Chapter ( 19 )
ဤအသက်အရွယ်ကြီးသို့ရောက်သည့်တိုင် ရှန်းပိုင် အကြောက်ဆုံးအရာမှာ အခြားသူများနှင့်ရုပ်ပိုင်းဆိုင်ရာထိတွေ့ရမည်ကိုပင် ။ ယခုမူ အမျိုးသားတစ်ဦးက သူ၏ရင်ခွင်အတွင်းထည့်သွင်းပွေ့ဖက်ထားခြင်းနေရပါသော်လည်း ရှောင်ပြေးချင်စိတ်မဖြစ်မိပေ ။ အဆက်မပြတ်ကျဆင်းလာသည့်မျက်ရည်များလည်းတိတ်သွားကာ ထိုအမျိုးသား၏ ရင်ခွင်မှာသူမအပိုင်ဖြစ်သကဲ့သို့ခံစားနေရ၏ ။
အခန်းတစ်ခုလုံးအလွန်တိတ်ဆိတ်လျှက် နံရံကပ်နာရီပေါ်မှ တခြောက်ခြောက်အသံကိုသာကြားရလေသည် ။ သူမ၏ ခေါင်းပေါ်ကို သူ၏ မေ့စေ့ဖြင့်မှီထားခြင်းဖြစ်ရာ ထိုအမျိုးသား၏ အသက်ရှုသံကိုပင်ရှင်းရှင်းလင်းလင်းကြားနေရ၏ ။ သူမတို့နှစ်ဦးအလွန်နီးကပ်နေမိကြောင်း သတိထားမိသွားသည်နှင့် ရှန်းပိုင်မှာ ရှက်သွေးဖြာလာရပြန်သည် ။
ငါဖွင့်ပြောတာကိုသူလက်ခံလိုက်တာလား ...
ရှက်ဖို့ကောင်းလိုက်တာ ……
စိတ်လှုပ်ရှားနေသောကြောင့် သူမတစ်ကိုယ်လုံးတောင့်တင်းသွား၏ ။ ရင်ခွင်ထဲမှ အမျိုးသမီးလေး၏ တုန်လှုပ်သွားမှုကို ခံစားမိသောအခါ ချန်ကျိုးက သူမကိုလွှတ်ပေးရမည့်အစားပို၍ တင်းတင်းကြပ်ကြပ်ထွေးဖက်ကာ သူမကိုနွေးထွေးစေလိုက်သည် ။
အမျိုးသား၏ သန်မာသောအားနှင့်အပြုအမူတို့က ရုတ်တရက်ကြီးဖြစ်သောကြောင့် ရှန်းပိုင်မှာ ညည်းသံသဲ့သဲ့လေးထွက်သွားရသည် ။ ချန်ကျိုးက သူမနာကျင်သွားပြီဟုမှတ်ယူကာချက်ချင်းလွှတ်ပေးလိုက်၏ ။
ပွေ့ဖက်မှုမှ လွတ်မြောက်သွားသည်နှင့်တစ်ပြိုင်နက် အလွန်ရှက်သွေးဖြာနေသည့်မိန်းမငယ်လေးမှာ ဟမ်းစတားလေးတစ်ကောင်ကဲ့သို့ပြေးထွက်သွားပြီး တံခါးဆောင့်ပိတ်လိုက်လေတော့သည် ။
အစမှအဆုံးထိ ချန်ကျိုး၏ အကြည့်များမှာ ထိုအမျိုးသမီးငယ်လေးထံမှ တစ်ချက်ကလေးပင်ခွာမသွားခဲ့ချေ ။ သူ၏ မျက်၀န်းထဲ၌ သူမတစ်ဦးတည်းသာရှိ၏ ။ဧည့်ခန်းထဲ၌ အရပ်ရှည်ရှည်အမျိုးသားတစ်ဦးသာကျန်ရစ်ခဲ့ပြီး ထိုအမျိုးသားကမူ စေ့စေ့ပိတ်ထားသည့်တံခါးကိုကြည့်၍ ကြည်နူးစွာပြုံးနေလေ၏။
YOU ARE READING
Orginal Flavour and 30% Sweet
Fantasy# sweet ရှန်းပိုင်မှာ လူမှုဆက်သွယ်ရေးနှင့်ပက်သက်သည့် ကျန်းမာရေးပြဿနာရှိနေပြီး အခြားသောသူများနှင့် စကားပြောဆိုရန်ပင်မဆိုနှင့် အကြည့်ချင်းဆုံရန်ပင်ခက်ခဲလှသည် ။ သို့သော်လည်း သူမမှာ လူတစ်ယောက်အားသဘောကျနေသည် သူမမှာ အံကြိတ်၍ ခြေထိပ်ဖြင့် မြေပြင်ကိုပွတ်...
