صحيح غيرها في العذارى مزايين لكن وش جاب النجوم لقمرها

Part 18

بدت نجد تساعد البنات واول ماخلصو راحت ريما ونجد غرفه ريما واديم راحت غرفتها تتجهز
ريما : يلا جيبي شنطه الميكب حقك وحطيها هنا
نجد : طيب
جابت نجد شنطتها وحطتها جنب شنطه ريما وقعدو بالارض وحطو المرايه الطويله ع الارض وبدو يرتبون نفسهم
ريما : اصبري شوفي تحسين ذا الايشادو يظبط مع الفستان او ادمج اثنين ؟
نجد : فستانك اسود يعني لو تحطين ايشادو اسود من الاطراف ومن النص حطي ايشادو ذهبي شوي يلمع وادمجيه بالخفيف وسوي ايلاينر وارسمي المدمع بعد
ريما : الله احس يجنن اصبري بجرب ونشوف
نجد : احس لو ننادي اديم معنا عشان نتشاور مع بعض وتتجهز معنا بدل لحالها
ريما : روحي ناديها وانا ببدا
نجد : طيب
قامت نجد وفتحت الباب واول مافتحته شافت فارس طالع من غرفته وهو يلعب بشعره المبلول وواضح انه كان يغسل شعره رفع نظره وشافها واول ماشافته يناظرها نزلت عيونها وركضت لغرفه عبد الرحمن ابتسم فارس وكمل طريقه وهو يناظرها
دقت باب غرفه اديم وفتحت
اديم : هلا نجد بغيتي شي؟
نجد : اديم تعالي معنا نتجهز مع بعض نحن الثلاثه لاننا مرتبين جلسه للميكب والمرايه وكل شي
اديم : منجدد؟
نجد : اي تعالي
اديم : طيب تعالي ساعديني لاني طلعت الميكب خلينا ندخله
نجد : طيب
دخلت نجد تساعدها ورتبو شنطه الميكب وطلعو على طول لغرفه ريما
دخلت نجد وهي تشوف ريما قاعده تحط الميكب
اديم : ماشاءالله بديتي
ريما : ايي
نجد : بالله ماتحسين بيظبط؟
ريما : اي احس بيظبط اصبري اخلص
اديم : وخرو ابي اقعد هنا
قعد اديم وحطت شنطتها ورفعت شعرها وبدت تحط
صارو بثلاثهم مركزين وكلهم ساكتين لانهم بفقره الايلاينر الي لازم يكون صمت عشان لايخرب
اديم : اهخخ خلصت
نجد : وربي انتو متعبين نفسكم انا عندي ايلاينر تطبعينه على عيونك وبعدين تبين ترتبين تقدرين تعدلين عليه
اديم : وحضرتك الحين تكلمتي؟
نجد : نسييت
ريما : اوريك بعدين
نجد : خير قلت نسيت
اديم : خلاص خلاص
ريما : نجد دامني خلصت ابيك تسوين شعري
نجد : ويفي كلعاده ؟
ريما : فديت الي تعرفني
نجد : يلا
اديم : انا باقي ماخلصت بعدين بسوي شعري
نجد : تمام عادي اذا تبين انا بسوي لك
ريما : اي اديم ترا نجد تعرف تظبط الشعر صدق دايم ما اروح للصالون لانها هي معي
اديم : اجل بجرب شغلك اليوم يانجد
نجد : جربي وابشري بالي يعجبك
بدت نجد ترتب شعر ريما وهم يسولفون ويضحكون مع بعضهم
اديم : عاد دحوم صدق راعي ذبات
ريما : اي يتنفس ذبات
اديم : وشلون عزام معك
ريما : مثل ماتشوفين لطيف مره انا كنت احسب العسكريين كلهم عصبيين بس طلع لا عصبيين بالشغل بس مع زوجاتهم واهلهم غيير
نجد : اي وربي عزام لطيف
ريما : يب مره ويدلعني
اديم : يازينه نفس دحوم احس
نجد : اكيد بيدلعونكم
ريما : صادقه
نجد : يب
اديم : يالله عسى مانفرح بعرس نجد باللي تبيه
نجد : مين الي ابيه
اديم : مدري بس عسى يجيك واحد طيب ويحبك صدق
نجد : عسى
خلصو البنات وبدت نجد تسوي شعر اديم وريما راحت تلبس فستانها
بعد ماخلصو بدلو ملابسهم ولبسو فساتينهم وبدو يصورون
ريما : بنات وربي انكم تهبلون
اديم : فديتكك
نجد : اومايقااد استحي استحيي
ريما : يلبيه بس
نجد : حتى انتي فستانك يهبل
ريما : يلا تعالي نجد ابي اصور فستانك
تقدمت نجد ووقفت على زاويه وكان فستانها يهبل ولونه بيبي بلو وفيه فصوص بيضاء من فوق وقصير لين عند الركبه وكانت لابسه كعب ابيض وحاطه شعرها ويفي
صورتها ريما ونادت اديم عشان تصورها هي بعد
كانت اديم لابسه فستان احمر غامق وضيق وكان هادي وطالع يهبل على جسمها وطولها حطت شعرها ستريت وسوت تسريحه بسيطه ولبست كعب لونه نفس الفستان بالظبط
صارت ريما تمدح اشكالهم وهم مستانسين
اديم : حتى انتي طالعه تهبلييين
ريما كانت لابسه فستان اسود وشوي واسع عشان بطنها الي بدا يوضح
ريما : قهر مقدر البس فستان ضيق
اديم : عادي يعيوني بتولدين وبعدها بتفتكين وبتقدرين تلبسين فستان ضيق
ريما : صادقه
نجد : بنات خلصتو ؟
ريما : اي مثل ما انتي شايفه خلصنا الحمدالله
نجد : تعالو نساعد عمتي ونستقبل الضيوف
ريما : قدام
نزلو بثلاثتهم وهم كاشخين وكان وقتها العصر وراحت نجد توري كشختها لام ريما اما ريما واديم كانو يسولفون وواقفات جنب بعض
لمحهن عبد الرحمن وتقدم يسلم عليهن
عبد الرحمن : وش ذا الزين وش ذا الحلا يازين اوخيتي ويازين زوجتي
ريما : حبيب اوخيتك انت يحلوك
اديم : والله يزينك انت يعيوني
عبد الرحمن : لبى عيونك
دخل فارس لأمه وشافها لحالها وقال : يمه عقالي وين مالقيته
رهام : بغرفتك
فارس : ماهو موجود
رهام : الا شوف عند الدرج الي تحت خزانتك هناك حطيت كل عقالاتك والشماغات علقتها فوق
فارس : ماتقصرين يمه
راح لغرفته يدور وفعلا لقاه ورتب نفسه وتكشخ ونزل
عبد الرحمن : فارس يلا تعال
فارس : احد جا ؟
عبد الرحمن : اتوقع لاني سمعت صوت سياره
ركضو البنات للصاله وقعدو جنب بعض هاديين ينتظرون احد يجي
رن الجرس وقامت عهود تشوف مين وشافت اخوانها سبقوها يفتحون الباب ركضت داخل وهي تقول : خاله عنود جت
ريما : وناسهه
نجد : وحشتنييي
دخلت العنود وهي اصغر خاله ومتزوجه قبل ريما بسنتين وعندها ولد صغير واول ماشافتها ريما فزت تحضنها وهي تقول : عنودد وحشتينيي
العنود : وانا اكثرر والله ياريوومتي
ريما : اهخخ من زمان عنك
العنود : اي وربي
نجد : عنووودد
العنود : ياويلي ذيي نجدد
نجد : ايي
حضنتها العنود وهي تسلم عليها مسكت وجه نجد بيدينها وهي تقول : محلوه يانجدد
نجد : مو احلا منك والله
العنود : ذي على ما اعتقد زوجه دحوم صح؟
اديم : اي صح
سلمت عليها وهي تضحك معها
اديم : يزينها تمون بسرعه
نجد : ايي
ريما : ودلبوس انا تعال يحبيبي
مسكت ريما ولد خالتها العنود وقالت : وش اسمك يابطل ؟
ولد خالتها : اسمي معاذ
ريما : ياهلا بمعااذ
ابتسم معاذ وهو مستحي وركض يحضن امه ويناظر ريما
ريما : يعمري
نجد : يزينه يهبل
اديم :ايي
عهود : وش قال اسمه ؟
ريما وهي تناظر عهود الي قاعده جنبها ومتكيه عليها : اسمه معاذ يهبل صح؟
عهود : اي والله يهبل
اديم : اي والله يعهود اسمه يهبل
عهود : حتى هو شوفي كيف مستحي
نجد : عهود روحي له حاولي تخلينه يجي بيشوفك صغيره وبيلعب معك
عهود : طيب ثواني
قامت عهود لمعاذ وهي تبتسم له وتسوي حركات بيدها له
ابتسم معاذ وقعد يناظرها وهو يسلم عليها
قربت وهي تقرص خدوده وتقول : يحلوووك
معاذ : انتي الهلوه
ناظرت عهود للبنات وهي مبتسمه للطافته وقالت لنجد : سمعتيه قال انتي هلوه قصده انتي حلووه
نجد : ااييي
العنود : معاذ روح مع عهود واقعد معها
راح معاذ ومسكت عهود يده وهي تاخذه للبنات الي استلموه تصوير
بعد ماخلصو قعدو يسولفون مع العنود وفرحانين فيها دخل فارس وعبد الرحمن عشان يسلمون عليها
اول مادخل فارس شاف نجود الي حاضنه معاذ وحاطته بحضنها وقاعده تبوسه
فارس : السلاام
العنود : يمه والله وكبرتو
عبد الرحمن : اي
قربو وهم يحضنونها وسلمو عليها
العنود : فارس عساك عقلت
فارس : شدعوه تراني عاقل من قبل
العنود : اي صدقتك
عبد الرحمن : شوفي هو حاليا نص عاقل يعني لازال طايش شوي بحركاته
العنود : واضح من شكله شوف كيف مشمّر ثوبه من الكتف وحاط الشماغ عليه كنه داخل ضرابه مو جاي يسلم
فارس : احب شكلي يكون كذا انتي شتبين
العنود : لا يشيخ من الي بتخق عليك بذا الشكل
لف فارس يناظر نجد الي رفعت عينها وناظرته وابتسم وقال : ماتدرين يمكن في بنت يعجبها شكلي الطايش كذا
العنود : مستحيل البنات يحبون واحد رزه وكاشخ مثل عبد الرحمن فديته شوف كيف مرتب
فارس : لا يشيخه
عبد الرحمن : افداكك ياخالتي الحلوه
العنود : حبيبي والله ياروح خالتك
فارس : خير
العنود : ياليل ذا للحين ماتغير يغار اذا احد اهتم ب عبد الرحمن وانسحب عليه ؟
عبد الرحمن : ايي
ريما : اي وربي اول ما امدح دحوم واحضنه او شي يسحبني يقول احضنيني انا بعد ليش بس تحضنين دحوم
العنود : شدعوه يالغيور
فارس : من حقي اغار يعني ابي اهتمام انا بعد وش ذا الظلم
العنود : ولا يهمك انا يعجبني شكلك الطايش ذا يخليك مختلف ومميز واكيد في بنات يحبون الي مثلك
فارس : اكيد في بس انا مادورت
العنود : اي صح دور لك عروس واعرس نبي نفرح فيك
فارس : لا معليك ان شاء الله اذا ربي كتب لي النصيب بتزوج
العنود : ان شاء الله
فارس : معاذذ تعال يبابا
معاذ : جاي
قام من حضن نجد وسحبته قبل لايروح وباسته وكان فارس يناظرها توترت من نظرته لها ونزلت عينها لمحتها اديم ومسكت ضحكتها من الي صار
اديم : اممم احس شفت شي
ريما : وشو
اديم : لا لا معليك
لفت نجد تناظرها ولقت اديم تبتسم
نجد : وش
اديم : ولا شي بس ابتسم
فارس : معاذ شخباركك
معاذ : بخير
فارس : تعال معنا
معاذ : لا ابي اقعد مع هذي
فارس : مين ؟
أشر معاذ على نجد وقال فارس : نجد ؟
رفعت نجد عيونها لما سمعت فارس قال اسمها وشافت معاذ يأشر عليها
معاذ : اي نجد
نجد : وشفيني
فارس : لا بس يبيك
نجد : يحبيبي حتى انا ابيك تعال
قبل لايروح معاذ حضنه عبد الرحمن وقرب فارس وباسه من نفس المكان الي باسته فيه نجد بالظبط
طلع فارس واخوه بعدها وسكرو الباب وراهم
قعد معاذ بحضن نجد
_
خالد : صب القهوه له
فارس : ابشر يبه
حازم : تسلم
صب فارس القهوه لحازم ولأبوه ودحوم وقعد يسولف معهم لحد مادق الباب مره ثانيه وفز يفتح
فتح فارس الباب وشاف شي ما كان يبي يشوفه
لمح الهنوف الي كانت منزله عينها واول ما انفتح الباب رفعتها وجت عينها بعيون فارس الي بسرعه صد
ياسر : هلاا فارس
فارس : هلا ياعم تفضلو
دخلو كلهم وجا عزام يسلم عليهم وهو يحضن خواته وحده وحده وفارس واقف يناظر وبعدها دخلو الحريم للصاله وعزام وفارس راحو للمجلس مع الرجال
_
عند الحريم
دخلت اصايل وبناتها وقامت رهام تسلم اما نجد وريما ناظرو بعض ووقفو يسلمون
الهنوف : هلا ريما
ريما : اهلين
نجود : شخبارتسس
ريما : بخير يعيوني وانتي
نجود : انا بعد بخير
سلمى : كيف حملتس ؟
ريما : زين الحمدالله
بعد ماسلمو عليها سلمو على نجد واديم والعنود ورهام وقعدو جنبهم
ريما : نجد بتصل على شموخ بنت خالي تجي شرايك
نجد : تم اتصلي عليها
قامت ريما وهي تتصل على بنت خالتها عشان تجي وفعلا قالت انها بتجي ورجعت ريما تقعد مكانها الا وتقوم الهنوف وهي تقعد عندها
ريما : هلا ؟
الهنوف : اسمعي ريما ابي اسوي شعري ما امداني اسويه لان ابوي قال بسرعه اركبو السياره
ريما : بغرفتي موجود
الهنوف : طيب
ريما : تعالي يلا ي
قامت ريما ومعها الهنوف ونجد تناظر ومو داريه شالسالفه لكنها بدت تسولف مع البنات
دخلت ريما الغرفه ودخلت معها الهنوف وطلعت لها الاستشوار عشان ترتب شعرها وتظبطه ووقفت تنتظرها بصمت
بعد ماخلصت الهنوف قامت وقالت : ريما
ريما : ها
الهنوف : للحين زعلانه مني يعني ماسامحتيني ؟
ريما : شوفي يالهنوف انا مسامحتك ومو زعلانه منك صح بالبدايه زعلت بشكل بس مرت سنين وماينفع اقعد حاقده عليك وكارهتك عشانك ما اخذتي اخوي لكن مو يعني اني برجع زي قبل معك
فزت الهنوف وهي تحضنها وتقول : شكراا اهم شي سامحتيني وربي طول ذي السنوات وانا التأنيب والتفكير يقتلني افكر فيك ابيك تسامحيني واتذكر ايامنا مع بعض
ريما : اي حتى انا واستوعبت ان خلاص افضل اسامحك
الهنوف : وربي مابغيت اموت وانتي مو مسامحتني
ريما : بسم الله عليك وش تقولين انتي يالهبله
الهنوف : الله وعاد بصير عمهه
ريما : اي ولدي بيكون اسمه فهد
الهنوف : يلبيه اسمه يجنن
ريما : اكيد لان اخوك الي اختاره
ضحكت الهنوف ومسكت ريما وهي تنزل معها
قعدت ريما جنب نجد والهنوف قعدت جنب خواتها
نجد : خير ان شاء الله ليش نازله معك وماسكتك؟
ريما : سامحتها
نجد : تكذبين؟
ريما : لا والله حرام ينجد البنت ماضرتني ولا سوت لي شي مو غصب تاخذ اخوي
نجد : طيب زين الي سويتيه والمسامح كريم بالنهايه
ريما : ايوا
قعدو البنات يسولفون بعد ماجت شموخ وبعدها جو اعمامهم الثانيين ودخلو كادي ومزن والبنات وقعدو جنبهم
مزن : يوو من زمان ماجيت بيتكم
ريما : اي والله من زماان
كادي : الا ريما عرفتي وش جنس الطفل ؟
ريما : اي ولد وبنسميه فهد
كادي : مبرووك
مزن : اي والله مبروك الاسم يجنن
ريما : الله يبارك فيكم يعيوني
الهنوف : اي ولد اخوي بيطلع مز
ريما : بيطلع زي ابوه وخواله اكيد
نجد : عاد لو طلع يشبه فارس بيطلع مز صدق
سكتت الهنوف يوم سمعت نجد تقول ذا الكلام
ريما : صادقه
كادي : الا وينه ذا الداشر ماسلم علينا حتى
ريما : شكله عند الرجال قاعد تبيني اناديه يجي ؟
مزن : اي ناديه يسلم علينا
قالت ريما لمعاذ يروح يناديه وجا فارس وهو شايل معاذ بكتفه ويلاعبه ويضحك
سلم على الحريم وبعدها جا عند البنات
مزن : اي الحين جاي تسلم
فارس : اقول اسكتي مشغول انا قاعد اقهوي الرجال
كادي : اهاا عذرك معك اجل
كان يكلمهم وماكان يدري ان الهنوف موجوده لف وجات عينه بعينها وقال : سلام
الهنوف : وعليكم السلام
فارس : الا شموخ متى جيتي انتي
شموخ : ريما رسلت لي اجي وعاد جيت ليش ماتبيني يعني
فارس بمزح : اي مانبيك
شموخ : يالخايسس
فارس : امزح يحيوانه شفيك عصوبي
شموخ بضحكه : خلاص اذلف روح صب قهوه للرجال
فارس : يلا بروح نجد امسكي معاذ
نجد : ابشر
كانت الهنوف قاعده جنب نجد واول مانزل فارس يعطي نجد معاذ ناظر نجد وابتسم لها وشافت الهنوف الي صار ابتسمت له نجد وحطت معاذ بحضنها وهي تلعب معه
_
عند الرجال
نواف : الله وناسه
سعود : وش
نواف : من زمان عن العزايم
مشعل : اي والله صادق
سعود : فارس
فارس : هلا
سعود : تعال صب لي انا بعد ابي قهوه
فارس : ابشر
صب له قهوه وسأل العيال اذا يبون وقالو انهم يبون وصب لهم بعد وقعد يسولف
مشعل : شخبار الدوام
فارس : زين
نواف : بالله مو ناوي تعرس ؟
فارس : ليش ماتعرس انت
نواف : مدري
فارس : انطم اجل
عبد الرحمن : شدعوه خليه يتكلم
فارس : ليش يجيب ذي السيره الحين يعني
نواف : كيفي
فارس بضحكه : طيب اسفف
نواف بزعل : انقلع
فارس : نوافوو وربي اسف ماقصدي ارفع صوتي عليك
نواف : طيب
فارس : خلاص رضيت ؟
نواف : اييي
فارس : يلبى بس
قعدو يسولفون مع بعضهم وكانو قاعدين بزاويه المجلس بعيد عن الرجال الكبار عشان ياخذون راحتهم وتربعو وقعد سعود وسطهم وهو ينقل لهم علوم جديد
سعود : تدرون يعيال
مشعل : وشوو
سعود : تذكرون يوم قالو ان الهنوف تركها حسن وعلم عليها ابوها ومدري وش
عبد الرحمن : اي بس ليش تذكر ذا الشي الحين ؟
سعود : طلع مو حسن الي تركها في سالفه كبيره
نواف : قول
فارس : شدخلنا حنا
سعود : لا اسمع
فارس : ها
سعود : هي تهاوشت مع حسن وكانت قبل تعلمه بالجوال انها تلعب عليك وماخذتك تسليه وكانت تستخدمك عشان تخليه يغار عشان كذا بالعرس هو عرفك المهم ان صار بينهم هواش وهي قالت انها صدق تحبك وكانت صح تلعب عليك بس بعدها حبتك وحسن عصب عليها و
نواف : يووووو
مشعل : اص خله يكمل
سعود : المهم عصب عليها وتهاوشو هي وياه وقال لها دامك تحبيه ليش وافقتي ومن ذا الكلام المهم هي تركته وقالت له ان يطلقها بعدها طلقها وراح يعلم عمي ياسر انه كان يكملها قبل وانا تحب فارس وخبره كل شي حرفيا
فارس : منجدك ؟
سعود : اي والله
نواف : كييف عررفت ؟
سعود : يرجال مايخفى علي شي اكيد بعرف
فارس : لا ابي اعرف
سعود : كنت مره طالع مع حسن يوم كان متزوجها وقاعدين نسولف وقال لي انه كان يكملها قبل وكلمني عن موضوعك يفارس وكيف انها تلعب عليك عشان كذا عرفت وبعد ماطلقها عرفت الموضوع منه
فارس : والله انه مايستحي كيف يفضحها كذا اذا يحبها؟
نواف : مو كل رجال رجال يافارس
فارس : صادق
قعدو يسولفون ويحللون الموضوع ويدخلون بمواضيع ثانيه بعد
بعدها قامو العيال يبون يروحون المطبخ وقام فارس قبلهم وقالو انهم بيلحقونه بعدين
راح فارس للمطبخ وطلعت ف وجهه نجد الي كانت لابسه فستان وكان قصير وكانت مطلعه شعرها وفاكته على ظهرها وقف فارس وهو يناظرها من فوق لتحت اما نجد الي اول ماشافته كانت ماتدري وش تسوي وتجمدت بمكانها وفارس نفس الوضع تجمد وهو مو قادر يشيل عينه عنها استوعب بعد ماسمع اصوات العيال جايين وركض عند نجد وهو يقربها منه ويغطي عليها بشماغه
فارس : روحيي بسرعه
ركضت نجد وهي حاطه شماغه عليها وراحت لغرفه ريما وقعدت هناك وهي تحاول تتنفس لانها كانت متوتره من الي صار قعدت شوي تستوعب بعدها حطت شماغه ف شنطتها ونزلت تقعد مع البنات
_
خلصت العزيمه والكل رجع بيته الا اهل خالد قعدو معهم والبعض نامو ببيتهم والبعض نامو بفندق لكن عمهم ياسر نام عندهم ووقتها قرر فارس انه مايصادف الهنوف ولا يطلع من غرفته
_
طلعت ريما بدون علم عزام الي كان عنده اجازه وقتها
وراحت لمكان عمله
ودخلت وهي تشوف العساكر والظباط وكانت منزله راسها مرت من جنب واحد وقالت : لو سمحت وين المدير حقكم؟
الظابط : تبين مدير اي قسم ؟
ريما : قسم الرقباء ؟
الظابط : تعرفين احد هناك ؟
ريما : زوجي رقيب
الظابط : مين زوجك؟
ريما : عزام بن ياسر
الظابط : والنعم فيه رجال ابن رجال معروف بكل المراكز
ابتسمت ريما وقالت له مايخبر عزام انها جايه وووافق وقال لها عن مكان مدير القسم الي يشتغل فيه عزام
وتوجهت لهناك
دقت الباب وسمح لها تدخل
المدير : السلام عليكم تفضلي اختي وش بغيتي ؟
ريما : وعليكم السلام
المدير : عندك شي؟
ريما : اي انا زوجي رقيب واسمه عزام بن ياسر
المدير : اها طيب وش تبين انتي ؟
ريما : سمعت انك تبيه يروح لمكان ثاني لمده شهر
المدير : ايوا
ريما : تكفى خله لايروح انا حامل وماعندي غيره واهله بعيد حرام عليك بعد ما اولد خله يروح اي مكان كافي انك كل مره تخليه يروح اماكن بعيده ويقعد بالاسابيع هناك بس شهر تكفى والله مقدر ولا هو يقدر
المدير : طيب لازم ذا شغله !
ريما : تكفى تكفى خله لايروح انا جيت طالبتك تكفى لاتردني
سكت المدير شوي وقعد يفكر بعد ماقال لها ترجع بيتها واذا غير رأيه بيتصل عليها
_
رجعت بيتها وهي تشوف عزام قاعد يلعب سوني وجاها اتصال وعلى طول قامت لغرفتها واول ماردت
ريما : هلا ؟
المدير : ياهلا زوجه عزام ؟
ريما : اي
المدير : عشانك بخليه يقعد معك لحد ماتولدين بس بعد ولادتك بشهر بخليه يروح موافقه ؟
ريما : شكراا وربي شكرا ماتوقعتك بتوافق
المدير : مقدرت اردك
ريما : جزاك الله خير ماتقصر
قفلت المكالمه وهي فرحانه ودخل عزام وهو معصب وقال : من كنتي تكلمين؟
ريما : يمه خرعتني
عزام : اكيد بذي النبره ماتكلمين اخوانتس اجل تكلمين مين
ريما : كلمت مديرك
عزام : نعممم؟؟ وليشش ؟
ريما : هدي عزام خلني اتكلم لاتصرخ علي
عزام : تكلمي
ريما : رحت له القسم الصبح وطلبته يخليك ماتروح لمكان ثاني وتبعد عني لمده شهر وبعدها قال انتي ارجعي بيتكم واذا غيرت ولقيت بديل له بقولك وقبل شوي اتصل انه لقى بديل وانه بيخليك معي لحد ما اولد وبعدين شهر من ولادتي بتكون معي تشوف ولدك وكذا بعدها بيبدا يخليك تروح
عزام : منجددد ؟؟
ريما : ايواا
فرح عزام وحضنها وقال : صح ان ماعجبني انتس رحتي مكان عملي والكل شافتس وعرف انتس زوجتي بس اهم شي اني ما ببعد عنتس وبقعد معتس
ريما : ايي اهم شي
_
يتبع...
( اكتبو لي رأيكم بالبارتات ) 🥹🤍