس :وش اسوي احب اجلس كذا انقلعي انتي
ريما وهي تقرص فخذ فارس : لا يشييخخخ
فارسس وهو ماسك مكان قرصه ريما :  سلامااات ليش تقرصين توجعع ترااا
ريما بلعانه : يماميي انت معليش اوجعتك صح؟؟
فارس وهو ماسك نفسه: لا
عبد الرحمن قاعد يهوجس ويناظر الشارع الفاضي الي مافيه اي بني ادم : اهخخ منظر ولا بالأحلام صراحه
لف عليهم وقام يبعد بينهم لان بدو يتضاربون : وخر عنها وانتي بعد وخري عنه سلامات وش فيكم انتم  وجلدهم وخلاهم ساكتين طول الطريق

في الديره
_
وصلت سياره خالد وعياله الى ديرتهم الي تربو وعاشو فيها لحظات حلوه مع بعض ومع اهل الديره
استقبلوهم اهل الديره بفرح ومابين الي يقولون ( حي الله من جانا) والي يرددون ( نورتو الديره يا ابو داحم)
فرح خالد ع استقبال اهل الديره الي يعتبرهم كلهم اهله