بارت٥
(لطفآ نجمه تقديرآ لتعبي )
-------
بديره وتحديد العصر
الجد محسن :ياشرار
شرار :الي جالس بدكه مع عمانه سم ياجدي وقام وهو يضحك وتوجه لجده الي تتغير على طول ملامحه ويكشر اول مايشوف وجهه سم ياجدي
الجد محسن:تدري ان رمضان معاد عليه الا يوم ومتى بتروح تقضي للبيت
شرار:سم تحت أمرك اروح الحين
الجد محسن:روح راحت روحك أطلع الحين وانت جالس وتضحك ولاكاانه به شغل تخلصه اطلع خذ حد من الحريم معك ورحو قضو والعشىاء وانت هنا ولامابيحصل طيب
شرار:حط يده على خشمي الحين والعشاء وانا عندك
الجد محسن :طلع وهو يتأفأف يانياف
نياف :لبيه ياجدي
الجد محسن:قوم تعال الحلال قد خلصتو الشغل عنده ولالزم ارسلكم
اعنبوكم انتو ماانتو رجال يفتح فمه الواحد وينسى الي وراه والي دونه أخرج رح للحلال
نياف :الي ارتعب وفز وقف بسرعه وهم قد خلصو الشغل بس مايدري ليه رجع للحلال مره ثانيه وقف يناظر بعدين رجع لشرار الي واقف عند السياره مدري ليه ماقلت انا خلصنا
شرار:ههههههههههههههههههههه انت مطفوق اذا صاح عليك تطير
نياف :ياخي رعب قسم بالله رعب
شرار:انت تكبر الموضوع بزياده ماعليك منه اكبر مافيه صوته بس
نياف :إي وبعض الناس ورث منه هاذا الشي أكبر مابه صوته
شرار:ههههههههههههههههههههه وهو يناظر بنياف بطرف عين يوه لوماتتشمت بي تموت انت ماتقدر
نياف :وش تسوي انت
شرار:قاعد أشيل عفشي الي بغرفتي هاذي أنقله للبيت
نياف :الحمدالله واحنا لنا سنه نروح ونجي فوق هالعفوش مافكرت تشيلها الا اليوم
شرار.تبي الصدق أستحيت أحد يركب معي وملابس ورى
نياف:عقد حواجبه انا في حلم انت وش مغيرك شرار الي مايهتم ولايبالي بااحد صار عنده احساس
شرار:اسمع جدي قال خذ جدتك واحد من البنات معك وحشى يجلسون على ملابسي يعقبون
نياف:أيه ياعز النفس حتى في الملابس
شرار:تخيل تجي بنت ماتحل لك وتجلس على ثوبك وشماغك يعقبون والله
نياف:والله زين الي فكرة كذا أنقذتهم من منظر مرْعب
شرار:حذف نياف بالعقال الي بيده تراك صجيتني فكني شرك
نياف :إي كذا وجعت لطبيعتك
شرار:نياف اركب بس
نياف:تحلم اروح أقضي مستحيل انا وش يوديني للهم
شرار:امش ساعدني انا مااقدر اتحكم في نفسي مابخليهم ياخذون راحتهم خمس دقايق وبطلعهم
نياف :هاذا الكلام لاتخليهم يطولون
شرار:ركب السياره ونزل القزاز اركب ولاتحمل جدي وقروشته
نياف :لا والله بروح معك اتحملك ولا اتحمل جدي
شرار:ضحك وركب نياف والله سلطان بيلقم أقوى خيانه اليوم وصلو عندباب البيت وهو يدق بوري وطلعت جدته ومعها أربع بنات
نياف :اففف الحين كلهم بيروحون
شرار:منهم
نياف :والله ياحبيبي طلعت جدتي ومعها جيش
شرار:وش يبون كلهم
نياف :أسكت لاتحرجهم وتكسر بخاطرهم وهم قد طلعو ولبسو عبايتهم
شرار:عصب راسه والله شكلي برجع بلا عقل اليوم
نياف :أعقل واهد بس لاتهد على أحد وفتح الباب يركب الجده معه قدام والبنات يركبون ورى ركبو كلهم وحرك شرار لسوبر ماركت يقضون أغراض رمضان
الجده صيته:وراكم جاين ياأثنين واحد منك يسد
نياف :مااقدر ابعد عن شرار مقدر أعيش بدونه
شرار:الي رفع حاجبه وهو يناظرنياف الله أكبر عليك كذاب ياجده يقول ماابغا اجلس الشايب نط نياف وهو يسكر على فمه تكفى ياشرار عض شحمه وأسكت
شرار:الي أنهار من الضحك واجه كلامك يالرخمه
نياف :إي رخمه بس أسكت وهو يلقص شرار مع الجنب
شرار:ههههههههههههههههههههههههههه احححح ياحمار ياحر لقصتك
الجده صيته :والله انك صجيتنا يانياف هو ودك تنزله ياشرار ازعجني وصدع براسي مابعد أبتعدت عن البيت
نياف :وهو يحاوط جدته بذراعه انا أسف يانبوعي ويبوس راسها طبعا نبوعي دلع شرار ونياف وسلطان لجدتهم دايم ويقصدون فيه نبع الحنان
شرار:وراتس شاله البيت كله معتس ياجده
الجده صيته :عشان نخلص بدري كل وحده قلت لها وش عليها
شرار:يعني تبون تضيعون بسوق لاكل ثنتين مع بعض
الجده صبته:لا ماهم وغدان عشان يضيعون
شرار:لاياجده كل ثنتين مع واحد منا وبنخلص بسرعه ولا اشوف وحده تلف أيمين ولايسار أكسر رجلها خلصو الي أنتو جاين عشانه
عند البنات ورى الي قمطو العافيه يوم سمعو نمرت صوته وكيف معصب وهم بعد يبون ياخذون أغراض لهم خاصه وكل وحده تاخذ الي تبي لكن بهد كلام شرار أرتعبو
الجده صيته:أجل ضي وريم معك ياشرار ومها وسلطانه معك يانياف
نياف:تم يامها أنتي وسلطانه بيضو وجهي وخلصو بسرعه
شرار:فز قلبه يوم عرف أن ضي معهم هدى وأرتخى ولاعاد نطق بكلمه بس سوالف نياف والجده طول الطريق
نياف:أسمعي أسمعي يانبوعي أهداى لتس وشغل المسجل وهو يرفع ويرقص ويسحب أيد الجده ويرقص فيها والجدده تضربه وتهد عليه تبيه يفك يدها
مها:أخ بس ياليت بس نياف الي معنا وفكنا من هاذا النفسيه
ضي :حرام عليكم أكثر كلمه أسمعها تنقال فيه وأحس غير تمام أنا أعرفه
ريم:حبيبتي بس معك غير عشانك وحيده فا يرحمك
ضي:حتى ولو لاتحكمون عليه كذا من مجرد كلمه قالها أهو يبي يحرص علينا
سلطانه:حبيبتي أحنا كبار موصغار عشان يخاف علينا
ضي :أنتو ماتشوفون الناس وتحسبون كل الناس نفس أهل الديره لاالناس برى ماتخاف ربي عشان كذا أهو يعرف ويخاف علينا
مها:أخخخ بس لاعاد تدافعين عنه الحين كبرتي موضي الصغيره
ضي :حتى ولو كبرت مااشوفه الااخوي ولأرضى عليه والله
سلطانه:أشوفهم كلهم أخواني بس أحيانا الأخوان واحد عصبي والثاني فرفوش عادي
وصلو ونزلو وكل الطريقه سوالف وضحك على نياف والجده
وقفو قدام السوق ونزلو كلهم شرار الي بيروحون معي يالله وانت يانياف أنتبه للبنات الي معك لاتغفل عنهم وأنتو أنتبهو وخلصو بسرعه ونتقابل عند المحاسب
دخلو بدو ينتشرون ويتقضون
نياف :أسمعو روحو تقضو وخلصو وأنا هنا عند المحاسب حتى الأعمى يشوفني وتعالو عندي بس بسرعه عشان مايجي شرار يفقع وجيهنا
البنات:تم ماعليك بنخلص بسرعه وبنجيك وأخذو العربيه وراحو بالجهه الي فيها لااغراض الي يبون وهم يتقضون وفيه أثنين شباب خلفهم ويدقونهم بالكلام والحركات والبنات يهربون منهم ويحاولون يخلصون بسرعه ولفة مها على الي ضرب فيها وهي تركض وخايفه وشافت شرار بوجها وشهقت برعب شرار
شرار:الي لف وبجنون العضمى وين نياف وليش تروحين من عنده
مها:وهي تناظر ف يالي كانو يلحقونها ويتحرشون فيها لفو وأختفو أول ماشافو شرار هنا بس كنت باخذ بهارات من هنا
شرار:انثبري هنا مع البنات انا قلت تجلسون معه الين تخلصون ولف للجهه الثانيه يدور لنياف وشاف سلطانه لحالها انا ولد أبوي وش ذا الضياع وين نياف وكيف تروحون من دونه هاه
سلطانه:نياف قال بروح للحمام وأجي
شرار:أنطمي ولاكلمه أنتي وياها حسابي معكم بعدين بس وين الكلب هاذا وأخذ الجوال يدق على نياف هاه وينك
نياف :مشغول أقضي
شرار:أسمع ياكلب تجيني الحين عند قسم البهارات ولامابتلقى خير الحين وقفل وهو يفور من الغضب بس يبي يهاوش قدام الناس خصوصآ قبل رمضان والزحمه المعروفه
مها :وهي ترجف يمه يابنات يمه تكفون يارب ماشاف الي كانو يلاحقوني
ضي :مسكة يدها أرتاحي لوشافهم مستحيل يفكهم بتقلب حلبه هنا
سلطانه:حسبي الله عليهم بموت بطني مغصني
شرار:وهو يلف لنياف وهو جاي ليه تخليهم لحالهم مجنونه مريض كيف تفكهم كذا الحالهم أنت شايف الزحمه ولا لاا مهبول ليه ماقلت لي أنك بتروح الحمام وبتتركهم
نياف:الي عرف أن البنات كذوب عليه ياخي وش أسوي معاد قدرت أتحمل وشفني جيت ماطولت
شرار:أشر بأصبعه السبابه على نياف خذهم من وجهي ونص ساعه مالقاكم عند المحاسب بالأغراض المطلوبه والله ماتلقون خير كلكم بسرعه أذلفو من وجهي ولف بعصبيه لضي وريم أخلصي أنتي وهي خذو الباقي وأمشو
على طول مشو البنات والورقه معهم وهم يقضون وياخذون باقي الأغراض
ريم:ضي أنا أبغا أشياء خاصه فيني كيف أخذها وهو معنا
ضي :خذيه من الصيدليه قولي أبي أغراض خاصه
ريم:أنتي ماتشوفين كيف معصب والله أن يمصع رقبتي
ضي :أخذ العربيه وأعطت شرار خذ هاذي الأغراض خلصناها بس بنروح ناخذ أغراض لنا خاصه
شرار:وهو صادأمشو قدامي أغراضكم الخاصه خذوها بعدين
ضي :لا ضروري ناخذها الحين وموجوده هنا
شرار:وش العناد عشان قلت أمشو ورى ماتاخذونها وأنتو ساكتين
ولاتدورون لشر
ضي :أرتعبت يوم أرتفع صوته عليها بناخذها الحين ولاتجي معنا
نستحي منك
شرار:ضحك ضحكة المعصب أمشو قدامي خذو الي تبون وأطلعو تبوني افككم وسط هاذي الزحمه مريض انا أخلصو
وقف وهو صاد والبنات ياخذون أغراضهم بعربيه لوحدها وطلعو مع شرار عند المحاسب وهو ينتظر نياف وجدته ويبي يروح يجرهم ويطلعهم دق على نياف وينك انا المحاسب
نياف:باقي ياولد الأغراض كثير والسوق محيوس
شرار:خلصني انا عند المحاسب
نياف :حاسب واطلع اذا أخلصت بجيك
قفل شرار وصل دوره في الحساب وأنتهى من العربيه الي معه وسحب العربيه الثانيه يبي يحاسب
ريم:لا خلها انا بحاسبها
شرار: رفع حاجبه بعصبيه خذي الأغراضي الي هنا وأنتظروني عند الباب
أخذت ضي وريم الأغراض وقفو عند الباب وهو منحرجين ان شرار شاف أغراضهم الي شروها عصبت ضي من تصرفه وأنقهرت أنه ماخلاهم يحاسبونها
ضي :يعع كريه شلون طيب أغراضنا الخاصه قلنا مانبيك تشوفها وراح حاسبها
ريم:أخ ضي أنتظري أقوى هوشه الحين بسياره
ضي :ليش الهوشه
ريم:هو باقي معصب على سلطانه ومها ونياف بيشرشحهم
ضي :ماله دخل يهاوش خير وين عايشين مو أخواته
ريم :أنتي بس شوفي كيف معصب
ضي :الي رفعت عيونها الوجهه وهو مكشر وجهه أحمر بينفجر من العصبيه أخذ الأغراض ورفع عينه لهم وهو يشوف ضي الي تناظره وهو يعرف العيون الي مستحيل ينساها وأول ماجات عينه بعينها أختبصت ونزلت عيونها تحت شرار الي أحتر أول مره يصير معه كذا ركب السياره وكب الأغراض وهو يدق على نياف
شرار:هاخلصتو
نياف:إ ط عند المحاسب وجدتي معنا
شرار:عجلو علي وقفل وهو يمسج راسه من الصداع الي فيه ونزل راسه على الدركسون بتعبوهو يتذكر الي كانت تناظر فيه وش تبي ليش تناظر فيه ومليون سؤال بداخله
وصل نياف وركبو البنات ركبت ونزل شرار يساعد نياف ويركبون الأغراض ويتهاوش معه برى السياره
نياف :ياخي والله مايجيهم شي بس انت مريض
شرار:أركب يانياف أركب الشرهه على الي يعتمد عليك ياحيوان
وركبو وهم يتهاوشون
شرار:أنت أصلن يبي لك من ينتبه لك
نياف:ياخي أنت كبرت الموضوع انخطفو جاهم شي لا بس تحب تهاوش انت
الجده صيته:وراكم تهاوشون
نياف:ياجده انا رحت الحمام وخليت البنات لحالهم وجن جنون ولدتس يقول ليه تخليهم
الجده صيته:لامعلهم بنات كبار ويعرفن يتصرفن ماهو غلط
شرار:الي صرخ بصوت عاليوهو يضرب الدركسون الا غلط وانا شايف وحده منهم تركض وخايف تتلفت وراها هاه تعرف وش فيها وش صاير معها علي الحرام لوأني شفت ولالمحة أحد يلحقها لااعلقك برقبتك أنت والسلق الي ورى عشان مره ثانيه تسمعون الكلام
الجده صيته:خلاص أهجدو صدعتو براسي ولفت للبنات من الي كان مع نياف
نياف:معي سلطانه ومها
الجده :ومنهي الخبله الي تركض هاه
مها :أنا كنت أبغا أخلص بسرعه وأخاف أضيع سلطانه هاذي السالفه
شرار:على بوتس أنتي وياها عيدوها
وصلو البيت وقف السياره ونزل لأبا بسرعه والكل كانو مجتمعين في الدكه بس طنش ونزل وهو يبي يفرغ غضبه شوي ويرجع لانه لويقابل الشايب بيفصل عليه نزل وهو يسحب زقارته ويولعها يبي يهدى شوي وصله صوت ولف شاف نياف جاي
شرار:ها وش عندك ولاتبيني أكمل الناقص
نياف :تعوذ من الشيطان وراك أنت وش هو له ذي العصبيه كلها
شرار:الي عض على شفايفه خلاص يانياف قفل على الموضوع انا بنفجر خلني لحالي
نياف:مااقوى اروح وأخليك أمش معي ولا خذ عصى واجلدني انت بتروق
شرار:حيب العصى واوريك
نياف :سم هاذي العصى
شرار:ضحك وهو يطش العصى من يده أعنبوك أنت تبغاني أذبحك
نياف :لاوالله بس مااقوى أشوف خاطرك شي
شرار:اهخخخ يانياف خلاص رح بجي
نياف:رجلي على رجلك
شرار:لاكذا انا بجلدك مااتحمل اقلب وجهك
نياف :عطني العصى أبغاها
شرار طشها يالله دز
نياف:شكل أنت الي يبغا لك جلد عشان تعقل وجلد شرار وحط رجله
شرار:انا ولد أبوي علي الحرام مااخليك يالسوسه وهو يضحك صح ان نياف يرفع ضغطه ببروده الاانا يحبه مايطلعه من موده دايم الا نياف
------
part6
