بارت ٢
(نجمه)تقديرلتعبي
-------
بالديره بيت الجد محسن
العصر بالمجلس وهو يهاوش شرار على الشغل الي ماانجزه بالكامل
شرار :ابشر ياجد الحين بقوم اخلصه
الجد محسن:الي حذفه بعصاته لزم ارجعك كل مره مافيه مره خلصت الشغل من دون ماارجعك روح جيب لمبات وركبها بالمزرعه وجيب اكل للعمال بعد واسرح بالغنم الين المغرب وخل الراعي يرجع عقاب لك عشان ماعد تهمل الشغل
شرار:الي كلعاده قام بكل هدوء واخذ جواله من المجلس وطلع راح للحلال وخلى الراعي يرجع للبيت
سلطان:الي كان جالس معهم بالمجلس وفز وقام بسرعه مع شرار ولحقه عند الحلال وهم يرعونه الين متى بتصبر على ذا الشايب
شرار:طلع زقارته وهو يشغلها ايه ياسلطان حملنا وشلنا وشايب خله يهرج الين يشبع ماني بماخذ بكلامه
سلطان:والله اني اهنيك على صبرك عليه
شرار:نفث الزقاره نصبر وش ورانا ايام وافتك منه بعرس واتوضف واهج من ديرة الفلس
سلطان:لا والله وطلعت مخطط بعد تبي تهج
شرار:والله ماالوم عمي علي يوم معاد دخل الديره
سلطان :على طاري خالي علي تدري انه تقاعد وبيجي يسكن هنا بالديره
فز شرار:بذمتك ياسلطان من قايل لك هاذا الهرج
سلطان :كلم امي وقال لها امي انصحته يجلس هناك لاان جدي مايحب ضي ويقوم بعاداتها دايم
شرار:الي سرح الله وعلم وش صار عليها اذكرها صغيره وهاذي مرة ٤سنوات ماشفناها وتبي الصدق هاذي البنت الله عوض عمي فيها هاديه وعاقله والله لوغيرها لترد على شايب وعجوز النار ماتسكت لهم
سلطان :اي والله عاقله الله يخليها لخالي ويحفظها لهم متربيه صح
شرار:بتجي تشوف ضي قد تغيرت ماهي الي على خبرها يقصد الناقه الي انولدت في اول زياره لضي لديره وسمها شرار على اسمها ومنكثر تعلقه بضي صار يحب هاذي الناقه غير عن باقي النياق لانه كان الوحيد الي يوقف معها ومايخلي احد يلمسها وينضرب بدالها يرحمها وكانت تناديه بااخوي شرار وكان يحبها ومازال يحبها ومتعلق فيها وحبه حب نقي وصافي
سلطان:اي والله الله يحيهم والله عاد تبغا الصدق اشتقنا لخالي علي وهباله
شرار:ضحك الله يذكره بالخير
سلطان:اي ماتضحك انت الى اذا جا طاري خالي علي
شرار:هو الوحيد الي احسه يحبني من عماني محبه صادقه
سلطان:اي والله وفرحة والله انه بيجي يسكن هنا
شرار:تبغا الصدق والله مافرحة من ناحية ضي مسكينه والحين قد كبرت وتغيرت يمكن معاد تحب الديره
سلطان:ضحك ضي تحب الديره الي انت فيها
شرار:الي طش زقارته ودعس عليها ومشى يرجع الحلال للبيت وهو مايحس بااي مشاعر تجاه ضي الا انها يحبها من يوم هي صغيره محبة اخ لااخته ومحبته الااي طفل صغير وصلو البيت واخذ المبات وجلس يركب وخلص وهو يشوف جده الي فك الحلال وهو يخلطه مع بعض الكبار والصغار وقف بهدة حيل وهو يمسك ظهره ويناظر بالحلال الي قام يراكض بكل مكان وهمس الله ياخذ عمرك
الجد محسن:يالله تعال رجعهم كنت اتفقدهم ليكون مضيع منهم شي
شرار:بصوت واطي يارجال الله ياخذ عمرك ويريحني منك
سلطان:خلها محد قاله يفكها
شرار:هاذي بهايم مالها ذنب لكن هو والله البهيم واخذ العصا وهو ينادي بااعلى صوت ياحمزه على عامل الحلال
وطلع العامل يركض :ايش فيه
شرار:ماتشوف انت ماتسمع صوت الحلال يعنني لوينسرق مادريت عنه اطلع طلعت روحك الحق الحلال وراح يركض من جهه والعمال الي قام ينتفض من الرعب طلع يركض من الجهه الثانيه وهو يحب شرار مره على انه يقسى عليه دايم بس يعرف انه مو من قلبه ويرجعه له شرار ويعتذر منه وكان اذا طفش يروح يسمر معه
دخلو الحلال وقفلو عليه ورجع البيت بعد صلاة المغرب اخذ شور وطلع وهو يشوف عمه عبدالرحمن وصل من الشرقيه راح اسبوع عند ولده محسن الكبير ورجع وهو يسلم عليهم ويرحب فيهم وهوواصل حده من التعب من الفجر وهو يكرف الين المغرب
الجد محسن:قوم يااسود الوجهه صب القهوه العمانك
قام شرار:وهو يطنش الجد محسن ويصب القهوه لعمه واولاده وياخذ علومهم وهو متعود على الشده من جده ولاعمره رد عليه بكلمه كان يسمع كلامه ويطيعه
العم عبدالرحمن:اجلس ياولدي مايحتاج توقف وبنتقهوى احنا مو اجناب
شرار:ياعم هاذي من عادتي وده ضيف ولا راعي محل لزم نقهويه ونوقف على راسه الين يخلص من قهوته
وهويقصد جده دايم يخليه يوقف عند راسه الين يخلص من القهوه وصار متعود من وهو صغير لكن التعب واضح بوجهه
العم عبدالرحمن:والله ان وجهك اليوم تعبان اجلس ريح ترى معاد بنتقهوى
شرار :ماجاو اولادك معك ياعمي توقعت محسن بيجي
الجد:لا الي مايحب الديره لااشوف يخطي فيها
شرار:بنظره حاده للجد وهو حاقد عليه ليه الديره بااسمك عشان محد يدخلها الاالي يحبها انا مااحبها وهاذا انا عايش فيها
الجد محسن:الي اخذ فنجال القهره وحذف شرار وضربه على حاجبه الاايسر وانتثر الدم على وجهه
فز العم عبدالرحمن الي انصدم من حركة ابوه ونط يبي يمسك راس شرار الي وقف وعيونه تقدح شرار
شرار:وقف وهو ماسك حاجه ارتحت الحين صح مابرد خاطرك اني رعيت الحلال واني رديت اللحلال الحين ارتحت
العم عبدالرحمن :استهدي بالله ياولدي اهداء
شرار:طلع مطنش كلام العم عبدالرحمن وركب سيارتها وطلع لااقرب مستشفى بالديره يخيط جرحه
نزل وهو بيده ماسك على الجرح ودخل المستشفى وعلى طول سوو له ٣غرز على جرحه وهو يحس جسمه يفوح من حرارة غضبه وهو يتحمل عشان مايحط حرته بااي احد قدامه وهو بلعاد اذا عصب مايطلع مكان اظطر عشان جرحه وطلع ركب السياره وتوجه لااقرب مكان لقلبه وهو مكان الاابل ونزل فراشه وانسدح وتعب وهو يناظر الاابل قدامه
رجع البيت بعد يوم مُتعب ودخل أخذ شورر وانسدح على سريره
وصلت صوت الباب يدق قام بقلة حيل وتعب فتح الباب وشاف نياف بوجهه حي الله نياف ودخل وترك الباب مفتوح لنياف الي داخل وبيده العشاء
نياف :الله يحيك العشاء يالغالي ولاتحسب بنخليك
شرار:انسدح اوههههه يانياف قسم باالله اني تعبان أهلكني الشيبه اليوم
نياف :فرش السفره وشاف سلطان داخل وبيده الببسي ارحبو اي والله الي مرحبا انشالله تعتقني من ذا الي بس يتسدح ويتشكى وهو جاهل وش صار مع شرار
دخل سلطان وهو يسحب شرار بيده ويجلسه قم العشاء
شرار:يعني مافيه فكه منكم مابرتاح
سلطان:تدري من دونك مانقدر ناكل
شرار:ليه فاتحه شهيه
نياف :لاوالله تسد الشهيه بس عشان مانكثر نجيبك
شرار:الي ابتسم رغم التعب الي فيه ادري انك انت اكثر واحد ماتقدر تاكل بدوني
نياف:احبك لكن انك ماتستاهل وربي علقني بك وانت خبل
شرار:ضحك ماعليه خبل ومخاوي خبل ماعليك يااخوي
وبود يتعشون ويسولفون ويمزحون ويضحكون وهو يحب هاذا الوقت دايم من يومه يكون فاضي ومختلي مع الشباب وسوالفهم ومزحهم
سلطان :شباب وش رايكم رمضان معاد عليه وقت ويجي الله يحيه ودكم نروح بكره نفصل لنا ثياب عشان نرتاح من الزحمه والقروشه الي كل عيد تتكرر خلنا نرتاح من الحين
شرار:واللله شور العز ياسوسو
سلطان :اعقب ياحمر اعنبا هالوجيه ياشينها منك
شرار:هههههههههههههههههههههههههههههههه افاااا ياولد العمه افاااا مااعجبك ياسلطوني
نياف :لا ماحبيت سلطوني خلنا على سوسو
سلطان :شكلكم تبونها مضاربه بعد هالعشاء
شرار:انا واللله ماعندي مشكله من اليوم وانا ابي انفرد على احد
سلطان :اول شي فك الشماغ ذا عشان نعرف وش انت تقول
شرار:وش عليك من شماغي مضايقك
سلطان:اي علي الحرام انه مضايقني وغمز لنايف يطيره من على راسه
سحبه نياف بسرعه وانتثر شعر شرار ولف بسرعه ليه يانياف وقام على نياف يصفقه ونياف اذا ضحك خلاص معاد يقدر يدافع عن نفسهم شفه الكلب الي بجنبك هو الي قالي اسحبه
سلطان :اعقب ياحيوان كذاب ولف شرار وهو يسحب شماغه وينزله على كتفه ياويله لوادري
سلطان:تعرف انه فتان ماعليك منه
نياف:الله ياخذ حقي انا لزم ادور لي خوي
شرار:لا تكفى انا بالقوه متحملكم تجيبون ثالث انتهي معاد اتحمل
نياف :وش الي بوجههك يالمقرود
شرار:ضحك اشهد اني مقرود من يوم جيت ذا الديره
سلطان :وش جاك طحت
شرار:لا يارجال الشيبه حب يمزح معي الله يعافيه
سلطان:بذمتك وش سوى
نياف:اوههههههه هاذا محد يمزح معه وشلون بالجد وش بيسوي
شرار:كبوه يارجال انا ابغا شاهي بدكه قومو
سلطان :الي تضايق من الضربه الي بوجهه شرار وهو يحب شرار مره ولايرضى عليه
قامو وطلعو لدكه وكل انور الحوش طافيه وجلسو وهم مشغلين الدافور ومافيه الانوره ونور القمر ونور زقارة شرار
نياف:يوه يالااجواء تفتح النفس
سلطان :يومين ثلاثه ويطير الهدوء هاذا كله بيجونك عماني وعماتي وعيالهم كلهم
شرار:الله يحيهم والله مبسوط احب اذا جات الااجازه احب الجمعات والااناسه
نياف :بتفقد الهدوء ياابن عمي
شرار:خلني افقده وش استفدت من الهدوء جاب الي الاكتئاب
سلطان:وهالعيد كل خوالي بيجون حتى خالي علي
نياف :كذاب بيجي
سلطان :اي والله بيجي اخيرا متحمس عشانه
نياف الي قام يرقص يلعن ابو الفله يعني ابشروو بالجداول
شرار:اجلس اجلس لايطلع يشوفك الشيبه يعطيك وحده تفوتك الجداول
نياف :اعوذو باللله الله يكفيني شره
نياف الي كان يخاف ويكره الشيبه يخاف منه مره عكس سطلان وشرار
ضحك شرار: وهو ينفث زقارته وش يجيك اذا جا طاري الشيبه وش عليك منه انت رجال اعنبو حيك انجلد واجلد وامش هاذي الحياه
نياف:لا والله بجلد وانجلد لكن مو منه ياولد ايده لحالها رعب
سلطان:ضحك والله مالومك هاذا لويعطي كافر كف اسلم
شرار:ضحك عزتي والله عن حمزه هو الي يلقم من ذا الشيبه كل يوم
تكفون خلونا نروح له كم الساعه اليوم ارفعة صوتي عليه
نياف:وش الجديد يالغالي دايم ترفع صوتك عليه
شرار:ياولد علي الحرام ماودي ارفع صوتي عليه لكم مايطلع بوجهي الا اذا قدني معصب
سلطان:الله يرحمك حمزه قدهو بسابع نومه والحين تذكرته
شرار:الله يلعن الشيطان ماودي العن الي خلاني اصيح عليه
نياف:ضحك والله شكلكم انكرفتو صح اليوم الحمدالله اني كنت فالسوق
شرار:شف شف من الي يتكلم على اساس اذا قدك موجود منك فايده انت تطير الحلال مايحبك
نياف ضحك:احلى شي والله انه مايحبني الحلال شف كيف مرتاح
شرار:طلع زقارته الثانيه ودكم ندخل نرقد بكره الشيبه بيصحيني الفجر باقي زعلان يحسب اني ريبوت قدامه يحسب معي مليون يد وبخلص كل شغله بسرعه وزي مايبي
سلطان:اول شي انت اترك الزفت ذا الي بيدك وبترتاح
شرار:انا اشكي لك من الشيبه حولت على زقارتي
نياف :وهو صادق ياشرار اتركها والله ان ترتاح ياخوي لعبت فيك بكت كامل من تعشينا خاف الله بنفسك
كان دايم وكل مره يدخن كان سلطان ونياف ينصحونه ويحاولون فيه يتركه ويبتعد عنه وهو يحاول يخفف عشانهم بس ماكنو يضغطون عليه يعرفون نفسية المدخن واخلاقه على طول يقلب عليهم
انتهت سهرتهم وتوجهو كلهم ينامون مع شرار بشقه حقته الي ساكن فيها بالحاله ويجون ينامون معه سلطان ونياف في بعض الأحيان
------
part3
