نزلت ريما راسها وهي تفكر بكلام خوات عزام عنه وكيف انه ما نسى ريما وتحمست انها تشوفه وتشوف رده فعله اذا شافها وهل بيتذكرها او لا
ام عزام: بنات تعالو ساعدوني ف المطبخ وجيبو صحون العشاء للضيوف
البنات: ابشري
راحو البنات المطبخ يساعدون وريما من ضمنهم وهم داخلين يرتبون دخل فارس من عند الباب وحط صحن وقال هنوف خذي هذا انا بجيب صحون ثانيه بعد شوي غسلوها وابوك يقول الباقي لاترمينه يبغا يوديه للغنم
كانو البنات منصدمات وهم يشوفون فارس لأول مره بعد ما كبر وكيف انه كلم الهنوف وصدمتهم مو اكبر من صدمه الهنوف انه كلمها من بين الكل وقفت ريما تناظر باللي صار وتقول بينها وبين نفسها ليش ماناداني انا ليش كلم الهنوف بالذات ؟
صار فارس يجي المطبخ كل شوي ومعه صحون ويجون عيال عمهم الثانيين بعد يساعدون
مزن وهي تنغز ريما : والله وطلع اخوتس فارس مزيون انا اذكر ان عبد الرحمن المزيون
جت فاتن وسط مزن وريما وقالت: اي والله صح كيف فارس صار مزيون وصاير طويل ويهبلل
كانت الهنوف تسمع كلام البنات وتحاول تتجاهل الموضوع وماتفكر ب فارس بعد ماشافت شكله وهو رافع اكمام ثوبه ويساعد وكان شعره كثيفف وحلو
الهنوف وهي تحاول تلهي نفسها: شدعوه يالهنوف ترا الحلو فيه طوله وعيونه الحاده ورموشه الطويله وشوي يعتبر معضل وشخصيته ثقيله وماكلم احد غيرك انسيه عادي يمكن ما قصده شي يمكن شافك اول وحده قدامه عشان كذا كلمك اول وحده
ريما وهي تناظر الهنوف : الا شعندها الثانيه تهوجس ليكون خقت على اخوي بعد من الحين اقولك ترا اخوي غثيث وما غير نتهاوش انا وياه
قامت ريما تخبرهم السالفه الي صارت ف السياره وهم جايين الديره
سلمى بفضول : الا ريما عبد الرحمن يدرس ولا ؟
ريما : اي ثاني سنه جامعه
سلمى بضحكه : اها عشان كذا يقول لكم بزران
فاتن : وربي عبد الرحمن ضحكني يوم قلتي انه جلدكم وخلاكم طول الطريق ساكتين
مزن: تكفين تخيلت
ريما : اي والله ويحسب نفسه شايب وانه خلاص مختم الحياه وخاض تجارب كثيره وهو ولا يدري بشي
ضحكو البنات وخذو الاكل وقدموه للحريم وبدو ياكلون
عند الرجال
_
كان ياسر ينادي عبد الرحمن عشان يقهوي الضيوف
عبد الرحمن: سم ياعم الحين اقهويهم
مر عبد الرحمن ع الضيوف وقعد يقهويهم واحد واحد
فارس بضحكه استهزاء : والنعم صراحه رجال قهويني
عبد الرحمن وهو يأشر له بمعنى اصبر الوعد بعدين وصب له قهوه بدون نفس
مشعل يضحك : شفيه منفس ذا
سعود : كيف ماتبيه ينفس وهو قاعد يقهوي كل شيبان الديره واضح ظهره يعوره بقوم اصب عنه
نواف : اي كفو قم صب عنه وقهويني بعد
فارس وهو يضرب كتف نواف لان عجبته حركته : اييي يولد العم كذا ابيك
نواف وهو يدق فارس : افا عليك اعجبك
وبعد ماخلصو الرجال بدو يطلعون ويودعون بعض
فضى المجلس اخيرا ومابقى فيه غير العيال وياسر وخالد
عبد الرحمن وهو ماسك ظهره : يعيال انا بروح انام احسني تعبان
العيال : تمام روح ماقصرت
خالد : يلا يعيال ساعدو ورتبو المجلس بعدين روحو نامو
العيال : ابشر
_
عند البنات
YOU ARE READING
صحيح غيرها في العذارى مزايين لكن وش جاب النجوم لقمرها
General Fictionقبل ست سنوات كان عزام ولد مراهق عمره 17 سنه وريما طفله عمرها 11 سنه كان يهتم فيها ويدلعها ويحبها من بين كل الاطفال لكن بعدين غابت ريما عن الديره ل ست سنوات وماصارت تروح لكنها رجعت وسمعت ان عزام صار عسكري ولما شافته ماعرف انها ريما ومن هنا بتبدا قص...
