نور راحت هي و اصايل يحطون العشاء الحريم
و الشموخ ترتب العشاء حق الرجال دخل سعود بحكم انه بتكون اصايل موجود و شاف ظهرها و شعرها النازل على خصرها ما انتبه
سعود : اصايل عطيني العشاء اخذه
لفت الشموخ بصدمه و ابتسم سعود بدون شعور و جلس متنح و هو يناظرها بهدوء و تامل عيونها الوسيعه ، شعرها الطويل ، ملامحها ما انتبه و رجع له عقله الا لما سمع صوت اصايل و صد عنها و طلع و الشموخ ودها الارض تنشق و تبلعها ذيك الساعه
طلع سعود و هو مبتسم و سعاده الدنيا كلها فيه انه عرف انها بنت مين لكن انقهر انه ابوها صديق ابوه و دايم مع بعض كيف ما درا عنها طول هالفتره
قاطع تفكيره صوت هايف : يا الاخو وين العشاء !
سعود رد له حسه : نسيت
هايف : شكله عقلك مب معك
سعود بصوت منخفض و قلبه يرفرف : اي والله ماهوب معي هالبنت خذت لي قلبي وعقلي
هايف : هاه
سعود : ولا شي تعال ناخذ العشاء
راحوا خذوا العشاء الرجال من اصايل و تعشوا و خلصوا
نايف : يلا انا استئذن باخذ الاهل و بروح
دق عليهم و راحوا
و بعدها راحت نور لغرفتها
و لطيفه و قمر لغرفهم
و هايف و عبدالعزيز لغرفهم
و اصايل ودعت خوانها و راحت هي و عيالها مع زوجها
بحكم انه اليوم الثاني كلهم بيروحون لاشغالهم
و بدر و سعود جلسوا على النار يسولفون
سعود :
يا بدر جابت قلبي من اقصاه
يوم قلبي عن درب الهوى تنحى
خذت قلبن ان حب عن دربه ماتاه
حبها موجن بأعماق القلب تعلى
بدر تذكر نور الي ما شافها و فز بسرعه : اللله عليك
قام : ياخي انا بروح انام من الصبح مكروف و انت اجلس فكر و عيش خيالك انك تشوفها مره ثانيه
ابتسم سعود : ايه روح روح لحبيبه قلبك
بدر بضحكه : اقول اسكت لا اعطيك كف الحين
ضحك سعود و جلس يفكر فيها و يتذكر شعرها و وجهها و ملامحها و قال :
يا مرحبا يا ام العيون الوساعي
الي خذت قلبي .. معاها وديعه
يوم شفتها ضاعت علومي و عنواني..
و تقول كل المشاعر ليه وش ذنبي ؟
-
بغرفة بدر
دخل بدر و ما لقى نور توقع انها زعلت يوم هاوش اخوانها و لا رد على اتصالاتها تنهد بضيق و راح بدل و يوم انسدح انصدم من الشي الي جنبه تحت الفرش و يوم رفع الفرش لقى نور نايمه ببراءه ابتسم من شافها كذا و انسدح و جلس يتاملها تحركت نور و جلست تمسح على عيونها و لما شافت بدر قدامها مبتسم جلست باحراج : متى جيت ؟
بدر : من نص ساعه يمكن
نور : ليه ماصحيتني من العصر احتريك
بدر بمزح : مشتاقتلي ؟
نور انحرجت : لا ودي اعرف وش صار معكم
بدر ببتسامه : افااا يعني ما تشتاقيلي
نور : بدر اخلص
ابتسم بدر : ابد صفعته كف و صفعني و تهاوشنا و تكافخنا و بعدها ودوه المستشفى
نور بصدمه و خوف : احلف
بدر جلس يضحك بقوه
نور انصدمت من ضحكته اول مره اشوفه يضحك كذا ابتسمت نور لا شعوري : يالله منك
بدر ببتسامه : تعالي بعلمك
علمها السالفه : شوفي اذا احد قالك شي و لا سوا لك شي و ما علمتيني ما تلومين الا نفسك سامعه على ما اعتقد انتي زوجتي و اذا احد غلط عليك كانه يغلط علي انا و انا ما ارضى احد يغلط عليك او يزعلك
نور ابتسمت صار عندها السند و الظهر الي تشتد به و راحت ضمته بدون شعور : جزاك الله خير
ابتسم بدر : واجبنا
رجعت نور بعد ما ادركت الوضع و هي تبعد شعرها : ما ادري وش اقول
بدر : مافي داعي تقولين شي ادري بكل الي تحسين فيه
ابتسمت نور
بدر : يلا نامي عاد انا تعبان ودي انام للظهر
-
عند الشموخ
اللي النوم ما دخل عينها جلست تسرح و تتذكر ابتسامته و عيونه بعدها استوعبت و انقهرت كيف اجمعتهم الصدف مره ثانيه بعد ما كانت تحاول تنسيه عشان ما تتحول مشاعرها لحب
-
ثاني يوم الظهر
سعود ودع اهله و توجه لرياض
و عبدالعزيز و قمر و عيالهم توجهوا للخبر
و نور و بدر توجهوا للخبر ايضاً
عبدالعزيز و بدر بنوا هناك بيتين بحوش واحد
واحد لعبدالعزيز و الثاني لبدر
-
وصلوا بدر و عبدالعزيز مع بعض بحكم انهم تحركوا مع بعض
دخلت نور البيت و هي منذهله من جمال البيت
بدر ببتسامه : و هذا هو بيتنا
ابتسمت نور : ماشاء الله البيت يجنن
بدر : مب اكثر منك
نور انحرجت منه و من كلامه اللي ما تدري كيف كذا صار يقول كلام حلو و يتجرأ معها
بدر بضحكه : مسويه مستحيه
نور: بدر خلاص والله انحرج
بدر : خلاص اسفين
-
عبدالعزيز و خالد كانوا يدخلون الاغراض و قمر تدخل عيالها محمد و مسعود و نورة تساعدها و تاخذ اغراض اخوانها بعد دقايق دخلوا كلهم و عيالهم كلهم ناموا و زينت قمر القهوة و الحلا وجلست هي و عبدالعزيز يسولفون بالي صار معهم بالديره
-
بعد يومين بدون اي احداث
-
عبدالعزيز و قمر عزموا نور و بدر عندهم على العشاء
بدر وًهو ينادي : نور
جت نور : هلا
بدر انذهل من جمالها و قال بهدوء : كيف كذا كل مره تذهليني بجمالك
نور سمعته انصدمت و انحرجت من كلامه و سكتت
بدر ببتسامه : اذا خلصتي نروح ؟
نور : اي خلصت بلبس عبايتي و بجي
بدر : طيب
راحت تلبس عبايتها
بدر :
