بارت ٩
(نجمه تقديرآ لتعبي )
.
.
-----
بديره
مشى رمضان كله نفس الروتين كل يوم مابين شغل المطبخ والعب الكوره والسمرات بدكه باقي على العيد يومين والكل بدو يجهزون من الحين
رند :بنوتاتي مين بتروح معي لصالون نسوي اظافرنا
سلطانه:وشلون نسويهم
رند:بودكير ومنكير
مها :وش ذا قصدك نحط مناكير
ريما:ضحكة مستحيل ماتعرفون
مها :والله اتكلم من جد ماعمرنا اصلن رحنا مشغل
سلطانه:ومن وين ياحظي تبونا نعرف وشنهو الي تقصدون
ضي:يبردون اظافركم ويقصونها ويرتبونها ويحطون عليها مناكير
سلطانه:اها يبردونها نفس الي تسوين لنا
ضي :اي بالضبط نفس كذا بس يشيلون الجلد الميت الي حولين الااظافر وينضفونها
مها :والله صراح ابغا اسوق انا ابغا لبس عيد
ضي:وانا بعد ابغا السوق
سلطانه:اجل بكلم نياف يودينا ويخلصون هم بعد اشغالهم
مها :اي والله عشان نفتك من صياحهم علينا وبكره عاد حلاوة العيد
كلمت سلطانه نياف وهو بسياره هو وشرار وسلطان ببروحون يخلصون اغراضهم
سلطانه:امانه بنروح معكم نبي السوق
نياف:يالله بسرعه احنا بالسياره اطلعو كلكم بتروحون؟
سلطانه:اي كلنا
نياف:يالله انتظركم عندالباب خمس دقايق لو ماتطلعون بنروح ونخليكم
قفلت وكلمت البنات وهم يلبسون عباياتهم وبسرعه طلعو
نياف :شاف رند لابسه عبايتها وتنتظر بدكه مشالله غريبه مخلصه اول وحده
رند:استغربت ليه مستغرب
نياف:اي والله ماهي من عادتك يالله اركبي
رند :تحلم اركب معك تحلم دز بس
نياف:اعقبي ومن تبين تروحين معه
رند:بروح مع اي احد انت لا مستحيل
شرار:وين بتروحين
رند:بروح الصالون وبعدها بروح كوفي اقابل صحباتي وحشوني مره
سلطان:اخخخ ياقردتس انتي وصحباتس
رند:بيفشلني نياف والله مااروح معك
شرار:خلاص طيب روحو مع السواق وانتبهو
نياف :اشوف من يتكلم
شرار:رفع القزاز ياخي بيبلشونا بمشاويرهم الي على غير سنع احنا ورانا شغل
طلعو الينات وركبو كلهم متجهين لسوق
شرار:وش السوق الي تبونه
مها:ودنا لمجمع الأسواق الي جنب بعض
شرار:بنزلكم وخلوكم مع بعض احنا بنروح نخلص شغلنا وبيجلس معكم جوالي
دقو علينا اذا بغيتو شي ولاصار شي سمعتو
ريم:لا معنا جوال ضي عطنا رقمك وبندق عليك
شرار:عطها رقمك يانياف
نياف فتح الجوال وأعطاهم رقم شرار وسجلوه بالجوال نياف
وصلو لسوق ونزلو كلهم يتقضون وراحو العيال لسوق حقهم
يخلصون اغراضهم
نياف:وش رايكم بشماغ هاذا احسه دمار
شرار:لا ماش ماعجبني خذ الااحمر الغامق أزين
وتقدم شرار لشماغ الأبيض واخذ له نفس درجة ثوبه وهو من محبين الشماغ الاابيض مع الثوب الاابيض ولف لشباب وش رايكم
سلطان:عريس عريس
ضحك شرار بالله حلو
نياف:انت لوتعيد بخيشه طلعت حلو يعني كل شي حلو عليك مشالله ﮼
شرار:ضحك وغمز له ياعيني على الغزل الصريح
نياف:معلمكم انا بالغزل
سلطان:اول مره بحياتك ماتتحلطم
نياف:قررت اني اصير ابين لكم حبي ومشاعري ومعاد أكتم شي
وقرب من سلطان وهو ناوي يغثه ودخل يده بيد سلطان اخخخ لوتدري بالحب الي بقلبي لك
سلطان:الي انصدم وهو مطير حواجبه يناظر بنياف عقد حواجبه بقرف يالله أنك تغثه كانه يبي يغثني وانا مستانس
نياف:سوسو لاترفع صوتك بليز
سلطان:بقق عيونه فيه من النبره لي طلعت منه إبن أبوي وهو يسحب عقاله ونياف يحط رجله ويركض خلاص يالغثيث خلاص امزح والله
سلطان:بس بوريك كيف تمزح مره ثانيه يالجربوع
شرار:الي فاطس ضحك ومستمتع ونياف يغث سلطان أحلى فقره عنده باليوم خلاص في وجههي ماتضربه هاذي المره
سلطان:الي مغط شرار بالعقال حتى انت يبي لك وحده تعقلك
نياف:اقولكم هاذا متلبسه شايب ولاانا ماافهم
شرار:ههههههههههههههههههههههههههههههههه اول مره اتفق معك
نياف:خلك معي دايم ومابتخسر
سلطان:أمشو يالله خل نحاسب ونطلع
طلعو من المحل وكل واحد ياخذ الي ينقصه من المحلات الباقي الي اخذ جزمه والي اخذ سبحه واخذو عطور وطلعو من السوق كامل مخلصين كامل أغراضهم ومتجهين لسوق الي البنات فيه
نياف مبسوط على جهاز كشف الكذب الي شراه يالله أختبرك الحين ياشرار
شرار:لااختبر سلطان انا اعلمك بكل شي بس سلطان يخبي
سلطان:شل عني هاذا البلى ولابطشه
نياف:هاذا نفسيه امش انت حط يدك اشوف هو صدق ولاكذب
وسحب يد شرار ودخلها بالجهاز
وبدا يسئله هل بيوم فكرت تترك المزرعه
شرار:ايوه
وقف الجهاز
نياف :ابن ابوي ياقليل الحياء مفكر تخلينا وتروح
شرار:لاطبعا تروحون معي هو انا اقدر اعيش من دونكم
شغل نياف الجهاز من تحب اكثر انا ولاسلطان
شرار:لاهاذا مااقدر احبكم ياأثنين
نياف:لا واحد قريب منك مره
شرار:كلكم قريبين مني المره هاذي لذعه الجهاز وصاح وطش الجهاز على نياف
نياف وسلطان وهم ميتين ضحك وش ذا الصوت من وين طلع
نياف:عرفت ان داخل كل رجل امراءه هاذا الكلام صحصيح
شرار :كل تبن انت والزفت ذا يروع القلب
نياف:شرار راعي الأبل يرتاع من لعبه
شرار : الي عض على شفايفه وهو ينزل المرتبه ويسحب نياف بالغصب ويحط يده بالجهاز والله ماتسحبه وان تجاوب ياحيوان
نياف:ضحك أبشر يالله أسئل
شرار:بعمرك حبيت
نياف:لا الصدق ماعمري حبيت وقف الجهاز
شرار:يلعن ابو القهر
سلطان:ضحك ومن الي بيحبها ياقرد حظها
شرار:كان خاطري أكشفه السؤال الثاني يالله وهو يشغل الجهاز
قد أنعجبت بشخص
نياف :ضحك وأتوتر أيوه
شرار:جالس ينتظر الجهاز يلذعه بس وقف وانصد م اححح يالوصخ
من الي انعجبت فيها
نياف:ضحك مالك شغل جاوبت صدق
شرار:رجع بحماس يشغل الجهاز ومن الي انعجبت فيها
وسلطان وهو يضحك ويصلح المرايه عشان يشوفهم
نياف:وش دخلك ليه تسأل انا يعجبوني كل البنات
شرار:هاذي خالصين منها بس منهي الي أعجبتك من بينهم كلهم
ماخلص سؤاله شرار الا ونياف يصيح ويطش الجهاز
شرار:ههههههههههههههههههههههههههههههههههههههههههههههههههههههههه تستاهل ياكلب
سلطان:وهويضحك اي يستاهل الي بس عينه بالبنات
نياف :علي الحرام ان تحط يدك انت وان اطلع كل الي تخبيه عنا
سلطان:ضحك وحط يده بكل ثقه عاد انا صادق واذا لذعني ابن الكلب بكسره
نياف وشرار بحماس يالله
نياف:عمرك حبيت
سلطان:بثقه لاا
والي ماحسب حسابه ان الجهاز لذعه وصاح أبن أبوي علي الحرام انه مضروب الجهاز
شرار :بضحك اخخخ من غدر الأصحاب وماتعلمنا من تحب
نياف:كشفناك يالله قول الصدق
سلطان:علي بالحرام انه كذاب هاذا
نياف :يالله بنعيده واذا لذعك تقول الصدق
سلطان:يالله جيبه
ورجع يسأله شرار عمرك حبيت
سلطان:لاا ماعمري حبيت وقف الجهاز ومالذعه وخرب حماس نياف وشرار
نياف:يلعن ابو القهر صدق
سلطان:اعلمك بس انه كذاب جهازك هاذا
شرار:بأبتسامة خبث طيب هل تفكر تتزوج قريب
سلطان:لف له وهو يرفع حاجبه بصدمه وهو يبتسم ويرجع يناظر بالطريق أيوه
نياف:ايش انت تبي تتزوج
سلطان:ايوه ليه ماني مالي عينك
نياف:من وكيف وليه ماعلمتني
سلطان:لأنك فضيحه بتفضحني وبتزعجني كل شوي
نياف :ابو وافي صدق ماهقيتها منك
شرار:ترى باقي ماصمل بس انا ابغاه يصمل
نياف:ومن متى الكلام ذا
شرار:من اسبوع وهو يقول لي
سلطان:ترى والله ماهي سفهه فيك لاكن انت من يوم جاو بنات ساره وانت اربعه وعشرين ساعه متكي معهم اخاف يالخفيف تكب عفشي عندهم ويفضحوني
شرار:لا تبغا الصدق ليه ماعلمك
سلطان:علي الحرام لااذبحك اسكت
شرار:هههههههههههههههههههههههههههههههه عادي قول ماعليك منه
سلطان:لا هو بيعرف بعدين
نياف:متى تعلمني انا انتظر
شرار:انت اخو العروس
نياف:ضحك بأعلى صوته يالحقير تبي تاخذ أختي ولاتعلمني قبل المخنز ذا
سلطان:الي نزل عقاله وهو يجلد شرار الي يضحك ولاهمه هاه انت ارتحت دريت
نياف:اسمع تكلم معي زي الناس ولاعلي الحرام ماتشلها
سلطان:والله البلشه بالرجال انت اخر واحد اخذ بكلامه
نياف:تعقب يالرخمه هههههههههههههههههههههههههه
سلطان:ههههههههههههههههههههههه ليه ليكون الي بتعيش معي
نياف:لابس ماابغى أختي تعيش مع واحد نفسيه
سلطان:نتفاهم انا وهي انت مالك شغل
نياف :رفع حاجبه بصدمه أعنبوك انت وش تقول
سلطان:الي انهار من الضحك وهو يضرب الدركسون وراك عصبت
شرار:الي متكي وميت ضحك منهم أبلش اول مشكله بين النسيب و
واخو العروس
نياف:مافيه مشاكل انت مالك دخل خلك برى الموضوع وقف ياابو نسب على نجب خل ننزله ونرجع نتكلم
شرار:اعنبوك جحدتني وانا الي معلمك ياكلب
نياف:ماقلت لك علمني انت ماتعرف تمسك العلم
شرار:ناظره بصدمه لا يالوصخ
سلطان:ضحك تستاهل
نياف:ههههههههههههههههههههه وهو ينط ويحب راس شرار
شرار:اذلف اذلف بس يالجحود
نياف:ههههههههههههه لا والله ماني جحود
سلطان:خلاص ايش رايك تنزل انتو وهو نشوف خلصو ولاباقي
نياف:اخخخ بس تمنيت رند وريما معنا عشان اجدول عليهم
سلطان:أعقل بس أعقل
نياف:اسمع ترى غصب عليك تحترمني الحين سمعت
سلطان:والله البلشه انا اذا كنسلت فاالسبب هو انت
شرار:هههههههههههههههههههههه لاتخرب على أختك
نياف:يعقب هو الي بيخرب على نفسه أختي كل رجال يتمناها
سلطان:بس المشكله في أخوها هو الي بيخرب
نياف :سلطي أسكت عشان ماافقع وجهك
سلطان:ههههههههههههههههههههههه يالله بنسكت وش نسوي
شرار:الي أنصدم وهو يرفع حاجبه بصدمه ويضحك لا لاا كذا بسرعه لعب في أعداداتك
سلطان:غمزخل نعطيه على جوه عشان يسكت
نياف :مشغول بالجوال يراسل رند ويطقطق عليها ويعلمها على العبه الي شراها
دخلو السوق وقفو عند كوشك عطور وسلطان يختار وشرار لف ومتكي بيده على الكوشك وهو يشوف المحل الي قدامه وبينه وبينهم قزازه الي عند محل الفساتين وهو يشوف الي واقفه عند الفستان الي كان على المانيكان وكانت تناظره من فوق الين تحت وتسأل البنا ت وقف يناظرها بمتعه ويشوف الفستان الأوف وايت ويتخيله ويرسمه عليها مانسها ولانسى ملامحها وجمال عيونها وشعرها وجمال غمازاتها الثلاث ثنتين بوجهها وحده بدقنها كان يناظر وسرح بخياله ضربه سلطان وش فيك
شرار:وش فيه
سلطان:بغمز وش تفكر فيه ولف سلطان يشوف مافيه احد بسوق
شرار:صحى على نفسه وهو يقول وينهم
سلطان:عقد حاجبه منهم
شرار:البنات كلهم كانو هنا بالسوق ذا
لف سلطان يناظر ماشاف احد
شرار:نياف دق عليهم خل نشوف وينهم خلاص نبغا نروح نتسحر ونلحق نتسنن قبل الفجر
نياف:بورطه تبغا الصدق انا كتبت الرقم بس مادقيت
شرار:والحين وشلون نجيبهم
سلطان:انتو مو تقول شفتهم هنا قبل شوي
شرار:اي بس معاد شفتهم اكيد راحو محل ثاني
وانتشرو يدورون على البنات الي كانو بنفس المحل بس انهم كانو بغرفة القياس يشوفون الفستان على ضي واعجبهم أخذوه وطلعو برى السوق وينتظرون العيال يجون
سلطانه:بنات والله غريبه منهم طولو موب من عادتهم
ضي :اكيد زحمه قبل العيد بس الحمدالله خلصنا قبل يجون
ريم:والله ياان ذوقتس صعب مره تعبين ياضي
مها:وانتي لو تلبسين خيشه طلعتي حلوه مفروض اي لبس تاخذين سلطانه:اي والله هاذي الي اذا قالو لتس القالب غالب
ضي :ضحكة بأحراج ياعيوني أنتو بس والله صدق مشاللله عليكم انتو عاد بسرعه خلصتو وكل وحده فستانها أحلى من الثانيه
مها:ضي بالله دقي على نياف خل يجي ياخذونا صدع راسي من الفرفره وأزعاج السوق
أخذت ضي جوالها ودقت على الرقم الموجود ماكان مخزن بأسم كان رقم وبس دقت واول ماسمعت الصوت توترت ماتدري ليش هي دايم تسولف مع سلطان ونياف وشرار عادي بس اول مره تسمع صوته ب الجوال عرفت انه شرار بس قالت نياف وينكم أحنا واقفين نتظركم برى
شرار:بلع ريقه يوم سمع صوتها أنتو وينكم أحنا بالسوق ندور عليكم
ضي :واقفين برى عندالبوابه الي نزلتونا عندها
شرار: يالله جاينكم ولف يكلم نياف وسلطان وأتجهو وهو يتردد صوته بأذنه للبوابه وكلهم كانوجالسين على الأرض وينتظرون
نياف:سلامات احنا ندور لنا ساعه ليه مادقيتو
ضي:بصراحه قلنا يمكن ماقد خلصتو شغلكم
سلطان:لا والله مخلصين من بدري بس يالله أركبو وشغل السياره ونياف وشرار يتهاوشون من يركب على الباب
سلطان:الله يصبر قلبي عليكم ياأثنين نياف أركب بسرعه
نياف:لا والله انا ركبت في النص يوم جينا الحين دورك ياشرشبيل
شرار :نط وركب بسرعه بالنص يالله هاذي المره بعطيك على جوك
نياف :ركب اي غصب عنك تسمع لي
شرار :وهو يعض على شفايفه اسكت لاادوس بطنك
مها:يعني انتو ماتعقلون كل شىوي تتهاوشون
سلطان:اخخ ادعي لااخوك الله يعينه عليهم
نياف:من قال انا نتهاوش هاياشرشبيل
شرار:كل تبنك وأسكت
سلطان:ههههههههههههههههههههههههههههههههه اففففف ُ
نياف:أقطعها يالكلب أقطعها بيني وبينك
شرار:هههههههههههههههههههههههه ياخي ازعجينني وانت تعرف اذا ركبت السياره باليل ماابغا ازعاج ابغا هدوء
نياف:هاذا فيه أكتئاب وقسم بالله لزم نعالجه عليه ربط مواضيع
سلطان:الي رفع صوته يغني ومتجاهل حلطمة نياف وهو يغني أكثر شيله يحبها هو وشرار
شرار:ضحك وهو يغني معه صح صوته مو مره حلو نفس صوت سلطان الاانه يعيش الجو وصوته حلو بس مايحب يغني
نياف:وهو يصفق ويرفع صوته يغني معهم يبغا يخرب عليهم
سلطان:وهو يضحك ويغني ويناظر بنياف الي داخل الجو والبنات كلهم يضحكون من صوته وهو أخر همه
سلطانه:اخخخخ منك يانياف ماعندك ولاموهبه في الحياه
نياف:افاا من قال انا ابو المواهب حطيني عند اي شي وابدع لك يعني تبيني اغني ولاااقول قصيده
سلطانه:داخلين على والديك معاد تغني
شرار:هههههههههههههههههههههه ااوف اوف يعني الى ذي الدرجه صوته قبيح
سلطانه:فوق ماتتصور
ضي :حرام عليكم كمل نياف ماعليكم منهم غن صوتك حلو
نياف:يالبيه ياضي ياخي انتي بتددخلين الجنه بجبر خواطر الناس اما بعض الناس والله ان يتشلوط مع أبو لهب
شرار:ههههههههههههههههههههههههههه خلاص غن وبنسمعك بس تغني لحالك عشان ضي تسمع الصوت صح
ضي :ضحكة حتى ولو خلوه يرفهه عن نفسه ياخي
شرار:الي أنبسط انه بداء ياخذ ويعطي معها بنشوف رايتس يابنت علي اذا خلص
نياف:بدا يتنحنح ويغني بصوت موزعج ويرفع بصوته
ريم:طيب على الأقل وطي صوتك اذا هو شين عشان تقدر تمدحه البنت
ضي:هههههههههههههههههههههههه أتوقع الين هنا يكفي يانياف شوف لك موهبه ثانيه
كل الي بسياره أنهارو من الضحك من ردة فعل نياف انصدم افاااا قلت والله لوعجبتس لاااغني كل دقيقه
ضي :نياف لازم تدرب مو على طول كذا بتمشي معك
نياف:والله انتس صادقه شوفي العله هاذا صوته مكان حلو يوم صار يغني دايم مع سلطان طلع صوته يجي منه
شرار:اي لاعاد تستعجل على رزقك وانا ولد ابوي
نياف :اجل يالله غنو لنا وانا بسكت ابغا اروق قبل أوصل الديره
شرار:ضحك كيف تروق وهاذي سواقة السلطي
نياف:والله انك صادق هاذي تجيب الصداع كنه من شيبان الديره
شرار:هههههههههههههههههه علي الحرام ماكذبت أعنبوك سوق زي الناس كسرتنا
نياف :أنا تو طحت على ظهري والحين بيكمل علي الحيوان انزل بالله خل شرار يسوق
شرار:علي الحرام ماكذبت يانياف ان كنه من شيبان الديره حتى على الصامت عواله من يمينه ويساره يصايحون وهو ولافكر
سلطان:الله يشغلك انت وهو أيش تبون فيني يوم ان الله بلاني بكم
شرار:تحاك مع العرب هرج هرج لاعاد تسكت كذا انا مااحب الساكتين
سلطان:عض على أيده بقهر أبن أبوي والله الي صدع راسي من هروجكم أعنبوكم أسكتو عض شحمه انت وياه
شرار:رفع حواجبه يضحك يوم شاف سلطان يهد عليهم كذا يرتاح اي ياحبيبي كذا من بداية اليوم
نياف:وهو يدف شرار الي متكي بظهره على نياف أنت كسرتني يالكلب أجلس زي الناس
سلطانه:ياخي أعقلو مو طبيعي من يوم ركبنا تتهاوشون
نياف:وش نسوي احنا مانقدر نجلس مع بعض كذا
شرار:وانتو ليه ماتتهاوشون كيف كذا هادين
ضي :وش تبينا يعني نسوي نقلب حلبة مصارعه هنا
شرار:ضحك جوي ياضي
ضي :قسم بالله انك مهبول انت والي جنبك
نياف:حددي يابنت علي الي يمينه ولاالي يساره ادري أنتس تقولين سبحان من عطاه العقل والثقل
ضي :ههههههههههههههههههههههههههه مستحيل انت مستحيل شف كلهم عاقلين الأنت شرار بعض الأحيان يكون هادي نفس سلطان بس انت ولامره شفتك عاقل
ريم:ياملحك بس ماعليك منهم يبون واحد نفسيه يالله يهرج
سلطان:احم احم وش قصدتس ياريم انتي تسكتين بعدين تسددين وحده على الطاير كذا
ريم:هههههههههههههههههههه لاوالله مااقصدك بس يعني النفسيه هاذا الي بنص
شرار:وهو كان يسحب شنبه رفع حاجبه بصدمه أعقبي هالحين صرت انا النفسيه يالريم
ريم:لا ياخي امزح معكم بس الصدق انت احيانا مااحد يتقبلك واحينا تكون مشالله عليك
شرار:وش نسوي وانا أخوتس يعني أجلس أضحك أربعه وعشرين ساعه سلامات والله لواأني نياف
نياف:أذكر الله أذكر الله بس
شرار:هههههههههههههههه مشاللله تف تف
نياف :لاععععععععع يخرب بيتك ياكلب
شرار:هههههههههههههههههههههههههه أكثر من كذا مااتوقع فيه
ريم :خلاص امانه سلطان غن لنا وأنتو أنثبرو
شرار:اححححح تسكتينا
ريم:أزعاج والله امانه أسكتو
شرار:رفع صوته يغني وهو مطنش كلامهم ويعرف ان صوته يشبه كثير لصوت خالد عبدالرحمن فابدا يغني من أغانيه الي حافظها
(الله الي اراد والعقده قضاها الي عقدها
لاعلى الدنيا سلام لا لباقي الأمر زينه
الفضى ماكنه الا خيمة طاحت عمدها
والفرح ماكنه الا شيخ انقصت يدينه
والعمر قطعت زجاج أنكسرت ولا طال مدها
والعرب فالعيد بدموع اليتامه مستهينه )
كان الكل بسياره داخلين جو مع الأغنيه وصوت شرار الهادي وهو يغني كل دخل بجو وعايش بخياله على صوت شرار كلهم لفو له تكفى كمل قسم بالله صوتك حلو
نياف :بدل فاقد عن خلودي
شرار:ضحك أبشرو
نياف:أحسك بالع خالد عبدالرحمن داخلك
شرار:ضحك انت ماتوقف ذبات حتى لو الشي زين
نياف:أسف والله يالله كمل نبي من أغاني خلودي لاتصرعني الحين ب ياجميله
شرار:ههههههههههههههههههههههه وبدا يتنحنح ويغني الأغنيه المفضله وهو يناظر بالمرايه لاشعوريا وهو يغني
(ان كان حبي لك هو أعظم خطاياي
ماقول يانفسي عن الحب توبي
أجمل خطاياي واخر حدود دنياي
واصدق معاذيري واطهر ذنوبي)
سكت وهو ينزل عيونه عن الي كان سارحه مع صوته وتناظر الطريق ومالفتها العيوني الي تراقبها سكت من حس بشعور غريب يجتاحه
سلطانه:الحين دورك سلطان الي كان سارح بخياله رهو يفكر وفز على صوتها وهي تطلبه يغني لها أرتبك كونها هي الي تطلبه ولاندري وش سلطان ناوي عليه وش نيته
نياف :لف بأبتسامه وهو يناظر بسلطان يالله سمعنا ياابووسكت بعدين قال نياف
سلطان:أتوتر وعرق من حس ان نياف بتنفلت لسانه وكأن كل شي أختفى من مخه ولاكأنه حافظ شي
شرار:شافه وحس بتوتره وكان يبيها تكون لحظه ماينسونها أثنينه وحس ان سلطان ضيع كل الي حافظه قرب منه وهو يهمس له تكفى مالي ومال الناس غنها
سلطان:أبتسم وخف توتره يوم ذكره شرار وبدا يغني بصوت الكل يحبه ويشهد بجمال
(مالي ومال الناس -ومالك ومال الناس
لما حبيتك...... مأخذت راي الناس
خلينا بالحاضر ننسى الي كان
لانشغل الخاطر ونحسب لراي الناس )
سكت على تصفيق شرار بحماس وكل الي بالسياره صفقو له قسم بالله مبدعع صوتك يلعب لعب فينا
نياف:تكفى عيدها أبغا أصور
سلطان :ضحك وهو يقول ياقرد حضي الفرق بين الطلب الأول والطلب الثاني وبدا يعيدها لنياف عشان يصور
نياف:صح صوتك
شرار:بغمزه لنياف وش تبي فيها هاه
نياف :على تبن ماهو شغلك
شرار:ضحك بصوت عالي
سلطان :رسايل من وراانا ياولد وافي
نياف:حبيبي سلطي أسكت انت مانو من حقك تتكلم
سلطان:ضحك الله يبلشك ياشرار
ضحك شرار والأثنين مفضوحين وهو يجدول عليهم ولااحد ملاحظ الي داخله ولامشاعره
نياف :الحمدالله وصلنا البيت بسلامه خواتي العزيزات ارجوكم ابي كبسه مااجوع بعدها الابكره المغرب
سلطانه :تبشر والله الحين باأحلى كبسه
نياف:تكفون ابغا مكرونه من اليوم كانت على الفطور طالبكم
ريم:الله يرحمك معاد فيه شي
شرار:تكفون طيب سوو لنا وحده الحين لنا لحالنا
سلطانه:وعاد والله مدري عن ضي مقاديرها موجوده ولا لاا
لف شرار لضي الي واقفه وتنزل الأغراض تكفين يابنت علي نبي مكرونه مفس الي اليوم على الفطور اغراضها موجوده ولابروح اجيبها
ضي :مع الااسف صدور دجاج والفوتشيني خلصت من الكميه الي صلحت اليوم
شرار:الحين بنريحك بس لنا احنا الثلاثه
سلطانه:حتى احنا نبغا
ضي :من عيوني ولفت الشرار الي واقف ويدينه خلف ظهره روح جيب مكرونه مكتوب على الكرتون حقها فوتشيني وجيب صدور دجاج
شرار:سرح وهي تشرح له وتقول له وش الي ناقص من عيوني أجيبها الحين
ضي :أنحرجة وهي ترجع للخلف بسرعه لاتتأخر
شرار:طلع بسياره وهو يعض على شفايفه يالبيهههه والله ان تبشرين اني ماأتأخر وطلع البقاله لأول مره يدخل يقضي وهو مبسوط
واخذ الجوال يدق علهيا وش اسم المكرونه
ضي:أسمها فوتشيني وجيب بعد كريمة طبخ نسيت أقولك
شرار:أبشري عيدي لي كل الأغراض عشان ماأنسى شي الحين أخذت صدور دجاج وأخذ المكرونه عاد مدري وش اسمها
وش باقي قلتي وهو بس يبي يسمع صوتها
ضي :تمام بس ناقص كريمة الطبخ كم جبت كرتون مكرونه
شرار:جبت ٨كراتين
ضي :ههههههههههههههههههههه لاهاذي كثير مره
شرار:عاد عشان ااذا أحتجنا مره ثانيه تسوين وكل الطلبات موجوده
ضي :تمام يالله أنتظرك
شرار:قفل الجوال وهو ينزله على صدره ويحضنه ياعيوني ياجعل ماينتظرني غيرتس وانا ولد أبوي وطلع وبالأغراض وهو ماخلى قصيده الاوقالها وصل ودق الباب وشاف جدته واقفه عند الباب
الجده صيته:سم وراك تدق الباب
شرار:البنات وصوني بالأغراض هاذي
الجده صيته:نزلها هنا وهم بيجون ياخذونها
شرار :الي بعصت عليه جدته طيب قولي لهم ان الأغراض عند الباب انا بروح للعيال
الجده صيته:أبشر الحين أقولهم
طلع ركض للعيال وخاطره مسفهل صح كلام عايدي الي تقوله لكن مره انبسط وتيغرت نفسيته
-------
part10
