في بـداية فصـل الشتاء
تحديـداً نجد الجمـيله اجواء شتويه جميلة
في بيت ابو عبدالعزيز الي مليان اصوات الفرح و الازعاج
دخل ابو عبدالعزيز : وش هالازعاج للحين م خلصتوا
ردت عليه ام عبد العزيز : من وين نخلص كل شوي نلقى شي
ابو عبدالعزيز : طيب حاولوا تخلصوا بسرعه مافي وقت بكره غداء الرجال وبعده العرس
ام العبدالعزيز : ان شاء الله
ابو عبدالعزيز : اصايل قومي نادي عبد العزيز و بدر
اصايل : طيب
جو عبدالعزيز و بدر
بدر : امر يبه
ابو عبدالعزيز : تعالوا معاي نرتب و ننظم خيمة الرجال
عبدالعزيز : ابشر
-
بيت محسن
نور بنبرة ترجي و بكاء: يمه تكفين ما ابغى انغصب على احد
ام محسن : اخوانك ادرى بمصلحتك و بدر رجل ونعم فيه
نور : ادري والله ادري بس م ودي الناس يقولون انغصبت عليه و انا مابي اعرس الحين بعدني صغيرة
ام محسن : وش صغيره عمرك ٢١ عمركك بيروووح
-
قبل اسبوعين
ابو عبد العزيز : احنا جايين نخطب اختكم نور لولدي بدر
محسن : انتوا رجال ونعم فيكم و نتشرف بكم وحنا موافقين
ابو عبدالعزيز : جزاك الله خير بس ودنا تسال اختك
مساعد : مالها كلمه دامنا موافقين
بدر : لا ودي ادري برايها
محسن : ابشروا
قام محسن و راح لامه يقولها
محسن : يمه بدر ولد ابو عبد العزيز جا يخطب نور و يبون رايها و تدرين ببنتس تقول م ودي اعرس الحين
ام محسن : احلف
محسن :والله العظيم
ام محسن :توكل على الله و قولهم موافقه
محسن ابشري
دخل محسن عليهم : موافقه
و بدوا يباركون لبعض و يتبادلون التهاني
ابو عبد العزيز : الحمدالله ربي يبارك لهم و يوفقهم
بدر : الله يبارك فيكم جميعاً و جزاكم الله خير
بدر : متى تبون الملكه
محسن : الي تبون
ابو عبد العزيز : الاسبوع الجاي ؟
مساعد : حلو
محسن : ابشروا
ابو عبد العزيز : تم
-
بعد اسبوع
-
الشيخ : الف مبروك
و قام بدر يسلم عليهم و يتبادلون التهاني
( طبعاً الملكة عائلية )
-( اخوان نور اقنعوا الشيخ ان البنت موافقه و انهم ما يقدرون يطلعون اختهم و قالوا لبدر ان نور مريضه )
بيت محسن
دخلوا محسن و مساعد عند نور
محسن : نور الف مبروك
نور : على وش ؟
مساعد : صرتي عروسه
نور : ههههه م يضحك
محسن : والله العظيم
نور بنبرة بكاء : كيف و متى و مين ؟!
محسن : تونا نجي من الملكه حقتس
مساعد : بدر ولد خالد ابو عبد العزيز
نور و هي تبكي : و كيف م تاخذون راي !!
محسن : حنا اخوانك و ادرى بمصلحتك و
قاطعته نور و هي تبكي : وش الي مصلحتك يعني بينقص منكم شي اذا سالتوني و كلكمم تدرون اني مابي اعرس الحين
محسن : المهم العرس بعد اسبوع و هذا المهر روحي خذي الي تبيه و خلصي امورك
و طلعوا
و جلست تصيح
نرجع للواقع
نور : يمه تكفينننن
ام محسن : خلاص صار زوجك وش الي تكفين
نور جلست تصيح
دخل محسن : شفيك تصيحين
نور : يعني مسوي م تدري انت و اخوك الخايس
مسكها محسن من شعرها و قال : عيدي وش قلتي
نور : والله اسفه و هي تشاهق و تبكي
محسن : اذا اسمعك تعيدين هالحركه و تقلين ادبك على اخوانك يا ويلك سمعتي ؟
نور : سـ..ـمعـ...ـت
رماها على الارض و طلع
ام محسن : تستاهلين قلت لك اخوانك ادرى بمصلحتك و طلعت
و جلست تصيح و تسال نفسها انا وش سويت عشان يصير لي كذا
-
بيت ابو عبدالعزيز
اصايل : اخ و اخيراً خلصت
ام عبدالعزيز : يلا ارجعي بيتك و ارتاحي
اصايل : لا بنام هنا اليوم
ام عبد العزيز : طيب
دخل ابو عبد العزيز : خلصتوا ؟
اصايل : اي خلصنا الحمدالله
ابو عبدالعزيز : جزاكم الله خير
ام عبدالعزيز : وانتوا عسى انكم خلصتوا
ابو عبدالعزيز : الحمدالله خلصنا ، يلا سكروا اللمبات و ناموا
-
بغرفة عبدالعزيز
قمر و هي تجهز ثياب عيالها و ثوب عبدالعزيز
دخل عبدالعزيز : كيف خلصتي ؟
قمر : اي
قمر : عسى م تعبت
عبدالعزيز : اي والله تعبت ودي انام
قمر : طيب يلا نام و انا بعلق الثياب و بجيك
-
بغرفة بدر
متكي و براسه كثير افكار كيف بيكون بكره ؟
و يفكر في نور كيف شكلها ؟ كيف ملامحها ؟
هل هي تحبه ؟ هل هي تفكر فيه ؟
برايه كثير افكار و متحمس لبكره و مشاعره متلخبط
-
صباح اليوم المنتظر
ابتدت رسمياً طقووس العرس في الديره ومن صبح الله وبيت ابو عبدالعزيز يستقبل فالضيوف اللي جايين يحضرون العرس والناس داخله طالعه
و ابو عبدالعزيز اعصابه مشدودة م وده شي ينقص
هايف : هد يا يبه ان شاء الله كل شي بيكون زين
ابو عبدالعزيز : ان شاء الله
محسن : ماشاء الله الغداء فخم و مرتب
ابو عبد العزيز : جزاك الله خير
محسن : ان شاء الله بكره بعد يكون زين
ابو عبدالعزيز : ان شاء الله
- بـعـد الظـهـر
بيت محسن
نور و هي جالسه بغرفتها و تفكر كيف بتكون حياتها مع بدر الي م تعرف عنه شي و الهم و التعب مالي قلبها
جو محسن و مساعد من الغداء و هم مستانسين انهم صاروا نسباء ابو عبدالعزيز
دخل محسن غرفته
زهور : كيف الغداء؟
محسن : والله فخم و مرتب
زهور : نسيبكم مب احد عادي ابو عبدالعزيز ذا
محسن : اي والله زين اننا م اخذنا راي الغبيه ذيك
زهور : الغبيه ذيك مسويه حزينه و ما تبي
محسن : بطقاق فيها صارت زوجته و غصب عنها بتروح له
زهور : اي احسن ، و كيف مستانسين اهل العريس؟
محسن : اكيد هم الي اختارونا
زهور ببتسامه : اهم شي
محسن : ابيك تجهزيها و تشوفين اغراضها
زهور : ابشر
-
بيت ابو عبدالعزيز
ام عبد العزيز : كيف كان الغداء ؟
ابو عبد العزيز : الحمدالله كويس
ام عبدالعزيز : الحمدالله
بدر دخل و هو منهد حيله : سلام
ام عبدالعزيز : وعليكم السلام وشفيك كذا ؟
بدر : الا تعبان يمه تدرين تجهيزات العرس و كذا
ام عبدالعزيز : يلا ادخل ارقد و ريح
بدر : ابشري يمه
سعود : و انا بدخل منهد حيلي لو انام اسبوع عادي
ام عبدالعزيز : ههههههه بكره بعد فيه عرس لا تنسى
ابو عبدالعزيز : اي و انت اكثر واحد بتشتغل
سعود بتعب: طيب لا تحاتون م بنسى
-
الليل الساعه ٩:٣٠ مسـاءاً
بيت ابو الشموخ
ابو الشموخ و هو يسولفهم عن فخامه الترتيب و عن اولاد ابو عبدالعزيز و يمدحهم
ام الشموخ : اي ولله انه ينشد بهم الظهر اولاد خالد
الشموخ : و خير ما اختاروا والله
ام الشموخ : صادقه
الشموخ : بس سمعت ان اخوانها ملكوا و م علموها
ام الشموخ : خبري انها صديقتس وراك م تسالينها
الشموخ : ما عاد ردت علي من يوم ملكوا
ابو الشموخ : ان رضت او ما رضت عيال خالد رجال كفو و اخلاق و دين و ماشاء الله عليهم ينشد بهم الظهر
-
بيت ابو عبد العزيز
بالحوش
سعود : بدر انت كيف شعورك ؟
بدر : والله مدري بس متوتر
سعود : عاد الحمدالله م بتزوج برتاح طو..
قاطعة بدر : اقول اسكت ابوك خالد اذا عندك علم
سعود : عادي بشرد يوم الملكه
بدر : اسرع طريقة للموت
سعود : ههههههههههههههههه
بدر : اقول هذا وجهي اذا ما تزوجت
سعود : طيب طيب
بدر : يلا انا بنام ورانا يوم طويل بكرة
سعود : روح نام يا المعرس
دخل غرفتة و ما قدر ينام من كثر التوتر بس هزمه التعب و نام
-
من بعد صلاة الفجر
كان ابو عبدالعزيز يمشي وهو ينادي العيال
وقف سعود و راح ياخذ اغراض الرجال كلها عشان يوديها المخيم
و عبدالعزيز دخل يقوم بدر
فز بدر من نومه : شفيك
عبدالعزيز : قوم ي معرس
بدر : كم الساعه؟
عبدالعزيز : صلينا و خلصنا
بدر : و ليه م تصحوني ؟
عبدالعزيز : اقول قوم صلي و تعال
-
بيت محسن
زهور : نور .. نور و صمخ قومي جهزي اغراضك
نور : طيب طيب
دخلت زهور عند نور و هي تصارخ : ورانا شغل قومي وراك شعر و مكياج و لبس اخلصي
نور ودها تصيح و تصرخ و تهاوش بس مو ناقصه مشاكل الي فيها كافيها : طيب صحيت
-
