بارت٨
.
(لطفً نجمه تقديرًلتعبي )
:
-----
بديره العصر اول يوم رمضان
بالمطبخ والكل شايشين معاد بقى على الأذان الا ٤٠دقيقه
سلطانه:الوقت قاعد يركض مو طبيعي من الظهر صاحين ولاانجزنا شي
ضي:اخخخ تكفين بموت حر قرف وعطشانه مره خاطري أدخل أخذ شور بارد
مها:سلطانه شغلي الفرن لان قربنا نخلص
ضي:السمبوسه باخذها وأقلي بدكه مالي خلق أقلي هنا صراحه
ريم:تمام انتي خلصي السمبوسه واخنا بنخلص الباقي
الجده صيته:وين الفطور ماقد خلصتو شي والأذان باقي له نص ساعه لا بارك الله فيكم بنات
سلطانه:تكفون مالي خلقها لاتجي
مها :مو ناقص غيرصياحك واموت
ريم:مو طبيعي يوترني صوتها
دخلت الجده صيته وين الفطور وراكم واقفت بالمطبخ من ظهر والين الحين ماخلصتن ولاشي أعنبوكم من بنات فاسقات تلاعبن بلمطبخ ولاوش تسون انتو وش قد عملتو
العمه بدريه:يمه أهدي ياعيوني قد خلصو كل شي بس يقرب الأذان بيوزعونها
مها:سلطانه الفطاير بالفرن الحقي طلعيها
سلطانه ركضت تفتح الفرن وشافت الفطاير محروقه نصها لاااا تكفين احترقت
الجده صيته:ايه هاذا شغلكن يارفلات اعنبوكم وش نفطر عليه اليوم
العمه بدريه:يمه هاذي الدفعه الثانيه هنا الفطاير الباقيه بصحون
الجده صيته :لا والله شكلنا بنموت من الجوع حسبي عليكم من بنات
طلعت الجده وهي تهاوش وتدعي للحوش وشافت ضي الي تقلي بدكه ومروقه
الجده صيته :وراتس المصروعه أنتي تقلين هنا بتس مرض انتي لا والله انجنو هالبنيت ادخلي لابارك الله فيتس ادخلي اقلي بالمطبخ وانتي سابع جار شم ريحت القلي
ضي:ياجده المطبخ حر مره والاغراض كثيره على الفرن
الجده صيته :شل حوسة وادخلي داخل انا اتكلم حتى بالكلام ماتفهمون تبون تجنوني تبون تمرضوني
قامت ضي وهي تشيل الزيت وتدخل داخل وهي معصبه ومعاد الا القليل من السمبوسه هاذي تبي تحرقنا ياربي بموت معاد أتحمل ودموعها على خدهها
مها :حظنتها لاتكفين لاتزودينها علينا خلاص انا بقلي الباقي
ضي :وهي تمسح دموعها وترتب في الصحون مع ريم وسلطانه ورند وريما والعمه بدريه يحاولون يخلصون كل شي ويرسلون فطور الرجال
ضي:انا وريم قد فرشنا السفره حقت الرجال والمويه والتمر والعصير والفواكه عليها
العمه بدريه:ماقصرتو ياحبيبتي الله يرضى عليكم بنخلي هاذي هنا بالصحن الين يروحون يصلون ونرتبها على السفره
مها :اخخخخ ياضهري الحمداالله خلصنا كم باقي على الأذان أبي مويه ولابفطس
سلطانه:ضحكة خلاص الحمدالله معاد الاعشر دقايق تعالو نرتاح
ام ضي :الي توجايخ من عندالحلال كرفهم الجد محسن الين كرهم عيشتهم هي والشباب قرر ينظف مكان الحلال بنهار رمضان دخلت هلكانه وهي تشوف البنات كلهم متسدحين بتعب الله يعطيكم العافيه
والله جدكم ماقصر فينا اليوم
ريم:اها عشان كذا جدتي زعلانه وتهاوش
ام ضي :اي والله تعبانا الله يكتب الأجر بس بروح أتروش وأجيكم
العمه بدريه:بعمري عنك ياام ضي ماودي انك رحتي والله
ام ضي :والله اني رحت رحمه في الشباب قلت انساعدهم مساكين تعبو وتقطعت ايديهم من هالشبوك يشلون وينزلون طول اليوم
العمه بدريه:ياحبيبني هم
ام ضي :دخلت لقسمها تبي تتروش وشافت ضي طالعه من الحمام ومتروشه وعيونها حمراء وخشمه يويل على بنتي وراتس تبكين
ضي :الي انهارت اول ماشافت امها وانرمت بحظنها تبكي
ام ضي:بسم الله على بنتي وراتس احد قايل لتس شي احد مزعلتس
ضي :لا بس جده هاوشتني
ام ضي :بعدت ضي وهي تمسح على وجهها وشعرها عاد حبيبتي تعرفين جدتس مايحتاج اعلمتس
ضي :اي بس كذا انقهرة
ام ضي :الي مفروض ينقهر ويزعل ويبكي ويهجر هالديره وهالمزرعه كلها شرار يابنتي الي بس جدتس يسفل فيه ويطقه ويحاذفه وفوقها ماعصى كلامه ويسمع له تشققت أيديه من السلوك والله انها تصب من الدم وجدتس يقول ايه انت بنيه ماقد عودتك على هالشغل على طول تلمس الحاجه وتقطع ايدك كنك بنيه وصاد من كلام جدتس ويشتغل وأيديه تنزف بالدم ولاوقف شغل الين خلص
ضي :وهي تسمع كلام امها عنه حزنت حزن شديد عليه وكيف جده معاديه ومعاديها ويكرهم الأثنين ماما ليش جدي مايحبن انا وشرار ليه بس يعادينا احنا الاأثنين بس وش سوينا له ليه مايحبنا زي الباقين
ام ضي :والله ماادري وش نوحه لكن الله يسخره لها المسكين الضعيف يتيم يقطع القلب يحليله من ظلمه انا بدخل يابنتي اتروش واطلع للفطور
ضي:مسحت دموعها وهان كل شي بعوينها قدام معانات شرار اخذت نفس وتعطرت وخذت العوده وتبخر شعرها ولبسها ونزلت للفطور
-----
بالجهه الثانيه بيت شرار الي فتح على الحوش
طلع وهو لاف شاش عل يده بعد الشاور أخذ دهن العوده وحط منه وتبخر بالعوده وطلع من القسم حقه توجه لقسم الرجال لمكان الفطور
العم علي.ها كيف أيدك ياشرار
الجد محسن:مابها الاالعافيه لكن الدلع وسوايها
شرار:الي لف يطق رقبته ويعض على شفايفه تقدم وجلس بجنب عمه علي مابي الا العافيه لاتخاف علي
العم علي :والله اني خفت عليك ياولدي الله يسخر ابوي لك يارب
شرار:بلع غصته وقام يصب القهوه على صوت الأذان
دخل نايف وهو يركض وسلطان يمشي وراه
الجدمحسن:وراك تراكض انت كانك حمار
نياف :افففاا ياجد كني حمار
الجد محسن:اي بالله حمار ولاتفقه تدري بالفطور وراك ماتجهز نفسك من بدري وانت جاي تهابد
سلطان :الي جا بياخذ الدله من شرار ويصب بداله عشان يده المجروحه
الجد محسن :والله ماتلمسها ياسلطان احلس افطر ياولدي خله يصب ماعنده مشكله
شرار:يصب القهوه وهو متعود على هاذا الكلام ولاهمه لكن يبي يطلع ياخذ زقاره يريح اعصابه من التعب والأرهاق من الفجر وهو راز شرار لحاله عندالحلال وخلاه يفك كل الشبوك لحاله الين الظهر صحو عمانه وشافوه وانصدمو وجلسو يهاوشون شرار وليه ماصحيتنا نساعدك وكان يرد عليهم باأنه مافيه شغل وحتى هو مكان يبيهم يتعبون عادي بيتحمل بس عمانه وسلطان ونياف يرتاحون من الشموس الحر والقرف تنهد وهو يشرب المويه وينتظر جده يطلع بفارغ الصبر
نياف :وهو يمد له التمر افطرعلى تمر ياورع
اخذها شرار وهويضحك لبى قلبك يااطلق ولد عم بالدنيا
الجد محسن :قم صب القهوه
شرار اخذ التمره بفمه وقام يصب القهوه لجده وعمه وافي وعمه عبدالرحمن ولاامداه يجلس الاوجده يقول صب القهوه ياولد قام وصب له فنجال ورجع جلس يبي يرتاح ويفطر ميت جوع
طلع الجد محسن وهو يقومهم لصلاه معه وطلع وهم باق يجالسين على السفره يفطرون
شرار:ياخي ابغا الفطور الثقيل بموت جوع
العم وافي :وكلهم متعاطفين مع شرار وشفقانين عليه من جده وتعامل جده مع ابشري الحين اخليهم يعبون لك صحن قبل الصلاه قم يانياف نادهم وخلهم يعطونك
العم عبدالرحمن :تقهو وافطر بعدين الحقنا لصلاه
سلطان:كيف ايدك
شرار:والله انشقت شقه كفو
العم علي :ضحك كفو بعد
شرار:ضحك ياخي عيا يوقف الدم وش اسوي فيه لفيته بشاش قدامي وطلعت
نياف:وهو يصيح بالقاسم جيبو الفطور
العمه بدريه:فزة وراحة ركض اخذت الصحن وعطته نياف خل سلطان يجي اعطيه الصحن الثاني
نياف :لا ياعيوني هاذا يكفي اذا رحنا نصلي وزعو الباقي بس جوعانين
العمه بدريه:كيف شرار يانياف
نياف:ماعليه طيب ذيب ذيب ولد اخوتس
العمه بدريه:الله يقويه ويصبره
اخذ الصحن وطلع للمجلس يركض فرحان ابشرو بالزاد
شرار:ضحك يالبيه يانياف الله يجبر بخاطرك والتمو على الصحن ياكلون بسرعه عشان مايتأخرون على الصلاه ويبهذلهم جدهم
خلصو ولفو لنياف الي باقي ياكل شرار شاته برجل قم يحمار اقامو الصلاه خذها بيدك وامش
نياف:الي طلع يركض وراهم وبيده ٣سمبوسات اعطى سلطان وشرار وحده له
شرار:هاذي بتبداء الصلاه ماقد بلعتها
سلطان:يامريض مابتطير العيشه
نياف:جدي بيجلس يراقبنا وينكد علينا دخلو المسجد وكبرو مع الأيمام ولحقو على الركعه الأول والسمبوسه بجيوبهم
طلعو من المسجد بعد ماانتهومن الصلاه اخر ناس يدخلون المجسد واخر ناس يطلعون من المسجد
شرار:اخخخ جاني النوم بعد الأكل
نياف:لاتكفى خل نروح نشوف المسلسل
سلطان:قدام بنروح بيت شرار
وطلع واتجهو لبيت شرار واول مادخلو شافو العمه بدريه الي واقفه بالصاله وبيدها صحن فيه من كل شي
سلطانه:سلم عليها وش ذاياعيوني
العمه بدريه:لشرارخلوه يفطر وافطرو معه
شرار:ضحك وقرب وهو يبوس راسها ويحضنها ياجعلني ماافقدتس يااحن قلب بالدنيا كانت دايم هاذي حركتها تخبي أكل من كل وجبه حتى لواكل معهم وتوديها لبيته كان كل مادخل يلقى الأكل قدامه
العمه بدريه:وش فيها ايدك ياشرار
شرار:مافيها الاالعافيه قطعه بسيطه من الشبك ولفيت الشاش عليها
العمه بدريه:خلني اعقمها لك ياولدي مايصحلح الحديد كله مصدي ومجرثم
شرار:الي القطع يضيمه وبقوه لكنه يتحمل ومايوضح فرح يوم قالت عمته بعقمه وش تعقمينه به ياعمه
العمه بدريه: عندي شنطت أسعافات بجيبها وأجيك بس أمي تبغاك بالدكه
طلع شرار مع العمه بدريه واتجهه لجدته يبوس راسها وينسدح على رجولها اهخخخ ياجده
الجده صيته:يعلها بقلبي عنك ياولد
شرار:ضحك وهو يسحب يد جدته ويبوسها به العافيه قلبتس الله يخليتس لي
الجده وهي تمسح على شعره بك شي يضيمك ياولدي
شرار:ضحك بتعب وهو يقول ابيات تشرح كل شي بخاطره وجدته كانت شاعره وتفهم عليه
(النفس طابت والحياه اجبرتني
اساير ايامي على قدر الأمكان
والوقت قاسي والظروف اتعبتني
والحظ مايل عن مساره ولاازان
حتى اليالي من هناها نستني
ماكن لي قلب للفراح شفقان
زادت غرابيل الزمان وعصتني
ماصدها موقف ولاحاجة انسان )
الجده الي نزلت لراسه وهي تحبه يويل حالي ياولدي وشبك وش الي مضايقك بالدنيا وهي تنزل دمعتها
فز اول مانزلت تحب راسه وهو يشكي لها ولف يحضنها ويحب راسها لاتكفين ياجده قلت لتس مليون مره لاتحبين راسي ماحب احد يحبه
جت العمه بدريه ومعها شنطت الأسعافات عطني أيدك ياشرار
فكت الشاش وأنصدمت كيف يده منتفخه ومورمه يويل عليك وراك ياولدي ماتروح للمستشفى
انجنت الجده اول ماشافت يده وهي تصيح والله معاد تجلس الحين يوديك نياف للمستشفى هو وسلطان
شرار:اسمعي لبى كبدتس والله ماتضيمني بس عشاني لفيتها بقوه بشاش ياجده ولامافيها شي
الجده:انهبلت يدك بتنفجر وانت تقول مابها شي
شرار:ياجده جعلني فداك بعقمها الحين وبتشوفين كيف يروح الانتفاخ
بدات العمه بدريه تعقمها وهو يشد على اسنانه بقوه من الألم الي عجز يتحمل حس بدوخه من قوة الألم وقف العمه بدريه خلاص اذا جا بعد التراويح بجييك وعقميها مره ثانيه
ام ضي :الي طلعت من عند الباب لدكه وهي تشوف شرار جالس والعمه بدريه تعقم جرحه العميق الي يشوفون العصب الابيض من القطعه وقوتها ياويلي ياشرار لزم تروح مستشفى شف يدك كيف مورمه الجرح يبيه له خياطه وانا امك
شرار:وهو يحس قلبه ينزف مو أيده من قوة الألم لامعليه الحين بتخف وعقمناها
ام ضي :لاتعاند ماهوأحسن لك ورح للمستشفى
شرار:والله مالي حيل برقد الين يأذن لتراويح وبصلي بعدين بروح وقف وهو يشد على يده من فوق ودخل البيت وهو يهرب من الكل عشان ادموع الي اجتمعت بعيونه من قوة الألم كتم وجهه بالمخده وهو يكتم غصته ويمنع دموعه تنزل ويحاول يرقد ومن التعب الي يحس فيه نام بعد نص ساعه وهو شاد على اسنانه ورابط يده من الكوع عشان مايحس بالألم زياده ويقدر ينام ماعرف انه بهاذي الطريقه نتزف يده زياده
عند نياف وسلطان بصاله وهم يتابعون المسلسل الي خلص ولفو يدورون شرار وقامو طلعو للحوش لجدتهم وعماتهم يسولفون معهم
العمه بدريه:وين شرار
سلطان:شفته كان راقد بالغرفه خليته يرقد وطلعت
ام ضي :ياولدي شرار جرحه عميق ولزم مستشفى ايده قبل شوي مورمه ومنتفخه لايصيبه شي تكفون اسحبوه غصب عليه
سلطان:الي كان عارف ان جرح شرار عميق بس كان يخبيه عن سلطان مايوريه ويقول عشان الشمس وعشاني اشتغل من الصباح تنزف ايدي كذا ابشري يايمه بنصلي وبوديه
نياف:اهخخ ودي اروح ارقد الين يااذن
سلطان:رح طيب ارقد مع شرار الين يااذن وبصحيكم
نياف قام يتسحب ودخل الغرفه الي كانت بارده وظلام دخل بالجهه الثانيه بكل هدوء عشان شرار مايصحى واستغرب انه ماصحى عليه بالعاده يفز مايحب احد ينام بجنبه توقع انه من التعب والشغل ماحس فيه
بالدكه عندالحريم وسلطان كانو يسولفون جت العمه ساره الي مايعجبها شي كان سلطان جالس وفاتح بياقة ثوبه يبي يتهوى
العمه ساره:وراك فاتح صدرك تقل مرضع
سلطان:ناظرها بااستحقار ومارد عليها
ردت الجده أستحي على وجهتس انتي مهبلوه معاد بتس عقل
العمه ساره:وراتس يمه امزح معه لومع شرار كان ضحك ورد علي
الجده:هاذا ماهو كلام ينقال لرجال
العمه ساره:طيب وش مجلسكم بها الحر البنات مجهزين القهوه والفواكه تعالو
الجده:يالله يالله جاين وقامو كلهم دخلو جلس سلطان بدكه يتقهوى شاي ومبسوط بالجو وينتظر الصلاه عشان يصحي العيال ويروحون
طلعت رند وشافت سلطان لحاله ليه جالس لحالك
سلطان :لف يبي يشوف منهي مايعرفهم الا بشكلهم اصواتهم مايفرق بينها ابد دخلو العيال نامو وجيت هنا الجو حلو
رند:اي الجو الحين حلوبالعصر مت من الحر
سلطان :كان مستحي ومايعرف يتكلم معها وهي ابد مااستحت حالسه تسولف اي الحمدالله
رند :شفت المسلسل
سلطان:اي شفته وماعجبني سخيف بس جبرني نياف الا ااشوفه معه
رند:ليش احس مو عاجبك شي ليش دايم كذا ساكت عكس نياف وشرار
سلطان:لف يناظرها وش تبيني اسوي يعني لزم يعجبني كل شي ثاني شي انا انسان هادي حتى مع نياف وشرار مااحب اتكلم كثير
رند:لاتزعل بس كنت استغرب هدؤك واحس فيك شي
سلطان:لامافيني شي بس قولي عقلت الحياه خلتني انسان هادي راح الحماس الأولي الي فيني كبرت صرت اشوف كل شي عادي مايأثر فيني كل صار كل همي عايلتي وشرار ونياف وكيف احافظ عليهم ويكونون مبسوطين وماينقصهم شي هاذا كل أهتمامي
رند:يمكن لأنك تحملت مسئوليه أكبر منك صرت كذا هادي
سلطان:ايوه فهمتي الحين سؤالك
رند:اي فهمت من جد كأنك أبوي وش ذا
سلطان:لف لها وراتس انتي وش تبيني اسوي تبين تغيريني
رند:لااحسك مره رسمي
سلطان:لاياشيخه مالك اسبوع معنا وتبيني اطق الميانه
رند:لابس سولف وامزح وطقطق عادي
سلطان:لا حول ولاقوة الأبالله الحمدالله أذن وانفرجت الحين وش بيصحي الكلب الي داخل
رند:مين
سلطان:تبين تخدميني صحي نياف وانا بصحي شرار
رند:لابليز فكني من نياف
سلطان:ضحك ليه وش مسوي لتس
رند :مجنون لعب فينا وبس طلعنا معه السوق جننا رجعنا مجانين نفسه
سلطان:ضحك بس اذا هو نايم مايسوي شي بس صحيه انا بصحي شرار
رند:ترى بس بناديه من عندالباب وماراح ادخل اخاف منه
سلطان:قام وهو ياخذ شماغه ويحطه على كتفه بنت ساره ماتخاف ويتجه لبيت شرار دخل ورند وراه فتحو الباب وهي تتحلطم نياف كريه صحه انت
سلطان تقدم من فتح النور وماصحى شرار تقدم وهو يشوف يده بالأرض نازله من السرير وتنزف بدم ورابطها بشماغ من الكوع رفع لغطاء وهو يشوف شرار جثه قدامه مايتحرك صرخ ينادي وبقق عيونه برعب وهو ينادينه بصوت يرجف شرار
مارد عليه شرار الي كان اول ماينفتح الباب كان يفزبخوف كان يخاف من جده من وهو صغير كان يصحيه بطريقه مرعبه ولازال يعاني منها شرار سحبه سلطان وهو يهزه ويصرخ بأعلى صوته شرار رند صنمت عند الباب وامتلت عيونها بالدموع وهي تشوف سلطان كيف يصحي شرار وتشوف الدم الي بالأرض تقدمت تشوفه
وشرار وجهه أصفر هي ممرضه ودارسه التمريض ومتخرجه مرتبة الشرف
سلطان تعالي شوفي له بسرعه شوفي هوحي بسرعه قربت وحطة يدها على رقبته وعلى يده وهي تشوف نبضه ضعيف من كثر مانزفت أيده لفت لسلطان بعيون مليانه دموع اي حي وهي تفك الشماغ الي على يده وتفتح عيونه وتشوف ولفت سلطان بسرعه خذه اقرب مستشفى شرار نزف كثير وله ساعه هنا طايح مغمى عليه بسرعه نياف الي فز من صوت سلطان وهو ينادي على شرار لف يناظرهم وماهو مصدق الي يشوف وقف ايش فيه
سلطان:جيب السياره هنا لحوش الحريم بسرعه
نياف الي طلع يركض من دون نعول واخذ السياره ودخل عند بيت شرار ونزل ركض لسلطان ايش في شرار
سلطان:ماادري ماادري
رند :لاتخاف بس عشان نزف كثير والجرح متجرثم وماعالجه
نياف:تطمن وهو يشيل شرار مع سلطان الين ركبوه السياره وكان يمشون بسرعه جنونيه سلطان معاد شاف قدامه خاف على شرار اول مره يصير فيه كذا كله منه كله حسبي الله عليه الي مابيرتاح الين يموته
نياف :لف له وش تقول انت
سلطان مارد عليه وصلو للمستشفى حالات الطوارئ ودخلوه على طول سلطان يلحقهم ويعطيهم بياناته الدكتور وين كان هو ومن متى ينزف الين وصل لهاذي الحاله
سلطان:يادكتور من الصباح انقطع بس هو جلس يكابر ولاعلمنا بعمق الجرح وكان يشتغل معنا وافطر معنا وبعدها دخل يبي ينام
ولاصحى
الدكتور:الولدنزف دم كثير وجرحه متجرثم مره بس عقمناه وخيطناه
الولد لزم يجلس هنا اقل شي يومين الدم عنده مره نازل
سلطان :اقدر اتبرع له
الدكتور :اذا نفس الفصيله تقدر وانشالله يطلع اليله
سلطان:اي نفس الفصيله
الدكتور:فصيلتك o+
سلطان:ايوه
الدكتور:عندك امراض شي
سلطان:لا ماعندي ولاشي الحمدالله
الدكتور :تمام هو يحتاج لكيس دم والباقي يعتمد عليكم لازم ياكل كويس واعطوه اكل يرفع الدم بالجسم وخلوه يحافظ على ادوييته
سلطان:الي تطمن وراح للمختبريسحب دم لشرار
نياف:لاتدوخ علي انت نشف ريقي ولد خالتك الكلب ذا
سلطان:لا الحمدالله اموره طيبه انشالله
سحبو الدم لشرار وطلعو عند الغرفه وهو يشوف جدته والبيت كلهم عندهم بالمستشفى معاد الرجال الي كانو يصلون ومايدرون وش الي صاير
الجده :وهي تبكي وراه شرار وراه ياسلطان
سلطان قابلها وهو يجلسها مافيه الا العافيه بس عشان الجرح نزف كثير وتجرثم
الجده:والحين وينه
سلطان:هنا بالغرفه بس خلو الدكتور يطلع وادخلو بعده
نياف:لاتخافين ياجده ولدتس ذيب وبيصحى الحين
الجده :ماسمع لي يوم اني حلفت عليه الله يصلحه الي يهمل نفسه ومايهتم أستودعت الله قلبه وحياتي ياحبيبي هو قامت مع سلطان وهي تمسح دموعها دخلو عند شرار كلهم بعد ماقال الدكتور لهم هو نايم الحين وبيصحى ان شالله بخير وعافيه
الجده :وهي تمسح على شعره وتناديه
صحى شرار يناظرها وهو دايخ رجع يسكر عيونه بتعب ويسمع كلام جدته شد على ايدها الي ماسكه ايده وهو يسمع كلامها وعتابها عليه رد عليها بصوت تعبان انا بخير ياجده لاتخافين بسيطه
الجده:بسيطه وهم شالوك مثل الجثه ياولدي الوم علي الي خليتك تروح ترقد
كانو الكل مجتمعين عليه ويكلمونه ويرد عليهم باانه بخير ومافيه شي
العمه بدريه:الله يصلحك ياشرار الله يصلحك
شرار:ياعمه لاتوجعيني تكفين الي يشوفك يقول حالتي خطيره وبموت مافيني الا العافيه ياامي انتي
ام ضي:مايصلح ياولدي تهمل نفسك الله يهديك
شرار:ابشرو معاد بهمل نفس واذا صارشي بروح للمستشفى على طول خلاص
الجده :جعلك معاد تحتاجه ياولدي
ام ضي: الله يبعد الشر عنك
الجده :ومنهو دمه ذا الي يحطونه بك
نياف:رد دم زومبي ياجده
الجده:وشنهو الزومبي ذا
ضحكو كل الي بلغرفه من رد نياف
نياف:ياكل لحوم البشر ياجده
الجده:وهي تظربه بالعصى وانت من يصدقك
نياف:ضحك انتبهي على نفسك لاتقولين ماحذرتك فجأه كذا يصحى ياكل جنبك وهو يدقها بجنبها
الجده:وهي تفز يالمقرود لا بارك الله بعدوك
نياف:وهي يكتف جدته عشان معاد تضربه ابشرك انهم خذو من دم سلطان وحطوه بشرار عشان يركد قلت انا بتبرع قالو لا اما انت لاتتبرع لااحد بعمرك كله قلت وفرتو علي وشوفي ولدك سلطان دايخ على الكنبه من يوم تبرع سحبو دمه كله وشكلي انا الي بتبرع لهم الااثنين
الجده :بعيد الشر ياولدي
-----
part9
