بارت١١
(نجمه تقديرآ لتعبي )
.
.
------
يوم العيد وصباح العيد بعد مارجعو الكل من الصلاة العيد وعيدو على بعض وأجواء العيد وبدو الناس يجون ويتوافدون على بيت الجد محسن ويعايدونهم وكل العاده كل عيد الفطور الصباح عند الجد محسن
نياف:اخخخ تعبت انكسر ظهري من الكرف أخيرآ راحو بتبداء أحلى فقره في العيد الحين
شرار:يالله عاد نبي ننبسط
سلطان:أنتبهو من الطراقيع انا بروح أنام
شرار:علي الحرام ماتنام ياحيوان
سلطان:قسم بالله معاد فيني حيل تكفى أعتقني
شرار:علمتك نوم مافيه بتروح معنا الحين للمزرعه
نياف:البنات بينزلون معنا
شرار:الله يحيهم خل نعوضهم
نياف:بس معهم بنات ال جابر جيرانا
شرار :وش نسوي خلهم يجون
وأخذ شرار الطراطيع بثوبه هو ونياف ونازلين للمزرعه والبنات كلهم وراه ومبسوطين
شرار:نزل شماغه على كتفه ورجع العقال على الطاقيه وهو يحط الزقاره بفمه ويربط ثوبه على خصره
بنات ال جابر:أميره -سلمى -نوره
كانو طويلات ومعروفات بجمالهم وكشختهم بكل عيد نزلو لمزرعه مع البنات وهم لابسين عبايات ملونه والوان فاتح بيج وابيض ورصاصي فاتح كانت أميره الدلوعه الي تتقرف من المزرعه وكل شي فيها وتتقرف من العيال الي يلبسون ثياب تحب الي يلبسون بدلات
أميره::يععع عاجبكم القرف
نوره:وش القرف قسم بالله فله خلاص مو لزم كل مره بشاليه اواستراحه لزم نغير
سلمى:اخخخ يالبييه المزرعه وكل شي فيها ايجننن خصوصآ هاذا أبو زقاره الي يدخن أخخخ أيجننن ايجننن
أمير:سلمى وععع وعععع وشذا لاتصرعيني عاجبك الطعس ذا
سلمى:قسم بالله انه فتنه ياويلي أيجننن
نوره:سلمى أعقلي لايسمعونك
سلمى :تقدمة وهي تسأل ضي هاذا وش أسمه الي يدخن
ضي:هاذا شرار والي بيده الطراطيع نياف وهذاك سلطان
سلمى:اوففف والله وطلعو عيالكم حلوين في واحد دايم يسبونه البنات
ضي:ضحكت أحيان يكون عصبي وأحيان لا هاذا شرار
سلمى:حرام عليهم عاد أحسه طيب ومأخفيك مرههه عجبني ايجنن سماره وشنبه ولبسه وشكله وحركاته كلها اتجنن
ضي:ضحكة بأحراج من كلام البنت تمدح ومااستحت من ضي اول مره تتكلم معها اي حلو
سلمى:الحمدالله حتى انتي عاجبك
ضي:هاذا أخوي شرار
سلمى:أنصدمة وهي تحط يدها على فمها أخوك بس أنتي ماعندك أخوان
ضي:اي ماعندي بس من وانا صغيره وهو يقول انا اخو ضي وانا اقول انا اخت شرار وكان يوقف معي دايم
سلمى:الله كيوت
عدت من عند ضي وهي تروح جنب رند وريما الي واقفين مع العيال يشغلون الطراطيع
اما شرار الي وقف عند الشجره وهو يطلع زقارته ويشغلها ويلبس النظاره عشان يشوفها على راحته وهو ابدا ماشال عينه عنها ويشوف البنت الي جت تسولف معها ويناظرون فيه تحمس وكان خاطره يسمع الكلام رجع وجلس على الفرشه الموجوده
جت سلمى وجلست كل عام وانت بخير ليش ماتجي معنا
شرار:وهو صاد ويناظر بحوش الأبل ابدا مالي خاطر ألعب
ضي :الي جت شرار معك ولاعه
شرار:لف بجسمه كله لها كل عام وأنتي بخير ياضي
ضي:وانت بخير
شرار:اي معي بس ماتضيعينها وترجعينها لي
ضي :تمام برجعها لك
أخذت الولاعه وطلعت لحوش خاص بأكل الحلال وكان كله علف خاص بالحلال حق الجد محسن وأحرقته كله وأحرقت غرفته الموجوده في المزرعه
فزو كلههم يصيحون ويلفون يناظرو بالحريق الي مره كبير خصوصآ الحوش هاذا كبير ومليان من الأعلاف
فز شرار :وهو يركض خايف على المزرعه والكهرب الموجود وماخطر في باله ان ضي ممكن تسوي هاذا الشي طلع الجد محسن على الصياح وصياح الحريم وهو يمسك راسه ويتويل ويلعن انهم أحرقوه بالطراطيع وهم كانو بعيد مره عن الحوش هاذا والغرفه طلع وهو يمسك راسه وهو يشوف كل الأعلاف تحولت لرماد قدام عيونه
جلس بقهر وهو ماسك راسه الله لايبارك فيكم من أولاد والبنات الي على طول دخلهم شرار خوف عليهم من جده لا يضربهم او يتهمهم بشي
الجد محسن:من الي أحرقه الله يحرق قلبك أنت وهو
نياف:ياجد احنا بالمزرعه هنا محنا حوله في احد حارقه
الجد محسن:بعصبيه وشلون ماانت الي حارقه من الي احرقه اجل من الي يتجراء يدخل مزرعتي غيركم يالسلق
شرار:وهو يركض وبيده الطفايه هو وسلطان ويطفون الغرفه وقف شرار وهو يشوف ولاعته عند الغرفه شالها بسرعه ورجعها لجيبه وهو يرجف مستحيل ضي تسويها هي تحب المزرعه وقف وهو يتذكر كلامها والله لااخذ حقي منه ضرب يدينه في بعض بقهر لاياضي مو كذا تكفين
طفو الحريق الي بالغرفه وحوش الأعلاف تحول لرماد
الجد محسن:حسبي الله ونعم الوكيل على من عمل هاذي العمله
العم عبدالرحمن:يايبه العيال يلعبون بعيد ماهم حول الحوش والغرفه
في احد حارقه ماهم العيال
الجد محسن:اجل من الي احرقها
العم عبدالرحمن:يمكن احد يبي ينتقم منك
جلس الجد محسن وهو يتذكر ان كل أهل الديره مايحبونه وأكثرهم بينهم عداوه جلس يفكر وهو كاره كل الي حوله مايبي احد قام يبي يطلع من المجلس لكن ماحس بنسفه الا وهو طايح بين أيديههم
العم وافي والعم علي والعم عبدالرحمن والكل التمو عليه
الجد محسن:فكوني مافيني الالعافيه بس دوخه وراحت
العم عبدالرحمن :أستريح يايبه والي مسويها بنجيبه حي ولاميت
فز قلب شرار وهو يسمع التهديدات ويدعي من كل قلبه ان ضي مالها دخل بالموضوع
فضت المجالس وبدائة غيبوبة العيد والكل نام وبعد صلاة الظهر أخذ شرار جواله وهو عجز ينام وارسل لضي تجي
ضي:فتحت الرساله وعلى طول أخذت جلالها ونزلت لمكانها الي دايم تكلمه منه انا اسف اذا انت تبغا الولاعه والله مادري وينها طاحت مني
شرار:لا ابغاتس انتي تقولين لي الصدق وش سويتي باالولاعه
ضي:بلعت ريقها برعب وبخوف ردة عليه لعبت مع البنات
شرار:ضي قولي الصدق لاان عماني بيطلعون من الي سوى الحريق قولي لي من الحين انتي لتس دخل عشان أتصرف ولا لاا واذا مو انتي والله لااجيبه الي سواها
ضي:قامت ترجف إي انا الي أحرقتها أبي جدي ينحرق من داخل
شرار:ضحك وعض على شفايفه انا ولد أبوي سويتيها
ضي:اي بس تكفى لااحد يدري أنا خايفه مره
شرار: ماعليك من احد والله الي عرفتي تاخذين حقتس
ضي:وليتني ماأخذته
شرار:ضحك ليه ياضي لاتخافين ولاعليتس من أبن أبوه وسوي كل الي تبغين والله انتس بوجهي
ضي:ضحكة وأرتاحت انه وقف معها تبغا الصدق كنت خايفه من ردت فعلك بس الحمدالله انك وقفت معي
شرار:ومن متى وانا أوقف ضدتس كان بيموت الشايب علينا طاح وداخ
ضي :امانه شرار
شرار:علي الحرام أنه داخ من العصبيعه بغى ينفجر
ضي:خله يحس بالي يسويه فينا وهاذا قليل في حقه
شرار:ضحك والله الي مابعد برد خاطرتس وانا ولد أبوي
ضي :لا والله بعد هاذي خلاص أرتحت يستاهل هاذا شي بسيط من الي يسويه فيك وفيني
شرار:الي حس قلبه بيطير من بين ضلوع يوم جمعتهم مع بعض يالله أن شالله مايجن جنونه بعد هاذا الشي بروح أخفي الأدله قولي لي وش سويتي
ضي:أخذت من عندالوايت علبه فيها بنزيم وصبيتها في الغرفه وحوش الأعلاف ولعت بكرتون وطشيته
شرار:يعني مالمستي شي بيدتس
ضي:لا مالمست شي الولاعه بس مدري وينها
شرار:الولاعه معي ويوم لقيتها عرفت انتس انتي والجركل حق البنزيم وين حطيتيه
ضي :طشيته بالحريق
شرار:كفو يابنت علي ماخليتي وراتس ولادليل
ضي :ضحكة ان شالله أستودعت الله نفسي
شرار:ماعليك لاتخافين والله أنتس بوجهي
ضي :إبتسمت خلاص الحين معاد راح أشيل هم دامني بوجهك
شرار:ضحك وهو يعض على شفايفه أعنبوتس أضربي لأرض ولا تسمين وأبشري بسعدتس وانا أخو ضي
ضي:ضحكة وسمع ضحكتها
شرار:إي أضحكي وأنبسطي مايلوق لتس غير الضحك
ضي:أنحرجة من كلامه هي متعوده على كلامه معها كذا لكن حست بشعور غريب بعد ٣سنوات تسمع نفس الكلام وهي كبيره وتتغطى منه أنا بروح قبل يقفطنا أحد وأنكب نفسي
شرار:أسمعي يابنت علي حتى لاتعترفين أبدا ولاتقولين لااحد حتى لوتثقين فيه أنا برمي الي سمعته وأجحدي حتى لو كل شي مصور أجحدي انتي موب أنتي الي سويتي كذا سمعتي اذا مره انا بصرفه بقول لهم أنها من الطراطيع
ضي:مستحيل لو أعترف لجدي طردني من المزرعه أصلن
شرار:إي بعدي لا تعترفين مره ولاكأنتس سويتي شي
ضي:تمام تمساء على خير
شرار:وأنتي بخير أنتبهي لنفستس أنا يمكن أروح أعيد عند أمي في اليل أذا صار شي رقمي عنتدس دقي علي
ضي:لا أن شالله ماراح يصير شي وأنبسط أنت ولاتشيل هم
شرار:ودعتس الله ورجع لشقه بعد ماعرف بالحقيقه كامله وعرف أنها هي الي أحرقة مستودع جدها دخل نزل ثوبه وأنسدح وهو يضحك لكن من دون صوت عشان ماأحد يحس فيه عجز ينام وهو خايف عليها أنه يكون فيه دليل طلع وأتجه لمكان الحريق وهو يتذكر كلامها أنها مالمست ولا شي حتى غرفة جدها ماقربت منها بس صبت البنزيم أخذ فاين وهو يمسح على باب الغرفه يخفي إي شي ممكن يكون فيه دليل ضدها رجع البيت أخذ شور وطلع والكل نايمين وهو عجز ينام أخذ مفتاح السياره وطلع ماسك خط لأمه يعيد عليها ويرجع لديره
-----
العصر الساعه٥
صحى الكل يحهزون العشاء ليلة العيد عندهم وكل الأحفاد موجودين
والجد مازال تعبان وصل فريق للبحث ولاكن ماطلعو بأي دليل
الجد محسن :وشلون مالقو دليل
العم وافي:يايبه الحريق أحرق كل الأدله الحريق كبير
الجد محسن:الله يحط من سواها بيدي بيوم من الأيام
العم عبدالرحمن:يايبه لاعاد تشيل هم وأبشر بالعوض
الجد محسن :الي كلعاده اذا زعل يطلع حرته بشرار رفع صوته بغضب يناديه
كل الي بالمجلس فزو برعب من صوته وعصبيته وينهو هالي مايخاف الله باقي راقد الين الحين أعنبوه أنا بذبحه واريح نفسي منه كلها بسبته لوأنه عندالحلال ماصار الي صار وينهو فيه صحوه خلوه يجي ولحسن حظ شرار أنه قد راح عرف أن جده بيصحى ويحطها براسه
سلطان:ياجد شرار راح يعايد أمه
الجد محسن :أيه عمل عملته أبن الكلب وهرب لكن هين وأنا ماكون محسن أذا ماوريته
العم وافي :يايبه أتقى الله شرار ماهو ولد صغير عشان يروح يحرق ولا يسوي شي مثل كذا
الجد محسن:ياوافي لاتعلمن بشرار أعرفه أكثر من أولادي اذا زعل مني سوى كل شي الين ياخذ حقه
الجد محسن كان يقول هاذا الكلام وكأنه واثق ميه بالميه أنه شرار
العم وافي :شرار مع نياف وسلطان عند الحلال يوم حصل الحريق
الجد محسن :أسمع ياوافي لاعاد تدافع عنه هاذا عينه ملعون صلايب
وهو يعض على شفايفه لو ماهو هو الي سواها تلقاه جايب فريق بحث كامل وجالس على روسهم الين يطلع الي سوى هاذا الشي
العم علي:شرار الي مكلم فريق البحث هاذا كله وهو خلاهم يجون وأتصل علينا
الجد محسن:تلقى هاذا ماهو فريق بحث سلق لاقيهم بمكان وجايبهم عشان يقنعني ويبعد الشكوك لكن أعرف أشلون أضيمه
العم وافي :يايبه تراه بوجهي ماتسوي له شي وعلي الطلاق بثلاث ياشرار ماسواها شرار ماهو صغير شرار بغى يموت المزرعه والحلال وكلها من تعبه مابيروح يحرقها وينكب نفسه هو زبون المخاسير من هاذا الحريق
الجد محسن:ركد وهداء بعد كلام وافي وجلس يفكر وفعلآ كل شي بهاذا المزرعه كان شغله وتعبه مستحيل يورط نفسه ويسوي شي يندمه ويهدم كل الي بناه
سلطان:ياجد هو عجز يرقد رقدو المسلمين وهو واقف عند الحريق
يبغى أي دليل وعجز مالقى ولاشي لوهو الي سواها بيقول ولابيخاف شرار
الجد محسن:أبعدو مني لاعاد أشوف أحد وقام وطلع للمزرعه ودخل الغرفه حقته الموجوده هناك وارتاح أن الأوراق وكل شي كان يحتاجه ماأحترق في الحريق
ضي والبنات كلهم الي كانو واقفين ويناظرون بجدهم وعمانهم الي بالمزرعه ويشوفون كيف ان الحريق فعلآ كان مره كبير
سلطانه:حسبي الله على من سواها مسكين شرار هو الي بيلقم الحين
ضي:ليش وش ذنب شرار
سلطانه:هو بأختصار الي صلح هاذا كله وكله من تعبه كل ماعاقبه جدي يعامله معاملة العمال وجدي الحين بيرجعه من جديد يصلحها
ضي:حزنت مره وحست أنها غلطت غلط كبيره يوم سوت هاذا الشي ندمت ورجعت تسرح بتفكيرها وهي تناظر كل شي سوته وكانت سببه ًوحلفت لو الجد يعاقب شرار ان ترجع هي تشتغل معه وتساعده لفت للبنات بنات لزم جدي اذا عاقب شرار نساعده كلنا ونطلع معه ماله ذنب ضحيه هو في النهايه
مها:ان شالله لاان هو مستحيل يسمع
ريم:بناخذها كفعاليه وناسه ونساعده هالمسكين الي دايم بوجهه
رند:وش قصدكم نساعده بوش يعني
سلطانه:سلمتس الله ياحبيبتي جدي بيخليه يدق بويه لغرفته ويصلح المبات ويغير الشبك هاذا الكبير كله يحط شي جديد على حسب راي العمده
ريما:مو منجدكم بنات وتبونا نساعده كيف ماراح نقدر
سلطانه:الا تقدرين تدقين بويه
رند :الله عاد جوي التلوين
ريم:ههههههههههههههههههههههههههه مو التلوين الي بمزاجك ترى لو يشوف شي عكس الي طلب يرجعه مره ثانيه من جديد
رند:طيب بخليها احلى من خيالاته المعفنه
ضي:ههههههههههههههههههههههههههههه اش دعوه مايبي هو ماتعرفينه
رند:يالله اهم شي نساعد العيال متى راح يبدون
مها:اذا رجع شرار اكيد بيرزه جدي على طول عندها
ريما:احس نبي نسهر عليها مانبي الظهر او الصباح
ريم:جدي لويعرف انك تسهرين طلعتس من المله
رند :لا حول ولاقوة الابالله شكله بيكتمنا
ضي:وش فيه كتمه أكثرمن كذا
رند :اخخخ يقهر الي سوى الحريق بعص علينا يوم العيد
ضي :الي تحس بتأنيب الضمير كل ماأحد تكلم وتحس أنها مفضوح من شكلها اذا تكلمو عن الحريق رجعت للقسسم حقهم وهي خايف وتبكي من ان احد يكشفها وهي بحركاتها تخلي الناس يشكون فيها
تنهدة بضيق وهي تطل مع الشباك وتشوفهم وتسمع كلامهم ودعاويهم على الي سوى الحريق جلست تفكر بأنها تقول للينات وتعترف لأبوها توقفهم عن الكلام هاذا سكرت الشباك وجلست تخطط من تكلم ومين تعلم عشان ترتاح هي ارتاحت يوم قالت لشرار بس يوم راح رجعت خافة وحست انهم بيقفطونها باأي وقت
مسحت دموعها وكلمت صدديقتها وقالت لها على السالفه كامله
كانت لمى صديقتها تهددها بأنها ماتعترف وماتقول لااحد ابدا
ضي:وش أسوي تعبت ماني قادره وخايفه طول الوقت من جدي متوحش خايفه منه
لمى :مجنونه انتي طيب خايفه منه وتروحين تقولين له بيقتلك ولااحد يدري عنك تكفين لااحد يدري وبكل مره تحسين انك متضايقه كلميني وجلست تسولف معها تغير مود ضي وطلعت من دوامة التفكير والخوف من جدها جهزة ونزلت للبنات تحت بعد المغرب والكل كانو موجودين ضيوفهم كل عيد
مها:وين أختفيتي انتي
ضي:كنت اكلم صديقاتي وأعايدهم
مها:ياحظ صديقاتنس
ضي:ياحظي انا فييتس بس
مها:امشي يالله خل نودي القهوه قبل تفصل علينا جده وهي معصبه
ضي:يالله يالله تكفين عاد والله ومالي خلقها واخذو القهوه وطلعو كانو ضيوفهم عائلة ال معجب وال زايد عايله من الأغنياء ومعروفين بأموالهم وتجارتههم بالديره
ضي:طلعت بفستانها البينك فاتح وكانة حاطه ميكب خفيف وفاكه شعرها البني الي ماخذ من لون عيونها العسليه كانت جميله بشكل مولفت واضح عليها مو من بنات الديره طلعت تصب القهوه واأنبهرو بجمالها وجمال البنات الباقين كل وحده تقول الزين عندي
خلصو من الضيافه وجلسو يسولفون مع الضيوف وكانو من البنات الجريأت أجتماعيآ فاماكان صعب عليهم أنهم يتكلمون ويسايرون الضيوف بسوالف
ام معجب:للجده صيته مشالله من هاذي البنت الله يحفظها جميله بسم الله عليها من هي بنته
الجده صيته:الي فرحة من كل قلبها تبي ضي تتزوج وتروح مايخذاها احد من عيال اولادها هاذي بنت علي ولدي
ام معجب:مشالله تبارك الله كبرت وكبرو أحفادك ياام عبدالرحمن
الجده صيته:اي والله ياربي لك الحمدالله الله يحفظهم
ام معجب :أمين يارب
الجده صيته:بنظرات حاده لضي تأشر لها توزع الشاي لضيوف
ضي:جدتي وش فيها علي اليوم ياربي تعدي هاذي اليله على خير أخذة الشاي وصبت بالصحون قامت تدور فيه على الضيوف بأبتسامه مصطنعه خلصت ونزلت الصحن ودخلت داخل وهي تعبانه وتبي ترتاح شوي
ريم :اوففف هلكت متى يجي العشاء ويتعشىن ويروحون
ضي:انسدحة جنبها على الكنب ههففف تعبت والله وجدتي كأنها متوحمه علي
ريم:هههههههههههههههههههههههههههههه تبي الضيوف يشوفونك احنا مالين من وجيهنا
ضي:ياقردي بس شكلي بروح البس روز
ريم:هههههههههههههههههههههههه تذبحك جدتي هي قاعده تستعرض فينا
ضي:سلامات ليش وش احنا عشان تستغرض فينا
ريم :تبينا نتزوج من اوالاد الأغنياء بختصار
ضي:تحلم انا اكره الأغنياء احس حياتهم معقده ومشاكل
ريم:ههههههههههههههههه حياتي والله انتي المُعقده شوفي حياتك كيف حتى يوم العيد مشاكل
ضي:اوفففف ريم والله انك صادقه
دخلت الجده صيته يعلكم الوجع انتي وياها جالسات كانكم ضيوف وليه ماتقومون تجلسون مع الضيوف
ضي :ياجده تعبنا نبغا نرتاح
الجده صيته:لا انتي ياام لسان طويل لزم تردين بكل مره ياجعل لسناتس القص اطلعو قدامي اجلسو عند الضيوف والله لو باقي اشوف وحده طالعه من عندهم مايحصل خير
ضي وريم الي قامو بتعب
ريم:الله ياخذك ويريحنا
ضي :امين يارب يعععع كريهههه قسم بالله لااكشر بوجيهم لاااكرها الوقت الي قالت اطلعو فيه
طلعو والجده صيته تناضر فيهم من بعدي وتأشر لهم يبتسمون وضي الي ناظرت فيها وأستحقرتها ورجعت تكشر بوجه الضيوف الجده صيته الي عصبة وكانت بتنفجر من ضي وعناداها
قامت ومرت من جنب ضي وهي توقف بجنبه وراتس ماتضحكين بوجه الضيوف
ضي :مالي خلقهم بأختصار
الجده صيته:الي قربت من ضي وهي تلقصها كعادتها
ضي الي فزة برعب وصرخت وقربة منها الجده وهي تبتسم اهجدي هاذي بس عشان معاد تعاندين ابتسمي بوجه الضيوف وبتفاهم معتس اذا راحو انا اوريتس اكسر لتس راستس اليابس
ضي حاولت تكابر وتطنشها وهي من داخل تغلي تبي تفقع وجهها لو ماكانت جدتها قامت بكره وهي تدخل كرهت العزيمه كامله وكل الموجودين ودخلت داخل شافت رند الي كانت واقف عند باب الغرفه وبيدها الجوال وتكلم دخلت وهي تتأفأف
رند:ضحكت مألومك وماراح أسئلك وش صاير العيد كله على بعضه يغث هربة منهم
ضي:اخخخخخ شوي وانفجر يارند معاد أتحمل حركات جدتي الاتبيي تعرضنا قدام الناس حسيتني رخيصه ومن دون كرامه الى متى تسوي فينا كذا
رند:ايش ايش وش ذا الكلام جدتي تسوي كذا
ضي:وش رايك انه هاذا الي تسويه
رند:مستحيل يموت هاذي مايتغير تفكيرها
نياف:ايش فيكم منهي الي مايتغير تفكيرها انتي شكلتس ناسيه انتس تكلمين
ضي:سمعت الصوت ولفت بأستغراب من ذا
رند:ضحكت من غيره نياف حتى هو منغث من الرجال
نياف:قولو لي السالفه بسرعه وش الااستعراض وش قاعدين تقولون
رند:جدتي تستعرض فينا قدام الضيوف وتمدحنا طيرتنا بالسماء
نياف:هههههههههههههههههههههه طيب احمدو ربكم ان شاللله احد ينعجب فيكم ويشلكم
رند:تستهبل نياف وش ذا من زينهم عاد يجيبون المرض وجدتي الى تنشبنا فيهم سلامات
نياف:ياخي طنشوها لاعاد تسمعون لها
ضي :ههههههههههههههه نطنش جدتك والله لو يجي احد يخطب قسم بالله تزوجنا على طول حتى ماتسأل عن راينا
رند:عشان كذا انا ماطلعت
نياف:الي ابتسم يوم قالت انها ماطلعت مايدري ليش فجأه صار يهتم فيها ويحب يقضي وقت معها على انه يكره امها ومايحبها وكان يكره رند بس تغير كل شي بلحظه عادي اطلعي محد بيخطبنس انتي
رند:احسن والله لو بطلع بطلع لهم بروز
نياف:هههههههههههههههههههههههههه أحلى شط الروز يعجب العجايز
رند:يعجب جدتك بس
نياف:يالله عاد أستأذنكم انا بروح اساعد سلطان
ضي:ليه شرار مو هنا
نياف: لاالكلب هارب يبغى الفكه من الشايب
ضي:ليش وش بيسوي له
نياف:ضحك والله لوانا بداله معاد ارجع جدي يتحلف فيه ومتوعد فيه ويقول انه هو السبب في الحريق
ضي:الي أمتلت عيونها بدموع وش دخل شرار وهو معكم وانتو تلعبون
نياف:جدي اي خراب يشوف ولاياقى الي سواه يحطها بشرار
رند:اخخخ مسكين هالشرار ليش مايجلس عندامه ويفتك
نياف:حتى زوج امه مايبغاه عشان كذا هو عنده جده يعامله كذا ولارجال غريب
رند:اخخخخ والله اني حزنت عليه موطبيعي حظه
ضي الي تأثرت من كلامهم مره وطلعت فوق وقلبها يدق بقوه وترجف دخلت القسم حقهم وهي تشاهق وتبكي واخذت المخده وهي تكتم نفسها فيها وتبكي بقهر وندم على الي سوته
وقفت عند المرايه تمسح دموعه وتاخذ قرار بأنها تعترف لجدها قبل يجي شرار وتتحمل العقاب بداله هاذي المره
وقفت وهي ترجف من ردت فعل جدها وش بيسوي كانت تبغا تكلم شرار مايرجع ويجلس يومين ثلاثه عند امه الين يهداء الشايب
وينسى شوي وتفكر كيف تعترف له تحس مخها مقفل أخذت الجوال وهي تدق على شرار
شرار:الي كان ماسك خط الديره وراجع شاف الأسم وفز قلبه برعب انهم كشفوها اواعترفت لاانها مستحيل تدق الااذا صار شي
رد وهو يده على قلب الوه اول ماسمعت ضي صوته انهارة بالبكاء
شرار:الي أنجن وهو يسوق ضي وش صار ياضي
ضي:الي عجزت تقول له حرف واحد ومايمسع الاصوت بكاها وشهقتها
شرار:انا ولد ابوي وش سوى فيتس الواطي علي الحرام لخذ حقتس وانا ولد ابوي مد ايده عليتس تكلمي تكفين قولي انها ماسواها
ضي :بعد ربع ساعه وهو يحاول فيها تتكلم تقول اي شي الا انها كل ماسمعت صوته تنهار وبصوت مبحوح وينك شرار
شرار:لبيه انا قريب ساعه وانا بديره وش صار ياضي
ضي:لاتكفى لاتجي شرار
شرار:ليه مااجي وش الي مبكيتس الحين
ضي:لاتجي جدي يتحلف فيك والله لو يسوي لك شي لأعترف بكل شي
شرار:أبن أبوي وش تقولين انتي مهبول وش تعترفين به ماتعرفين جدي حتى لويعرف المخطي بيحطها براسي ليه تعترفين
ضي:شرار انا مستحيل أسكت وأشوف جدي ييمد يده عليك ولايرفع صوته عشان كذا ارجع اجلس يومين عند امك تكفى
شرار:الي يحاول يسيطر على الموضوع وماتعلم طيب اسمعي برجع لاأمي ولاتطلعين ولاتقولين كلمه أنتي أوعديني
ضي:وعد مااقول لااحد أهم شي تبقى عند أمك وكلم نياف وسلطان يرجعون كل شي زي قبل بعطيهم انا الفلوس
شرار:ضحك وليه تعطينهم ماعليتس انا قد حليت كل شي لاتشيلين هم
ضي:شرار انا الي سويت الحريق وانا الي بتحمل عواقبه
شرار:وش هاذا الاانتقام ياضي انتي تنتقمين من نفستس ولاايش
ضي:تأنيب الضمير أشتغل عندي
شرار:ضحك أجل لاعاد تنتقمين من احد مره ثانيه
ضي:اول وأخر مره
شرار:أبن أبوي وليه صرتي كذا خليتس شجاعه ولاتخافين وخذي حقتس في كل مره وماعليتس من حد
ضي:انا مااقدر اخذ حقي واصير شجاعه مااقدر
شرار:لا ان شالله بتقدرين ولو يصير الي يصير لاتعترفين ياضي انا عندي خطه حتى لو جدي حط التهمه علي بعرف اطلع نفسي فهمتي
ضي:مااقدر وش بتقول له
شرار:ضي ياابوي أسمعيني والله اني أقدر اطلع نفسي بس انتي والله ان يشرشحتس جدي مايدانيتس مره ومابيصدق تسوين شي فكري في عمي انا ماعليتس حتى لو مد ايده بقدر ادافع عن نفسي سمعتيني
ضي:الي تبكي من دون صوت إي سمعتك
شرار:سمع نبرة صوتها وهو يضرب على الدركسون بقهر انا قد قلت لتس لاعاد تبكين كل شي بينحل بس ماتسمعين لي
ضي:ابشر تبي شي
شرار:ابي معاد تبكين ومعاد تضعفيني او تشوفيني ضعيف وجدي يأثر فيني أنا أنقهر ماابغا احد يشوفني بذي النظره تكفين لاتشوفيني كذا انا متعود على كل شي انا رجال وأتحمل انتي بنت عكسي تمام ماتتحملون شي ومن باب انه يغير جو عليها لو جدي عاقبني بتجديد الغرفه الله يعينتس والله برزتس فيها يابنت علي
ضي:ضحكت من بين دموعها ليته بس على كذا
شرار:اي وش دعوه وش بيذبحني
ضي:نياف يقول انه كان خايف على صندوق فيه اوراق داخل ويوم طلعه وهو ماصار فيه شي ارتاح ومعاد عصب
شرار:شفتي وليه تبين تستسلمين
ضي:لاخلاص اذا هاذا عقابك انا بشيله عنك
ضحك شرار:اي كفو يابنت علي
ضي:ضحكة بتساعدني لاانك شريك في الجريمه
شرار:ضحك بصوت عالي وهو الي كان تعبان يبي يوصل ويطيح ينام مواصل من قبل العيد الي سوى الغلط يتحمل نتيجت غلطه يابنت علي
ضي:وانت بعد معي انت الي عطيتني الولاعه
شرار:المشكله اني أثق فيتس ولو ادري أنتس بسوينها ماعطيتس
ضي:هاذا درس عشان معاد تصق في احد مره ثانيه
شرار:والله لو تولعين المزرعه كامله لااعطيتس في كل مره تنتقمين وتاخذين حقتس وان ماخذتيه لاااخذه لتس
ضي:أنحرجة من كلامه وسرحت وماعرفت وش ترد عليه
شرار:انتي معي
ضي:اي معك
شرار:شكلتس تفكرين في أنتقام ثاني
ضحكة ضي بصوت عالي لامستحيل أنسى خلاص الأنتقام بخليه عليك من اليوم رايح مشكلتي أتسرع ومااحسب حساب شي
شرار:أنبسط من كل قلبه يوم سمع ضحكتها اضربي لأرض ولاتمسين ولاعليتس من أحد وراتس أبو وأم وأخو مايسمعون فيتس
ضي:يوههه لو يعرف أبوي أني سويت كذا والله ان يزعل علي طول عمره
شرار:لاتخافين ولاتجلسين تفكرين وتفتحين السالفه كل دقيقه
بس أسمعيني انا معاد على الديره الا يمكن عشر دقايق أبغا منتس وعد ماتقولين شي
ضي:شرار لا تكفى أنت قلت بترجع لأمك
شرار:ضي ياعين أبوي أسمعي أنا رجال وبعرف أتصرف ضي لاتكسرين ظهر عمي ولاتكسرين ظهري فيتس أنا طالبتس طلبه
ضي:شرارجدي بيظربك لاتجي والله ان يشرشحك
شرار:أنا متعود ماهي أول مره وأنا بدافع عني نفسي انا لوأمسك ايد جدي معاد تحرك بس انا اخليه على راحته
ضي:لا لاتخليه على راحته الين متى
شرار:أنتي عليتس أنتس ترقدين ولاتحطين بأذنتس سماعه ولاتطلعين الين الفجر وكل شي بينحل انا بتكلم معه وبسوي نفسي معصب وهو بيركد اذا شافني معصب
ضي:بجلس عايشه بقلق ماادري وش يصير
شرار :مابيصير الا كل خير أنسي ولاعاد تفكرين طيب
ضي:طيب
شرار:وعد
ضي:وعد ماأقول شي
شرار:خلاص أنتي ريحيتني كذا
ضي:الي بدت تتوتر وانا وش يريحني الحين
شرار:شرار الي عض على شفايفه أنتس معاد تفكرين
ضي:الي حست أنها جابت العيد تمام تبي شي شرار
شرار:الي أبتسم سلامتس يابنت علي
ضي:الي قفلت وطشت الجوال وهي تصيح وتضرب على وجههه يعععع يععععع كيف أقول كذا مجنونه صدق مهبوله أنتي
شرار:الي طول الطريق مبتسم ويلعب بشنبه وقف عند باب الحوش وهو يشوف ابوه وعمانه بس بدكه عقد حواجبه ونزل عشان يبين لهم أنه معصب السلام عليكم
الكل :ردو السلام عليه الى الجد محسن فلا هلا وش الي جابك
شرار:لف وهو يعطيه نظره حاده السلام لله اذا ماانت براده عشاني
الجد محسن :أعقب أعقب وأن ولد أبوي الله ياخذك من ولد انت غلطة من الغالي الله يغفر له أنت ذنب ترك وراح
شرار:رفع حاجبه بعصبيه كان قتلتني وريحة نفسك وريحتني
من يومني صغير ليه كل هالتعب والدعاوي الي مالها سنع
الجد محسن:قام بغضب مسك عقاله ولك وجه تراددني يالكلب بعد الي سويته كله وضربه عدة ضربات بالعقال
وقامو عمانه ومسكو الجد محسن وشرار الي حامد في مكان ولاتحرك لو يذبح جده ماتحرك من مكانه
الجد محسن:أذلف من وجهي لارحمت ليتك لحقت أبوك وريحتنا منك ومن بلاويك
شرار:بتبلد وهو مايحس أصلن بألم الضرب الي جاه الله يرحمه
ويريحك مني ويريحني منك
الجد محسن:تدعي علي يالكلب تدعي علي ورجع يبي يكمل ضرب عليه وهو ماسكينه عياله
وافي :يايبه أستهدي بالله
شرار:فكوه خلوه يسوي الي يريحه عشان مايجلس زعلان
الجد محسن:أعنبوه يبي يذبحني يبي يموتني وانا حي ياجعلك الموت اليوم قبل بكره
شرار:برود اللهم أمين عشان أرتاح من هالعيشه المسمومه
الجد محسن:روح الله ياخذ روحك روح عيني لاعاد تشوفك
شرار:وسلطان ونياف يسحبونه ومارضى يروح الين يخلي الحد يطلع الي بخاطره كله أهم شي تكون مرتاح تهني راحتك تبغا ارجع تكمل علي
الجد محسن:أذلف من وجهي لاأرتكب فيك جريمه
شرار:وقف ورفع يديه وسلطان ونياف الي عجزو وهم يسحبونه وش تنتظر وتراك مسموح
الجد محسن :خذوه من وجهي لايصير شي مايعجبكم
شرار:لف وطلع ورفع صوته أبرك الساعات والله معاد تبغى تشوف وجهي
الجد محسن:جلس بغضب وهو يرجف لابارك الله فيك لابارك الله فيك التمو عليه عياله يخافون يصير فيه شي وهم يهدونه ويعطونه من حبوب الضغط
شرار:طلع وهو يضحك اخ برد خاطري الحين
سلطان:برد خاطرك يوم أنجلدت
شرار:لف له وهو يضحك إي صاير استانس اذا شفته كذا معصب أنبسط ومعاد احس بأي ضربه لاانه هو يموت
نياف:أقسم بالله أنك حيوان لعبت فيه لعب
شرار:والله لاوريه نجوم القايله بعز الظهر الين يصحصح يحسب الي قدام شرار الصغير اليتيم المسكين ماحسب حساب اني برد عليه
سلطان:وليه ترد عليه وانت طول عمرك سمعً وطاعه
شرار:راح مانها ياسلطان معاد فيها سمعً وطاعه
سلطان:الله يصلحك فكنا شره تكفى
شرار:ياسلطان انا ماسويت شي يبغا يركبني شي انا مسويته وانا عارف هو مالقى المخطي وحط الخطى علي فخليته يطلع الي بصدره عشان مايطس علينا هو شوي ويرتاح انه ضربني
سلطان :الله يعينا عليه
نياف:علي الحرام ماكنه بيوم عيد جدتي عند الحريم وجدي عند الرجال ماريحونا
شرار:ليه وش سوت جدتي
نياف:لعبت في البنات لعب حاستهم حوس
شرار:بذمتك
نياف:اي والله
شرار :الله يعينا عليهم وش نسوي ماجمع الى وفق
------
part12
