سيارة سعود
سعود مشغل اغنية يا عم جيتك لحد بيتك ليد بنتك انا تقدم و اصايل منطربه و تغني بحماس و ام عبدالعزيز و ابو عبدالعزيز يضحكون منهم و سعود يغني مع الاغنيه بكل احساس مو مصدق انه بيخطب هوى قلبه و سارقه قلبه
-
الشموخ اول ما شافت سياراتهم جايه توترت اكثر و تلبكت و ما تدري شتسوي اخر شي تذكرت تصور و جلست تصورهم و هي تحس ان مشاعرها ملخبطه ما تدري هي مستانسه و لا خايفه و لما شافت سعود نزل من السيارة و الابتسامة شاقه وجهه ابتسمت لا شعوري
-
عند سعود و اهـله
اول ما قربوا من البيت وقفوا الاغاني و خفضوا الصوت و لما وصلوا نزلوا كلهم و سعود مبتسم جا ابو عبدالعزيز : اثقل شوي محد يبي يشوف سنونك
ضحك بدر بقوة من شاف ابوه يهاوش سعود
ابو عبدالعزيز : و انت بعد ما انسى يوم عرسك
بدر اعتدل و جلس سعود يطقطق عليه
عبدالعزيز : استغفر الله الحمدالله على نعمة الثقل مب انتم كل واحد يوري الناس سنونه
هايف : الله لا يبلانا بس
سعود : انقلع انت وياه اصلاً انا محد يقدر يخرب مزاجي اليوم
بدر : اخس
ابو عبدالعزيز بعصبيه : اخلصوا بسرعه الحريم دخلوا
سعود : ابشر
و دخلوا و سعود ما قدر يسكر سنونه و كمل يوزع ابتسامات و نايف يستقبلهم و يرحب فيهم : يا مرحبا و سهلاً نورتوا
ابو عبدالعزيز : اللله يحي قدرك
سعود: الله يبقيك
و دخلوا الرجال المجلس حق الرجال و الحريم بمجلس الحريم
-
مجلس الحريم
العنود : يا مرحبا نورتوا
ام عبدالعزيز : الله يحييك
و سلموا البنات على العنود و كلهم مستانسين
ام عبدالعزيز: وين الشموخ
العنود : بتسوي القهوة و بتجي
نور : بروح اساعدها و اشوف اذا تحتاج شي
-
الشموخ بالمطبخ
سوت قهوة الرجال و دقت على ابوها يجي ياخذها
و بعدها سوت قهوة الحريم
و جت دخلت عليها نور : ياللله على العروسه
الشموخ : يااهلين
نور : يالله تجنني
الشموخ كانت لابسه فستان بيج و مظهر جمال جسمها و كان ميكبها خفيف و ناعم يجنن
الشموخ : والله مو اكثر منك
نور : اسكتي والله طالعه قمر ماشاء الله
الشموخ ضحكت : والله حتى انتي تجنني
نور : يازينك ..... محتاجه شي جيت اساعدك
الشموخ : لا الحين بتخلص القهوة
نور : طيب ها علميني كيف شعورك
الشموخ : والله مدري ملخبطه مشاعري
نور ضحكت : عادي طبيعي يا قلبي انا كنت خايفه من بدر و متوتره مررره الحين تعودت عادي ( غمزت نور) و معليك اخترتي الرجال الصح و الي يحبك و بيصونك
الشموخ ابتسمت : ياقلبي انتي .....يلا و هاذي القهوة خلصت
نور : يلا انا بطلع و انتي جيبي القهوة
-
عند الرجال الي يتقهوون و سولفوا شوي و بعدها فتح ابو عبدالعزيز الموضوع :
سبب زيارتنا معروف و حنا ودنا بالقرب منكم و جينا نطلب ايد بنتكم الشموخ لولدكم سعود
نايف : حياكم الله و سعود من خيرة الرجال و الف مبروك حنا موافقين
قام سعود من مكانه بفرح و راح يسلم على نايف و نايف يبارك له و مستانس مره انه سعود هو الي بياخذ بنته و انه الرجال الصح الي بيصونها و يحميها و بيسعدها
بعدها راح سعود لابوه يسلم عليه و يوم يسلم عليه قاله ابوه باذنه : اثقل
سعود ببتسامه : ابشر
ابو عبدالعزيز : الف مبروك و ربي يوفقكم و يسعدكم يارب
الجميع : امين يارب
بدر بصوت خافت : الله يا المعرس راحت العزابيه
سعود بضحكه : الحمدالله صرت مرتبط
هايف و هو يبتسم : سعود اذا ما وقفت ابتسامات ابوي بيدفنك هنا خلاص اثقل
سعود : خلاص بنثقل
-
عند الحريم دخلت الشموخ و هي متوترة و بهذيك اللحظه كانوا يسمعون اصوات الرجال يباركون لبعض و هنا صارت الشموخ مخطوبه لسعود رسمي
نزلت الشموخ القهوة و سلمت على ام عبدالعزيز و ام عبدالعزيز تسلم عليها بكل حب و كلهم يباركون لها و هي انحرجت و ترد عليهم و لما جلست كان جنبها اصايل
اصايل : يالله لك الحمد بتصير زوجه اخوي
الشموخ : عشان تعرفين قيمتي
اصايل : اي والله ان قيمتك غاليه
الشموخ : ما عرفتك صراحه
اصايل : تصدقين من زمان كان خاطري ان اخطبك لاخوي بس الحمدالله طلع اخوي عاقل و وافق يوم ابوي كلمه
الشموخ ما عرفت وش تقول و التزمت الصمت
-
عند الرجال الي يتقهوون و سولفوا شوي و بعدها فتح ابو عبدالعزيز الموضوع :
سبب زيارتنا معروف و حنا ودنا بالقرب منكم و جينا نطلب ايد بنتكم الشموخ لولدكم سعود
نايف : حياكم الله و سعود من خيرة الرجال و الف مبروك حنا موافقين
قام سعود من مكانه بفرح و راح يسلم على نايف و نايف يبارك له و مستانس مره انه سعود هو الي بياخذ بنته و انه الرجال الصح الي بيصونها و يحميها و بيسعدها
بعدها راح سعود لابوه يسلم عليه و يوم يسلم عليه قاله ابوه باذنه : اثقل
سعود ببتسامه : ابشر
ابو عبدالعزيز : الف مبروك و ربي يوفقكم و يسعدكم يارب
الجميع : امين يارب
بدر بصوت خافت : الله يا المعرس راحت العزابيه
سعود بضحكه : الحمدالله صرت مرتبط
هايف و هو يبتسم : سعود اذا ما وقفت ابتسامات ابوي بيدفنك هنا خلاص اثقل
سعود : خلاص بنثقل
-
عند الحريم دخلت الشموخ و هي متوترة و بهذيك اللحظه كانوا يسمعون اصوات الرجال يباركون لبعض و هنا صارت الشموخ مخطوبه لسعود رسمي
نزلت الشموخ القهوة و سلمت على ام عبدالعزيز و ام عبدالعزيز تسلم عليها بكل حب و كلهم يباركون لها و هي انحرجت و ترد عليهم و لما جلست كان جنبها اصايل
اصايل : يالله لك الحمد بتصير زوجه اخوي
الشموخ : عشان تعرفين قيمتي
اصايل : اي والله ان قيمتك غاليه
الشموخ : ما عرفتك صراحه
اصايل : تصدقين من زمان كان خاطري ان اخطبك لاخوي بس الحمدالله طلع اخوي عاقل و وافق يوم ابوي كلمه
الشموخ ما عرفت وش تقول و التزمت الصمت
-
و توجهوا ابو عبدالعزيز و عياله لبيتهم
و اول ما وصلوا فتح سعود بالسيارة شيله ملكني و نزل يرقص و اخوانه شبكوا معه و رقصوا معه و حتى الاطفال محمد و فارس و خالد و البنات يصورون و يضحكون
و بعدها دخلوا البنات داخل و رقصوا على صوت السيارة بحماس و فرح و ام عبدالعزيز تضحك تصفق لعيالها و ابو عبدالعزيز مبتسم براحه
-
بيت نايف
طلعت الشموخ غرفتها و قفلت الباب و و جلست على سريرها و فتحت الرساله
و كان محتواها بيتين شعر من سعود :
