بعد ماخلصو سوالفهم اتصل عزام بريما
عزام : هلاا عيوني
ريما : اهلين
عزام : راحت صديقتتس ؟
ريما : اي
عزام : اخيرا ابي ارجع البيت تعبان
ريما : يحياتيي اسفه خلاص تعال الحين هي طلعت
عزام : زين ان فارس اتصل علي وخذاني للاستراحه ولا كنت بحس بملل
رجع عزام البيت وهو يسلم على ريما وعلى الي ببطنها وهو يقول : بابا هناا
ريما : اي بابا جا
عزام : والله استمتعت مع فارس واخوياه تخيلي مو صح دايم فارس يتجمع مع عيال عمنا ؟
ريما : ايوا
عزام : ذي المره لقيت حتى اخوياه ذوليك هناك ويسولفون كلهم والاستراحه مليانه وضحك ووناسه
ريما : زين انك استمتعت انا بعد استمتعت مع نجد وقلبناها فضفضه وسوالف وضحك ورقص وكل شي
عزام : ماوفرتو شي
ريما : اي والله
عزام : عطيتي القطوه اكل؟
ريما : اي عطيتها شوفها هذي هي قاعده تلعب عندنا بالصاله
نزل عزام عيونه يدورها ولقاها وراح يمسكها ورفعها فوق وباسها وهو يقول : يازينوو انا
ريما : والله بتونسنا ذي القطوه لين مايجي البيبي
عزام : طيب البيبي بنت ولا ولد ؟
ريما : يوو صح نسيت اروح عندي موعد بكره وديني المستشفى وبنسألهم عن جنس البيبي
عزام : طيب
_
ببيت عمهم محسن
نجود : الهنوفف تعالي شوفي
الهنوف : خير
نجود : شوفي مشعل وش حاط ستوري
الهنوف : جيبي اشوف
فتحت الهنوف ستوري مشعل الي كان عباره عن تفحيط وجت بتطلع الا وتوقفها نجود وتقول : اصبري شوفي
الهنوف : فيد تفحيط وش ابي فيه
نجود: ترا الي قاعد يسوق بجنبه فارس ولد عمنا
الهنوف : كذاااابه
نجود : والله اسمعي صوته ووجهه
ركزت الهنوف بوجه فارس مع انه متلثم لكن عرفته من عيونه وقعدت تشوف الفيديوهات وهم يفحطون ويتسابقون
الهنوف : من ذول الي يتسابقون معهم؟
نجود : نواف وسعود واخوياء فارس
الهنوف بضيق : اها
نجود : وش فيتس
الهنوف : ولا شي
راحت الهنوف لغرفتها وهي تتذكره وبدت تبكي وندمت انها تركته وندمت ع كل شي سوته له
اما نجود راحت تسولف مع سلمى ونزلو يطبخون
وهم مو مصدقين ان ريما حامل وما قالت لهم
نجود : شكلها تبي ترد الحركه
سلمى : اي واضح بس من حقها الصراحه
نجود : اي بس الهنوف ليش ماقالت لها
سلمى : مدري عنها مارضت تقول لي
نجود : خلاص خلاص اقطعي السالفه
__
رجع فارس البيت وهو يسلم على اهله وشاف عبد الرحمن واديم طالعين
فارس وهو يسكر الباب بيدينه ويوقف بوجههم : على وين ان شاء الله ؟
عبد الرحمن : طالعين
فارس : وين؟
عبد الرحمن : المول نتسوق
اديم : ونروح كوفي ونتمشى
فارس : اها
اديم : يلا وخر الحين لا افقع جبهتك بالكعب الي لابسته
فارس : يمه شفيها ذي المريضه
عبد الرحمن : لاتقول عن زوجتي مريضه ويلا وخر نبي نطلع
ابتعد فارس عن الباب وهو يشمق لهم ودخل وضحك
على حركاته وعلى اشكالهم
ودخل غرفته يلعب سوني مع اخوياه
__
بالصاله
خالد : اسمعي بقولك
رهام : ها
خالد : اخواني يقولون نبي نتجمع
رهام : متى ؟
خالد : مدري قال ياسر خلال يومين او ثلاث ايام بس بنتجمع بالبر كلنا
رهام : حلو بنطلع نغير جو
خالد : اي بس لاتخبرين العيال من الحين اول شي نتأكد وبعدين نقولهم
رهام : ابشر
قعدو يسولفون خالد ورهام كثير ودخلو بمواضيع كثيره وبعدها قطع سوالفهم اتصال من جوال رهام
رفعت جوالها وهي تشوف من المتصل وطلعت ريما
خالد : من
رهام : ريما
ردت رهام على ريما وهي تسلم عليها وتسألها عن احوالها
رهام : ابد ماعندي احد اسولف معه قاعده لحالي
لف خالد راسه وهو يناظرها من فوق لتحت وفاتح عيونه ويأشر لها انه كان يكلمها قبل شوي سفهته وكملت : اي تعرفين محد عندي
خالد : اجل انقلعي شوفي احد يسولف معك
رهام : تسمعين ابوك؟
خالد : كذابه والله قعدت اسولف معها وجحدتني
ريما بضحكه : معليك يبه مصدقتك
رهام : وش تبين انتي داقه الحين عشيتي زوجك؟
ريما : يمه محسسيتني اني مخليه ولد الناس يعيش بالطاقه الشمسيه ترا اطبخ له وياكل الحمدالله
رهام : طيب اخلصي وش تبين
ريما : يمه بكره عندي موعد واذا رحت ابي اسأل الدكتوره عن جنس الجنين ينفع الحين؟
رهام : اي دامك كملتي خمس شهور عادي
ريما : خلاص اجل زين
رهام : تبيني اجي معك؟
ريما : لا مايحتاج اتعبك عزام بيكون معي
رهام : طيب حبيبتي
ريما : يلا يمه تصبحين ع خير بنام الحين
رهام : وانتي من اهله
قفلت رهام المكالمه وحطت جوالها جنبها
خالد : وش
رهام : وش وش؟
خالد : ليش داقه
رهام : تبي تسأل عن شي ف حملها انت شتبي
خالد : بنتي ومن حقي اعرف
رهام : لا بس بكره بتروح تشوف اذا البيبي الي ببطنها ولد او بنت وتسألني اذا الحين تقدر تعرف او لازم ف شهر معين
خالد : اها زين
__
الصبح
YOU ARE READING
صحيح غيرها في العذارى مزايين لكن وش جاب النجوم لقمرها
Ficción Generalقبل ست سنوات كان عزام ولد مراهق عمره 17 سنه وريما طفله عمرها 11 سنه كان يهتم فيها ويدلعها ويحبها من بين كل الاطفال لكن بعدين غابت ريما عن الديره ل ست سنوات وماصارت تروح لكنها رجعت وسمعت ان عزام صار عسكري ولما شافته ماعرف انها ريما ومن هنا بتبدا قص...
