-
الخبر
نور صحت بدر و عالطول انحاشت عند قمر
قمر : ها كيف الغداء ؟ عجبه ؟
نور : اي عجبه
قمر : عاد الحين بدر بيقول ما يطبخ له الا انتي
نور : ابشرك صار يحدد وش يبي وقت العشاء
ضحكت قمر : ما الومه
و بدر يدق على نور و نور ما ترد و حاطه جوالها صامت عشان ما تشوف اتصالاته
و كملوا سوالف
-
الساعه ٥:٠٠ عند بدر
يتصل عليها و لا ترد و هو كان وده يطلعون و يوريها الخبر و يتعشون برا
جت بباله فكره انه يتصل على عبدالعزيز و يقوله نور ما ترد علي خليها ترجع
و فعلاً دق عليه و قاله و عبدالعزيز نادا قمر و قالها
قمر : نور بدر اتصل على عبدالعزيز يقول يتصل عليك و لا تردين و يبيك
نور خذت جوالها لقت ١٠ مكالمات و خافت انه بدر يكون معصب : طيب
رجعت نور و هي خايفه
يوم دخلت لقت بدر جالس بالكنبه الي بصاله
نور بصوت خافت : بدر
بدر و هو يطالع التلفزيون يعني معطيها ظهره : من اليوم اتصل وينك ما تردين
نور : جوالي كان صامت
بدر قام و لف عليها : طيب ليه رحتي لبيت عبدالعزيز
نور : بسولف مع قمر
بدر : طيب اطلعي صلي و البسي بنطلع نتمشى و نتعشى برا
نور منذهله : يعني انت مو معصب ؟
بدر بأبتسامه: هو فيه احد يقدر يزعل من حبيبه؟
نور ابتسمت : طيب بطلع البس
طلعت نور وصلت و بعد الصلاة كانت تدعي ان الله يبارك لهم و يسعدهم و ان تدري وش هالمشاعر الي بقلبها
اما عند بدر بعد ما راحت نور أطلق تنهيدته وقال :
يا كثر حبي لك وانت واحد
لاكنك تساوي بعيوني ملايين
-
الديرة
ابو عبدالعزيز كان معزوم بعرس واحد من الديره هو و هايف
و لطيفه كانت ترتب لهايف و هايف يهاوشها انها تجلس و لا تتتعب عشان حملها
لطيفه : ياخي ترا عادي مافيني شي خليني
هايف : يا بنت الله يهداك اجلسي
لطيفه : اقولك عادي
هايف : ياقلبي انتي اجلسي و ارتاحي انا بسوي لنفسي ( هايف و هو يوريها يدينه ) شوفي معي يدين اجلسي والله اخاف عليك
لطيفه ضحكت : طيب يا بعد هالدنيا
ابتسم هايف و هو يطالعها بانعكاس المرايه
-
ابوالشموخ جا لابو عبدالعزيز عشان يروحون مع بعض
ابو عبدالعزيز : حياك الله
ابو الشموخ : الله يحيك اذا جاهزين مشينا
ابو عبدالعزيز : باقي هايف مدري وش بلاه
جا هايف : سلام
ابو عبدالعزيز بعصبيه : ميه مره قايلك ما تقول سلام قول السلام عليكم
ابو الشموخ ابتسم : يا رجال هدي عادي
ابو عبدالعزيز : ما اقول الا الله يهديهم
و راحوا للعرس و لطيفه و ام عبدالعزيز راحوا للشموخ و امها
-
بدر و نور الي يتمشون و يدورون
نور : بدر شغل لنا اغنيه او شي
بدر فتح المسجل و هو يقلب بين الاغاني لين جت اغنيه عبدالمجيد و هو يقول : ابغى اقول اني احبك وانت لسى الي عشقته
و جلس بدر يطالع نور الي تصور و مسك بدر يدها و نور منذهله و مستحيه و جلست تصور اياديهم و بدر مبتسم و ممتن من الي هو فيه
-
سعود الي جالس يتخيل انه راح يخطب شموخ و وافقت عليه وعايش خيالات واسعه و حلوه
-
الديرة
ام عبدالعزيز و ام الشموخ يسولفون
و لطيفه و شموخ يسولفون و جت اصايل تسولف معهم و مستانسين
شموخ : بنات بعلمكم
اصايل : وش
شموخ : في واحد تقدم لي و ابوي جالس يسال عنه و احس يعني ان ابوي موافق عليه
لطيفه : يا عيني بتصيرين من فريقنا
اصايل : وش اسمه
شموخ : صالح بن محمد من الديرة الي جنبنا
اصايل كان ودها تخطبها لسعود : كيف بتوافقون على البعيد
شموخ : مدري احس ما ودي بالبعيد بس اشوف امي و ابوي مرتاحين لهم
اصايل : الله يوفقك و يرزقك الزوج الصالح
