( معليش ع التأخير )😔🤍🤍
بعد مشوار وصلها بيتها ونزلت وهي تشكره ورجع فارس لنفس الطريق لحاله بس قعد يشغل اغاني عشان مايحس بملل وبدا يسرع عشان يوصل بسرعه
وصل للمخيم ونزل عند اهله يكملون السهره
ريما : خلاص وصلتها؟
فارس : ايوا
ريما : زين
عزام : ريما تبين تنامين هنا ولا؟
ريما : ما ابي والله
عبد الرحمن : طيب شرايكم نرجع كلنا لان حتى اديم تبي ترجع
عزام : شوف فارس
عبد الرحمن : فارس تبي ترجع معنا؟
فارس : اصبرو بقول لابوي لان انا الي سقت بهم هنا
عزام : طيب
راح فارس وهو يستأذن من ابوه انه يبي يرجع البيت مع عبد الرحمن وابوه قال له عادي يروح
ركض فارس لهم وهو يقول : ابوي وافق يلا
عزام : روح بسياره عبد الرحمن واديم لان انا وريما بيتنا جهه غير عن بيتكم
عبد الرحمن : اي اكيد بيجي معنا لان كلنا بنفس البيت
فارس : يلا
اديم : طيب
ركب عبد الرحمن واديم السياره ومعهم فارس وريما وعزام راحو بسيارتهم بعد ماودعو الكل
_
وصل عبد الرحمن بيتهم ونزل فارس يركض ورمى نفسه بالسرير وهو ميت من التعب ويبي ينام
واديم وعبد الرحمن نفس الشي راحو يبدلون ملابسهم وينامو
_
ريما : عزام انا بروح ابدل ملابسي وانت روح عطي القطوه اكل وتطمن عليها
عزام : ابشري
راح عزام يعطي القطوه اكل ويلعب معها لين ما جت ريما وشافته يلعب
ريما : ودلبوس وقف مكانك بصور شكلكم كيوت
عزام : طيب
وقف عزام وهو ماسك القطوه ويلعب معها وريما تصورهم وتضحك على حركاته
ريما : خلاص احس
عزام : اخيرا
ريما : ننام؟
عزام : قددااام وربي تعبان صدق
ريما : اي والله وانا بعد
راحو لغرفتهم ونامو بعد يوم طوييل وممتع
_
اليوم الثاني
رهام : يلا يا اصايل دامنا فطرنا كلنا الحين نحن بنرجع
اصايل : مابتقعدون للغدا؟
رهام : لا والله مانقدر
اصايل : طيب يحبيبتي فمان الله
راحت رهام تنادي خالد وركبو سيارتهم وخذو عهود معهم الي كانو بينسونها لو ان نواف ما جابها لهم
نواف : ياعم بغيت تنسى بنتك
خالد بضحكه : ماشفتها والله نسيت
نواف : خلاص اجل اهتمو فيها لاعاد تنسونها
عهود : خلاص انت الثاني
نواف : وش
عهود : خلاص اسكت ابي اروح البيت مسوي يعنني ميانه
نواف بضحك وهو يناظرها : بزران اخر زمن طالع لهم لسان
رهام : ماعليك منها قليله الادب ذي مشكور يانواف
نواف : يلا فمان الله
خالد : يلا
حركو من المكان بعد ماودعو الكل وتوجهو لبيتهم وحصلو الباب مفتوح
خالد : الله لايوفقهم شوفي كيف مخلين الباب مفتوح
رهام : ياربي بسرعه خل ندخل
عهود وهي ماسكه ايبادها وتلعب فيه : شكله دخل قاتل وقتلهم كلهم ويوم بندخل بنلقاهم كلهم ميتين وفي واحد عند الباب واقف ينتظرنا عشان يقفل الباب ويقتلنا واحد واحد ويدفنوننا او يبيعون اعضاءنا
التفو رهام وخالد بسرعه بعد كلام عهود وهم منصدمين كيف انها تعرف كل ذي الاشياء وهي صغيره
رهام : عهودددد وش ذااا الكلاممم؟؟
عهود : الصدق
خالد : من وين تعلمتي ذي الاشيااء؟؟
عهود : كنت اتابع مع اخواني افلام رعب وقتل وعرفت واصلا محد مايعرف ذي الاشياء لانها واقع يصير بيننا وكم قصه سمعناها كانت كذا
خالد : اي واحد من اخوانك بالظبط تتابعين معه ذي الاشياء حددي بسرعه؟
عهود : باثنينهم بس الاكثر فارس نتابع الساعه وحده بالليل افلام قتل
رهام : بس من الافلام تعلمتي؟
عهود : لا من الجوال بعد كم مره اشوف ذي الاشياء
خالد : يابنت تراك بزره ادري انك ذكيه بالعلم بس لاتتعمقين بذي السوالف وعيشي طفولتك
عهود : ماني بزر ووش جو الطفوله تبوني العب طول الوقت ملل اكيد بكبر مخي ووبحث عن اشياء ثانيه واتعلم
خالد : كل القصص كذب الحمدالله عندنا امان هنا مافي ذي القصص
عهود : من قال؟ ترا تصير قصص ويخفونها عن الاعلام ومو لازم ينشرونها اكيد بيخبون عن ذي المواضيع وفي اختطاف وقتل وتجاره بالاعضاء وقتله مأجورين بكل الدول مافي دوله مثاليه وكامله اكيد فيها ثغر بسيط مخرب عليها وذا الثغر تخفيه الدوله وماتطلعه بالأخبار عشان ماتخسر سمعتها واقتصادها
رهام : طيب يماما لاتفتحين فمك ف المدرسه عن ذي المواضيع لان ممكن كلمه وحده تودينا ورا الشمس فاهمه؟
عهود : اكيد مابتكلم اصلا كلهم مبزره مايفهمون
خالد وهو يناظر رهام : من اليوم راقبي وش تتابع
عهود : شدعوه ترا مابقتل احد
خالد : اص ولا كلمه عطيني الايباد بسرعه
عهود بتنهد : تفضل
اخذ ايبادها وهو مو مستوعب الكلام الي طلع من طفله مثلها وخاف شوي من كلامها اذا صدق كذا صاير وتعوذ من الشيطان ونزل يدخل للباب
عهود : جرب اتصل على عبد الرحمن او فارس عشان اذا مو مقتولين بيردون
رهام : بعيد الشر عنهم اسكتي
عهود : طيب
فعلا قام خالد يتصل على فارس وقعد يدق عليه فوق عشرين دقيقه وهو مايرد
عهود : شفتو قلت لكم انهم مق....
قطع كلامها خالد الي رد على اتصال وهو يقول : فارسس ردد
رهام : الحمدالله
خالد : اسمع انتو بخير كلكم؟
فارس : ايوا
خالد : مافي احد بالبيت غيركم؟
فارس بتعب : اي يبه شفيك
خالد : شفيه صوتك؟
فارس : وش الي شفيه خرعتني قمت من النوم اكيد صوتي تعبان
خالد : ليش خليتو الباب مفتوح
فارس :معليشش نسينا نزلنا ركض نبي ننام
خالد : طيب
قفل المكالمه وهو يناظرهم وقال لهم يدخلون
دخلت عهود وراحت غرفتها وسط صدمه امها وابوها
رهام : مستحيل انها عهود كان كل همها تلعب والحين كنها وحده كبيره بجسم صغير
خالد : صح ان العلم زين للأطفال بس نفس العلم الي عند عهود وهي توها صف ثالث ابتدائي يخوف الصراحه
رهام : خرعتني الله يهديها
خالد : اي وقسم بغت تنكسر رقبتي من قوه مالفيت يوم سمعت كلامها
ضحكت رهام ودخلت البيت ودخل خالد بعدها وهو يتأكد ان كل شي مقفل حتى الشبابيك لان خوفته عهود بسالفه القاتلين
_
جا الصبح عليهم ومر عليهم نفس الروتين لين الساعه ٤ العصر
عهود : فارس
فارس : خير
عهود : ادري انك زعلان لان ابوي ضربك لانك تخليني اتابع افلام تخوف بس بقولك شي
فارس : ها؟
عهود : وديني المول
فارس : نعممم؟؟ بكل بجاحه جايه تبيني اوديك المول وانتي مفتنه علي عند ابوي
عهود : خلاص بلا دلع طول عمرك تنجلد من ابوي سواء احد فتن عليك او لا
فارس : حتى لو
عهود : يعني تحسست الحين ولا وش سالفتك؟
فارس : ايوا
عهود : اقول قم ذا كبرك ومسوي تتحسس بسرعه وديني المول ابا اتقضى
ناظرها فارس من فوق لتحت وهو يقول : يحبيبتي وش تتقضين وانتي طولك كنه طول سيقاني
عهود : كل تبن ووديني قلت
فارس : ذا اسلوبك وتبين اوديك؟
عهود : يعني تبي الغريب يجي ياخذني؟
فارس : كيف يعني؟؟
عهود : تبيني اقول لعزام يجي ياخذني المول بدل اخوي الي تربيت معه ياخذني ؟
فارس : ياليل بدينا خلاص يلا بوديك
عهود : شاطر
طلع فارس وركب السياره وهو ينتظرها وشافها وهي طالعه
فارس : يلا اركبي تأخرتي
عهود : خلاص طيب اسكت ترا جيت ماله داعي تهاوش
فارس : ماهاوشتك طيب!!
عهود : بتحرك السياره ولا كيف؟
فارس : والله وصرتي تخوفين يعهود
وداها للمول ونزل معها يشوف هي وش تبي بالظبط
عهود : ابي اشتري ملابس كل الملابس الي جابتها امي صغرت علي ونصهم مو عاجبيني
فارس : وين تبين تروحين طيب
عهود : ذا المحل فيه ملابس تجنن تعال
راح معها فارس وهو يشوف كيف ان هي الي تنتبه عليه بدل لا ينتبه هو لها
عهود : ياليل يعني لازم امسك يدك عشان ماتضيع قلت لك امشي وراي وبس
فارس : انتي كنك نمله تدورين بكل مكان وسريعه اجي التفت على شي والف عليك ما القاك اثبتي بمكانك شوي
عهود : خلاص تعال بسرعه
قعد ينتظرها لحد ماخلصت مشترياتها ودفع الحساب وطلع وهو ماسك الاكياس عنها وقعدو يتمشون بالمول و لمحه رعد من بعيد وراح يسلم عليه
رعد : فارسس
فارس : ياهلاا
رعد : وش تسوي هنا
عهود : جايبني عشان اتسوق شتبي انت الحين
نزل رعد عينه لمكان الصوت وشافها وقال : يووو عهود والله وكبرتي صرتي تتسوقين بالمولات
عهود : اقول اص بس يعني تبيني ما اكبر
رعد : بسم الله ماقصدي كذا
عهود : يلا وش تبي الحين؟
رعد : شدخلك اكلم خويي
عهود : ذا اخوي قبل لايصير خويك
رعد وهو ماسك فارس من كتفه ويناظرها : يحبيبتي ذا خويي قبل لاتنولدين
عهود : وش فيك ماسكه كذا كنك زوجته استرجل بس
وبعدين فارس ترا تعبت وانت تضيع كل ثانيه كنك بزر امشي وراي بسرعه
ترك رعد فارس وهو ميت ضحك وقال : فارس ذي هي الي تربيك مو انت الي تربيها
فارس : تخسي تربيني
عهود : رعد انقلع ضيعت علينا الوقت يلا روح دايم ترسبن ببيتنا وش تبي بفارس الحين
رعد بعناد : والله انا فاضي بجي معكم انتي تسوقي وانا بسولف مع فارس
تقدمت عهود وهي متنرفزه من رعد وقالت : وع نشبه
رعد : وع عليك يابزر
فارس : افف كتمه وربي تقهر
رعد: توقعت شخصيتها بتطلع كيوت بس طلعت زي ريما واخس بعد
فارس : حرام عليك ريما كانت كيوت شوي
رعد : اي صح والله كانت كيوت ذي شفيها كذا نفسيه
فارس : مدري والله اقول خلنا نلحقها لاتضيع
رعد : يلا
مشو وراها ومسك فارس جواله وهو يصورها ويرسلها بجروب العايله وكتب ( والله وصرت اخذ عهود المول وتتقضى بدل ماكنت اروح مع ريما )
رد عليه ابوه وهو يقول : ذي عجوز بجسد طفله الله يحفظها
رهام : والله صادق
ردت ريما وقالت ( يحياتيي كبرت البنوتهه بالله فارس وريني وش اشترت بعدين )
قال لها فارس انه بيصور لها وقفل جواله بعدها وحطه بجيبه وهو يسولف مع رعد
دخلت عهود واحد من المحلات وهي تسحب فارس معها وفارس يسحب رعد
مشو معها ووقفو ينتظرونها تختار ملابس
تقدم رعد لها وهو يقول : عهوديي
عهود : ها
رعد : اصبري ماتحسين ذي كبيره بجيب لك مقاس اصغر
عهود : لا عادي بكبر عليها
رعد : لا انتي ماخذه مقاس مره كبير ومابترتاحين فيه صدقيني شوفي
رفع يده وهو يدور لها مقاس صغير وهي تناظره
نزل على ركبته لعندها ومد لها مقاس اصغر ويكفيها وحطه عليها عشان يقيس
رعد : شوفي كيف المقاس
عهود : حلو
رعد : اي حلو عليك خذيه
عهود : يلبيه فديتك
ضحك رعد وهو يناظرها وقال : افداك
فارس : خير عهود وش ذا الكلام
عهود : انا بتزوج رعد خلاص
فارس : وش الي تتزوجينه انتي بزر وهو كبير
عهود : لا العمر مجرد رقم
رعد : ياشيخه
عهود : ليكون مو عاجبتك بس؟؟؟
رعد : لا عاجبتني وكيوت بس طفله
عهود : طفله بعينك كل تبن بس
ضحكو فارس ورعد ومن قوه انهيارهم طاحو ع الارض وصارو يضحكون بصوت عالي وماسكين بطنهم وكل الي بالمكان يناظرونهم ومستغربين
عهود : اص فضحتونا
فارس بضحك وهو يناظرها : اجل قلتي بتتزوجين رعدد
بعد كلمته ناظر رعد الي كان منكتم من قوه الضحك ووجهه صار احمر وضحك زياده
جاهم موظف المحل وقال : لو سمحتو اطلعو برا
فارس وهو يضحك : شوف يطردنا
ضحك رعد وقال : اي والله يبي يطردنا
الموظف : مو قاعد استبهل انتو ازعجتو الي بالمكان
رعد وعيونه بدت تدمع من قوه الضحك : قالل اسستبهلل
فطس فارس من الضحك وهو يتقلب بالارض ويصفق كتف رعد بقوه والموظف يناظرهم وقال : شاربين شي؟
فارس : لا
عهود : ما اعرفهم خذهم
الموظف : بنادي الامن اذا ماقمتو وسكتو
قامو باثنينهم وحاولو يمسكون نفسهم لين ماهدو لكنهم كل ماناظرو عهود بغو ينفجرون ضحك
طلعت عهود وهي متفشله منهم
دخلو كوفي وقعدو بثلاثتهم وكل واحد طلب لنفسه الي يبي وعهود طلبت لنفسها موهيتو وقعدت ماسكه ايبادها وسافهتهم وهم يسولفون ويضحكون مع بعضهم
خلصو الثلاثه مشروباتهم ودفع فارس الحساب بعد ماصارت بينه وبين رعد ضرابه مين يدفع وصارو يدفون بعض والناس يصورونهم لين ما ركب فارس لين عند المحاسب ودخل عنده ودفع بسرعه ورعد كان يحاول يسحبه
عهود : ذول الاثنين لايجتمعون لانهم يجيبون الفضايح
رجعو لها والناس يناظرونهم نزلو راسهم بفشله وسحبو عهود وكل واحد مسك اكياس عنها وهي تمشي قدامهم
فارس : انننن انا دفعتت
رعد : اقول انقلع بس المفروض انا ادفع!
فارس : لا يشيخ
رعد : ايوا
فارس : خلاص اليوم بتعشى على حسابك وش قلت ؟
رعد : تم وبعزم العيال
فارس : خلاص تم
عهود : اول شي رجعوني البيت
رعد : بوصل لكم الاغراض وبرجع لان سيارتي هناك
فارس : لا عادي جيب انت باخذهم
فعلا راح رعد لسيارته بعد ما عطى فارس اكياس عهود دخل فارس الاغراض بالسياره وركب قدام جنب عهود الي كانت مستانسه
فارس : مستانسه ؟
عهود : ايوا
فارس : وش نقول اذا شخص طلعنا وخلانا نستانس واشترا لنا اشياء؟
نطت عهود وهي تحضنه بقوه وقالت : شكرااا ياافاارسس
حط يده عليها وهو يبادلها الحضن ويلعب بشعرها : العفوو
عهود : اختك الصغيره لازم تدلعني
فارس : فديتك اكيد بدلعك اذا مادلعتك بدلع مين ؟؟
عهود : محدد
فارس : شاطره
رجعت عهود وقعدت مكانها وهي تسولف لفارس عن كل شي يجي ببالها وفارس يسمع لها ويضحك معها وشغلو اغاني وقعدو يرقصون ويغنون بصوت عالي ومستمتعين على جوهم
وصلو بيتهم واول ماقربو من حارتهم خفف فارس صوت الاغاني عشان جيرانهم ووقف عند باب بيتهم ونزلت عهود ونزل هو ونزل اغراضها
اول مادخلو لقو ريما تاكيه بنص الصاله وقاعده تاكل
وقف فارس يوم شافها تاكل حلا : يالمشفوحه ذا الحلا انا كنت ابيه
عزام : اقول هدي بسم الله عليها توها بدت تاكل
رمى فارس الاغراض وركض ياكل الحلا لانه خايف انه يخلص
ريما : عهودد
ركضت عهود تحضنها : هلا ريماا
ريما : يحياتي وين كنتيي
عهود : رايحه اتسوق
ريما : اشوف
عهود : شوفي بوريك وش اشتريت
ركضت عهود ولمت اكياسها وساعدها عزام وحطوها قدام ريما وبدت عهود تفتح الاكياس وتوري ريما الي كان عاجبها ذوق اختها وتمدحها
رهام : الا دحوم وزوجته وين
فارس : مدري دق علي وقال انهم بيطلعون يتمشون
رهام : اها زين ريما حبيبتي جبت لك اكل زين يقوي جسمك فتره الحمل
ريما : مشكورهه يمه
رهام : لما بتروحين بيتك خذيه معك
ريما : ابشري
عزام : عهود روحي جيبي القطوه حطيتها بغرفه ريما
عهود : جبتوهاا؟؟
عزام : اي عشانتس
ركضت عهود غرفه ريما ونزلت وهي ماسكه القطوه ومستانسه وقعد فارس يلعب مع القطوه بعد
خالد : عهود روحي ودي اغراضك لغرفتك
عهود : ابشر
اول ماراحت عهود دخل عبد الرحمن وزوجته وقعدو معهم وتربع فارس وهو يقولهم وش صار بالمول وعن سالفه عهود يوم قالت تبي تتزوج رعد و فطسو كلهم من الضحك
عبد الرحمن : يراسييي مالقتت غير رعدد
ريما بضحكه : شفيه رعد
عبد الرحمن : مدري بس يعني طلع ذوقها كذا تحب داشرين
فارس : انا داشر وماتحبني
اديم : ياكذاب وش الي ماتحبك وهي دايم متربعه جنبك وماتنادي غيرك
فارس : اي صادقه معليش
عزام : وبعدين وراه ماسمعتو كلام الامن يوم قال قومو
فارس : مدري كان يضحك وهو معصب وكنا ميتين ضحك
ريما : الله لايفشل مسلم
مسكت اديم جوالها تشوف رسايل صديقاتها ومن ضمن وحده من الرسايل شافت فيديو لأثنين يتضاربون على دفع الحساب وضحكت وهي تقول : شوفو كيف يتهاوشون عشان يدفعون
لفو كلهم يناظرون المقطع معها
فارس : يووو ذا انا ورعددد
اديم : ادري انكم تسوون كذا نفسهم
فارس : لا والله ذا انا وياه اليوم ماتوقعت صورونا
عبد الرحمن : عهود الي بالمقطع ذول من؟
شافت عهود المقطع وقالت : فارس ورعد فشلونا وربي بغيت اهج كل احد يناظرهم ويصور
فارس : هاااا شفتت؟؟
خالد : الحين انت ليش ماتعقل
فارس : وشو يبه تراني عاقل
خالد : اي من كثر مو عاقل تنشهر بسرعه ف الاخبار والجوال
فارس : شسوي هم يصوروني لشده جمالي
خالد : والله يصورونك لشده غبائك وحركاتك الي تفشل
ريما : حرام يبه اخر مره انشهر عشان شي يسوى لانه انقذنا من حادث وذي بعد شي يسوى انه عنده كرم ويبي هو يدفع
خالد : قلنا عنده كرم بس مو ينط بوجه الرجال قاط معه
ضحكت ريما على المناقشات الي صارت بين فارس وابوها وقعدت تناظر عزام وتضحك
عبد الرحمن : ذا النقاش مابيخلص
ريما : صادق
عبد الرحمن : الا يعيوني انتي وشلون حملك ؟ يوجعك ؟
ريما : يعني شوي يوجع بس الحمدالله انا زينه
عبد الرحمن : جعلك دايم زينه واذا احتجتي شي قولي لي وابد انا تحت امرك بجيب لك الي تبينه
عزام : عادي انا معها
عبد الرحمن : يحبيبي انت عندك دوام واحيان تغيب عنها بالاسابيع والاشهر عشان كذا اقول لها تقول لنا انا وفارس لاننا موجودين حولها فهمت؟
عزام : اي صادقق
ريما : ماتقصر ياروح اختك انت
اديم : ريما شوفي قبل شوي لقيت حساب يسوي تجهيزات لما الطفل ينولد ويجونك ضيوف بيرتبون لك تصميم واغراض على اسم الطفل وحتى السرير تقدرين باسمه
ريما : الله حلووو عطيني الحساب
اديم : ابشري وبعد تخيلي تقدرين تسوين بوكس الذكريات لطفلك وتكتبين اسمه عليه وتحطين كل شي خاص فيه مثل اول لبسه يلبسها او اول صوره وكذا وفي بعد البوم صغير للصور
ريما : والله حلو لازم اطلب منهم
اديم : رسلت لك الحساب وانتي شوفي
ريما : شكراا
عبد الرحمن : اديمو اشوف
ورته اديم الحساب وعجبه وقعد ينصح ريما انها تشتري منه وانه عادي هو بيدفع
عزام : اقول انت محد قدامك مالي عينك تراني زوجها انا بدفع وشوله انت تدفع
عبد الرحمن : خلاص انطم شدخلك الحين موضوع بيني وبين اختي
عزام : الله واكبر يالموضوع الي بينك وبينها
ريما : خلاص عزام شفيك
عزام بضحكه : شفيك انتي قاعد امزح مع اخو زوجتي
ريما : اهاا
صارو يسولفون ويتذكرون الماضي وفزت ريما لأمها وهم يناظرونها وقالت : يمه وين الالبوم الي فيه كل صوري يوم كنت صغيره مع اخواني ؟
رهام : اذكره بغرفتك
ريما : وين بالظبط
رهام : بالدرج الي على زاويه سريرك
جت ريما تقوم تبي تجيبه ووقفها عزام وراح يجيبه عنها عشانها حامل ومايبي يتعبها
عزام : ذا؟
ريما : اي جيبه
فتحت ريما الالبوم معهم وكان عزام جنبها يناظر بدت تقلب صفحات الالبوم وهي مبتسمه وكان عزام يأشر على الاشخاص ويسألها من هم ذول
ريما : شوف ذا عبد الرحمن وذا فارس وذا الي واقف جنبهم سعد ولد خالتي وذي انا وبنت خالتي
اديم : يقلبي تهبلونن
عبد الرحمن : شوفيني يوم كنت صغير
اديم : تهبلل
كملت تقلب الصفحات وفارس يعلق على كل صوره ويقعد نص ساعه يدقق فيها لين ما ابعدوه وبدو يقلبون على كيفهم
وقف عزام عند صوره وابتسم وأشر على الصوره : كيف عندك ذي الصوره ؟
ريما بأبتسامه : وشلون ماعندي ذي الصور شوف عندي كثير
بدا عزام يقلب الصور وهو مبتسم ويناظر صوره هو وياها يوم كانو صغار
عزام : ب ذي الصوره كان عمري ١٦ واذكر كنتي مغصوبه تصورين عشان كذا حضنتتس ورفعتتس فوق بالهوا وصرتي تضحكين وانبسطتي
اديم : اييي شوفو كيف تضحك
فارس : ودلبوسس
ريما : اي ذكريات
عزام : احلا ذكريات
قعدو يتأملون صورهم مع بعض وعهود وسطهم تناظر وتعلق بتعليقات غريبه تخليهم يسكتون كم ثانيه ويناظرونها وبعدها يكملون
اديم : عهود متحمسه ان بيجي نونو صغير بالعايله؟
عهود : الصراحه اي خاصه انه ولد اختي يلبيه بس بربيه بيدي
رهام : لا يحبيبتي تربيتك خليها لك لاتربينه
عهود : شدعوه يماما
رهام بضحكه : لا ولاشي
انتهت ليلتهم بعد ماتعشو مع بعض ورجعت ريما لبيتها هي وعزام
_
بعد ثلاث ايام قرر خالد يعزم اهله الي بالديره ورهام بتعزم اختها عندهم وخبرت عيالها وريما بعد
اول ماسمعت ريما ذا الكلام راحت تخبر عزام
ريما : عزامم بسرعه تعال
عزام : وشووو بتولدييين
ريما : ياليل وش الي بولد بعدني مطوله وراي مشوار ابي اقولك شي
عزام : اي مشوار ترا الحين انتي بالشهر الخامس يعني مابقى لك غير اربع شهور وبتولدين وسمعت ان ممكن الطفل ينولد قبل التسع اشهر يعني ينزل بالشهر السابع او كذا
ريما : لا لا ان شاء الله مايتقدم موعد الولاده وخلاص
عزام : وش تبين تقولين
ريما : امي بتعزم خالتي وابوي بيعزم اهله
عزام :طيب؟
ريما : مدري بس بغيت اقولك
عزام : حلو والله بيكون بيتكم مليان
ريما : اي بس تعب على امي الله يعين
عزام : عادي بتكون معها اختها واديم موجوده تساعد يعطيها العافيه ماتقصر
ريما : صادق
تركته ريما وراحت تكلم نجد صديقتها
ريما : يانجدد
نجد : عيونهاا
ريما : بكره عندنا عزيمه وابيك تجين عندي
نجد : ليش بعد
ريما : بس ابيك تكونين معي لان ابوي بيعزم اهله وكذا
نجد : وربي كنت حاسه بملل وادور فعاليه والحمدالله جيتي بوقت صح خلاص بجي
ريما : تعالي بيتي اول عشان نتجهز بعدها نروح مع امي
نجد : ماتحسين نساعد امك اول وبعدين نتجهز بغرفتك الي ببيت اهلك؟
ريما : خلاص اجل بكره الصبح انا بروح بيتنا وانتي بعد تعالي
نجد ؛ ابشري بجي
ريما : وامي بتعزم خالتي العنود
نجد : يلبييه احبها وربي خالتك ذي كيوت
ريما : اي مره متحمسه مع اني اتواصل معها بس من زمان ماقعدت معها كذا جلسه وعزيمه يعني
نجد : اي حتى انا
ريما : عندك فستان؟
نجد : اي عندي مشتريه قبل كم يوم قلت اذا في عزيمه مفاجئه وكذا يكون عندي فستان
ريما : زين
قفلت ريما المكالمه وهي مستانسه للعزيمه عشان خالتها بتجي
_
بعد ماقفلت المكالمه مع نجد راحت تقعد بالصاله وهي تغني وتلعب مع القطوه دخل عزام وقعد معها وواضح انه متضايق شافته وهو يقعد ويلعب بيده ويهز رجوله بقوه
ريما : شفيك
عزام : وش
ريما : مدري احس في شي مضايقك
عزام : لا مافي شي
ريما : عزام تقدر تكذب ع الكل الا انا
عزام : صدق مافيني شي طيب
ريما : عزام !
عزام والضيق واضح بوجهه : الدوام
ريما : وش فيه
عزام : ولا اقول عادي
ريما : لا قول لي
حط عزام راسه برجولها وهي تناظره تتنظره يتكلم تنهد عزام وقال : الدوام قالو لازم اروح ديره ثانيه لمده شهر بعد ثلاث ايام لان عندي اشغال وحاولت معهم اني ما استلم ذا العمل لكن رفضو وقالو لازم انا اخذه
ريما : شهرر؟؟
عزام بزعل : اي وانا ماودي اتركتس لحالتس وخاصه انتس حامل ابي اكون معتس كليوم لين ماتولدين ممكن اغيب ايام واسبوع بس شهر مقدر
ريما : يعني رفضو صدق خلاص ؟
عزام : ايوا
ريما : قول لهم ان زوجتك حامل ولازم تكون معها
عزام : حتى لو قلت بيخلوني غصب اروح لان محد يقدر يستلم ذا العمل غيري خاصه اني رقيب لازم يعطوني مهام زياده عشان يعطوني ترقيه بعدين واصير ملازم
ريما : طيب
عزام : وش
ريما : لا خلاص ولا شي
عزام : زعلتتس؟
ريما : لا
عزام : ادري انتس زعلتي عشان بروح بعيد عنتس لمده شهر بس والله بحاول معهم واذا رفضو بتقعدين مع اهلتس
ريما : عادي عادي حتى لو رحت عملك اهم
عزام : لا والله عملي مو اهم منتس ومن ولدي
ريما : وش نسوي عاد الشكوى لله
مازال عزام برجولها وهي تلعب بشعره ويتابعون تلفزيون
عزام : شي عشاء؟
ريما : انا طلبت اكل من برا
عزام : ليش؟؟
ريما : وشو
عزام : لو قلتي لي انا بطبخ اخاف عليتس الحين من اكل برا وانتي حامل
ريما : وش الربط ذا
عزام : ماتدرين يمكن اكلهم مخالف لتس وسمعتي الدكتوره قالت في اشياء ماينفع تاكلينها
ريما : وانت شدراك
قام عزام للغرفه الي فيها مكتبه واغراض عمله ودخل فيها وطلع وهو ماسك دفتر صغير
ريما : وش ذا
عزام : كتبت منزمان الاشياء الي اقدر اساعدك فيها يوم تجيك والاشياء الي تأثر عليتس بالحمل والاشياء الي ماتأثر وكيف اتعامل معتس
ريما : يقلبييي جيب اشوف
فتحت ريما الدفتر وهي تشوفه كاتب انه لازم يجيب لها حلويات عشان نفسيتها ويحط لها مويه دافيه وتحطها ببطنها وكاتب الاشياء الي تنرفزها وكتب جنبها انه لازم مايسويها وشافت بالصفحات الثانيه نصايح وتعليمات كيف يساعدها بفتره حملها وكيف يراضيها اذا زعلت وكان كاتب بخط كبير ( اذا زعلت ريما وما رضت حتى لو جبت حلويات وسويت لها كل شي لازم اوديها لنجد عشان ترضى وتستانس )
ابتسمت ريما وهي تتأمله وهو مبتسم ومستحي كنه طفل صغير وقامت تحضنه وهي تقول : الله لايحرمني منك
عزام : والله لايحرمني منتس يغزالتي
ريما : اميين
ابتسم عزام وسولف معها لفتره وبعدها وصل اكلهم وتعشو وراحو ينامون
_
ع الصبح
اشرقت الشمس وكان ضوئها خفيف والجو يجنن واصوات العصافير كانت عاليه
صحت ريما وهي تحرك عيونها وهي حاسه بضوء خفيف فتحت عينها وهي تناظر الشباك وقالت : يالله صباحح خير
لفت تناظر جنبها ومالقت عزام استغربت وقالت يمكن انه قام قبلها اليوم راحت تتروش وتغسل وجهها واسنانها ونزلت
تمسكت بالدرج وهي تنزل وتسمع صوت بالمطبخ لفيديو تعليمي عن الطبخ قربت من المطبخ وهي تحاول تشوف وتسمع
وشافت عزام قاعد يتعلم كيف يطبخ الفطور ومشغل فيديو من اليوتيوب ابتسمت ودخلت بشويش وهي تحضنه من ورا انخرش عزام لكن يوم شاف ايدها وسمعها وهي تقول له صباح الخير ابتسم وقال : صباح النورر
ريما : زوجي وش قاعد يسوي ؟؟
عزام : زوجتس يتعلم كيف يطبخ لتس
ريما : فديته
عزام : يفداتس
ريما : تبيني اساعدك
عزام : الصراحه اي شوفي هنا ماعرفت وش اسوي
ريما : لا غلط ليش حاط سكر المفروض شوي ملح
عزام : يوو منجد ذا سكر مادرييت
بدا عزام يرتب الفوضى الي سواها وريما تساعده وتعلمه وشلون يسوي الطبخه ذي
بعد ماخلصو طبخ رتبو الصحون وحطو الفطور
عزام : ترارارارا
ريما : الله يجنن
عزام : ادري انا سويته
ريما : قاعده اسلك نصه انا ساعدتك فيه
عزام : خلاص اسكتي خليني افرح
ريما بضحكه : طيييب
بدو يفطرون بصمت وبعد ماخلصو قام عزام يغسل المواعين وانتظرته ريما بالصاله وحطت القطوه بحضنها
عزام : متى تبين نروح بيت اهلتس؟
ريما : مو الحين بنروح ع الساعه ١٠ كذا
عزام: طيب خذي راحتتس متى مابغيتي بوديتس
ريما : طيب
بعد ساعه قعدت ريما تجهز شنطه الميكب حقها واللبس عشان بتبدل ببيت اهلها وراحت لعزام عشان يودي شناطها للسياره وركبت هي السياره وانتظرته
عزام : خلاص كل شي جبتي؟
ريما : ايوا يلا
عزام : مشينا
بعد فتره بسيطه وصلو بيت اهل ريما ونزلت هي للبيت ودخلت وعزام دخل وهو منزل اغراضها ويمشي وراها
لمحهم فارس من الشباك ونزل ركض لهم
فارس : ريمااا
انخرشت ريما يوم شافته طلع فجأه قدامها وقالت : يمه خرشتني من وين طلعت
فارس : شفتكم من الشباك وجيت
قربت ريما وهي تحضنه وتسلم عليه بعدها دخلت وسلم فارس على عزام ودخلو
رهام : زين انك جيتي من الحين
ريما : ليش
رهام : شوفي اول شي بتجي خالتك العصر والعزيمه بتكون بليل لكن اعمامك بيجون العصر او المغرب لكنهم قالو بيتصلون متى ما قربو يوصلون
ريما : اهااا
رهام : ايوا
ريما : وانا قلت لنجد تجي معي من الصبح
رهام : خليها تجي تساعدنا شوي بعدين عاد اقعدو انتي وياها
ريما : طيب
قعدت ريما شوي بعدها اتصلت على نجد الي بسرعه ردت عليها
نجد : ها
ريما : تعالي بيتنا
نجد : بيتك انتي ولا بيت اهلك؟
ريما : بيت اهلي
نجد : يعني انتي هناك؟
ريما : اييي
نجد : يلا جايه
ريما : جيبي شنطه الميكب حقك وفستانك وبعدها حطيه بغرفتي عشان نتجهز بعدين
نجد : طيب
ماهي غير دقايق وطقت نجد الباب لان بيتهم جنب بيت اهل ريما
راحت عهود تفتح الباب وسلمت على نجد ودخلتها داخل للبيت
ريما : نجدد تعالي
نجد : ياهلاا
ريما : اي صح انتي قلتي ودك تشوفين اديم وتسولفين معها لان اخر مره شفتيها بس بالعرس
نجد : اي
ريما : اديموو وينكك
ردت اديم من المطبخ وهي تقول : هنا شتبين يعيوني
ريما : صديقتي تبي تشوفك
اديم : اصبري شكلي يفشل لحظه
طلعت اديم من المطبخ وهي منظفه نفسها ورتبت شعرها ورفعته وتقدمت لنجد وهي تسلم عليها
نجد : تهبلين ياحظ دحوم فيك
دخل عبد الرحمن الصاله وشافهم وتنحنح لانه يحسب نجد وحده غريبه
نجد : شايفني غريبه؟
عبد الرحمن : اوو نجدوو هنا
نجد : اي بعدين وش ذا نجدو
عبد الرحمن : ليه تبين اقول نوني ؟
نجد : لا وع يوم كنت صغيره كنت تقول لي كذا بس الحين لاتقول تكفى
عبد الرحمن بضحكه : طيب و بعدين وش جايبك بيتنا انتي
اديم : دحوم عيب خلها
نجد : معليك منه الحين بأدبه
اديم : كيف ؟
تقدمت نجد لعبد الرحمن وهي تسحب شعره وتقول : وش الي وش جايبني بيتكم انت شدخلك بالله يعني مسوي تمنعني طول عمري اجي هنا !!!
عبد الرحمن وهو يحاول يبعدها عنه : وجع فكي ترا دايم ترسبنين ببيتنا احسه بيتكك
تركته نجد وقالت: وهو صدق بيتي
ريماا : صادقههه بيتها مثل ماهو بيتك
عبد الرحمن : لابالله اذلفي
نجد : انت الي اذلف
راح عبد الرحمن لغرفته واديم منصدمه من ميانته مع نجد بس حاولت تسحب ع الموضوع بعد ماشافت ان نجد تمون معهم كلهم لان من يومها صغيره تربت بينهم ودايم تجيهم
قعدت نجد مع اديم وتسولف معها وصارت تمون عليها واديم نفس الشي
ريما : اديم وش بنسوي حلا
اديم : شوفي انا بس بسوي حلا واحد والباقي طلبت حلا وبيوصل قريب العصر تقريبا
ريما : نايس
نجد : يلا اديم بساعدك بالحلا
اديم : تم يعيوني يلا
ريما : وانا بعد
دخلو المطبخ وبدت اديم تطلع الوصفات وتعلمهم عن طريقه الحلا الي بتسويه
نجد : اي اعرفه قد سوييته يجنن
اديم : اي حلو
ريما : يلا بنات نبدا
بدت نجد تجهز الخليط الي ينحط فوق الحلا واديم تسويه اما ريما كانت قاعده تاكل وتقوم تساعد شوي وترجع لان بطنها وظهرها بسرعه يوجعونها
اديم : ريما حبيبي اقعدي بالصاله اذا تعبانه
ريما : لا عادي بقعد هنا ابي اسولف معكم
نجد : طيب اذا حسيتي بتعب خبرينا
ريما : ابشري
قعدت نجد تساعد اديم وتسولف معها وريما بعد
دخل عبد الرحمن عليهم المطبخ وقال : وش تسوون
اديم : نسوي حلا
نجد : يحمار يعني وش قاعدين نسوي في عزيمه يعني اكيد حلا اجل نسوي كبسه ؟
عبد الرحمن وهو يشمق : خير من كلمك انتي
نجد : لا يشيخ
عبد الرحمن : شدخلك
نجد : لا بس فضول
ضحكت ريما على فهاوتهم وقالت : اغبى اثنين واجتمعو
نجد : خير
عبد الرحمن : وش الي اغبى ثنين هي لحالها غبيه
نجد : من قاللل؟؟
عبد الرحمن : شكلك نسيتي يوم تجين بيتنا مو فاهمه دروس وانا الي اشرح لك وصرتي تجيبين درجات عاليه
نجد : صراحه ما اتذكر يلا انطم
عبد الرحمن : يراسي وتجحد بعد بجيب فارس يشهد الحين
نجد بتوتر لما سمعت اسم فارس : لا لا لا تناديه
اديم بضحكه : ليه ماتبينه يشهد عليك يعني
نجد : اي اي
عبد الرحمن : تستاهلين عشان ثاني مره ما تهاوشين واحد اكبر منك
نجد : كل تبن واطلع
عبد الرحمن وهو حاط يدينه ع خصره ويناظرها
نجد : وش
عبد الرحمن : بنت ابوك عيدي الكلمه الي قلتيها
نجد وهي متعمده تنرفزه ونطقتها بطريقه تنرفز : قلت كل تبن سمعت ولا اعيد يا دحوم ؟
عبد الرحمن وهو متقدم لها يبي يكفخها
نجد : يمههه
عبد الرحمن : الحين يمههه ها
صارو يتراكضون بالمطبخ واديم وريما يضحكون عليهم واديم تصور وميته ضحك على علاقتهم الي تضحك
وقفت نجد ورا الطاوله وقعدت تطلع لسانها وتنرفز عبد الرحمن لانه مابيقدر يجيها
عبد الرحمن : تحسبين مابجيك؟
نجد : ولد ابوك تعال
نط عبد الرحمن ف الطاوله بعد كلمتها وصرخت نجد وهي مخروشه من شكله وهو ناط بالطاوله ومتجهه لها بشكل يخوف
نجد : ريماا خذي اخوكك عني
ريما بضحكه : مقدر انا تعبانه من قالك تنرفزيه
نجد : اديييم خوذييي زوجكك التبببن مني
جت اديم لعبد الرحمن ودخل على صراخهم فارس وشاف عبد الرحمن يراكض ورا نجد وهي تصارخ
فارس : خير ان شاء الله وش ذا الازعاج
نجد : فااارس خذ اخوكك عنيي
فارس : ليش وش مسويه انتي عشان يراكض وراك كذا
نجد : ماسويت شي خذه وبس
عبد الرحمن : الا يالكذابه اجل ماسويتي شي تعالي ادعسك الحين
نجد وهي تتدلع وتسوي انها انثى عشان يتركها : ماينفع انا بنت لاا تضربنيي
عبد الرحمن وهو يناظرها ومتقرف : يععع يعنني دلوعه الحين وبتركك
فارس : اي بتتركها
عبد الرحمن : على كيفك انت بعد
فارس : اي
عبد الرحمن : لا تخليني اجي امعط شوشتك انت وياها الحين
فارس :يرجال خلها من متى وانت تمد يدك عليها او على بنات؟
عبد الرحمن : طيب مابضربها بس اخوفها
تقدم فارس وهو يبعد اخوه عن نجد الي باقي شوي وتبكي من الخرشه وطلعه برا المطبخ
بعد ثواني رجع وقال : معليش يانجد امسحيها بوجهي
نجد : لا عادي
ضحك فارس وقال لها : خلاص لاتعاندين دحوم تعرفينه انتي
نجد : اي تبن ذا محد يمزح معه
اديم بضحكه : خير تراه زوجي احترمي وجودي شوي
نجد : والتبن على زوجك مدري كيف متحملته
اديم : والله لطيف وحنون وراعي ذبات ويسولف مدري شفيك عليه
نجد : وغثيث بعد
فارس :شدعوه
ريما : اتفق مع اديم دحوم كيوت بس انتي تنرفزيه يقليله الادب
شهقت نجد وهي تأشر على نفسها وتسوي انها مظلومه : انااا ؟؟ انااا ؟
ريما : اي انتي
فارس : يلا خلاص اقطعو السالفه وكملو الي كنتو تسوونه عشان ماتتأخرون وتقدرون تتجهزون
نجد : طيب يلا اطلع انت الثاني
ابتسم فارس وقال : بطلع بطلع
بعد ماطلع فارس بدو يضحكون واديم طلعت جوالها توريهم انها صورت من البدايه لين ما جا فارس وكل وحده قالت لها ترسل لها الفيد
مسكت نجد جوالها وهي تشوف الفيديو ووقفت عند اللقطه الي دخل فيها فارس للمطبخ وبدت تسوي زوم على صورته وتناظره وابتسمت وحطت جوالها وكملت تساعد البنات
__
يتبع
![](https://img.wattpad.com/cover/366144471-288-k887543.jpg)
YOU ARE READING
صحيح غيرها في العذارى مزايين لكن وش جاب النجوم لقمرها
General Fictionقبل ست سنوات كان عزام ولد مراهق عمره 17 سنه وريما طفله عمرها 11 سنه كان يهتم فيها ويدلعها ويحبها من بين كل الاطفال لكن بعدين غابت ريما عن الديره ل ست سنوات وماصارت تروح لكنها رجعت وسمعت ان عزام صار عسكري ولما شافته ماعرف انها ريما ومن هنا بتبدا قص...